|
أختي مراهقة [ساعدوني]
بسم الله
وأتمنى خصوصاً من الاخوات الكريمات تنبيهي وحل المشكلة المشكلة: أختي مراهقه وانا اخاف عليها كثييييير من سن المراهقه فأتمنى تدلوني وتوجهوني بطريقة التعامل معها علشان ما تطيح بالمكالمات وتصير مثل بعض البنات هداهن الله وهي للعلم ما معها جوال وانا والله العظيم ما اكلم بنات بس علشان ما احد يكلم أختي... بسبب اني كلمت بنات الناس وعلى قول المثل دقه بدقه وان زدت لزاد السقة اللي ما اعجبني بتصرفاتها هو انه ( متكبره خصوصاً على الاطفال ) و ( تحب تجلس لوحدها كثير) و ( تعصب بسرعه) هل هذا الشي طبيعي؟؟ وطبعا ماهو انا اللي يشك بأهله لكن انا ما اعرف للبنات وطريقة تفكيرهن واتمنى من الاخوات تنبيهي وتعليمي بكل مايتعلق في هالامور ولهن مني الدعاء وباذن الله ماينحرمن من الاجر اتمنىىىىىى ذلك |
الفتاة المراهقه معاملتها تحتاج لفن , وخفة تعامل , ومرونه , وتحتاج أيضاً صبر على تلك المرحلة , وتقدير . مع وضع بالحسبان عدم الشك فيها , لأن تلك المرحله طبيعيه تمر بها بتغيرات جسدية وفكرية , وترى نفسها أنها أكبر حينما تتعالى على الصغار , تحس بأن الكلمة لها , وتريد فرض القرارات والرأي , وواجبك عزيزي أن تكون حليماً ليناً وتكون بقربها , وتبتعد جداً عن إسلوب الشك والمراقبة الملحوظه , بل متابعة عن بعد دون أن تشعر بشيء , وكن قريباً لها فهي تحتاج بتلك المرحلة أن تجد من يسمعها ويكون بقربها , وأجعلها تنشغل بأي شيء يفيدها, والحل النهائي أن تجعلها صديقةً لك , تذهب معك وتريها كل شيء ولا تبخل عليها في طلباتها بالقدر المعقول . وتزود في عالم الإنترنت عن فنون التعامل مع المراهق , وثبتك الله وأعانك سيدي .
|
اخـوي (مـلك لايقهـر) ..
مـرحلة المـراهقة كلنا مرينـافيهاا وعانـينا كثيـر .. لكـن احـسن حـل هو انكم تعااملون اختـك معاملـة زينـة تشبعـون العـاطفة اللـي عنـدهاا تسولفون معهاا تلبـون طلبـاتها تحـلون مشـاكلهاا .. لاتهـاوشونهاا على اي شي .. اذا سووت غلط كلمووها برفـق وبينو لهاا غلطـها .. لان البنت بهـاا السـن محتـاجة للحنـان اكـثر من اي وقـت واذا مالقـت اللي يسمعـها باالبيـت رااح تـلجـأ للمـكاالماات والاشيـاءهـذي .. لانها لاتشعـر بخـطر هـذا الشـيء ,, ** نقطـة مهمـة .. انت تقـول اختـك مامعهاا جـوال وحسب علمـي من كلامك ان عمـرها تقريبا 15 الى20 والحـين الاطفـال معهم جـوالات .. اخـي الحـرمااااااان ليس بحـل ,, اذا حـرمت اختـك وقريبـاتها وصـديقاتها معهم جـوالات رااح تحـس باالنقـص اكـيد ..وانكم ماتثقون فيها وزي كذا وتبـدأ تعـااند وتـسوي اشيـاء كبيـرة باالسـرر <<وانا اعرف بناات كثير كذا .. ماافي مشكـلة انك تعـطيها جـوال .. وتعلمها قبل بخـطورة المكـالماات الغير شرعية وان الشبااب يلعبون ع البناات .. وكـذاا ** ايضـا الفــرااغ نقطة مهمة ممكن تكون اختك وحيدة ومالها اخوات .. فاتحس باالوحدة وانه ماافي احد تسولف معه وتظطر للمكاالمات ... ممكن توديهاا تزور قريباتها تطلعهاا تمشيهاا داايم تدخل بداار تدرس وتحفظ قران .. عشان تملىء فراغها بشـي مفيـد .. **اخـيرا اللـه يستـر على اختـك وبنـات المسلمـين .. وانصـحك تغـير نظرتك ع اختـك لان الفتـيات ولله الحمد ليس بتـلك السـوء .. |
( متكبره خصوصاً على الاطفال ) اخوي اختك احتمال تكون بأول ثانوي وعمرهاا مابين 15 الى 18 و ( تحب تجلس لوحدها كثير) أحتماال تكون في مرحله من الحب او تكون مهمومه او عندهاا مشاكل<<قلت احتمال و ( تعصب بسرعه) احتمال مشاكل كمان تحب ان تكون كلمتهاا هي اللي تمشي عليك وانا اخوووك تخليهـاا مثل اخوكاو صديقك [ بتعامل معاهـاا] روح معاهـاا وشووف مين صقيقتهاا بالمدرسه وحاول تخليهاا تعزم صقيقتهاا بحديقه او بالمنزل وحاول تلبي كل طلباتهاا او بالاصح امنياتهـاا عشان ماتحتااج لغيرك[م] وحااول تغير رقمهاا اذا حسيت فيه ازعاج وحااول تغير مدرستهاا اذا كاان كلامهاا مو زين او كذا عشان يكون تغير ببيئتهــاا واذا تبي كل شي معااك يمشي الله الله[بسياسه او بالاصح الاسلووب الحلووو] اتمنى اني افدتك اي خدمه اخرى |
--بقايا ذكريات--
أنا من أقرب إخواني لها بل انها تستانس لما اجلس معهم لاني اقعد انكت عليها واضحكها وهي اختي الوحيد ولو تبي عيوني طلعتها وعطيتها اياه مشكووور على كلامك الرزين الجميل والله يجزاك الجنة --مس ديور-- كلامك سيكون بعين الاعتبار وسأعمل عليه جزاك الله الجنه -- ابو هنادي-- معليش كلامك كله محيوس وخطأ في خطأ واتمنى ما تناقشني على كلامك علشان مانطلع من الموضوع ونفتح موضوع ثاني وياخي المفروض تحترم شعوري يوم تقول اقتباس:
وثاني شي هي ماعندها مشاكل ابدا فهي المدلع من العائلة وان شاء الله ماعندها هموم ابدا وللمعلوميه اكبر هم عندها اني انا اتوضف وابني مستقبلي فهي طيبة قلب والحمد لله وما اسمح لك تقول عنها مثل هالكلام اتمنى انك ماتناقشني لان النقاش معك انتها ومابي نطلع من الموضوع او نضيق على ردود الاعضاء |
^^ ^ اخوي انت طلبت المساعدهـ يعني اذا طلع كلامي غير صحيح او ماعجبك تقول عني كذا طيب اناا قلت احتمال ماقلت اكيييد وماقصد تحب يعني لازم تكوون راعيه خرابيط الله يسامحك فكر شوي ليش راد عليك فقط ابغى افيدك يالغاالي... لاكن.. ماعجبك ردي وكلامي محيوس. وسوري اذا غلطت عليك واني حست موضوعك على قولتك |
اخوي انت قلت انها مدلعه وانك معاها مرح وفرفوش بس تبي تعرف ليش تعصب؟؟
اختك عندها ملل من شنو ما ادري! بس افضل شي تسويه قرب منها وخلك حنون وقت تعصيبتها قلها انا ضميرك انا اخوك انا اقرب الناس لك في شي مضايقك ناقصك شي والله لو طلبتي المستحيل انفذه,,,,,صدقني بتنزل دمعه منها قولي لي ياقلبي مين اللي متعبك من اللي مزعلك راح يطلع صوت شهقاتها وبتقولك وش فيها؟؟ او وش ناقصها؟؟ بس اخوي لاتنسى لماهي تطلب شي انت ما ترضى فيه لاتقول لا او مستحيل قل بس ما طلبتي شي تامرين امر وقتها جب لها هديه تحبها وبعدين اشرح له عن رفضك للي طلبت. بالنسبه لتكبرها على الاطفال ازمه وتعدي شي طبيعي. الجلوس لوحدها يدل على نقص حست فيه وهو مافيها نقص اوهمت نفسه بذلك لتصل لمبتغاه. اتمنى اني افدك اخوي لو بنقطه وحده..... ماشاء الله ونعم الاخ المهتم بشقيقته. |
-- سرعة بديهه --
الله يجزاك الجنه كل كلامك مقنع وراااااائع افدتني باكثر من نقطه مشكووووور |
اهم شي لاتحسسها انك تراقبها
واجلس معها كثير وامزح معها خلك طبيعي وتقرب منها عشان لما يصير لها اي مشكله تلجآ لك كثيييير تمنيت اخواني كذا لكن للأسف الاخوان يحسبون خواتهم الات ومايحسن بس اوامر الله يخليكم لبعض |
http://www.awlup.com/up5/get-3-2009-ico36ao3.gif
دعواتك لها بالهدايه والطريق السوي دائما ضعها وديعه بين يدي الرحمن فهو لا يضيع وديعته ابدا http://www.awlup.com/up5/get-3-2009-j5rp1quf.gif |
-- القتيله --
صدقتي اختي.. والله اني مقصر معها من الدعاء الله يجزاك الجنه اقتباس:
|
بسهلها لك المراهقة تحتاج امرين الحب ( الإهداء_ التمشي_و... و... يعني لا تخليها محتاجة شي وانت تقدر توفرة ) والثقة ( لاتفتش في اغراضها_ لا تحسسها انك حاطها محور اهتمامك_ لا تسأل عنها بشكل خاص و... و... واي شي يحسسها إنك شاك فيها ) وبس حكمة>> كل إناء بما فيه ينضح . |
اقتباس:
أخوي ملك لايقهر أنا عندي أخت أصغر مني عمرها18 وتصرفاتها نفس تصرفات أختك ببس بقولك عشان تكتشف شلي مخليها كذا 1:: خلك قريب منها الفتره هذي حاول عن طريق السوالف والكلام الحلو 2::حاول انك ترسل رسايل ع جوال امك باسمه هذي 3::اللي تطلبه حاول انك تلبيه مو شرط يكون اللي قلت لا أحيانا يكون عندها حساسيه زايده من البنات اللي حوله في المدرسه تلاقي كل وحده كل يوم بالسوق او انه طالعه تتمشى او او او ......... وتكون اخت من النوع الحساس اللي يتضح لكم بتصرفاته والشئ هذا حلو ورهيب بالبنت اللي يوضح به كل شئ أشكرك اهتمامك اخي ملك لايقهر باختك وان شاء الله تبشرنا المره الثانيه بتياشير الخير يارب حفظك الله اينما كنت تقبل مروري أختك أكابر |
ياعرب . . .
الفتاة والشاب . . في حال المراهقة . . لهم تعامل خااااااااص . . أرجو دراسة الموضوع قبل التعامل معهم . . أما الشاب فبالرجولة وإعطائه الحرية المحدودة .. وإشعاره بأن كلامه صحيح .. وإن احتاج لتعديل . . تختلف الفتاة في أمر مهم للغاية : حال بلوغ الفتاة .. من المعلوم أن " الدورة الشهرية " من علامة بلوغها . . ومن العلوم أنها حال " دورتتها الشهرية " تشعر بحالة نفسية محرجة . . خاصة وأنها حديث عهد بذلكـ . . ويجهل كثير من الناس هذهـ الحالة .. ولا يراعون ذلكـ . . . فهي تلجئ لكثرة الجلوس وحدها . . وأيضاً تظهر علامات من الغضب . . وسرعة الانفعال . . . فرجائي الخاص . . لكل من عرف هذهـ الحالة . . أن يراعي ذلكـ في فلذات المجتمع وغالياته . |
أخي الكريم المراهقة ليس مشكلة و كل إنسان يمر بها فلا يضيق صدرك بذلك و لكن القدرة و المعرفة على التعامل مع هذه المرحلة هو الأهم لذلك أنصحك أخي الكريم أن تقتني الأشرطة و الكتب المتخصصة في ذلك و هي كثيرة و تحاول أن تعرف كل شيء حول هذا السن و استشر أهل التربية و العلم في هذا الأمر فهم يفيدونك من خلال تعاملهم المباشر مع قضايا الناس فتتولد لديهم خبرة و إلمام بالأمر أكثر من غيرهم وفقك الله |
دام انك مراعي الله في بنات الناس فلا تخاف لأن الله بيحفظك في أهلك (احفظ الله يحفظك احفظ الله تجده تجاهك)وحاول انك تكون متعقل معاها وماتهاجمها خليك أخوها وصديقها صدقني راح تقولك على أي شي مضايقها وانا أقترح عليك انك تحكي لها عن مشاكل سمعتها صارت للبنات (واللبيب بالاشارة يفهم )وياليت لو تقبل مني نصيحه اختلاف الرأي لايفسد للود قضيه وانت عارف قصدي وياليت تكون قريت الرد على الموضوع الي بالي بالك
|
أأأأحيييييك بصـــراحه على اهتمامك باختــك... المراهقه بالعمر هذا تحتاج لاحد قريب منها يفهمها يسولف معها .... حسسها بالثقه بنفســه واياك تشك فيها<<< ولا تحرمونها من اللي تبيه لأنها اذا ماجابته برضاكم بتسوي شي ماترضونه وما عليك الا تجلس معها وتقنعها ان هالشي غلط... طبعا بالسياسه واللين تلقاها بتقتنــع.... والرفقــه تأثر دائما بس انشاء الله انها ماعليها..... خليــك قريــب منها وبالعكــس بتلقى منها تجــاوب والمراهق يحب انه يشوف غيرة مهتم فيه<<هذا احســاس الحــاله... والله يخليك لاختك واهلك وأتمنى اني أفــدتــك...... |
,, ياأخوان وش فيكم مكبرين السالفة !! عادي وإذا صارت مراهقة كلنا مرينا بالمرحلة ولاجانا إلا كل خير ,, بالنسبة لأختك ياطارح الموضوع سبحان الله كأني أشوف نفسي . إلى هذا العمر وأنا أفضل الجلوس لوحدي وش فيها ! وكمان شوي عصبية وبرضوه وش فيها ! أما شوفة النفس و التكبر على الأطفال هالصفتين يتوفرن بكثير من المراهقات وطبيعي هالشيء . كلنا هكذا كنا ومع الأيام يزول بس لاتساهمون في تطويره وتقدر تكسب أختك بإحترامه بسسسس .. يعني لاتقولون صغيرة ,, لا ,, تكلموا معه ناقشوه وكأن عمره 30 بحيث تثق من نفسه . وإذا الإنسان وثق من نفسه مستحيل يسوي الغلط لعلمك أستاذ . الله يصلحها والمسلمين أجمعين . ,, |
مادامها أختك وأنت بها الحرص والتعامل ومحافظ على نفسك خوفاً من الله وخوفاً عليها وبعض الردود جميلة وخصوصاً رد أخي بقايا ذكريات وأختي انكسار من واقع نسائي أبشر بالخير ويمكن تستفيد من هذه القصة حاول أن تنقلها للجوال لتقرأها أختك أو عن طرق النت وفقك الله وسدد خطاك وحمى أختك وبنات المسلمين من كل سوء افتح الرابط أدناه http://www.buraydahcity.net/vb/showthread.php?t=125021 |
اساليب علمية في التعامل مع المراهقين ----------------------------- الاستاذ :أ/هاني العبدالقادر أخصائي نفساني للأستماع http://www.holol.net/audio/Halabdulqader_Morahaqah.ram لتحميل: http://www.holol.net/audio/Halabdulqader_Morahaqah.rm[/CENTER] محاضرهـ جدا شائقه وقيمه . . اتمنى اني افدتكـ . . |
شيءجميل منك وأعانك الله في معاملتك مع أختك أحسن معامله |
والله ماتوقع اقدر ازيد شي على الي قالووه الاخوان الاشي واحد انك
لا تبين انك شاك بشي او تقترب منها بشكل يثير استغراب لديها اول قريب شوي والحين لازق معها على طول يعني خلك من بعيد لبعيد او قرب بس خليك حريص انه مايبين شي لها والله يخليك لها وتاكد انك راح تؤجر على خوفك على اختك لانه قليل اليوم ناس تناظر خواتهم كل واحد لاهي بنفسه وخوياه واخر شي يفكر في اهل بيته ودمت بود |
اقتباس:
وحاول التقرب منها ولاتجعل يومها أغلبه فراغ ... حاول أنك تتقرب منها أكثر ... |
السلام عليكم ورحمة الله وبركاته
أخي العزيز إذا أردت أن تؤثر فيها فكن قدوة لها أخوك الداعي لك في ظهر الغيب |
تعمق واعرف من تصاحب
لأن الرسول صلى الله عليه وسلم قال : (( الصاحب ساحب )) أو كما قال صلى الله عليه وسلم |
| الساعة الآن +4: 05:29 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.