معانااااااة شاااااااب ..
 

السلام عليكم ورحمة الله وبركاته

مساكم الله بالخير أعضاء منتديات بريده ستي الأكارم

أهم سبب يعاني منه الشباب هو الروتين اليومي المتكرر وهذا أهم سبب يجب أن نتفق عليه قبل

أن أبدأ بموضوعي والمشكلة لا يمكن ان نقتنع بتغيير الروتين

وأكبر مشكلة تحصل من أضرار الروتين اليومي هي مشكلة الطفش ( سبق الحديث عنه في

موضوع سابق )

ومن الطفش يبدأ الشاب يطلق سراحه وخياله للتفكير وأكثر مايفكر فيه هو الزواج واااااااااه من الزواج

وعلى طاري الزواج رحت مرة للإستراحة عند الشباب فسمعتهم يتناقشون عن أمور الزواج ويشكون

من غلاء المهور ويدعون على اللي ابتكر غلاء المهور

وفيه واحد معنا ضد الزواج ( مدري وش يحس فيه)

فتضايق من سواليفنا وأخذ الريموت وحط الحرة بالتلفاز وبدأ يفرفر بالقنوات ويروح ويجي من قناة

لقناة والمشكلة كل قناة لازم تشوف به محمد عبده يغني

مدري وش السبب واللي يعرف السبب يعلمن ترى الإثنا عشر يعاني وماحصل سبب

عموما مالنا ومال أبو نورة , وش علينا من الناس ووش على الناس منا

ولعله طاح صديقي بقناة مدري وش اسمه ( اللي يعرضون أنفسهم للزواج وكلن يحط المواصفات

اللي يبيها بفارس أحلامه )

فقال لي صديقي : ليش ماتتزوج وتكتب المواصفات اللي تبي وتحط ملفك ويتصلون عليك

وللمعلومية ترى صديقي دائما أفضفض له وأطلع له اللي بقلبي

عاد هو عارف معاناتي فحب إنه يخدمن وينهي أزمتي المستعصية

أدري إن اللي يقرأ موضوعي يقول : ليش ماتتزوج زواج رسمي مثل العالم وبلا زواج مسيار بلا

خرابيط

فأقوله : على مهلك ياحبيبي لا تتوقع إني ماودي أتزوج مثل الناس بس الظروف أحيانا تخلي الواحد

خرووف

مرة من المراة شفت أبوي رايق ومزاجه مضبوط وحصلته يتقهوى بعد صلاة العصر ويقرأ الجريدة

وجالس لحاله بالحوش وبالهواء العليل اللي يحبه قلبك فقررت إني أنتهز الفرصة وأقول لأبوي اللي

بخاطري أقوله فقبل ما أجلس عنده قلتله : تراي ماني شارب الفنجال لين تقول تم

متأثر من مسلسل جواهر البدوي ( الله عليك ياجواهر )

فقال عارف إنك راح تكلمن عن الزواج لأن ماعندك سوالف إلا الزواج

فارتبكت ومدري وش أقول فقلتله : الله يجزاك خير

فقال: زين إن الواحد يفكر يكمل نصف دينه

فحسيت إن الأمور متيسرة بعد كلامه الحلو اللي يرد الروووووووح

قال الوالد : بس ترى لازم تجهز نفسك ترى الزواج مو لعبة

فقلتله : ماعليك كل شي جاهز إلا الجهااااااااز

قال : أول شروطي إنك تجهز بت لحالكم لأن مثلك عارف لا يمكن تسكن أنت وسعيدة الحظ عندي

بالبيت , لأني مقترح عليه قبل إن الجناح اللي فيه غرفتي وغرفة عالي أخليه جناح خاص لي

وأخوي الكبير يرحل لسطح البيت فيه غرفة يحبه قلبه وياحلاة الهواء الطلق بالسطح

بس المشكلة إن الوالد رفض الفكرة جملة وتفصيلا

فيوم شفت الوالد يابس راسه ضاقت حيلتي وأحط حرتي بالفنجال وشربت الفنجال جغمة وحدة

لأنه باردة , ونصيحة لوجه الله لحد يشرب القهوة وهي باردة ( أيس من الزواج قلبها نصيحة)

الله يذكر بعض الناس الغالين على قلبي بالخير

فاتصلت على أبو ريان وقلتله : وش عندك فقال : فاضي

قلتله : مسافة الطريق وأكون عندك , فجيت لأبو ريان ودخلت بيتهم فقلتله : أذكر إنك مخزن رقم

خطابة بجوالك , قال : إيه ليش , قلت : عطن جوالك وتدري ليش

وأفرفر كل الأسماء اللي بجواله وماحصلت إسم الخطابة , تدرون ليش ؟

مخزن الإسم ( سطحة: أبو علي ) مشكلة الواحد إذا صار جبااااااااااان

عموما واتصل عليها ومن شين الحظ يرد علي بنقالي فعرفت إن الحظ يعلكله ولا يمكن يتغير

ومازالت المعاناة والأحلام تراودني حتى كتابة هذا الموضوع

فعرفت إن الصيام هو أزين حل لحالتي الأليمة

عبد الله بن مسعود رضي الله عنه قال كنا مع النبي صلى الله عليه وسلم شبابا لا نجد شئيا فقال لنا رسول الله صلى الله عليه وسلم ((يا معشر الشباب من استطاع منكم الباءة فليتزوج فإنه أغض للبصر وأحصن للفرج ومن لم يستطع فعليه بالصوم فإنه له وجاء)) متفق عليه

ملاااااااااحظة : القصة نسج من الخيال ولا تمت لواقعي بأية صلة

لحد يتهور ويكلم الوالد وبعدين يصير لي ( لا زوجة ولا بيت )



أرق التحايا والتقدير

مجنون بريده

: eek5:eek5 الله يعين الشباب فعلا مأساة...,,,,,,

سبحان الله الشباب يقولون غلاء المهور والبنات يقولن حنا مانتشرط ماندري من نصدق:confused:

طيب
ابوك ليش رافض انك تسكن عنده

موفق
انسج قصصا تفيد فلديك موهبه


شكرالك

البيوت مليانه بنات نسمع هذه الكلمة دائما
توكل على الله وربك ييسرها
مشكور الله يوفقك

ولا ازيد على كلام الاخت انسانه لااكثر فبعض العوايل تلقاه مايصدق يلقى رجل بمعنى الكلمه

الابو يقوله لك بنتي بس جهز البيت ومانبي منك شي << قلت بعض العوايل

والاغلب من العوايل لاصار المتقدم (رجل) مايحددون المهر بس الي يقدر عليه يعطيهم




[/center]

مشكورة أختي على مرورك الكريم

صدقي الشباب وياكثر البنات اللي يتشرطن:confused:

مشكورة أختي على مرورك الكريم

ااااااااااااااااامين والجميع يارب العالمين

الشرهة على اللي يتفرج على هالقنوات عطفا على تصديقها

مشكورة أختي على مرورك الكريم

والجميع يعاني شباب وبنات ومافيه شك في ذلك ولكن ربك كريم

وإن كان ماذكرتيه صحيح فعلى الدنيا سلام

مشكورة أختي على مرورك الكريم

وأتمنى الإستفادة للجميع

بس انتبهي للباسوورد بتاعك لا يضيع

مشكور أخوي عزوز على مرورك الكريم

أكيد مليانات بس الأغلب للأسف يتشرطون وكأنهم يبي يعوضون اللي دفعوه لفلذات أكبادهم

أقصد ولي الأمر:eek:

مشكور أخوي ضايق الصدر على مرورك الكريم

وعسى الله مايضيق صدرك

والله يستر من العزوبية والعنوسة

وربك بيفرجها

بس محتاجة حبتين صبر ودعاء

مشكورة أختي على مرورك الكريم

ماقول إلا حسبي الله على اللي ابتكر غلاء المهور

ولتتذكرون قول المصطفى صلى الله عليه وسلم ( أبركهن أيسرهن مؤونة)

والله يوفق

مشكورة أختي على مرورك الكريم

أملنا بالله كبير إنه راح تتيسر

بس لو يتركون عنهم العادات والتقاليد اللي ماتسمن ولا تغني من جوووووووووووع

ولا ازيد على كلام الاخت انسانه لااكثر فبعض العوايل تلقاه مايصدق يلقى رجل بمعنى الكلمه

الابو يقوله لك بنتي بس جهز البيت ومانبي منك شي << قلت بعض العوايل

والاغلب من العوايل لاصار المتقدم (رجل) مايحددون المهر بس الي يقدر عليه يعطيهم




[/center][/quote]

يعطيك العافية سنايبر على مرورك بس وراك على أبو ربا تراه يمزح وسع صدرك

والله يكثر من الرجال اللي هيك يشرون الرجال

مشكورة على مرورك الكريم

والله يكثر من أمثالهم

يعطيك العافية أخوي قليل الدسم على مرورك الكريم

وهذي العادات والتقاليد اللي يعاني منها أغلب الشباب والبنات

يعني بدال مايدفه الألاف بالقصر الغالي والخرابيط اللي مالهن داعي

يسافربهن مع المدام ويلقاهن بشي ينفعنه

بس وين اللي يفكر ولا يهمه كلام الناس

[center]الله يرزق شباب وبنات المسلمين

الله يرزق كل من يتمنى الزواج عاجل غير آجل



طرح مميز و حلو

الله يرزقنا بس

البنات والله من التشرط تشوف شروطه تقل بتاخذ الوليد

بروح لباريس ياي وابي المهر 200 الف يارجال 200 الف اخذ به 5 حريم بالجمله

لاتقولون غلت المهور.. قولوا الزمن تغير ؟؟؟؟؟؟؟؟؟؟؟؟؟؟ كل شي يبي أثاث ووووووووووووواجار للشقه.. ويالله..غير الكماليات ..والا المهور.. الناس تختلف أحد 30 الف وأحد اربعين وكلن حسب طلبه..ولاتقولون غلت المهور امي كان مهرها من 25 سنه حوالي سبعين ألف..الله يرحم أبيي..بالعكس أحس المهور بدت تخف عن الغلا كثير أسمه تزوجوا بخمس وعشرين وثلاثين..
ولو العروسه تجيك من دون ثياب وو تزين وطلبت مهر خفيف كان دستوا عليها يالشباب هذا واقعكم تبحثون عن المرأة اللي تحب الاتكيت اللي تحب الزين واللبس الحلو..ولوماتجملت وغيرت من لوكها يومي كان مليت منها ومن عدم اهتمامها بنفسها.. لان الانسان بطبعه يحب الأفضل..
وقلتوا ادفع انبغى مائة وخمسين الف اهم شي وحده تلبس لي وتكشخ وتصبغ وتغير.. وهذا كله يبي دراهم( الحق ينقال)

مشكورين على مروركم الكريم ونورتوا صفحتي

وأتحفتوني بأرائكم

ويالله التوفيق

وما أجمل التوسط في كل شي

مشكورين على المرور الكريم

والرحمة شي قميل

والله يتقبل دعواتك