|
من يعلمن وش سالفه هاللمبه .؟؟؟ دابلتن تسبدي هاليومين :(
هلا والله بالشنباي هاليومين إشتغلت لمبه بالطبلون المهم وأجيك أفصل البطاريه نص ساعه وشبكته من جديد يوم شبكته والله وتروح اللمبه بس انحاس كمبيوتر السيارة شوي المهم ما قعد ولا ساعه إلا وهي راجعه وهاللمبه من يوم ما إشتغلت والسيارة به شويه بلاوي أمس لمبات الفرامل قعدت ثلآث ساعات وهن طافيات :eek5 واليوم وأنا واقف عند الإشارة احتر المكيف حول الدقيقه همن رجع بااارد :eek5 عاد باتسر ما دري وش يبي يسوي :eek5 المهم هذي صورة تبين موقع اللمبه من الطبلون وهذي هي اللمبه :eek5 باحترائكم |
.
. المُشكِلَةُ قَدْ تَكون بالكَهرَبَاء ، وَكأنَّ الصُّورَةُ تَابِعَة للدينمو !! . . |
اهلا البرنس هل فيها الصوت السيارة بعد ظهور اللمبه ؟؟؟؟ |
اقتباس:
اقتباس:
قاهر الروس جريـــــح1 مروركم سرني كثيراً |
والله يالذيب شيك عليه كمبيوتر لابنقالي ولا يحزنون كله 100 أو 150 ويطلع لك كل عذروب به ..
|
هلا البرنس . طيب انت غاسلن المكينه ؟؟ اذا كنت غاسله افصل البطاريه عشر دقائق وبعدين ركبهم .... :) |
اقتباس:
رايي مثل راية لايهمك البنقالي الكمبيوتر خلة يطلعلك برنت كامل :) |
. شف يابو كريم هو فيه احتمالات وكل شيء وارد احتمال ان اللمبة مسكت معه تولع وهذا شيء طبيعي , وأسأل راعين الكابريس واحتمال أن فيه خراب بسيارك , وولعت اللمبة واحتمال انه فيه خطر قادم للسيارة , وايضا هذا وارد واحتمال أن الموتر خبط والمكينة الله يخلف عليك واحتمال أمممممم , وش بقي وأرجح والله العالم , إن السيارة مابه شيء عاد وش رايكم مايصلح سؤال لحقين الهندسة هذا؟ :d ..... نعود لمحور حديثنا طبعا هاللمبة حقت المكينة , يعني اذا انفصل شيء , والا الزيت نقص راح تولع هذي وشيك على السيور لا يصير شيء منفصل لأني بغيت ارجع لبريدة رجل , وأنا بطريق الرياض والسبب من السيور طبعا أول مانقطعن احتمى المكيف , وثقلت الطارة , وارتفعت الحرارة وصار البلى من السير منقطع ولا أقولك وراه ماتروح للرياعي تراوه بجنبك , وقله وانت واقف , قله جايك عن طريق .... أنت ابخص عاد :d والله أعلم أقول لاتاخذ كل الهرج , بديت أعطي خيط وخيط , النوم بهذل بي :d . |
يبدو لي إنه مؤشر على نقصان الزيت و الله أعلم ..
|
سبق وحصل لي مثل هالمشكلة ورحت للقافلة بالصناعية وفحصت كمبيوتر عند أبو رمزي أردني الجنسية وطلع عندي حاجة اسمها ((نوك سنزر)) بالعربي حساس الكمبيوتر وغيرتة وانظبط الموتر |
اقتباس:
الـ 100 نغبيه لليوم الأسود :d شكرآ لك |
اقتباس:
والبطاريه فصلته 10 دقايق وطفت اللمبه ولكنه رجعت بعد نص ساعه تقريبا شيكرن ليك :d |
اقتباس:
وش بقى من الخرابات :09: اللحين طلعت كل خرابات الدنيا وآخرته تقول ما به شي :113: أبو عبد الله تراو أمريكي مهوب هايلكس :113: وش عرفك بالآمريكي > لاتقعد تبربر بشي ماتعرف له :d>> وش عندوو من موزمبيق الأخ :113: اقتباس:
السيور مشيك عليهن قبل ثلاث أشهر وهن بحاله جيدة والزيت مهوب ينقص أبد والله العالم شكلي بسير على الرياعي إذا ماعرفت الحل ;) شيكرن لك أيها الدعساوي ;) اقتباس:
|
اقتباس:
هلا بك يا آلبي أجل تقول رحت لآبو رمزي كم أخذ عليك أبو رمزي ؟؟ والموتر يبطي عندة ولا يطلعه بسرعه ؟؟ في احترائك يا آلبي |
اقتباس:
|
هذا اللي يجيك من الاكسبديشن
قايل خل الامريكي يا ولد الخبوب لا >>ومعطينه السواق:d |
لا لا مابوه خلاف بس مزحه ثقيل
الله يصلحه .. ولا ان شكلك خالط ماء مع الزيت << والله من القعاطه الا جلده :d مير راح راس براس مع جوالي .. بدون كاميرة وبدون بلوتوس << إلا ابو لمبة خله تعوضك مير :d |
اقتباس:
أنا سألت واحد من الشبيبه يقول إن البلآ بالجنزير ويبي له تغيير بس شكله بتصفى على أبو رمزي ;) |
اقتباس:
اقتباس:
اقتباس:
|
اذا جيت تنام بليل افصل البطارية واذا صار الصباح ان شاء الله متولع اللمبة
|
.
. انا ما اعرف الا للهيلوكسات ... مواتر التالين ما اعرف لهن.. اعذرون >>وش عندهـ |
ارا3993
سبق وأن فصلت البطاريه بس ماودي أفصل البطاريه والموتر به خراب شنب النمله عربي اولآهـ :113: ولد حمد يا حبيلك بس الله يخليك لآميمك وأبوك :) |
اتوقع والله اعلم سير المكينه يبي تغير
|
أناا اعلمك وشي !! الطبلوون شغاال ولا لا ؟؟ اناا اذا فصلت الطبلون حقي طلعت لي ذي .! ولا اجااء يبي يخبط الموتر تطلع ذي :113: [ أرجوء أنني قد أفتك قصدي وهق تك ] :113: |
سالفة اللمبة طول الله عمرك..َ~ هذي لمبة المكينة..َ~ يعني هي المكينة مضبوطة مثلا إذا قعدت سنة تشتغل اللمبة تلقائياً ..َ~ يعني المكينة تبي صيانه وتشييك..َ~ تراي مادري لكن انا سمعت المعلومة من واحد يقرب لي معه زي موترك..َ~ سلاام..َ~ معاند..ًْ~ |
اللمبة هذي تدل على وجود مشكلة بالمكينة ..
اما ان يكون فيه حساس لايعمل... او مشكلة بالبرمجة .... او لي هواء من اللي بالمكينة مفصول .. أو سلك منفصل .. وعندي لك حل بسيط ممكن تجربه وغالبا ما يحل المشكلة ان كانت من البرمجة تفك البطارية لمدة خمس دقايق وتعدي شبكها .. وبهذا تعيد السيارة برمجتها من اول وجديد وغالبا ماتطفا اللمبات اللي مثل هذي .. |
السيارة كم مشت
أن كانت ماشيه السيارة فوق ال 200000 فهو الجنزير |
هذي اللمبه مشكله بالمكينه شوف السير او ما يسمى التايمنق بلت يعني الجنزير
والله يستر عليك وع سيارتك |
اليوم رحت شيكت على الموتر
اللمبه هاذي تطلع لاصار بالموتر شي يتهدد فحصت الموتر لقيت الصوفه منحله وتقل ودهـ تطيح :09: يعني إذا طلعت لك اللمبه لاتعني خراب واحد .. توقع أي شي يصير بالموتر .. لو تبتل تسأل كلن بيعطيك رايه مثل واحد من الشباب .. فصل الطبلون وطلعت له اللمبه يقول لي هاذي حقت الطبلون :d شيكرن لمن حاول المساعدهـ :) |
| الساعة الآن +4: 11:55 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.