|
هل الدراسة أولى أم الزواج ..؟؟
السلام عليكم ورحمة الله وبركاته : مرحبآ بالجميع .. ظاهرة كثيرآ ماتحدث عند الجنسين .. وعند النساء أكثر وأكثر ألى وهي عندما يتقدم أحد الخطاب لهذه العائلة يرفضون ويقولون تريد البنت إكمال دراستها ..!! فهنا السؤال الذي يطرح نفسه : س _ هل الدراسة ووإستكمالها يكون عائقآ أمام الزواج الذي هو نصف الدين ؟؟؟ أريد منكم التعليق على ذلك .. ولكم جزيل الشكر . |
لا الدراسة غير عائقه عن الزواج بالعكس
بس يمكن أهل البنت ماودهم بالخاطب ويجيبونه بطريقه ثانيه عدم الموافقه ولا أتهم البعض ممن يمنعون زواج بناتهم بسبب الدراسة حاش لله هذي وجهة نظري ... وقد أكون مخطىء .. أفيدنونا بآرائكم جزاكم الله خير |
بالنسبه للرجال لازم يكمل دراسته
اما للمرآة مايحتاج تكمل او تكمل وهي متزوجه وجهة نظر |
لا.... فيه ناس تعتبر الي تدرس لسى صغيره ....عشان كذا يقولوا مافيه عرس الا بعد ما تخلص دارسه وفيه بعض الناس عندنا يعظمون الدراسه ....ويخافون بناتهم تتزوج ..وتترك الدراسه عشان كذا يرفضون يزوجونها قبل ما تخلص مع اني اجد ان الزواج ما يعارض تكملت الدراسه |
انا ماأييد فكرة رفض الزواج عشان الدراسه,,
ومن وجهة نظري وتجربتي الشخصيه ماأحس ان الدراسه سببت لي اي مشكله اذا كان الواحد عارف ينظم وقته,,,, بالعكس يساعد على الحرص اكثر وتحمل المسؤليه ,,,, ودائما نلاحظ ان المتزوج احرص من العازب بالدراسه ,,,,,,,,,, |
اقتباس:
ممكن تكون بأن أهل البنت ماودهم بالخاطب ويعتذرون بالتكميل .. لكن الآخرين وهم الأغلبية ماعلتهم ..؟؟ حتى تجد هذا الشي لو أتى أكثر من خاطب .. وشكرآ لمرورك |
اقتباس:
كلام جميل شكرآ لمرورك |
بسم الله الرحمن الرحيم..
انا من رأيي ان البنت او شرط تشرطه على زوجها إكمال دراستها والوظيفه مع بيت مستقل..وتتزوج لو كانت تدرس ..ولو رفض الدراسه تتركه ..يجيها غيره.. لان الشهادة والوظيفه سلاح للمرأة..والحين الزمن تغير كثير عن أول..كل شي يبي فلووس.. انا عن نفسي شرطت عليه ووافق وكملت دراستي وزوجي ولله الحمد ماقصر ساعدني ورفع من همتي وحملت وأنا ادرس ولكن ربي وفقني ولله الحمد وتخرجت.. |
اقتباس:
أجل اللي بالمتوسط وش تصير .. بالمهاد !! ومن ناحية اللي يخافون على بناتهم بعد ما تتزوج تترك الدراسة أو ان الزوج يرفض التكميل , فيه شيء إسمه شروط في عقد الزواج يشترطون التكملة وإنتهت المشكلة .. |
مشكورين على المرور
|
اقتباس:
اما عن رائي الشخصي ...البنت بعد ما تخلص الثانوي تتزوج اقتباس:
بعض البنات هي تترك الدارسه من نفسها ((ما تقدر توفق بين الزواج والبيت ))حتى لوكان مشروط عليه ....وياكثرهن وفيه بعض الازواج هداهم الله يوافق بس بعد مايتزوج يمل من دراستها ...بعدين يطلب منها تخليها ..واذا ارفضت كرهها بشي اسمه دراسه اما عن نفسي رفضت اني احط الدارسه شرط من شروطي ... حبيت انه تجي منه عشان يكون راضي عنها اتم الرضا ....والحمد لله درست خمس سنوات وانا متزوجه وعندي طفلين وكان هو خير معين لي حتى تخرجت ا |
أسعدني مروركم وأتقبل أرآآئكم بكل ود
|
الدراسه اهم عشان تستفيدين منها وتوظفين
واكرر الدراسه اهــــــــــــــــــم لان اذا تزوجتي ولا قدر الله وطلقك او تزوج عليك وين تروحين اذا طـــــــلــــــــــقـــــــــــــك س1: ايش تسوين؟؟ ج1: اذا كنتي متوظفه تقدرين تعشين انتي واولادك بس اذا مو متوظفه وين تروحين اكيد لااهلك بس يمكن اهلك ما يتحملون اولادك ثم يطلبون من ابو اولادك يجي وياخذهم منك ***************** واذا تـــــــــــــزوج عـــلــــــيــــــك وتـــــكــثـر عــلــيــه الــمــصــاريــف ويـبـخـل عـلـيـك وعـلـى اولادك وهذا يحصل دائــــــــم س1 : ايش تسوين ج1 : اذا كنتي متوظفه معليكي منه تسوين اللي تبين لك انتي واولادك بلا مــنــتـه وماله اي حكم عليك لانهن فلوسك بس اذا كنتي غير متوظفه طبعن بيقل مصروفك انتي و اولادك الان صار عنده زوجه ثاني وبيصير عنده اولاد ولازم يصرف عليهم قوليلي كيف تصرفين وانت غير موظفه الحين مو بس الرجال مالهم امان الدنياء كالها الله يكفينا شرها بس صدق هذا واقع هذي وجهت نظر اتمنى انكم تقبلوها يمكن عشاني متعقده من الرجال للمعلوميه انا مو متزوجه عشان ما تقولون مجربه |
والله انا وجهة نظري ان البنت اذا وصلت عمر 17 يعني دخلت سن الزواج فبعض الاهل يرفضون زواج البنت بعمر22 حتى لو ماعندها دراسه بحجة انها صغيره |
الدراسه لاتكونه عائقا لان اغلب الشباب بداء يعرف اهميه العلم ووضيفه المرأه موفقين |
اقتباس:
عذرآ وجهة نظر غير صحيحة .. لأن من السذاجة والتشاءم أن المرأة تفكر بالطلاق قبل الزواج وبعدين الرزق ليس من تكملة دراسة ووظيفة أو من الزوج بل الرزق من عند رب العالمين وكل إنسان مكتوب له الرزق قبل خلق السموات والأرض بخمسين ألف سنة , ولو طلقت ماهي ميتة من الجوع لاهي ولا أولادها .. والله المستعان . |
اقتباس:
|
,, دراسة الفتاة تبقى ضرورة من ضروريات الحياة وشخصياً أقدمها على الزواج إن كان الأخير سيبترها . نعم سيكون من الغباء رفض رجل يستحق بحجة إكمال الدراسة إذا قبل في التكملة فيما بعد ذلك . وأيضاً من الغباء التفريط في الدراسة مقابل رجل يرفضها قطعاً وكأن هذه الزوجة مملوكة يتصرف بها كيفما شاء . ويبقى الأمر متفاوت حيث الإكمال بعد الزواج يخضع لظروف التخصص فهناك تخصصات غير قابلة للجمع بينها وبين مسؤولية بيت . المهم إن كان الزواج ضرورة فالدراسة الأشد ضرورة منه لكون الزواج إعتماد على الغير أما الدراسة إعتماد على الذات . وكلنا لانعلم ماتخفي الأقدار لنا فلربما لانوفق فماذا عسانا أن نفعل حينها ؟؟ نطقق أصابعنا وإلا نرجع نكمل إذا رمينا الوجه على فلان وفلانة ؟ تسليح النفس فرض عين وعدم التفكير في بناء المستقبل سذاجة أي من تترك دراستها مقابل زواج يجب أن تكبر أربعاً على عقلها , لابأس لو تركته من نفسها لامن أجل رجل وكأنها تثق في تقلبات الحياة من أمامها ومن خلفها ومن أسفل منها وفوقها . لنقلل من الضحايا فلاتجعلوا الزواج حجة فالكل سيتزوج حيث أن سنة الحياة تقتضي ذلك , وهذا لايعني أن نضحي في مهامنا الحياتية من أجل أمر سيكون لنا لامحالة , وفق الله الجمع المبارك . ,, |
ادري انها مو ميته من الجوع
بس لازم تضمن مستقبل اولادها ولا الرجال ماعليهم حسافهعني انا اذا فكرت مجرد تفكير اني اتزوج والله يعينه شروطي 1: وظيفه اظمن مستقبلي 2: مايتزوج علي وياويله لو فكر مجرد تفكير على طول امصع رقبته 3: عادي اسكن عند اهله والله الرجال مينعطون وجه لازم تورينهم العين الورديه |
س _ هل الدراسة ووإستكمالها يكون عائقآ أمام الزواج الذي هو نصف الدين ؟؟؟
آذآ كآنت فـ 2 جآمعه وآعلىـآ مآله دآعي يرفضون تكــمل درآستهآ وهي متزوجه ..~ وآذآ كآن آلخآطب يرفض تكمــل فـ لـآ آهم شي آلدرآسه هو مآرآح ينفعهآ وبالنسسبه لي آلدرآسسسه مهمه جدآ جدآ جدآ ..~ وآلزوآج مهم لكن تحت 2 جآمعه لسىـآ صغيره ..~ ومشششكور ..~ |
اعتقد مهما طرح من نظرياات واراء يضل الامر بيد الزوجين وحسب التفااهم قبل الزوااج
والغالب امر الدراسه تحكمه الظروف.. الي اتعجب منه الي يخطب تدرس اي تخصص خصوصا طب وبفترة الملكة او بعد الزوااج يقول اتركي الدراسة او حولي الى قسم اخر طيب ليش خطبت البنت وانت قبل تخطبهاا عاارف بهالشي وش الي جاابرك في بناات صغار ماكملن دراستهن او متخرجااات ليش ماخطبتهن؟ ..!! |
الدراسة ليست عائقا ولكن بعض الناس يعتقدون أن العيشة هي في الدراسة
أنا هنا لا أقول خلوا الدراسة ولكن إذا أتاكم من ترضون دينه وخلقه فزوجوه |
بداية بسم الله الرحمن الرحيم
السلام عليكم موضوع مهم ومصيري الزواج هو سر بقاء النوع البشري واراة الله في خلقه وسنته ماضية فهو امر جلل ولا يقدم على هذا الامر الا بعد النظر في جميع الأمور من توافق وتناسب وتراكب الطباع واخيرا التفاهم فاذا وجد عنصر التفاهم بين الزوجين وقبله الأهل فليكن ما يشاء الزوجين بينهما والدراسة في نظري في زماننا هذا مهم للطرفين حتى الزوج الذي معه وظيفه بنظر الشخصي انه يكمل دراسته والزوجه كذلك ان وجدت فرصه في اتمام دراسته حتى تصل ان شاء الله لدكتورها ..... العالم الان يتجه للشهدات العليا ...... لكم خالص تحياتي |
بكل تأكيد الدراسة أهم ...
لكن إذا توفر الأمرين ( زواج + دراسة ) نكون بلغنا الافضل ... ولا أرى فيه مانع . أو عائق ... لأجتماعهما معاً .. |
هذا راجع لوضعهم... المرأة والرجل فالبعض لا يتحمل الصبر ويخاف على نفسه من الفتن ومحتاج أن يشبع رغباته الفطرية بالحلال مثل هؤلاء بحاجة للزواج سريعاً وعمر الدراسة ما كانت عائقاً للنجاح .. مجرد رأي |
الدراسة ثم الدراسة ثم الزواج. |
اقتباس:
الدراسة ثم الزواج ثم الدراسة وانتم وش تقولون |
والله ان الشهاده زينه...
بس عاد الشكوى لله ... المشكله باللي ماله بدراسه وهي عند اهله...شلون عاد وهي عنده عيال وبيت؟؟؟؟ |
مليون بالميه اذا كان المتقدم (الخاطب) رجال كفئ ذو خلق ودين ومحافظ على الصلاة ومايدخن وعنده وظيفه وقادر يفتح بيت ماراح يردونه اهل البنت عشان الدراسه بالعكس هذا الرجال ينشرى حتى لو كانت البنت بالمتوسط لكن لو كان مثلا ماعنده وظيفه ليش يستعجلون على البنت وهي صغيره والدراسه في وقتنا الحالي مهمه وسلاح للمرأه اذا جار عليها الزمن ومشكور على هذا الموضوع المهم |
والله كل وحده تقول لثانيه وخري أنا الأولى دراسه وزواج>>:41:41الله يوفقنا وياكم |
الأشعل دائماً تجتذبني مواضيعك التي تلامس الواقع
أشكرك على الموضوع الإجتماعي هاي : وبعدين أفضل شيء للبنت ( تدرس ) وهي متزوجه ، تدرون ليش ؟ .. لإن زوجها يقدملها بالصباح وردة مع كلام جميل مع ....... وتذهب لكليتها وهي بغاية السرور والسعادة والعلو بينما لكانت عند أهلها : ماحد يصبحها بالحب ولا حد يشوف خاطرها ، وتصحصح وأمها تتوعدها بإنها لا جت من الكلية تكمل غسيل ملابس الجذعان .... |
بالتاكيد الدراسه اهم واهم واهم
لكن اذا جاءها الزوج ا لمناسب ورفض تأجيل الزواج الى مابعد الدراسه فهناتتزوج وتكمل دراستها |
من وجهة نظري ان الدراسة ماتعيق الزواج ابدآ وهذا من خبرتي انا تزوجت يوم تخرجت من الثانوي وكملت بعدين
|
| الساعة الآن +4: 03:13 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.