|
موقف مع موظف شركة الاتصالات اول ما دخل النت للسعودية !! ما انساه ؟؟
عندما تفضلت علينا وزارة البرق والبريد والهاتف ممثلة في شركة الاتصالات بخدمة الانترنت الدايل اب اتذكر كنت في اسواق الصالحية لاجهزة الكمبيوتر مع صاحب لي فقال لي اريد اعرف نتيجة فلان .. هل نجح ام لا ؟؟ قلت نحن في سوق كمبيوتر !! كيف ستعرف ؟؟ قال ما سمعت بالانترنت ؟؟ قلت لا !! قال تعال وتعرف !! دخلنا محل وسأله عندك انترنت ؟؟ قال نعم !! قال نريد نتيجة فلان "" واعطاه الاسم "" فقال تعال بعد ساعة حتى تفتح الصفحة !! فكان حالنا مثل هذا المشهد http://www.mdmn.net/up/c01da15915.jpg وكان وقتها الدي اس ال قد وصل الى ادغال افريقيا واليمن السعيد فيما اظن ؟؟ المهم اعجبني هذا النت وقررت ان اشتري جهاز كمبيوتر وصرت ادخل النت بالساعات !! جاءتني فاتورة الهاتف .. يا ستير !! 1500 ريال ؟؟ كيف ؟؟ رفعت السماعة واتصلت على 907 .. الموظف : السلام عليكم .. انا : وعليكم السلام .. يالحبيب يظهر كمبيوتركم عطلان جتني فاتورة 1500 ريال !! قال الموظف عندك صفر دولي ؟؟ انا : لا !! تستخدم انترنت ؟؟ نعم !! اذاً المبلغ منه !! انا : يالطيب .. انا استلم راتبي عن طريق حسابي في البنك !! الموظف : شدخلني انا ؟؟ انا : يعني اذا ممكن تعطيني رقم حسابكم ويصير الراتب يتحول لكم كله ؟؟ شرايك !! فقع الموظف يضحك .. وارفع راسك انت سعودي ؟؟ |
هههههههههههههههههههه
فعلآ كان بطيئ مره واذا تحمست مره بموضوع قطع الاتصال بكل بساااااااطه الله من رفع الضغط مدري كيف كنت مستحمله واذكر طلعت فاتورتنا مره من المراريت 1200 ومافيه غيري يستخدم النت بس بعد عمري ابيي بس قال لي لاتعودين له الله يذكر ذيك الايام بالخير |
هلا بالبي الحبوب .. اقول يالبي .. الدايل اب .. وش يقرب للسفن أب .. <<((== ياشين اللي ايتميلح على هالصبح .. نصه ( غمص ) وجاي يتميلح بعد .. رح غسل خشك اول .. الصراااااااااحة حنا الديرة اللي كل مادخل شي جديد .. يذلوننا فيه ذل .. يمنون عليك منه .. تقول تشحذهم شحاذة .. ويقطرون عليك بالقطااااااااااااااااارة .. همن بعد كم سنة تحس انه ملعوبن عليك .. تصدق يالبي .. اول مابديت بالنت .. اشوف هاللي يمشي تحت .. ولاينفتح الا اذا اكتمل .. وأناظره .. اقول شكله ثقيل .. لو نزيده شوي موية اغديه يخف ويمشي بسرعة :d .. والا أمسك الشاشة و( أصله ) اقول اغديه يدرعم بسرعة .. وهو والله مادري عنك .. همن اذا فتحت الصفحة .. ودخلت على موضوع وكتبت اول رد و سويت تحديث .. عااااااد وانت من زين الخشه كاتبن يشرفني أن اكون اول من رد عليك .. وأول ماتفتح الصفحة بعد ربع ساعة تلقى ردك رقمه 37 .. :d:d:d مشكور يالبي يالحبوب .. سي يو .. |
جاري يماني مهندس مكيفات و تبريد وعند كمبيوتر ويشتغل على النت ويضحك على سعرقيمة الساعة بالسعودية ويقوووول غالي وبطي ويقوووول في اليمن ارخص واسرع ووجهي يتمعر والضغط وصل للدكتور في الاسعاف اليمن اسرع وارخص والاماررات على جنبات الطرق دي سي ال مجاني لكن يجيب الله السيل |
والله ياانا مت من الضحك ,,, وش هالنت وش الي مجبرك تجلس فيه والله لو هو عندي اللحين لاترركه ,,, بلا نت وبلا هم ... |
إي والله النت كان طافين به
أذكر أول مره دخلته قبل 7 إلى 8 سنوات وعن طريق الهاتف وكانت الساعه بــ3 ريال ومثل ما قلتم يالله تشتغل وننسى شيء إسمه تحميل أتخيل لو إلى الآن نستخدمه كان حالتنا حاله هواش انا وأخواني على السلك والفاتورة حوالي الألف |
ههههههههههه
أجل تبي تحول كل الراتب لهم |
ههههههههههههههههههههههههههه
لا كن عندي سؤال كم كانت سرعت الاتصال ذاك الوقت |
عندنا الانترنت يبيله أقل شيء خمس سنوات ويصير زين واحد يسولف علي قبل 6 شهور يقول رحت لـ
نيوزيلندا يقول فتحت الانترنت سرعته 40 قيقا يعني مافي أمل ناصل هالسرعة إلا بعد 40 سنة خلها على الله |
أضحكتني يا أبا مزن أجل عطون رقم الحساب حقكم علشان أحول لكم
الراتب، أي والله الدايل أب بطيء مرة وأستخدمه وما أطول عليه أخذ حاجتي وأصكه، لكن لعل شركة الاتصالات تطور الــ ds عل<< يعني علة. * وتقبل مروري يا أبا مزن. * ودمت بود. |
هههههه هههه
أيام خلت |
انقل خطك لموبايلي تشوف الخدمة الصح . .
|
بالبون والا بالنون
أخي vip سلملنا على رفيقك راعي نيوزلندا وقله نبي 1 قيقا بس ----- 40 قيقا مستحيل. أنتم يالقصمان جيدين بتهويل ونقل السواليف دون التأكد والبحث والتحري. |
اقتباس:
بالحيل الخدمة الصح والدليل إن جوالك يقطّع بالبر ودايم يعلق الإتصال معك وين الخدمة |
(نزل راسك انت سعودي)!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!
وش هاالحظ ليتي من افريقيا ولنب اسعوديه |
خلن ارجع ايام زمان مابي انترنت ولا تلفزيون
|
كلامك صحيح أخوي العالم يعمل بها من عشرات السنين ونحن لا نعلم عن شي حتى عام الأصفار المرعب 2000
|
أحمد ربك أنه ألف وخمس أحس أنه شويه منول للي يدخلون أنترنت |
هههههههه
ايام وعدت |
[GLOW="3366FF"]ههههههههههه[/GLOW]
|
| الساعة الآن +4: 05:22 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.