|
يامرور بريدة سلطوا مجهركم على العمالة, كل 10 حوادث عمال حادث شاب سعودي!((التفاصيل))
السلام عليكم ورحمة الله وبركاته.. نداء الى كل من ينتسب الى مرووووور بريدة .. العماله من بعد التأمين ,, لااحساس ولا احترام للسير ولا قواعد المرور .. انا قبل شهرين تقريبا .. صار لي حادث مع عامل قاطع الاشارة يمشي فوق 100 تقريبا .. واليوم فيه عامل يمشي داخل الحارة (( بسيارة البلدية )) بسرعه خيالية بالنسبة لتواجده داخل حي سكني .. وكاد ان يدعس طفل ويصدمني شخصيا .. وكذلك اليوم هذا .. فيه باكستاني بددسن .. كاد ان يصطدم بــ 3 سيارات .. عند الاشارة من المسار أقصى اليمين ... لما فتحت الاشارة مشى ودخل على المسلمين يريد ان يذهب يساااار .. وشوي يروح عوائل خبر كآآآن .. تكفون يامرور القصيم شدوووو عليهم .. والله العظييم في مهزلة .. شوفوا شعبة الحوادث 3 ارباعهم عمال .. وبعض السعوديين كفلاء لهالعمال .. الله يكفينا شرهم .. كل عامل اذا أمّن انهبل ولا يلتفت لايمين ولايسار .. |
وين الردود والتفاعل ياشباب ..
|
المرور مشغلين قبلك من اللي اشوفه تصدق عندي صور ( خياليه ) لكن وضعها هنا بالمنتدى صعب
الصور تجي كبيره وهذي صورة احد الاجانب متعدي الأشاره من دون احترام ارشدات المرور وقد قلت قبل فترة قصيره هنا بالمنتدى عندي صور خياليه عن المرور ((((( لكن وضعها هنا صعب لا انه لايوجد ( هاك تصغير الصور ) ولا كان كل يوم جايب لك صور )))) http://up.arab-x.com/pic/Pw049088.jpg |
شوف كيف هو متعدي الأشاره بكثير
|
يالله يارب احفظ أبناء المسلمـــين.............................. |
نواف القصيم .. والله لوتشوف الاستهتار اللي يسوونه ياقف شعر راسك.. عينك عينك داخل حي سكني مسرع ولايهدي عند التقاطعات .. يعني لو يطلع طفل صغير للشارع راح فيها .. انا اليوم بغيت اصدم وايت بنزين .. انا ماسك يسار وفجأة ظرب برييك ودخل المسار الايسر علشان يديور .. وماخفي اعظم .. |
احلى صبية :
آمين الله يحفظنا بحفظه .. |
اما انا لي شخصيا وراهم وراهم بالصور
لكن لعل وعسى منتدانا الطيب يضع هاك تصغير الصور (( اي صور تضع هنا يتم تصغيرها دايركت)) |
الله يصلح أحوال المسلمين.
أحس بعض الشرطة <<< يتسلطون على الشباب فقط مرهـ أخوي وأنا راكبه معاه<<<< وقفنا ضابط مرور وقال عطن الرخصة والإستماره. أخوي عطاهـ بدأ يدور على السياره<<< الغبي يدور أي شي على أخوي.. مالقا شي <<<<< تتوقعون خلانا نمشي!!!! لا قال ليش ماشغلت النور القوي<<< وأحنا بالشارع العمومي!!!! الشارع العمومي<<< فيه أنوار من الدوله مايتاج أنوار السيارة القوية يمال العمى .... أخذ قسيمة الله يحرمة السعادة,,,, أرتفع ضغط أخيي بسببه.... |
انا مستغرب من حكاية المرور لماذا انشؤووو اليس لخدمة الدين ثم الوطن والشعب السعودي واراهم اليوم متعاونين مع البنقاليه والاجانب لااقول كل وانما البعض ..........
متعجب ...... وانا كم من المرات لاحظ هذا الشيء تقديم كبير عن الاشارة , وعكس للطريق , وقطع الاشارة , وكان الحق معه .......... |
نفس المشكله حدثت لي فبل اسبوعين
مصري خطم علي مسرع من شارع فرعي لا التفت لايمين ولا يسار المضح في الأمر انه اعترف مباشرة وقال لي( ماتخفش انا مأمن ) انا مادري انا اَضحك ولا اهوشه يعني مأمن تدخل شارع رأيسي مسرع ولا تلتفت يمين ولا يسار ؟؟!!!!!!!!!! |
لاحياة لمن تنادي
العماله هذي تبي وقفه جاده بكل المقايييس |
اقتباس:
:d هههههههههههههههههـه :d الله يسلم قلبك.. ضحكتن كثيرررـرر حلووهـ تضحك او تهوشه نرجع للموضوعـ المرور كلهم............ وماغير ملاحق الشباب الله يصلح الجميــــــــــــــع... |
ادامه ما شيبت لحيك ولا عمرك فوق ال35
زبن امورك بواسطة يابعدي ولا العماله كثير انا اقولك مشكله صارت لواحد اعرفه ومن اعز اخوياي اذا تعرفون النخيل فيه مخرج حول اخره قبل حق جيان طلع ددسن على السرعه وكان فيه سيارتين كامري ( خويي) وفورد الكامري بالوسط والفرد باليسار طلع مصري معه ددسن مع الطلعه اللي قبل جيان وعلى طول راح لليسار وصبخه رايع الفرد مع الرفرف الوراي بما انه مايل راعي الددسن والدسن افتر على الكامري وصبخه مع الرفرف الايسر والفورد هجتة به ودخل على رصيف النخيل وصبخ شجره وراحت عدام الفرد اما الكامري راح الرفرف والصدام الوراوي مع جهة السواق وهجت به بس مسكه ووقف بعد الطلعه اللي عند الدحديره والددسن الله لا يوفقه ولا يغفر له راح صدامه اللي وصدامه اللي قدام لانه صبخ الكامري فا يوم جاء هندي لابس بدلة شرطه ( ما ودي اقول شرطي لانه ما يستاهل ) تتوقعوا من حطوا الخطأ عليه .....؟ حطوه على راعي الفورد قالو انك صادمه مع ورا ..! وشلون حط التقرير ذا ولد ..... ولا صار خطأ على السعودي ولا المصري طلع منه وراعي الفرد يبي يزين موتره والددسن وكان يبي يزين الكامري بس راعي الكامري تنازل لان الخطأ موب عليه على الددسن .. ؟ وهذا اللي عندي وانت احكم . |
الشرطي متبع قاعدة من الخلف عليك الخطأ لا محاله،، لكن الحوادث الله يحمي شبابنا وشباب المسلمين من العمال لأنهم بلدهم يارجل أو سيكل والتاجر منهم مع دباب والتعلم على سياراتنا وحنا الضحيه بينهم .
ماأقول إلا الله يستر على المسلمين أجمعين. |
ياجماعة المرور مشغولين بشي أهم الا وهو ملاحق الارايل وتغبيرات و تشميعات والتظاليل دوران .. الخ فهذولا شادين عليهم لا تاكل هم اما قاطع اشارة عاكس مسار معترض قدامك مسرع في داخل حي فهذولا لحقين عليهم هذا هو هم مرور بريدة مع الاسف الشديد |
اقتباس:
|
لكن يابعدي السعودي لو سوا الخطأ هذا .. يسويه بقمة الحذر والخوف .. للأنه يخاف على سيارته اما العامل لايلتفت يمين ولايسار يدخل بكل عنجهية وبدون حذر .. يعني على عمااااهـ |
اللهم احفظهم
|
وش تسوي ..!
المشكله الحين الضباط .. لهم ورشاات ويجيبون عمال .. بدون تأمين من المرور .. والرخصه لها سنين .. تنتهي ولا احد مكترث ..ليش لأن اللي وراه ضابط .. |
المرور ماهوب متسعنين مادام الماسكينه الجيل الأول متوسط وثانويه جهل وعقول متحجره
يحسبون المرور شغلته جباية عن طريق المخالفات , وكبيرهم أرداهم ماترجع الدوريه الا مخلصن 25 مخالفه ! هالأيام صار لي حادث مع باكستاني الخطأ عليه 75 أخذوا منه صورة التأمين ويوم جا يطلع قال عطون صوره للتأمين يمكن اصدم مره ثانيه قمة الإستهتار ,,, |
ابو راشد :: انا صادمن عامل الخطأ عليه 100% ونازل يهايط يقول ايش يبغا فيه تأمين .. لكن الحمد لله صار التأمين مايشمل قاطع الاشارة وهو قاطع الاشارة .. وقلت والله ما اتنازل لو تقوم الدنيا وتقعد .. والله العظييييييم قهرررر موتري راح وطي .. لكن الحمد لله .. الخيره فيما اختارها الله .. |
| الساعة الآن +4: 12:31 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.