|
قاعة العزيزية تابعة لمن.؟
السلام عليكم ورحمة الله وبركـاته. قـاعة العزيزة من صاحبها.؟! أعرف أنه الصمعاني بس أقصد بالأسم خصيصًا. عندي حفل بشهر 8 والقاعة أبد مو متعاونة ..وصعب جدًا أقطع مشوار عشان أتفاهم مع هالسوداني اللي رافع ضغطي. أكلمه عن الطاولات والتنظيم يقول أورق وما أورق.!!! لذلك الله يجزاكم خير أبي رقم صاحب القاعة وأسمه بالكامـل. |
طيب انت وشتبي باسمه خلاص خذ الاسم ورقم جواله من السوداني وتفاهم معه
|
الله يهديك
الرجال هم من يتعامل مع الرجال الله يوفقكم ويسعدكم دوم |
السلام عليكم..والله يهـدي الجمـيع. الكريمين / فهـد / مغترب بالأول كان تفاهمي مع السوداني كون الأمور لا يفهم بها الرجال... أما الآن كون الأمور تفاقمت بيني وبين هذا السوداني فـ أنا أفضل رقم أو أسم صاحب القاعة. لـ يتفاهم معه أحد غيري. * السوداني مو راضي يعطيني لا الأسم ولا الرقم.!! مع أن القاعات الثانية فيه تفاهم كثيـــــــر أتمنى أن نجد المساعدة من القاعة |
الله يكون بعونتس اختي ... ويوفقك ..
لو اعرفه كان عطيتك ياروحي ... تقبلي مروري |
.
مآدري آحس فيه متنآقضآت بين الآسم والكلآم !!! |
ياليت معي رقم تلفون قصر العزيزية كان طمنت الاعضاء ممكن يا صاحب الموضوع |
تويجرية. تسلمين يا بعد الدنيا. دعواتك . الكريم جروح أي تناقض.؟! هل مثلاً سجلت باسم فيصل وتكلمت عن مشغل.؟!! كل ما في الأمر أني أتساءل عن صاحب قاعة العزيزية لا أكثر.! الكريم أخو دريحم. جزاك لله خير. |
طيب خل القصر لهم ورح للرصافه احسن منه الف مره
|
بكـرى الله يرضى عليك ياختي. قهــر الرصافة دخل علينا نـاس وألا ولا بالفرق لا من ناحية التعامل ولا جمال القاعة. |
أذكر صاحبة المحميد اللي له محلات سامرة |
طيب مافيه احد من اهلك يروح لمهم وياخذ الرقم
|
أم جحا لا باعها للصمعاني على كلام السوداني:) حلوة لو راحوا تتوقعي بيعطيهم رقمه.؟! أخـاف يعند هالسوداني.! |
بآلمنآسبة قبل شهرين كآنت فيه آحتفآلية جميلة من آلجآلية آلسودآنية آلمقيمة في آلقصيم وبحضور فخآمة آلسفير آلسودآني لدى آلسعودية وبعض آلمثقفين وآلكتآب مثل جعفر عبآس وعبآس جعفر <<<< مآيعرف آلآ هوو :) بنفس آلقآعة >>>> آلعزيزية ^_^ فحذآري عن آلغلط على هآلسودآني ترآ له وآسطآآآآآآآت <<<< |
روحي لقصر السلام حلووووو
موفقة |
والله ما أدري وش أقول لكن لو حضر له أحد بنفس المكان أكيد الكلام راح يتغير
|
أم فيصل تعالي بحوشنا أحس لك خخخخخخخخ |
مشكله الاجنبي يختلف ذوقه عن السعوديين
|
الله يكون بعونك يا ام فيصل
تقول ابي رقم العزيزيه ..ما قالت نكتوا بالتوفيق لك ..! |
والله لو معي عطيتكي إياه يأم فيصل بس ماعندي
عندي فكره تعالي لمزرعتنا مكان حلو شبك الدجاج للحريم و الرجال عند الغنم من تحصله ببلاش |
روح لم الاداره وخلهم يعطونك
الرقم واللي تبيه |
عندك تناقض غريب
أشياء خاصة بالحريم وتكلمين سوداني!!! لاتعليق |
أنا أبي أعرف شيء واحد بس يا أعضاء؟
الحين السائلة تطلب الرقم وماقالت إنه تبي تتصل؟؟ يمكن تطلب الرقم وتعطيه أحد من محارمه؟ أحسنوا الظن يا إخوان.. أم فيصل، العذر والسموحه فأنا لا أستطيع خدمتك بطلبك.. ولكن من رأيي إنه لو يذهب أحد تعرفينه في بريدة ويسأل السوداني عن القاعة ويأخذ ويعطي معه بالكلام لين يعرف منه صاحبها فهذا قد يكون أفضل لكِ.. وبالتوفيق.. |
ايه ابد خلي احد من اقاربك يروح لمه وياخذ منه الرقم
وانا كان اجيب لك الرقم بس وين بعيد عني انا بجهه وهو بجهه |
اخودريحم يبي يتبرع ويجيب لكم التلفون واسم صاحب القصر وممكن تحددين في اي يوم من شهر 8 حفلتكم حتى اقدر نتفاهم مع السوداني وماهي معقوله اقف قدامه واقوله وش اسم الكفيل حتى اتفاهم معه بشرط اذا كن ليس فيه حفل تراي ابفضح واشرشح لكن شرطي ابي تاريخ حفلكم |
ههههههههههه أخودريحم طول عمرك راعي فزعات..
أنا كان ودي أسوي مثلك ياأخودريحم بس أنت تعرف أنا بالرياض وبعيد عن القصر :d.. |
اقتباس:
ماقصرت يابودريحم لاحتجت شي او ماقدرت لايردك إلا الرساله الخاصه وابشر باللي يبي يفزع لك ~ |
عزيزتي اللي تسألين مو الصمعاني صاحب القصر الخلف صاحب القصر بإذن الله ابحاول اجيب الرقم
|
اول شيئ السلام عليكم
وبعدين اختي احس في كلاامك تنااقض وان غرضك بس تشوهي سمعة القاعه اسم صااحب القاعه الاستاذ رجل الاعمال عبدالعزيزسليمان الصمعاني رقم القاعه 3230011 وعلى السودااني انا اقوول الظاهر انك مخبطه لانه مافي سوداااني ابد يشتغل بالقاعه الاداره بالصباح من الساعه 8الى الساع 12ظهرا مصري ومن الساع 4العصر الى الساعه 10 ليلاابنه بندرعبدالعزيز الصمعااني واذا كنتي تبغين ارقام جوالاتهم الخاصه راسليني عالخاص اختي وبالعكس القااعه مرره متفاهمه بشهادة اغلب العملاءوتسوي خصومااااااااات وتعطي عربونات شراء من العزيزيه للاثاث |
اقتباس:
هههههههههههههههههههههههه الظااهر انك مخبطه وتكلمين راعي البقاله اللي بجنب العزيزيه لانه وللاسف يكذب ويلعب عليك لانه ماااقد اشترا القاعه المحيميد والصمعاني اصله ماقد باعه هههههه والله نيتك وااضحه : 12 |
متلثمه كلامك صحيح مئه بالمئه
لاتعليق ;) |
اظن الاخت متلثمه كفت ووفت
اي استفسار راسليني واحنا بالخدمه لأهل الريااض |
السلام عليكم. اقتباس:
الأخ الكريم / الصبـاخ. ردك على الموضوع يكــفي. جزاك الله خير. الأخ الكريم / امير نفسي والله مـا أدري بس أنا سامعه أنه للصمعاني .! الأخت الكريمة / متلثمه بشماغ فزاع ثقي عزيزتي أني لست من هذا النوع..أي التشويه. مابيني وبين العزيزية غير موعد الحفل ..أما أي شيء أخر فثقي يا عزيزتي أنه لا يوجد. أتفهم شعورك حقيقة.:) بالنسبة للرقم فهذا هو نفسه اللي نكلم عليه بالليل والصباح ويرد شخص واحد اللي هو السوداني...ربما يكون مثل ما قلت أنه ليس سوداني لأني لم أقابله شخصيًا :) اقتباس:
ربما تذكرين أنتِ شيء قديم:) اقتباس:
اقتباس:
متلثمة كوني دائمًا محسنة الظن.:) فقط نصيحة.:rolleyes: |
اقتباس:
لا حــــــــــــــول ولا قـــوه الا بالله<<<<دقي على القاعه تكفـــــين وجـــربي؟؟؟؟:mad: اسلوب قمـــه أهنيــــك..ماسكــه الســـريع....:074::074: أم فيــــصل أحس القـــــــــاعه طلعت من ورى أذانكــ في قاعه جــديـــده أسمــــه بانورامــــا>>>يقـــولون عند الاستـــراحات عاد مادري وين بالضبـــط بس اللي سمعـــت انه غــــــاليه__أتمنــــى أفـــدتك...: 12 |
لا العزيزيه تستاهل .. وراعيها ولد حلال .. وعز الله انه رجآل وراعي ذمه .. فاعتقد ان مالك الا العزيزيه .. وان ما حصل لك نصيب وكان هناك عدم تفاهم فالرصافه ..! |
050 والباقي ماتغير هههههههههههههههههههههههههه بايخه صح
|
آسفه حبيبتي ماكنت اقصد اضايقك بكلاامي
او اتطاول عليك او الظن فيك سوء انا اخطيت وعارفه خطاي وطالبه منك العذر والسموحه بس حبيبتي الظاهر مايحولونك على الاداره لان البواب سوداني |
وماأقدر ارد عليك عالخاص لان مشاركاتي قليله
السمووحه خيتو |
أختي ام فيصل انصحك بقاعة سلام وخدماتهم يحبها قلبك |
اقتباس:
|
اقتباس:
وراكم طايرين بالعجه خاصه بالحريم تقصد من ترتيبات الحفل وخلافه اكيد هي بتتفق معهم لان الرجال ماعندهم سالفه بهالامور اعذرينا يام فبصل مانعرفله رقم والله يوفقكم |
| الساعة الآن +4: 07:35 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.