محتاجة نصايحكم
 

السلام عليكم ورحمة الله



حبيت استفسر عن اليزك للعيون:eek:
انا ان شاءالله ابسويه..بس ابي نصايحكم الله لايحرمني منكم

.....اي مستشفى
....اي دكتور
....نصايحكم قبل العملية وبعدها

تكفون مو لازم تكوني انتي لو معارفك

أحسن شي الحبيب او الاستشاري

الحبيب

يقول المثل اسائل مجرب ولا تسائل طبيب


انا مسوي عمليه ليزك في مستشفى الحبيب عن الدكتور / عبدالرحمن المعمر ممتاز الاى ابعد درجه .

اذا قرر لك الطبيب نوع العمليه هل هي ليزك ولا ليزر تقدرين تعرفين ايش تسوين بعد العمليه.

العمليه لاتاخذ اكثر من 10 دقائق لكل العينين.

بعد العمليه تقدرين انك تشوفين زين ولاكن هناك بعض التشويش وبعد مرور ساعتين الى ثلاث ساعات يكون نظرك عادي ويبدى في التحسن تدريجيا .في مده قصير جدا بعكس الايزر .

تزاولي حياتك الطبيعيه ولاكن ينصح بالابتعاد عن :-

1- نور الشمس باستخدام النضارت التي بها خاصية النترفلكشن .
2- الابتعد عن الضيان ( النا ) بمسافه يسيره .
3- استخدام واقي العينين عن النوم ( يعطونك ايه بعد العمليه ).


هناك مستشفيت تقوم بنفس العمليه ابنه اخي سوتها في مستشفى المقبل بمبلغ 5000 ريال كان عندهم تخفيض .
انا في مستشفى الحبيب بمبلغ 8000 ريال قب سنتين او ازود والى الان كل الامور تمام والله الحمد.

اي استفسار انا موجود

الحبيب هو الطبيب

والله أنا سمعت إن الحبيب أفضل شي لكني ما جربت وأذكر قبل فترة قالوا إن فيه جهاز جديد لكني ما أعرف إسمه جايبه مستشفى الحبيب

توكلي على الله وروحي للحبيب وأسأل الله إنه يعافيك

الله يجزاك خيراً
بس السعر 8000 كل التكلفه مع الكشف


وشكرا للجميع

ولايهونن الي ردو
بس ابي اراء اكثر
اهم شي اسم الدكتور

8000سعر اجراء العمليه

الكشف مع التحاليل يكلف 500 ريال

فتح ملف 250 ريال

اجمالي 9000 ريال

ولاكن بعض المستشفيات تعطيك سعر ارخص ولاكن تسحبه منك بطريقه ثانيه الي هي كثر المواعيد وكل موعد يسحبون مايقل عن 300 ريال .
ولاكن الحبيب بعد العمليه لك 5 او 4 مراجعات ببلاش وهذي الي تحتاجه العمليه اذكر انا راجعت تقريبا 3 مرات بس والباقي بتلفون .

وما تشوفين شر

مشكور زرزور
شرح كافي
وسلامة دايمة

والله مالي علم بذولي

فيه مستشفى المانع في الدمام جدا رائع اخوي مزينه ومره يمدحه

الله يعين

يمدحون مستشفى الحبيب وفيه مركز عيوني الي في بريده يقول انه جايب جهاز يتعتبر الاول من نوعه في الشرق الاوسط يعالج حتى انحراف 18 درجه على كلام الاخ الي في الاستقبال

جزيتم خيرا على الافادة,,
ماعليش ابدخل في الموضوع عندي استفسار ..
وهو هل يحدث بعد العملية عمى لمدة اربع وعشرين ساعة؟
وأين مقر مستشفى الحبيب؟
وهل تندم أحد سو العملية؟
لأننا بصراحة نتردد كثيرا حول هذا الشأن..

وجزاكم الله خيرا..

انا لي سنة ابحث بالموضوع والحمدالله توني مقرره اسويها

لا مايحدث عمى الي فهمت انه شوفك يزيد بس مو 6 مع مرور الايام يزيد النظر

والحبيب بالرياض بس الوصف ماعرفه واذا كنت بتنتظر الي بالقصيم حلو

وانا ابسويها عند د يوسف المقبل

وهل تندم أحد سو العملية؟

لا مو ندم بس اعرف نظرهم ماصار كامل بعد العملية

لاتردد ولا شئ الطب تقدم وهذه نعمة من الله

السلام عليكم

لا لا يحدث عماء لمدة اربع وعشرين ساعه اول ما يشيل الجهاز يسالك كم الساعه وهي معلقه على الجدار ولكن ماتشوفينها صافيه كن بعينك ماء وبعد ثلاث ساعت يرجع نظرك طبيعي ويتحسن مع مرور الايام ويزداد حده .

مستشفى الحبيب الي في الرياض على امتداد طريق الملك فهد على اليسار وانتي داخله من القصيم قبل الفيصليه .
وفي بريده شرق مكتبه الملك خالد بجانب دوار الكليه التقنية الزراعيه .



انا مسوي العمليه لي سنتين ونص والله الحمد ماندمت الا على اني ما سويتها ابكر من كذاء

والله ودي اخدمك بس مادري عنهم

جزيتم خيرا على الافادة وجعلها الله في ميزان حسناتكم..