|
العربجي محسن الهزاني ، ومبسم هيا ! [ غزل ]
كنت أقرأ مقالاً في كتاب [ كتـاب محمد الرطيان ] يتحدث فيه عن الوطن بأسلوبه الجميل الساخر ooo1 ، يقول :
بلادي ، صبا نجد .. وأغنيات المجد .. وحكايا الوجد .. بلادي .. محسن الهزاني ومبسم هيا : برقٍ تلالا ، قلت عز الجلالا ~ وأثره جبين صويحبي وأحسبه برق قالوا كما مبسم هيال قلت : لالا ~ بين البروق وبين مبسم هيا فرق . . منذ تلك الساعة وفي نفسي أن أبحث عن كامل القصيدة ، والذي يزيد في نفسي الشغف في البحث عنه هو علمي بأن محسن الهزاني أحد كبار الشعراء في تاريخ نجد وسبق سمعت استغاثته الشجيّة بصوت الشرهان ، وغزله بصوت السندباد ! حح:rolleyes: بعد التسعسق في بقوقل ، نقلت لكم القصه بتصرف : يقولك .. كان لرجل من اهل الحريق وهي ديرة الشاعر محسن الهزاني بنت اسمها [ هيا ] وكان جمالها وحسنها باهر . http://vb.eqla3.com/images/icons/004.gif ولحرص والدها عليها اسكنها في (روشن) والروشن كما تعلمون غرفه تكون في اعلى البيت خوفا عليها من ان ترى الشاعر محسن اويراها فيقعا في الغرام حيث اشتهر هو ايضا بوسامة وشجاعة نادرتين وشهرة واسعة بين النساء. http://vb.eqla3.com/images/icons/004.gif وعين لـ هيا خادمة ومشاطة تزورها على فترات للعناية بها وتمشيط شعرها . http://vb.eqla3.com/images/icons/004.gif علم محسن بجمالها وعرف مكانها فقرر ان يصعد اليها في روشنها العالي الذي يصعب الوصول اليه وقام يراقب البيت لكي يجد له مصعدا لروشن هيا . http://vb.eqla3.com/images/icons/004.gif وجد محسن أن الروشن له منفذ صغير يدخل منه الماء عن طريق ساقية القصر من بئر قريبه فلم يجد طريقه غير النزول الى البئر وصار يتعلق بحبال الغروب اللي تسحبها السواني حتى دخل الى القصر وكان له ما أراد وجلس هـناك ثلاث أيام ولم يعلم احد بوجوده http://vb.eqla3.com/images/icons/004.gif وفي رابع يوم سمع صوت اقدام المشاطه قادمة لكي تمشط ذوايب هيا. واثناء تمشيطها لذوايب الحسناء (هيا) قامت تغني وترد هالبيت: أصفر مع اصفر ليت محسن يشوفه توّه على حد الغرض مـا بعـد لمـس http://vb.eqla3.com/images/icons/004.gif وعند سماع محسن الهزاني لبيت المشاطه مامسك روحه طلع وقال: أربـع ليالـي مرقـدي وسـط جوفـه البارحه واليوم وامس وقبل امس http://vb.eqla3.com/images/icons/004.gifhttp://vb.eqla3.com/images/icons/004.gifhttp://vb.eqla3.com/images/icons/004.gif ثم هرب بعد أن كشف أمره .. وكان له مجلس يجتمع به مع رفاقه إذ أنهم افتقدوه خلال الأربع أيام ، ويوم انه جاء لمهم .. واحدٍ منهم فطين وحاس انه منفتن بـ هيا فقال خنشوف وش وراوه وقال : والله يارجال ان هالبرق يشبه مبسم هيا ! http://vb.eqla3.com/images/icons/004.gif يبي يطق الأرض لابن هزاني .. الذيبان على الدعسه طلع الي ببطنه وقال هالرائعه : يالله .. بـــنــــوٍ مــدلــهـــم الــخـــيـــالا طافـح ربابـه .. مثـل شـرد المهـا الـزرق اللهم آمين لا جـــا عـلــى الـبـكـريـن بــنــي الــحــلالا ولاعـاد لا يفصـل .. رعدهـا عـن الـبـرق اللهم زد وبارك يسقـي غــروسٍ .. عـقـب مـاهـي هـمـالا وحط الحريـق ديـار الاجـواد .. لـه طـرق الله يجيب السيل يـسـقـي نــعــامٍ .. ثــــم يــمــلا الـهـيــالا ويصبـح حمامـه ساجـعٍ .. يلعـب الـورق ياسلاااام جريـت انــا صــوت الـهـوى .. باحتـمـالا فـي وسـط بستـانٍ .. سـقـاه اربــعٍ فــرق ما الومك طـبّـيـت مـــع فـــرعٍ .. جــديــد الـحـبــالا وظهـرت مـع فـرعٍ .. تنـاوح بـه الــورق أنا أشهد انك جزوم ، أجل طابن بالبير روشـــن هـيــا .. لـــه فرجـتـيـنٍ شـمــالا وبابٍ على القبلـه .. وبـابٍ علـى الشـرق يازين وصفك ، قسم تسني أشوفه ضحكة هـيــا .. لـــه بـالـظـلام اشـتـعـالا مابين ضحكتهــا .. ونــور القمـر فرق ياربيييييه بـــرقٍ تــــلالا .. قلت عــــز الــجــلالا واثره جبيـن صويحبـي .. واحسبـه بـرق الله يرحمك يامحسن كم أنت شاعر ! قـالــوا كـــما مـبـسـم هـيــا .. قـلــت لا لا بيـن البـروق وبيـن مبسـم هـيـا .. فــرق لاتعليق ..! يـا شـبـه صـفـرا .. طــار عنـهـا الـجـلالا طويلـة السمحـوق .. تنـزح عــن الــدرق ايه الوصف ده !؟ لـه ريــق .. احـلـى مــن حلـيـب الـجـزالا واحلى من السكر .. الى جاء من الشـرق ياخرااااااابي حـنـيـت انـــا .. حـنــة هـزيــل الـجـمــالا ينقـض ردي الخيـل .. قـد حـسـة الـفـرق ويـــا قـلـتـةٍ .. فـــي عـالـيــات الـجـبــالا ماهـا قــراح .. مـيـر مــن دونـهـا غــرق مــاعــاد للـصـبـيـان .. فـيـهــا احـتـمــالا مـن كـود مرقاهـا يديهـم .. غــدن طــرق قـالـوا تـتـوب مــن الـهـوى .. قـلـت لا لا الا ان تتوب .. ارماح علوى عـن الـزرق تعوذ من ابليس يارجل .. قـالـوا تـتـوب مــن الـهـوى .. قـلـت لا لا الا ان يتوبـون .. الحناشـل عـن الـسـرق هههههه قـالـوا تـتـوب مــن الـهـوى .. قـلـت لا لا الا ان تتوب الشمس .. عن مطلع الشرق عز الله منتب تايب .. على هالحال . . . يقولون أن أهل الحريق ذيك الأيام مايبونه رغم انه من أمراؤهم ، لكن يقولون ان بوه تالي سربته الله يغفر لوهـ .. :d عاد مرتن من المراريت جاهم قحط ، وقال الهزاني ازهلوه أنا الي أبستغيث .. ومير انه يجمع البزارين والمعاقين والعميان والشيبان والعجز والضعوف والمساكين .. ويجمعهم هاك الصبحيه ويمحط هالقصيده ، ياربييييه تصيح :eek5 بصوت الشرهان | هنا دمتم طيبين !ooo1 |
|
غطيت على الشرهان يا خلفهم، خصوصًا التعليقات النفيسة على الأبيات. :d شُكرًا لكَ؛ فقد استمتعتُ هنا بما يسدُّ حاجتي إلى المتعةِ هذه الأيّام. |
الله يعطيك العافية ،، الصراحة قصيدتوووه حقت الإستسقاء خطيره وبليغة ،، والأروع القاء الشرهان .. دمتم بحفظ الله .. |
[ دعبـل نجد ]
حياك ياحلو .. :d اسمك يزيد هذه الصفحة بهاء ! |
[ أبو الوليد الخالدي ]
الشرهان ماله مثيل ماشاء الله ، عليه تبهيرات وأسلوب ساحر في السواليف .. أرتاح لك ولطرحك كثير ، تشكرات .. :017: |
الراوي أبورائـــــــــد ....،
أمتعتني بأسلوبك الرائع ...، :) |
ماشاء الله . . . رائـــــــع . . . أخى أبورائــــد . :41
|
.
. كن نثر الطهـا يـوم هـب الهـوى .............................فرق ريم جفـل وارتهـش واجتـول كل ما اخطفـق واصطفـق واندفـق .............................واستهـل وانتهـل انهمـل كالهلـل : شي شي بس يبيلها تفكيك :s أما القصه خطيره ! شكراً استمتعنا .. . . |
الشاعر محسن الهزاني من فحول شعراء نجد , له قصائد غير هذي ومثل نوعه [ يعني منتهيات ومصلعات ] , الحقيقة أستمتع آخر شي إذا قريت له قصايد ,, وما يتميز به إن اسلوبه بالشعر تشربه شرب , سهل بالحيل ... قـالـوا تـتـوب مــن الـهـوى .. قـلـت لا لا الا ان تتوب .. ارماح علوى عـن الـزرق قـالـوا تـتـوب مــن الـهـوى .. قـلـت لا لا الا ان يتوبـون .. الحناشـل عـن الـسـرق قـالـوا تـتـوب مــن الـهـوى .. قـلـت لا لا الا ان تتوب الشمس .. عن مطلع الشرق > الصرآحه ماأقدر على التعليق !! تسلم يابو رائد على الموضوع .. عطشت الساحه وماجاء من يرويه بموضوع وأنت أرويته بمحسن !! |
سلمت انامك ابو رائد على نقل القصيدة والتعليق الطريف عليها <<<<< يارجال وين الناس ؟؟ دمتم بود |
أنا جاي مدرعم أحسبه موضوعي ساخر..
خبري بك فتلة بالمقالات الساخرة :d.. بس ماش طلع موضوع تاريخي شعري وأنا والله مالي بالشعر بس الصراحة إني قرأت القصة ولكن الأبيات آخر شيء ماقريته.. |
ههههههههههههههههه قسم انك تحفة , وش انت يامحسن عند ابورايد << رقاوه اثل قرأت القصة والقصيدة فم استوعب جميع الابيات , ربما لفهمي القاصر ولعد حرصي على الشعر . . |
ألف شكر
ابو رائد اسلوب رائع وسرد خيالي الله يرحم محسن ولد وايل أجل يقول : قـالـوا تـتـوب مــن الـهـوى .. قـلـت لا لا الا ان تتوب الشمس .. عن مطلع الشرق الله يرحمك ... |
اقتباس:
وأتمنّى أن لو عرفتُ القصيدة كاملة .. :) بوركت أبا رائد ~ |
من أنت أيها المبدع..تحضرلنا انشاد العويد لقصيدة الهزاني ليكتمل عقد القصيدة.......
بحثت عنها ...ابتهج بك لوأحضرت رابط الإنشودة ...من لها.......... |
هلا بالبي ابو راااااااااااايد .. وش جاااااااايك هابن بالشعر والشعراء .. او اليوم منزلك المدرس من الفصل للمكتبة .. ومسكت اطرف كتاب وصار لهالمنسم ابو هزااااني .. بعدين يالبي من قالك إن معنى .. ( روشن ) يعني غرفة بالسطح .. يالبي ( روشن ) هذا صوت تشغيلة السطحة حقت محسن الهزاني .. لأن الصراااحة على هالشعر احس أنه رااااااعي سطحة .. فااااااااله وانواع التنسيم .. مشكور يالبي يابو رااااائد .. عااااااااااد ادري إن جدك محميتن تسبدك وماتقول يابو رااااااااااائد .. لأنه لو تقول رائد .. تسان تتغر وهي تقوله .. تلقاه يالبي تقولك يابو رااااااااااااااايد اهون عليه .. نسلم عليك يالمااااااااائي .. على طاري الماااائي تصدق ودي اشوفك وانت تشرب توت .. لأني احس اني ابناظر التوت وهو يمشي بالعروق .. واوشوفوه وهو ( منزج ) ومدحدر مع البلعوم .. بمان الله يالبي .. سي يو .. |
قـالـوا تـتـوب مــن دخول مواضيع ابو رائـــــــد .. قـلـت لا لا
الا ان تتوب الشمس .. عن مطلع الشرق |
[ عرواي ]
ياميت اهلا وسهلا ياعراوي ، والحمد لله انه عجبك .. : ) |
[ بريدة city ]
بعد عندي سالفة ثانية ودي أقوله ! :d >> صورة بزر بمجلس أبوه شاحطينه انه يعرف ينشد ذذ |
[ أمير بكلمتي. ]
والله الي تشوفه ياطويل العمر .. :035: >> صورة شخص طيب جداً يجيب طبلونه لا سمع كلمة أمير أو مباحث :113: |
[ مــياسينـ ..! ]
هذي مشكلة القصيد الشعبي انو الفاظه غالباً صعبه .. |
[ الأسطورة ]
اقتباس:
فآآ تكون أحيانا صعبة الفهم كما هي إستغاثته .. : ) ممتن لك ، ولحرفك .. :017: |
[ عمر اليحيى ]
هلا بالحلوين ، إلى الحين طبلونك يبدأ من 80 ؟ :113: :113: :113: |
[ الصباخ ]
أجل ماتحب الشعر ! :09: أنا ما اذكر انك تسد حبيت شئ .. ممكن أسألك : وش تحب أنت ؟ غير التونة وياسر الغيث .. هذولي معروفات ... غيروه ! :113: >> لك لون خاص ، أحسه راكب صح مع السكسوكه ذذ |
[ الدعساوي608 ]
هلا وغلا براعي الدعيسه .. ياميت اهلا وسهلا .. أتحفتنا ياحلو بتواجدك .. :d |
[ الواقعي ]
هلا بولد وايل ، هلا بأهل الشقة ! >> ;) عطرك هنا يضفي على الصفحة عبقٌ جميل .. :060: |
[ طالب طب ]
ياخي لا قريت اسمك جت على بالي هالتحضيرية ! :( أدري انك حاطن صورك الشخصية سماعة على كيبورد .. بس تراي ما اشوفه تسذا .. :oo تجين صورة ويليم بيتشي .. :eek5 .. للأسف |
[ العابر 99 ]
استغاثة الهزاني بصوت العويد | هنا سبيق سمعتها ، لم ترق لي كثيراً ! أفضلها بصوت الشرهان .. : ) |
[ مدحت الصعيدي ]
اقتباس:
عاد الله لايوريك مصري ويركض .. يااااه كلشن يهزّ ماشاء الله يغريك انك تهز ربدزك تفاعلاً مع الحدث .. :d اقتباس:
سطحه ؟ وش حبوبه ؟ :113: اقتباس:
بمان الله يالمصري .. :d |
محسن ! شاعر زمانه ، وبالفعل هو أمير الحب والحرب ! للأسف أن المتعارف عليه عند الناس أن محسن ما عنده إلا الغزل ولا له من الدين نصيب لكن والحق يقال أن لمحسن قصائد في الزهد والحث على التقوى فيها من الوعظ والنصح ما يغني عن محاضرات ! شكراً أبو رائـد وهنيئاً لك الذائقة الفذة .. |
والله يهو منسم اجل يطب علية
هههههههه والله يا قصيدتة حقت الشرهان جنان مهب معقولة ابو رائد موضوع رائع |
رائعة ,, قصيدة الإستسقاء ..
وروايتك أروع .. لكن الصوت الشرهان في القصيدة مب واضح لأن الصدى واجد .. كل الشكر عزيزي .. |
أبورائــــــــــد ~
كل الشكر ياعزيزي الراوية :) لقد استمتعت بشرحك لقصيدة العربجي :) كأني لم أسمعها من جمال شرحك وقربه للنفوس ~ دمتـ بود يامبدع ~ |
القعود الناظمات /
نكتب أبيات ٍعجاب ٍهايضات *** كالجواهر في العقود الناظمات من حشا قلبٍ تشوّق من زمان *** في هوى تلع الرقاب الغاويات عذّبنّي بالجفاسة والصدود *** وأودعنّ القلب يقلى به لهود كنّ جاشي يصطلي فوق الوقود *** حين شفت قرونهنّ الواردات واردات ٍطيبهن ريح ٍخنين *** والعذارى يخلفن قلب الذهين فإن بغيت أفضي غرام الدايخين *** فالعرب فيهم جروح ٍ بينات يا سلام الله كيف إنّ الغرام *** يرفعه بالصوت قمريّ الحمام فإن بغيت أفضي بصوت ٍمستقام *** فالعرب فيهم جروح ٍهايلات هايلات ٍوالهوى ماله طريق *** لا ترى حيٍّ ولا تلقى رفيق كم شجاع ٍفي هوى غيّه غريق *** أغرقنّه واسعات ٍبالوشاة أبا رائـد : .. طبت صبحاً ومساءاً , ونفحةٌ جميلـة لهـذا الشاعـر الكبيـر , له نمطٌ خاص بالوصف والتغزل . ذائع الصيت , مخضرم الحرف والبيان , فلك كل المحبة والتقدير أبا رائـد , |
[ تميمي وكلي فخر ]
خخخ شكرن ، خذ هالرد ! :p قالو تتوب من ان تميمي وكلي فخر يرد عليى مواضيعك قلت : لا لا إلا أن يتوبون البنات عن لبس الشباصات والاستشوار تالي الليل ! رااااح لوبا ابوهزااااني ! ذذ :d |
[ خالد بن محمد ]
المهندس خالد ، طاب مساؤك ~ ooo1 تتهاوى ذائقتي في بحر خبرتك الأدبية الشعبية منها خاصة ! أمير الحب والحرب ، لقب جميل .. :rolleyes: لميسعفني وقتي واهتمامي لأطلع على شعر الحرب ، أو الزهد .. سأضعه في أولوياتي ! وخمسن مايفوّت .. :rolleyes: أشكر لك حضورك ، ولهانين :eek5 |
[ إبراهيم ]
سرني تواجدك ، شكراً إلك :p |
[ إبن أسامة ]
أهم شئ انه جازت لك ، والصوت لو تبحث باسم " استغاثة الهزاني " بتلقاها أصفى ممكن ! : ) |
[ طير غيمار ]
منين طلعت انت !! يؤيؤ يانت قدييييييم .. ياهلا ياهلا .. وأحلى حاجة ان موضوعي رجعك :017: |
[ بقـايا ذكريات ]
أهلاً وسهلاً ، هلا بهالطلة ، هلا بالإتيكيت ! هلا بالي عجزنا نشوفه ذذ دائماً ماتثري المواضيع بآرائك ، ياملحك بعد .. حح ياسر ، حوووطني جوا بعيونك ! |
ابو رائـــــــــــــــــــــــــــــــــد
صراحة أني دخلت جو مع القصيدة قريته اول ما نزلت الموضوع بس انواع الكسل ولا رديت لكن اعلمك يا عليك طلعات مهب معقولة يكفي أنك طااااالع فوق ^_^ |
[ مخاوي سبعة الصمت ]
خخخخ بالله مته نشوف بحثك عن : الطماط في العصر العباسي ! :d >> جايزتن لوه من هاك اليوم :113: |
أبو رائــــــــــــــــــــد ..
الصراحة ما جازلي من موضوعك كله إلا هذي .. اقتباس:
أمزح ... يا حلو ... ... تسلم ابو رائـــــد على هذه القصة الرائعة والمدعمة بالقصائد .. شكراً لك ... |
اقتباس:
كسر خااااطري !! :eek5 والله ماله حق أبو هيا الله يعطيه الحتسّة اللي ما تطوله يده ! :eek5 ذبح هالمسيكيييين يا ويلوه من الله لو هو مزوّجه هيا ولا يفضحه بين العالمين http://www.coalles.com/vb/images/smilies/x3.gif وهالسحآآآة الرطبة اللي تمشّطه وشو له تقووول لو يشوف محسن :( , أشهد إنه سربووته تبي تخرش هالضعيّفة هي تدري لو يمرّه محسن تالي حدا الليول انه هي اللي تبي تستاثم , لكن تبين له < والله من طهارة القلب :023: ياحبي لك أبووو رايد أطلعتنا على كنز ! http://www.coalles.com/vb/images/smilies/hrt.gif أما استغاثته تحسّ انه من قلب :eek5 سلم لي على أحمد محمد تكفى | * http://www.coalles.com/vb/images/smilies/hrt.gif |
تسلم ابو رائد على الموضوع الرائع والجميل
|
| الساعة الآن +4: 08:10 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.