|
* بحق: هل المدرس ( صقيـــر) أم لا ؟؟؟
ما رأيكم : * نسمع كثيراً في مجاسنا أن هناك صفة ذميمة يتصف بها كثير من ( المعلمين ) حتى يكاد الناس أن يجمعوا على تأصل هذه الصفة فيهم :i121 وقد كنت في جلسة سمر ليلة البارحة مع بعض الأقارب والأصدقاء. فثارت هذه المسألة وكان فيهم من هو معلم ومن هو موظف ومنهم من هو يعمل في الأعمال الحرة .. فدار جدل عريض حول صحة هذه التهمة من عدمها بالنسبة للمدرسين. اظنكم قد عرفتموها ولو لم أذكرها وأنا لست أثبتها أو أنفيها، وإنما أريد أن أرى تأييدكم للإثبات أو الرفض بشأن هذه التهمة. هل المدرسين يتصفون بــ ( البخــــــــــــــــل ) يعنـي هل المدرس (صقيــــــــر) :d أم أن هذه تهمة باطلة ؟ ما رأيكم دون أن يكون هناك تحامل على المدرسين، ولا تعاطفاً معهم بغير حق :41 شكراً لكم ... |
كوني عملت لسنواتٍ طويلـه في مجال المحـلات التجاريـه , فما رأت عيني أبخـل من المعلميـن , وكثرة هذارهم , وإسلوب الفلسفة لديهم , ويظنون بأنهم يجادلون بالسعر , وهو بالأحرى بخلُ يجتاحهم , أيضاً يمتازون بالوساوس , والثياب الرثه , [ كل حديثي ليس تعميماً بل لفئة معينه ] ,. شاهدتها على أرض الواقـع ., فكما هو معلوم أن أصحاب المحلات هم أكثر الناس إختلاطاً بالناس , فيأتيك التاجر والفقير والمعلم والمهندس والكبير والصغير والعاقل والمجنون . ومنها أستفدنا من فن التعامل مع الناس وطبقاتهم بكل أنواعها .,
والحق يقال : ~ أن هناك من المعلمين من هم عكس ذلك بـ 180 درجـة , من كرمٍ وطيبـة وخلق ,. شكراً لهذهـ اللفتـه ,, لعلهم يستيقضون ,. |
والله ياهالموضوع
شكلك مطلعه من أعماق تفكير المخيخ الصغير .. بيني وبينك ولا أحد يدري .. والله ياهم فخمين .. (مهب كلهم):d هناك فرق بين اللي توه طاف(يعني بخيط التدريس) لكن(اللي من شينه مصدي)وتعدى راتبه اعشرة فهذا (قعيطي) وشوية عليه :095: أما الدكاتره:031: .. فأكرم بهم من دكاتره (لا موظفين ولا غيرهم) وجهة شوف :eek: |
بالنسبة لي أعرف معلم (نفر واحد) مهب بخيل .
بعدين تراهم معذورين والله يا مصالا ها البزارين يخليك ما تفرط بريال أخذته أجر على ها المصالات على الأقل خله يغبي دراهمه يعالج بها نفسه لو يصكه واحد منهم على جبهته همن يقال له أنت المخطي اللي ما عندك أسلوب تعليمي . |
اقتباس:
هههههههههههههههه شكلك تدرس بأهلية (محسرين بك) (معليش ياراعي الموضوع .. على هالرد الخارجي (بس رحمته) |
محب رؤيه الرحمن صدقت اللي منذو مبطي يدرس اعوذ بالله مايطلع الريال الا بالحسر اما الطفيف زينين وحنا نقول الاغلبيه ولا بوه بعضهم ماشا الله يهبلون القلب |
والله المدرسين يختلفون فيه انواع الكرم ويلعب بفلوس
وفيهم يدفع البلاء انواع الصقاره |
حسب ما رأيت .. من حولي ..
فيهم الكبر .. ولا يرى غيره شي .. و الغالب منهم .. صقير .. قعيطي . القطية ما تطلع إلا بشق الأنفس .. يحسب للريال قبل العشرة .. مخباته أكثر ما فيها إيصالات الصرافة وفواتير .. أكثر من يجادل في الأسعار . . يروح لم محل 100 كيلو علشان عنده تخفيض 5 هللات .. وعادي يعزمك على فشار نسمه :113: وأكثر من يلاحق إعلانات التخفيضات التجارية .. وفيه بعض منهم طيب ولا يعرف البخل .. وإنسان متواضع .. وحقاني .. وكثر الله من أمثال هؤلاء .. |
:d
عملت في أحدى الأماكن التجارية لم أرى مثل المدرسين في الجدال في السعر . وبعضهم يختف جذرياً . الناس أجناس :) |
بقايا ذكريات + أبو ربــا .. جبتوها 100 % |
كم عدد المدرسين ؟؟ 100000؟؟ 200000؟؟ هل من المعقول الحكم على هذا الكم من خلال محل ( بقالة او بسطة ؟؟
ثم : أليس المعلم هو الشخص الوحيد الذي يدفع من حر ماله ... لنشاطات الطلاب والوسائل التعليمية ... لست مع او ضد هذا الكلام ... وانما الانصاف مطلوب في كل زمان ومكان ومسألة .. خاصة بعد ما اثير من مراتب وحقوق ثار جدل كبير بين الناس حول الاستحقاق .. عموما يبقى السؤال الذي يطرح نفسه : هل يوجد فائدة من الموضوع .. وليكن ابخل البخلاء .. فالبخل يا اخي الكريم صفة بالشخص تلازمه .. اما بسبب معيشته او حالته الاجتماعية او وضعه الاقتصادي او قد تكون ملازمة له منذ الصغر او حتى وراثة ... فما فائدة الموضوع من كونه بخيل من عدمه ؟!!! مادام تصرفه بماله تحت ارادته غير متعدي على مال غيره .. ولا مرتشي من زبائنه في بعض الادارات الحكومية الاخرى نعم الشخص هو اذا استمر على ما هو عليه ولم يتطور الى التعدي على غيره ... تقبل مروري أخي الكريمـــ |
اقتباس:
واخزياااااااااااااااااااه من ربي ... وووووووووه .. الله لا يذلنا ...!!!!! |
أكثر ما لاحظته على المدرسين هو كثرة التشكـّـي بأن [ ما عندهم ولا ريال ] وكل ما يحصلونه ياكلونه :04: وإنهم مديونين وإنهم وإنهم ... ، والمشكلة راتب الواحد منهم ما يقل عن ثمانية آلاف إلا أن صفة عدم ذكر ما أنعم الله عليهم وكثرة التشكي تـُـسيطر على الكثير منهم . |
اقتباس:
ومن ألزمه يدفع لتحسين الفصل ؟؟؟؟؟ .. نريد تحسين مستوى الطالب قبل تحسين الفصل ... |
اقتباس:
فعلاً وستجد كل ما ذكرته وزيادة في هذا الرابط ... http://www.qassimedu.gov.sa/edu/ |
هههههههه
خل عنك والله يا طاااحت أقنعة بعض ناااس [ وماخفي أعظم ] .... بهم من الحسد والحقد مالله به علييم .. أجل حاسده على 8 تلااف أنت ويااه .. |
.
. حسدوا الفتى اذا لم ينالوا سعيه *** فالناس أعداء له وخصوم واذا أراد الله نشر فضيلة *** طوِيت أتاح لها لسان حسودِ |
(((((((((ثلاثتيام مسافر معي وأنا أكد عليه وهو مدرس وأنا على قد حالي
المشكلة إني أستحي منه وإلا كان هاج ومخليه))))))))) . جزء من معاناة ذكرها أحدهم مع رفيقه المدرس . |
صاحبي يحدثني بكلام ملؤه الأسى والحزن لأن ابن عمه لم يحصل على وظيفة حتى الآن . ابن عمه يملك سيارة يعجز عن شراءها الموظف صاحب الثمان آلاف ورقة ، ويقضي وقته في التجارة عل الله أن يسعفه برقم وظيفي !!! نظرة المجتمع للموظف نظرة تبعث على التقيؤ فهم يعتقدون أن الموظف صاحب الراتب العالي هو بمثابة الجمعية أو المبرة الخيرية . دائما أقول بأن الموظف صاحب الألفي ريال اغني وأكثر إمكانيات من الموظف ذي الثمان آلاف ريال ! خلونا عمليين وااستعدوا للحساب : الموظف صاحب الألفين كل المجتمع يهبون لنجدته فهذا بالغذاء فهو ضعيف ، وأخر بالكساء لأنه محتاج وأولاده لابد أن يلبسوا الجديد ، وثالث بآجار البيت لأنه رب أسرة وبحاجة ، ورابع صدقة وخامس زكاة ، وأقاربه لا يطالبونه بشيء فهو على باب الله بمعنى أخر ليس لديه هم اجتماعي ولم يلق على عاتقة أي ثقل ولايعاني من ضغوط. الموظف صاحب الثمان آلاف ورقة يقبض في النهاية شيء اقرب ما يكون للجُعل ،يسمونه معاش وفي رواية أخرى ماعاش لأنه لا يدوم طويلا فالكل يبحث عن نصيبه من هذا الثروة التي يشقى في جمعها المسكين ليجد أن المال في النهاية ملك لغيره انظروا معي هذا السيناريو والمسلسل المكسيكي الذي عنوانه : وين يروح راتبه ؟؟؟ : فابوه يشره عليه لأن الأب أشقى عمره في تربيته وأمه تنظر الى جيبه لأنها ربته ولابد أن يرد الجميل { طار الف ريال وكلشن باجره } وأخوه العاطل لايعرف معنى الأخوة إلا في نهاية الشهر وإلا فانه سيلعن هذا الزمن الذي أصبح فيه الأخ لا يعين أخاه { طارت خمسمائة اخوي وماله غيري } أبناء العمومة لديهم مناسبات دورية وفلان صاحب الثمانية لابد أن يكون في المقدمة فهو مقتدر فأين تذهب الثمانية . { عيال عمي وصلة الرحم به اجر طير خمسمائة يافتى } أصدقاءه هو مطالب بأن يثبت لهم بشكل عملي معنى شكره للنعمة والتحدث بنعمة الله عليه بشكل يرى بالعين المجردة { طيّر خمسمائة فهي خربانه } المساكين الذين يداهمونه في العمل والشارع والمسجد هو أيضا مطالب بأن يشتري سيارة بتلك القيمة يعني بقسط لا يقل عن ألفي ريال وإلا سيرمى بالبخل والصقارة فهو يستلم ثمان الاف ومعه كورولا ياللهول !!!! هو مطالب في نهاية السنة بأجرة للمسكن طبعا المسكن لا بد أن يكون في الحي الفلاني حسب رغبة الأنساب يعني يروح ألف وخمسمائة وهكذا .... يعني صاحب الثمان آلاف ورقة ينظر إليه لا على انه شخص حر في تصرفاته ، أجهد نفسه في التعلم وأشقى بدنه في البحث عن وظيفة ، وإنما على انه مكينة صراف آلي والكل يبحث عن نصيبه من الكعكه ولا احد يرحم ولا ينصف ولا يعذر فهو يستلم ثمان الاف !!! ولا ادري اين هو نصيب الزوجة والابناء من هذه الزوبعة صاحب الثمان آلاف سهر وتعب عندما كان صاحب الألفين (يسربت ) بالشوارع ويؤذي عباد الله واعذروني على هذه العبارة ولكننا مللنا من هذه النظرة الاختزالية الظالمة . .. |
أما أنا فلن أعطيك تصور عن الجميع ولكن عن من أعرف من المدرسين ~
لي أعمام مدرسين ولي أصحاب مقربين ولي زملاء دراسة ~ كلهم أي جميع معلم تربطني به علاقة متينة نوعاً ما ~ ليس للبخل طريقاً إليهم ~ اللي بمخباته مهب له ~ يتحين الفرصة اللي يقمز به يحاسب أو يشوف اللي ينقص عليك أو اللي ترغبه ~ وهذه شهادة حق ~ وللمعلومية: لست معلماً . |
نعم
الاغلبيه من المدرسين فهم صقيرين جدآ وفيه ناادر فيهم الكرم والجود |
خلونا من الموضوع عندي سؤال؟
ما سبب تسمية البخيل صقير ؟ ودي اعرف ... اتناكم |
ولا تنسون الدرسات بعد
والله وحده من قرايبنا مدرسه راتبه فوق العشره ماعنده الاالتنوره السوداه به ثلاث ازره من عند الكسره قسم بالله ان حفظته لو تبون ارسمه لكم رسمته التنوره اشهبت صار لونه بدال الاسود رصاصي وحالفه حلف ان شفته الخميس بالاجتماع ان لاشققه من القهر او اصب كلوركس عليه بس على فكره هذي الي اتكلم عنه عنده بيوت للايجار يعني امراءه تجاريه مهب مثل بعض الناس بس يناضرون مخباءه رجله اغلب المعلمين ماسكين شوي او شويااااااااااات |
اقتباس:
. ^^ ناقصات عقل ودين !! الحين انا ودي أعلق على كلامتس يوم تقولين حفظت التنورة .. عندما قريته تذكرت أختي لبدت تسولف عن هالحريم فلانة اتعيد لبسة ومن هالحتسي .. ونا أقول لختي البسي هالتنورة تقول لا شايفينه ومتى بالعيد .. وكل شوي رايحتن تشري تننانير .. تعبت الوالد .. وهـ بس وش هالحريم .. وش رايكم بهالفعل ..! . |
الشخص على اهله اذا العائله اشتهرت بالبخل الله يعين الي يكد عليهم واذا هو من عائله كريمه ماشاء الله تبارك الله يعني الكرم وراثه وعاده شكرالك |
ههههه والله يانتم شرشحتوهم شرشحه هههههه المشكله تتكلمون عن اللي علموكم على الكتابه والقراءه , هههههههه بس بقايا وابو ربا عيني عليكم بارده والله |
أشوف كل واحد منكم يقول المدرسين قعيطيين والثاني يقول لا مو قعيطيين وكل واحد يضرب مثال على واحد يعرفه
القعاطة لا ترتبط بوظيفة معينة بكل دائرة حكومية تحصل بخلاء في المحكمة في الصحة في التعليم في العسكرية في جميع الدوائر الحكومية ما أدري ليش حاطين دوبكم بدوب المعلمين قد يكون الكلام بدافع الحسد لأن أول مربوط للمعلم 7600 ريال وعلاوة 440 ريال سنوية وبعد التعيين بخمس سنوات تقريباً يصبح الراتب مع القفزة 10866 ريال ماتحلمون فيها (( قل موتوا بغيضكم )) فيمكن يظن الواحد إن المعلم لازم ينقط عليكم فلوس ويصرف عليكم ويصرف على الجيران ويصرف على جيران جيرانكم ويسدد فواتير جوالاتكم عشان ماتصفونه بالبخل أعوذ بالله من الحسد |
أحبتي الكرام : مروركم تشكرون عليه. ولكن لما نتكلم عن البخل ، ليعلم كل واحد وواحدة أن البخيل بكرهه الناس . ليس لأنه لم يعطهم من ماله ، كلا فماله له بارك الله له فيه. لكن البخيل ذو نفس معقدة ، يلوم أصحابه ليس على التبذير بل على المعقول ولقد والله سافرت مرة من القصيم إلى الرياض مع أحد أصدقائي لما طلب مني أن أرافقه لأن عنده موعد لدى أحد الأطباء ( ولن أقول لكم إنه مدرس أو غير مدرس لكن تخيل أن مرتبه يربو عن أثنا عشر ألف ريال) فصاحبته إلى الرياض وجلسنا يوم كامل أفطرنا هناك وتغدينا وتعشينا إضافة إلى ثمن الوقود ومع ذلك فا السفر من أجله وذهبنا على سيارتي والله والله مادفع في هذا السفر ولا هللة واحدة. !!! من يطيق العيش مع بخيل شحيح ؟! يجب أن نفهم أننا لا نريد من البخيل أن يتصدق بأمواله . ولكن: ليعيش حياة العقلاء المقتصدين لا إسراف ولا تقتير يدفع ما يجب عليه ويمسك ما يجب إمساكه ولا يجعل نفسه في مرمى لسهام الناقدين هذا هو ما نقصده من ذم البخل أحسب أن الغاية التي طرح من أجلها هذا الموضوع قد فهمت لمن غابت عنه. سدد الله الخطا وغفر لنا ولكم شكراً لكم |
اقتباس:
|
والله موضوع بالمقص هههه
والله بوجهة نظري ان البخل في الجيل القديم المدرسين القداما اما مدرسين هالوقت اعتقد بالعكس .. فهم استفادوا من غلط من قبلهم اذكر مرة دخلت محل كمبيوترات بالصفراء فوجدة شخص يجادل صاحب المحل .. بماذا ؟ يقوله ابشري كمبيوتر (سعره 1200 ريال) عاد يقول ابشتري كمبيوتر مع الطابعه ب1100 انا ضحكت في نفسي وقلت (شكل الرجال يحسب إذا اخذ بضاعه ينقص السعر) قال صاحب المحل له .. (أنت مدرس) هههههههههه قال ايه قال مانب بايع هههههههههههههههههههه قسم بالله هذا اللي حاصل شكله خابصن المدرسين |
<<<<<< قريباً سيكون مدرساً إن شاء الله, هل سترى سيسحبه المد الصقيري ههههه :i121 , الله يستر شكلي بهون منب امدرس :d
بس تبون الحق, لايمكن الحكم مطلقاً, ويبدو أن الناس تركز على المدرس حسداً منهم سواء بوعي أو دون وعي, ويغضون الطرف عن غيرهم من الموظفين أيضاً بوعي أو بدون وعي, لذلك أعتقد أن المدرسين هم نتاج مجتمع فيهم البخيل وفيهم السخي وفيهم بين ذلك. |
بأعتقادي ان الكرم والبخل صفات وراثيه او عادات بيئه
الرجال اللي حولي من كل جهه كرماء لحد الاسراف عنوان الموضوع جعلني اؤيد الصفه لان المجتمع حولي مافيه ولا مدرس ولله الحمد اللهم لاشماته اللهم ابعد عنا المدرسين 100كم |
ياجماعة الخير .. مااشتهر عنّا بالعالم العربي والاسلامي والشرق أوسطي والعالم الخارجي والدول الاسكندنافية ودول عدم الانحياز والكومنولث وحلف الناتو الا بالقعاطة :) أقصد معاشر القصمان الأفاضل :):):) واذا مات الشايب شرا عياله سياراتن زينه "القصص اللي تنعاد كل يوم" فخلونا حلوين مع بعض .. الله يحلّي ايامكم :) ويكفينا وياكم شر الصقارة |
اصابع اليد مو سواء ياجماعه البخيل بخيل ولو كان غير معلم ليه انتو حطين صفه البخل بس على المعلمين عندك التجار مثل بعضهم واهو الغالب بخلين وعيالهم يرحمو بس نرجع ونقول مو كلهم.وبعدين اخ ابو ربا
تحسين مستوي الطلاب ياتي من انفسهم وليس على المعلم الا الاجتهاد وش فايدة تعب المعلم وشرحه والطالب مايحل واجب ولا يدرس الدفتر ابيض من اول السنه (يد وحده ماتصفق)لا بد من التعاون بين الطرفين اما اذا كان الطرف الاخر مهمل مو ذنب المعلم وبعدين يابوربا الا حنا المعلمين والله ملزمين بتحسين الصف ولا بعض الاحيان ندفع ثمن فطور لبعض الطالبات (الي يكسرن الخاطر) وانا عن نفسي معندي مشكله بلعكس صدقه واحسان بس يكون من انفسنامو بالتهديد والله(لو )تصدقون عند المديرة طابعة من الدوله ترفض انو نطبع فيها اسئلة الامتحانات فقط تستخدمها لاورقها وتقولنا وبكل بجاحه دبرن انفسكن واذا صار فيه احتفالات في المدرسه يكون على حساب المعلما ت قهوي وحلى وثمن طولات وهدايا وووووووووووووو والى ترفض الويلوالويل لهاااااااااااااااااااااااااا تكتب خطاب فيها تذمها وانواعو التسلط وتلفظ للاسف والله(بعض المديرات كذا )الا من رحم ربي لكناها الغالبيه . الله يصبر المعلمين كلن يذمنا ويحط كل المسؤليه على روسنا والراتب كلن حطط عينه عليه يخلص قبل ماينزل.وتراة قليله على شقنا |
بالنسبة للي أشوفه من المعلمين أشوف انه ماعندهم البخل اللي تقولون بالعكس .. أعرف كثير من أقاربي معلمين وماشاءالله مايرفض لعياله طلب وأكبر دليل الوالد الله يخليه مب كرم وبس الا أسراااف :d ماأقوله هالشي لانه أبوي ولازم أمدحه بس هذا اللي أشوفه وكل فترة وفترة جايب هدايا لطلابه وكثير من المدرسين اللي معه كذا ..
أعتقد ان المعلمات هن اللي بهن هالظاهرة أكثر ولاحظت عليهن هالشي يوم كنت أدرس يعني تشوف الوحدة له عشرين سنة تدرس وراتبه حول العشرين ألف ولبسه تكرره ألف مرة وبالسنة ماتغير الا مرتين :( وأيضا معلمات من مجتمعي أشوفهن كذا الوحدة بس تجمع ماأدري وشوله :bad |
عموما البخل ليس مرتبط بوظيفة معينة
يعني وش السبب يوم صار مدرس صار بخيل ؟؟ |
وأنا ودي أعرف وراه القصمان مايخلون أحد بحاله ؟؟ كلن يدخلون بحياته ويتلقفون ويحققون وليش وليش وكم راتبه ووش يسوي براتبه.سبحان الله هالصفة مأشوفها الا بالقصمااااان.. اذا صار المدرس بخيل وش ضاركم؟؟ماخليتوا أحد ماقطعتوا جلده,
عندي وظيفة مدرس شاغرة أحد يبيه ؟؟:d |
اقتباس:
والحين أنت برأيك أن فعلك سليم؟؟؟؟؟؟؟؟؟؟؟؟؟؟؟؟؟؟ بالعكس المفروض ما تذكر هالكلام اللي يدل على قل الذمه !!!!!!! انت خليته يدفع السبعه بنية السلفه صح ؟ المفروض تدعيله وتشكره انه ذكرك علشان تبري ذمتك حتى لو هلله أحسن من اتبقى بذمك يارجل لكن الله يخلف انقلبت الموازين اما حكمي على تصرف صاحبك فهذا شي ثاني لكن العجب كل العجب ممن يسكت عن مبالغ ولو كانت زهيده ولا يذكر من أخذوها منه ومع ذلك لم يبري ذمتهم !!!!!!!!!!!!!!!! |
أما إذا كآن العدد كثير فهنا نتعامل بـ [ القطّه ] .. أما إذا إثنين رايحين يتعشون وكل واحد يمد عشرته فأتوقع إنه قمّه في السخف والتصرّم |
البخل ليس للمعلمين بل هناك موظفين في دوائر حكومية أخرى .. قعيطين مررررره .. بس أنتم نظرتم من زاوية واحدة .. فقط . والله الموفق |
أعرف اناسا "مليونيريه" والله ماتفرقهم عن اواسط الناس .. فلاسيارة زي الناس ولابيت ولا سفريات ولاشي !! .. فبالله وش فايدة الفلوس ؟؟ مجرد ارقام فقط .. أقول .. صز والله وش دخلنا :) |
شكراً على تسييركم على الموضوع |
كلام يحمل الصحة نسبيآ - فاأغلب المدرسين قعيطين !! لكن التعميم فيه أجحاف كبير !! ممكن الشيبان الأولين قعيطين لكن الشباب الحاليين اللي بمخباة ماهب له والله أعلم - بس يمكن قروشهم حسب تدريسهم هل تدريس هاللحين زي أول - أعتقد لا!!
|
أنتم ماسد سمعتو بقصة المدرس والقشطة ...
هذا واحد من المدرسين (الجدد) يقول رحت للمدرسة طبعا (أول يوم له) بالتدريس يقول دخلت المدرسة ودرست أول درسين وطلعت (جت الفسحة) الله لايعيده ومار أروح لغرفة المدرسين (تقل غرفت بنقالي) ومير أشوفهم متجمعين قلت وش السالفة ؟ إلى اللي مطلع إيده ويشر لي يقول تعال إلحق قبل مايقضي ويوم وزت إلى الشباب متجمعين يفطرون قشطة حمراء وخبزت خباز وحده . الله يفشلكم (متقاطين بعد)(أو شكل البنقالي متبرع لهم) خوينا ضاع وجهه وقال لالا بس مفطر والله (عاد يقول متعود على الجامعة كل يوم على واحد وأنواع وأشكال اللي تبي) ... |
والله المدرسين مب واحد !!!
الحين اصابعك واحد!!! ولاكن مانقول انه مافيه مدرسين قعط ....... |
يقول صاحبي : سافرت وجماعة من زملائي وكانوا موظفين ومعنا واحد (مدرس) إذا علم أننا سنقف عند محطة أو بقاله سوى نفسه نائم حتى تحرك السارة !! معذرة : هذه وافقت (مدرس) ولا يعني التعميم شكراً |
أذكر كان هناك يوم طلعه مع عدد من مشرفين الإدارة العامة ..
وفي ذات يوم بقي قليل من البرتقال والتفاح وبعض الخضروات .. المهم .. بعد العشاء .. بدأ واحد منهم يحرج على الباقي .. علماً بأن المستخدم طالع معهم وهو فقير وكلهم يعلمون عن حاله .. ولم يتكلم ولا شخص بقوله أعطوه للمسكين لا .. بل كان معهم موظف عادي وقال أنا أشتريه .. وشراه يوم وقف السوم وأعطاه المسكين وهم ينظرون إليه وبدأت دور أعينهم كالذي يغشاه الموت .. وبعدها حرمت الطلعة معهم .. |
اقتباس:
حبيبي: هل تتصور أن هذه الحكمة من من هذا الموظف ستغير من حال البخيل شيئاً على رسلك يا صاحبي، فما لجرح بميت إيلام شكراً لك |
والله من الحسد عندكم
اعوذ بالله منكم |
اقتباس:
يحسبون كل صيحة عليهم :d:i125:eek5:oo:057::d |
| الساعة الآن +4: 06:17 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.