جدتي موضي .. ومكينة الزئبق الأحمر .. سي يو ..
 

.

لاإله الا الله .. سبحان الله العظيم ياهيلة المحمد ..
من ياعي لتس .. مبطيه عنتس يادافع البلا من يوم اخذتي رجلتس هالتالي ماشفناتس ..
يوم هاك الحبيب الأول .. وانتي كل يوم نشوفتس .. وهاللحين لي سنتين ماشفتس ..


زاد يوم قالت لي بنتي نوال .. هذي هيلة المحمد ماصدقته ..
بس يوم سمعت هالخنة اللي بتس عرفتس :d..
ايه وشلونتس بشري عسى الله رزقك بعيال ..


اقول ياخاله .. انا طالبتس طلب .. وتكفين لاتردينن ..


ايه .. وماشاء الله .. وش الطلب اللي تبينه من ..


ابي المكينه اللي عندتس مجدوعة من سنين ..
خابرتس ماتبينه ..


ايه .. ايه .. ايه ..
<<((== وجدتي موضي تقول ايه وهي تقشقش بيده عودان وقشور فصفص من الفرشة ..


تبين المكينة حقـتي .. واثرتس زاهمة تبين بس المكينة ..
وانا احسبتس ولهتن علي ..

اقول هــه مير .. والمكينة خربااااااانه ولاتنفع ..
ولا ابيع شي بوه ريحة ( بعلي ) ابو سليمان ..


مهوب بغلي .. ياجعلتس البغل اللي يتودس بطنتس ..
اقول بعلي بعلي يعني زوجي ابو عيالي يامال الجنة ..
روحي بس يالله ماعندي شي للبيع .. مع السلاااااامة ..


****************




وراتس يمه .. وش بتس اليوم تهوشين وتلجلجين ..

ياوليدي من اليوم وهالتليفون .. كل شوي داقتن علي وحدة تنشدن عن هالمكينة ..
مادري وش جايهم عليه ..
ياوليدي حتى السودانية حقت الحناء زاهمة تقول ( دايرة المكينة )
قلت له لا المكينة منقطع سيرة .. ومهيب تدور عساتس الدورة .. :d:d:d


مير اغديك تروح لبيت الدرج وتجيب هالمكينة اشوفه ..
شفه اللي عليه صورة ( كلب ) لوه شوشة .. :d
مبطيتن عنه لاتصير بعد جادعته هالشغالة ..
بس وشلون تبي تدخل مع الباب يالدربية اخاف تنشب ياهالبرميل همن من يطلعك فرقعين جدي ..
:d:d:d

لا يمه انا ادخل وأجيبه .. الباب مقلوع .. بعدين هذا ( اسد ) مهوب كلب لوه شوشة ..


إيه .. هاته بهذا بس .. الله المستعان .. تذكرت سراويل جدك سليمان ..
عاااااد تصدق اني من يوم اخذت جدك وأنا حافظتن الشعار حق جدك ..
دايم يقول .. ( تعددت السراويل .. والربقة واحدة :d)
اذا انقطع السروال فكيت هالربقة هالمغاط .. وخيطته بهالمكينة على سروال ثاني ..
الين مات .. عقبه جدعنا السروال .. والربقة ربطة به مفتاح البسطه ..




****************





اقول يمه .. عااااااااد تدرين وشواله هالحريم يدقن عليتس ..
يبون هالمكينة .. يقولون ( الزئبق الأحمر ) اللي به .. علشان يآخذونه منه ..

وشو الزئبق الأحمر ياوليدي ..

الزئبق الأحمر .. هذا مثل اللي يجي بمقياس الحرارة .. بس هذاك ابيض واللي بالمكينة احمر ..

ايه عرفته اللي بمقاس الحرارة .. .. هاك اللي تقول ( سعبول :d) ماغير يرقى وينزل :d..
انا كل ماشفته حامت تسبدي ..
اتذكر سعابيلك اللي كل ماوصلن الأرض تشفطهن همن يرقن :d ..


طيب يمه ماأحد قالتس شغليه وحطي الجوال عنده ..


ايه الا الا ..
انا اقول ورى مزنة البراهيم تقولي .. شغليه وحومي عليه وانتي مشغلتن الجوال ..
اذا راحت الأبراج فتراي ابيه .. واذا ماراحت فخليه عندتس ..

قلت له اها بس اقطعي وأخسي .. وش احوم عليه .. ماتبين البس حرامي بعد ..
والله عااااااااد لو هي الكعبة علشان احوم عليه ..




****************


ياميمتي .. يابعد معاليق ركبتي .. هذولا نااااااااااااس الله يخلف مير ..
من زود الفراااااااااااااغ صارو يدورون أي شي يشغلون أنفسهم فيه ..
ياميمتي حطي عقلتس براستس واتركيهم .. واتركي هالخرابيط ..

اجل نااااااااااااس لك سنين ماسمعت اصواتهم .. يوم جاء طاري هالمكينة قعدوا يدورن بعض ..
ناسين بعض .. ويحركهم سبب تافه ضحك العالم علينا ..

اقول يمه .. الظاهر إن حنا شعب ( بدون مكينة :oo ) ..

ابدخل هالمكينة لبيت الدرج .. وروحي نامي باقي ساعتين على الفجر ..


سي يو ..

.

أنا جوالي فيه زئبق أحمر ومسيوم بعشرين ألف تشتري يابوإبراهيم؟؟
:d

الصراحه الوضع صار يبي له وقفه جاده من الجميع زين اليوم قريت انهم راح يشددون الرقابه على هالمرض الجديد

.

ههههههههههههههههه
ههههههههههههههههه
ههههههههههههههههه


تصدق أسمع بالسالفة ولا فهمته ,


وإلى اللحين مافهمته :113:


الله يخلف عليهم ,,


مشكور أبو ابرهيم :)

.

اجل جدتك موضي اها ...........

والله يالمكاين ماادري وش قصتهن ناس يقولون كذب وناس يقولون االمكيتة مسيومة 30000 ثلايين الف فقط كثر منها


انا بصراحة توي اعلم ان الشعب السعودي م ت خ ل ف .......

وشكرالك ....

ههههههههههههههههههههههههههههههههههههههه
هههههههههههههههههههههههههههههه
والله تضحك جدتك الله يسعدها

مشكور على الموضوع اللي وسع صدورنا

الصباخ ..

يابعدي انت .. اجل جواااالك فيه زئبق أحمر ..

طيب وش يدرينا إن جوالك بوه زئبق ..
بس يالبي الحل عندي ..

نجيب مكينة سنجر ونشغله عند الجوال ..
اذا اشتغلت المكينة يعني الجوال بوه زئبق ..


اقول دن هنااااك بس .. تحسبن جحة ابصدق إن الجوال بوه زئبق أحمر ..
ياعنبة اذا صار بوه زئبق أحمر يصيراستقبال بس ومايرسل ..


سي يو ..

.

ههههههههههههههههههههههه
ههههههههههههههههههههههه


تنسيم هالسعوديين !!

ما يبون شي على طول يلعب عليهم :d
ما لقوا شين يشغلهم وبلشوا بالزنبق الحمر :d

مسااا كين والله إن العقل نعمة ;)

الناس مستديره روسهم عقب خسارة الاسهم وارتفاع العقار والغلا....
بس انا ماسمعت عن سالفة المكاين الا هنا....
الصراحه جدتك شخصيته قويه . وترانا سمعناكم يوم تهاوش انت واخوك كريّم ايكم اللي يبي يبيع المكينه وياخذ قروشـــه والجده موضي ياحيــاتي نيمه..
لكن تقولي وحده انها جمعت اشيا قديمه مره من البيت خــظاظة لبن وقربه ووكم طاسه وعرضتهن على احد واشتراهن بـحدود ٦ الاف...تقول منهريات من عصر جد جدي.
اعتقد لو باعتهن بالجنادريه جابن١٠ الاف اواكثر. وانا يوم سمعت عن سالفة المكاين راح فكري انهن قديمات واثريات وانهن ماينباعن الحين [تراث]على شان كذا غلن والناس تشريهن لمتحف اوتبي تبيعهن له...باغلى

هههههههههههههه،

الله يقلع إبليسك يا منسم صز ما بك مكينة يا أبو إبراهيم، ماش المخ فاصل،
عموماً الحمد لله على نعمة العقل وأهل العقول براحة.


شكراً على هيك موضوع خيو.

مدحتو وشفيك مبطي علينا


الناس مهنا مكيان زي ما قلت يبيلهم توظيب على شان يعقلون ولا قبصه مع المعقل


فاصله
ترى بوه شايب يصلح الجدك اذكره له يدور له سنتين

ههههههه
الله يخلف ، و الله أنك صادق يا أبو إبراهيم ..
هذي حكمة اليوم ،،

والله ياحنا بهالديرة صرنا مضحاكة , كلن يستركضنا !
وعلى كثر المقالب والاشاعات اللي تطلع ما نستأدب .

أجل مكينة خياطة بـخمسين ألف ..!
ههههههه ما أدري هو فراغ ولا دجيج
بس واضح أننا شعب غني ودخل الفرد المتوسط مليون :)
ليت الأمير اللي قال هالكلمة يشوف الاشاعة وش سوة بالناس الغلبانين:eek5

قمردين ..

هلا والله بريحة رمضاااااااااااااااااااااان ..
يابعدي وينك انت ووين أيامك ..

ياخي مبطين عنك يالبي ..

بعدين لاتقول ( شيق ) احس إنه ( تركي ) يهوش ..


سي يو ..

عاد تصدق ان به خبوله مصدقين


وبه بعد ناس مستفيدين مكينه مالها فايده يبيعها من 5 الاف الى 10 الاف


على ناس يقلون حنا نبي نبيعه ب50 الف

ههههههههههههههههههههـ

الصراحة الي حاطن هالشاعة

لعبه صح

اعتقد انه واحدن مليان مكاين ابو اسد

ودوه يبيعهن

عاد قال لارفتزاو خلنا نلعب على العالم ونبيع المكينه الوحد 5 الالف

وشلون يجي بالجرده ويقول مكينه ابو اسد الي به الزئبق الاحمر

ويقول ب5 الاف ويجي صديقه الاول يقو اشريه 6 والثاني 7 .....

عاد هالعبه جيده على هالكمخ

اقول يامدحت شوقي..ليش ماتخلي جدتك موضي تسجل بالمنتدى احسن؟

جدتي موضي وجدتي موضي....تراك اذيتنا به

ياناس الموضوع جدي صدق والله

هذا البلاء اللي جانا من المكاين


كلن بدا يكذب :oo



لا تكذب يالصباخ اللي يبارك فيك .. :)




شكرا لك أخي مدحت

حزن القصيمي ..
اعلمك بعد والله ياعليك إسم مهوب صاااحي ..
اجل حزك القصيمي .. اذا حزك مرة ثانية قصيمي والا حجازي ..
الزخه بطراق انثر سنونوه ..



اليوم انا قريت ان الشرطة ( تتبع ) الموضوع تبي تعرف مصدر هالشائعة ..
واعلمك إنهم لقوا هاللي مصدر الإشاعة .. ( اردني .. بالأردن )

شكلوه قاعدن يبيع زيتون .. ولا عنده زباين .. وخذ ياضرب من هالهواجيس ..
وشاف مكينة امه والا جدته .. ويبي يبيعه على واحدن دلخ ..
وقاله انه به زئبق وتباع بـــ10.000 .. والثاني صدق ..


وقال لا يازلمة .. شو الــ10.000 الآف هاي ..
انا والله هالسع ادخل عالسوق واشتريها بمية ..

ومن راعي هالزيتون جت الاشاعة عندنا ..
وحنا عااااد الله لايوريك .. نااااااااااس فااااااااااااااااااااااضية .. وتدور القلهي ..


ومشكور ياحزه القصيمي ..


سي يو ..

:113:
وش جاب الموضوع بهالقسم!..
شكل كل مشرف يجيه هالموضوع يشوته للقسم اللي عقبه :113:..
وين عمر الصمعاني يشوت هالموضوع لقسم التهاني والتبريكات :d..

ههههههههههههه

الله يعين الجميع

والله موضوع مرررره مضحك

عنزي الأسياح .. :030:


هلا بك يالبي ويابعد معاليق بؤبؤ عيوني ..

بس حلوه ( أناملك ) تصدق يالبي مامعي علم إنك ( ملك ) ..
احسب معك سطحة يالبي .. واثرك ملك .. لاتخلينا يابو متعب ..

والله يانت جزوم بعد .. قل ظابط قل شي .. اجل ملك مرة وحدة ..

<<((== ياناس معين يفكر هالدبشة هالصعيدي .. شين اذا هجت بوه .. :d


عنزي الأسياح .. ودي امطخك الين تلثق خدودك من سعابيلي ..



سي يو ..

:)

:)

:)

:)

جريح ..

هلابك يابعدي انت ..


ياليتك تشوف هالعالم وكل واحدن ( زامن ) مكينة امه .. وجاي يبيعه ..
والله يالتلحوس عند الامهات واصلن ( فل )
وهالشريطية انواع ( البر ) بالام .. كله علشان هالمكاين ..


اللهم لاتجعل المكاين أكبر همنا ..


سي يو ..

وش جاب الموضوع لمدرسة الضوء :113: