|
قربت الإجازة والفنادق والشاليهات ..أسعارها نااار ..(السياحة الداخلية)
السلام عليكم ورحمة الله وبركاته .. وكّلني أحد الأحباب .. لكي أرتب له جدول (شهر العسل) بما أن زواجه قرب وحانت ساعه الصفر..! بدأت في شيخنا قوقل كالعاده فبه أبتدي وإليه المنتهى :d المهم .. بدأت أسأل ووجدت شاليهات . رائعة على البحر .. على الأقل تطفى لهيب الشمس الحارقة فبدأت آخذ من هالأرقام واتصل واحد تلوى الآخر وياعجبي على الأسعااار ولدي أمثلة حية تخيلوا معي .. شاليه .. على بحر الخبر ==>> هذه الميزة الوحيدة غرفة +حمام + صالة أيضاً شاملة البلكونه طيب كم سعركم يالحبيب؟ 1700 ريال + 15% خدمات طيب عطنا السعر النهائي 2013 ريال ليلة واحدة لاحول ولاقوة ألفين ريال! دخلت على شيخنا اليوتيوب ورأيت المنتجع كما سمّوه لكن للأسف 500 ريال يخب عليه رجعت لشيخي الفاضل قوقل وقاربت الأسعار فوجدت الأسعار كالتالي صغير 978 وسط 1300 كبير 1900 تقريباً الصغير متأكد من سعره اتصلت عليه مرة اخرى وقلتله ان سعركم مو 1700 الصغير إنما 978 قال هذا عام 2005 يالله طيب ولاصار قال كل سنه تنزل تسعيره لاحول ولاقوة طيب يعني السنه الجاية 3000 قال والله ماعلم ممكن عاد أسألكم بالله .. هل هذا تشجيع للسياحة الداخلية طبعاً هذا الكلام في الشرقية في الخبر تحديداً في المقابل احد نصحني بشاليه .. في البحرين 20 كيلوا فقط المسافة بسعر 450 ريال شاليه ليس بعيد عن شاليه الخبر.. انا لا اشجع على السياحه الخارجية .. وبالتحديد في دول الخليج وخاصة البحرين ليس تشجيع انما مقارنه فقط على مسافة 20 كيلوا فاصل والسعر اقل من النصيفه هل يعقل قلت بنفسي هذا ماعنده سالفة رحت لم شاليه آخر واتصلت وكانت الصدمه مثل السعر بالضبط .. اللهم زيادة فلسفه فقط لزياده السعر كأنهم متفقين على المسكين (المواطن) الداج أين هيئة السياحه ؟ عن هذه الأسعار الحارقه نهب من حرارة ونقع بلهيب أشد وأقسى ؟ اهذه سياحه ؟ أيضاً الفنادق .. أشد لهيبا من الشاليهات هيئة السياحه احمدوا ربكم ان عندكم الحرمين الشريفين .. تكسبون من وراهم وهي سجلت في الآونه الأخيرة أضخم سياحه في العالم (في مكة المكرمه) وهذي تكفي لكم طول العمر لو لم يوجد الحرمين الشرفين كان تشليق البصل يدهر الآن ولاننسى انهم نفس الذين يطالبون بالسياحه الداخلية .. تشتكي منهم الخطوط الجوية الخارجية لكثرة سياحتهم خارجاً ..للأسف الشديد رفقاً بالمواطنين .. فأنتم مسؤولون لا هيشة ترد ولا تاجر يخاف الله والضحية .. حنا يالمساكين اللهم انتقم مما كان السبب .. شيء في خاطرين .. حبيت أفضفض .. لا أكثر محبكم/ابو فهد |
أجل ماليزيا أرخص :d
|
لآ تروح بعيد عندك في بريدة شقه متكونه من ثلاث غرف بكم ؟؟؟
سعرها في غير المواسم بـ 400 ريال وفي المواسم 550 ريال :( لو هي في مكان سياحي كأبها أو جده أو الدمام أو الخبر أو مكه أو المدينه أو .....إلخ كيف رايح يكون سعرها : ( وش قال السياحه الداخليه :mad: |
عدنان
قل انا فرح ههههه ويازين الدراهم بعد يالبي.. بريدة city صدقت والله فعلاً بالمواسم تلقى الشقه بأبها بسعر 800 ريال تحوم التسبد والبنقالي مستله فرصة ابن الذينا |
مرة ولد عمي جا بيستاجر شقة برياض الخبراء .. قال له الزول / بـ 300 ريال .. قاله ولد عمي .. فيه بنات :113: على هالسعر .. وين استهلاك المستهلك .. the mother of two goats |
فيه شيئين تجعل ملاك الفنادق و الشقق المفروشة يرفعون الأسعار ..
أول شي الناس تدفع مهما أرتفع السعر فيه ناس تدفع ما عندهم ما نع .. و ثاني شي ، صاحب الشقق المفروشة ضااااااااااااااااامن مليون بالمية ما فيه أي رقابة عليه من ناحية الأسعار .. حط السعر اللي تبي ، .. بهالحال ليش ما يرفع ؟ يرفع و نص ،، شعب مغفل ، و بدون رقابة تحميه .. |
كما ذكر المستشار " ما رفعوا إلا لأنهم لاقينن ناسن تدفع " !
|
المستشار
كلامك مايختلف عليه ثنين لكن إذا رحت لم أبهاء ودورة ومليت ولقيت التجار متفقين عليك برفع الأسعار وش تسوي؟ تنام بالخلا؟ لازم تستاجر مهما كان السعر خلاص مابه إلا الليبه |
|
غير ماليزيا لا تدوّر..
ومثل ما قال المستشار عندك هنا فيه ناس تدفع مهما وصل السعر والثمن.. يعني بالله عليك شاليه بالشرقية بألفين ريال؟؟ قسم بالله لو هو بجزر المالديف أو ماليزيا.. لكن مانقول إلا يازين السياحه الخارجية.. قال إيش!! قال سياحه داخلية!!! :d |
اقتباس:
و الله ما يخلي الناس يضطرون للسياحة الداخلية إلا علشان الستر والأمن و لا تسان ما تلقى أحدن قاعد |
كل مكان غالين انتبه الشارع يصيير بفلوس تمشي كل لفه واقف واحد يقول عطن رسوم الشارع
|
والله مهزبة العام بابها آخذين استراحة بسعري مغري جدا اخذته ب300 ريال اليوم , اكيد زين سعره لانها بابها واليوم دقيت ابحجزه اول العطلة قال: اليومية بحدود الألف , والله الاستراحة مب كبيرة , يعني حوش وغرفة ودكة وخيمة شعر فقط وبحدود الالف ويقولن سياحة داخلية , ياشيخ طييييييييييير |
يازين ماليزيا بس :d..
قال إيش!! قال سياحه داخلية :113:.. |
خلاص هالمرة بخليها هنيّا، والنوبة الثانية برّا ،
|
هيئة السياحة تشجع المواطنين بالسياحة الداخلية
اي سياحة 2013 والله لو مستاجرين فندق بالطيارة اقول مااااروع السايحة الخارجية بدوووون تكالفيف وخدمة مميزة ونظافة |
انا احس هالسنة هاذي ابها والطائف اسعارهم دبل الدبل علشان الحر مهب معقول السنة هاذي ابوفهد وانت صاز رايح تشوف الشاليهات بالخبر ولا بالعطلة الصيفية والله ياهن اساعرهن نار انا مادري وشعلية نار من زين جو الخبر خل خويك ذا يطلع برا ازيلة وارخص |
اقتباس:
|
ياخي رح لكويت انا خوالي بالويت مافي مثله
|
اغلى شيء عندنا وبس
|
اغلى شيء عندنا وبس ....
|
حتى بريده ماتساعد مافيه شي نروح له وماعندنا الا الحدائق اللي برى بريده والله اهل بريده مايساعدون يفتح عندهم شي كل مافتح عندهم شي طلعوا به بلاوي الدنيا حديقه نحتريه من يوم انا بزر نمر من عنده يقولون بتفتح السنه الجايه وكل سنه اللي بعده واخر شي صار بمكانه النخيل لانهم مايبون ديرتهم تطور ويفتح به شي طلعوا عليه كلام وغيرو المشروع والمطعم الصيني نحتريه واخر شي يسكر والحين شروه التجار اللي عندهم واسطه وكبروه وبيفتح الحمد لله وجيان يوم فرحنا به قالو خسر وبيجي بمكانه بنده يعني اللي متحكم بنا التجار عشلان مايخسرون والله يعين ولله كل الكلام اللي قلته عشان بريده نبي كل شي به مانحتاج نروح ندور على الوناسه برى بريده0 ولله لو ببريده شي مانطلع لو درجه الحراره55 بس نبي مكان نروح له اذاجينا نروح مانتشاور على مكان عارفين مافيه الا النخيل واذاغيرنا العثيم 0
|
قل لصديقك يسافر بره احسن له سعر الليله ياخذه خمس ليالي بره قالو ايه قال ابها وجده خخخخخخخخخخخخخخ
|
للأســف في وقتنا الحاضر... يرغموننا التجار لذهاب للخــارج...
لأنها ارخص من الداخل ولا بالفرق.. اللهم الفرق بالمسافة فقط... أين المسؤولين عن هذا اين وزارة التجارة عن هذا التلاعب... إذا قربت الاجازة الصيفية دبلت الاسعار على ظهورنا ليش؟؟ ,, تقبلوا مروري ,, |
الله يعين .........................
|
اعوذ بالله حتى هنا ببريده شاليهات الرمال اخناه هالاربعاء اللي فات بــ 700
ويقول بالأجـــازه بــ 1300...الله يعين عليهم بس... |
لاو يقلون صيفنا في بلدنا أحلى ... منين أحلى .... يارجال حر وأجار غالي يزين ماليزيا ولا صلاله .. العام في الأجازه الصيفيه أخذت شقه200 ريال .. في صلاله يمكن عن الذمه أنا ثاني من سكن في الشقه غرفتين + صاله + مطبخ + 2دوراة مياه أعزكم الله ... |
لا وأزيدك من الشعر بيت يابو فهد خاصة السنه ذي مجبرين أكثر السعوديين للسياحة الداخلية عقب ماجاء انفلونزا الخنازير - الله يعافينا وياكم - ماعندهم نية يطلعون برا فيقتضي من ذلك [ ازدحام الأماكن السياحية + الأسعار مرتفعة جدا 300% + حرارة الجو من كثر مايتنفسون هالعالم:d ] لكن بإذن الله سأذهب إلى أبها غداً للنزهه وأعدكم بتقرير عنها وعن الأسعار هناك - قبل مايكبون هالعالم :d- thank you god bye << أبو دعدوعي :d |
ابوعمر انت موجود ؟
|
والله إنك صادق يابومحمد..
الواحد يطلع باريس ويسكن هناك بأفخم الفنادق وتلقاه أرخص من اللي عندنا.. ياخي خويي اليوم حاجزين له بموفنبيك دبي وحاجز غرفه استديو تتخيلون كم سعره!!! سعره باليوم 200 ريال.. الموفنبيك اللي ببريده كم سعر الليله!!! أتحداكم إن كانت أقل من 700 ريال.. قال إيش!!! قال سياحه داخليه!!! يازين ماليزيا بس :d.. |
اقتباس:
ايه الل يخليلهم السياحه الداخلية مير منتالي شايشين مهابيل الأسعار ظلم |
ووزارة التجارة وهيئة السياحه جالسين بباريس ولندن يتسيحون مادريوا عنك واشكالك
|
فندق الموفنبيك اللي ببريده مابه زود على أسعاره اللي نار فندق بدبي قريب من مجمع العرب سعر الليله 500 أما في الموفنبيك مايزيد عن 1700 شوري عليك تاخذ له شقه بمكه وتخليه يقضي شهر العسل هنياك دامه على قد حاله .. والله يرزقه ويسعده .. شكرآ لك على طرح هذا الموضوع ولأهتمامك جعله الله في ميزان حسناتك |
اذكر له عن شهر العسل تقليد للكفار وخله يقعد برضه!
|
اقتباس:
وش يسوي الواحد لا جاء يعرس أجل!!! |
اقتباس:
|
اقتباس:
يحبكم للشده:i125 مصطلح شهر العسل مأخوذ من حديقه كبيره في احدى الدول الاجنبيه يجتمع فيها الحبيب وحبيبته لمدة شهر وكانوا يجدون الانس والسعاده بعمل الفسق واعتقد انها مليئه بــ الازهار والنحل ما قدرت اوضح اكثر لاني قريت المعلومه وانا كنت ذيك الايام بزر الحاصل يمكن اننا أخطائنا بإقتباس المصطلح بس مايمنع ان الزوج مايسافر بزوجته وتختلف النيه والاعمال. |
والله صادقين برى أرخص وأحلىوجو روووووعه
أخوي رايح قبل أسبوعين لتركيا وهي اقلهاغاااااليه مررررره بالنسبه لهم السويت ب300ريال اذاكان مصمم يبي يجي الشرقيه فيه بالدمام شاليهات النادي البحري أسعاره حلوه وجديد وفيه مسبح خاص موزي الهوليدي ان بالخبر المسبح مشترك وغالي بالايام العاديه ب1000ريال عادكيف بالاجازه>>معليش طولت. |
يوم أرد كنت امزح لكن هالحين تراي جاد لأني حسيت من الردود ان اللي يسمونه شهر العسل من الضرورات التي لا غنى عنها!
الصباخ اذا جا يعرس الواحد يتنظف زين ويضبط السكسوكة :d ويلبس الجديد مع ملاحظة أن الغتره والكنادر أكرمكم الله ليست فرض وإنما عرف ساروا عليه الشباب:d، وبعد الزواج يجلس مع زوجته في بيته ويمشيه في ربوع مدينته لأن السفر لمكان بارد وجميل لمدة معينة فقط للتشفي والحسرة! ومن خرج من داره قل مقدارة كما يقال. وحيد الخلان أيه امزح (صعب اقول لك اني جاد لأنكم ما تستوعبون مثل هالامور :d ) سرعة بديهه نعم أحب الشدة بالالتزام بأوامر الرسول ونواهيه واسمح لي أقول أنك اسم على غير مسمى وإلا لما لم تحملك بديهتك أني أحب الاستقلال بثقافتي وتقاليدي عن شعوب نهانا الرسول عن تقليدها! |
شكرا لك ابو عبدالله على الشهاده بمعرفي اللي ماله دخل بالموضوع نهائيا
و ليس هذا مفهوم الاستقلاليه نرفض محكاتهم بالاسم ونساير محكاتهم بالفعل في كثير من امورنا وحبيبي وخليلي محمد صلى الله عليه وسلم لم ينهانا عن التلفظ بالتبعيه وانما محاكاة اليهود والنصارى والخطى لمثل فعلهم وكم من مصطلح بالقران الكريم يقصد به المسلمين وفي اية اخرى يخاطب الكافرين وكثير من كلماتنا ومصطلحاتنا غربيه ولكن افعالنا فيها بعكس ذلك. اذا بتترك كل شي تقليد للكفار اول شي الكمبيوتر والمنتديات والفيس صور والفيديو كليب والسيارات والكاميرا.......الخ كلها تقليد الغرب وكلها مصطلحات الغرب بل صناعاتهم بس من شان اننا عرفنا نستخدمها في اشياء لا تضر ديننا بل تقدمه قلدناهم بـ الاقتناء والمصطلح والا لا؟ شهر العسل مثله مثل الفيديو كليب هم استخدموا الشي بالحرام وحنا بالحلال يعني قلدناهم بلفظ الكلمه وهذا ما فيه اشكال اذا لم تكن الكلمه محرمه. مثال : شرب الخمر مصطلح في الدنيا للفاسقين المعرضين شرب الخمر مصطلح في الا خره للمؤمنين الصادقين نفس المسمى واختلف فيه الفعل لم يغير الله اسمه في الاخره وهو في الدنيا من اشد الكبائر. جزاك الله خيرا |
هههههههههههههه خلهـا على ربك الاسعار نار قووة وش تزين 77 7 بقول لك سالفتي مره رحنى لجده وفيه مطعم ماذكر اسمه بس كبير ثلاث ادوار اذكر الدور الارضي العاب وفل قلت بابا ابي 10 بشري ماء المهم يوم نزلت معي 10 فرح قلت ابي ماء والناس جنبي واعطيه 10 قلت ورجع لي ريال وانا اطير عيوني قلت وين الباقي قال الماء بـ9 والله ياهو نصب علي نصبه محترمه وانا ارجع لبوي حزين ههههههههههههه الله يعينـا ناصبين علينـا نصب شكرا لطرحك ~ |
8
8 8 ههههههههههههههه اجل ما 9 ريال والله لو هو يبيع الماء بالربع الخالي .. أنا اقولك رحت لمكتب الفهيد للسفر والسياحه ابستفسر لقيت شايب سولفت انا واياو انا طبعاً اناقش ايهاب حق الفهاد برحلات ماليزيا خطم الشايب ومعه ولده الصغير قال كفو ياوليدي تبي تقضي العسل بذاك ههههههه قلت لا ياخال واحد من الربع يبي يعرس وابحجز له قال خير ماسويت واكمل قائلاً ياحسافت عمري مضيعن عيالي بأبها وسليحات كرا هههههههههههههههههههههههه انا لي سنتين وانا اروح هناك وبسوط اقش عيالي كلهم ويستانسون وارخص من هنا تعرف ليش؟ قلت انا ليش قال تذاكر الطيران ارخص من اجار الشقق عندنا ههههههههههههههههههههه انا مت من الضحك وقلت الله يوفقكم ويسعدك بصراحة بالمقص جابه |
^ اندري عنهم ههههههههههههههههههههههههه قال تذاكر الطيران ارخص من اجار الشقق عندنا ابوك ياشايب متحسف ههههههههههههههههه انت على طول تهرج اي واحد على الدوسه ~ |
الأخ سرعة بديهة مجمل كلامك لا دخل له بموضوع التقليد أما ما ذكرت مثل الحواسيب والإنترنت وما إلى ذلك فأقر أني أفتقر للعبارات التي توضح الفرق بينها وبين ما يجب علينا تجنبه لكن إجتهاداً أقول هذه مجرد أدوات مثلها مثل المطرقة والدريل والقلم والسيف والرمح ولا دخل لها بالعادات والتقاليد لكن شهر العسل مثل عيد الحب وأعياد الميلاد.
|
اقتباس:
فرق كبير جدا جدا بين عيد الحب وعيد الميلاد وشهر العسل عيد الحب قصه طويله عريضه عن القسيس فالنتين فلا يجوز حتى التلفظ في المصطلح او مسايرة ذلك بااستخدام الافضل حرام لفظا وعملا. عيد الميلاد نهانا الرسول عن وضع اعياد وفرض في الاسلام عيدين فقط فحتى التلفظ بكلمة عيد حرام ولو اجتنبنا عاداتهم بذلك العيد يظل اللفظ محرم. شهر العسل فتره وعدت وعملوا فيها الحرام لكن يظل المصطلح يحكي اي شهر يمر على الانسان بسعاده وايام حلوه كالعسل لفظ ما فيه اي خلل. اعتذر من المنخرش يمكن خربطت عليه موضوعه بس حبيت اوصل لك معلومة تجهلها. وماراح اناقش اكثر من كذا. |
8
8 8 روحو افتحولكم موضوع وتناقشوا فيه جزاكم الله خير |
معليش يالمنخرش لكن هذا رد اخير :d
نعم أنا فتحت باب التقليد لكن أنت أردت أن توضح لي أمر التقليد فشطحت يمنة ويسرة ومسكت خطوط ما أدري وش تبي وبعد ذلك تجي وتقول لي أعلمك شي تجهله نكته الصراحة لكن فيك شيء من الحكمة عندما آثرت التوقف :d المنخرش شف ينبع والا ضبا أو حايل أو عنيزة. |
ينبع وضبا ممنوع فيه زلازل ومحن
وعنيزه كل يوم نروح له حايل حلوة بس ماتصلح للمعاريس (مهب انا تراه هذا عريس جديد) ولا انا منتهي خلاص ههههههههه |
اقتباس:
لا تفتّح جرووح ! :eek5 |
أنا أموت وأعرف ليه ما يدمجون نسبة الخدمة وووو بسعر واحد ؟!
يعني لعب على العالم عينك عينك ! زي مرة دخلنا مطعم هندي بالخبر .. وأعجبتنا أسعاره معقولة عند المطاعم الصينية والهندية ! المهم .. طلبنا خبز قال 4 خبز بـ 10 !! يوم جينا نحاسب أظاف سعر الخدمة 15% وطلع الطلب بـ 450 لـ 3 أشخاص فقط ! والله حرام وغميضة والله لا يعاقبنا عليهن ! |
اقتباس:
ماقلنا إنه ضروري لكن ياخي وناسه الواحد يسافر وهو طازج :113:.. أنت تعال وشفهم اللي توهم معرسين ومسافرين أنواع الضحك عليهم :d.. تلقى الرجل ما يقدر يحرك راسه يخاف ملابسه تخرب :113:.. أقول أبوعبدالله ماودك نسافر مع بعض لأفريقيا الوسطى!!! يمدحون الصيد هناك :d.. |
اقتباس:
ماعندنا مشكله قل وراه مايعلموننا قبل بعضهم يسكت زي مالقلت زي مرة اكلتها بالرياض مادريت بالخمسطعش هذي ورحنا دهنه |
الصباخ الوناسة الى منه ما صار عليك ديون!
أما افريقيا الوسطى ما عندي مانع بس عليك كل شي وانا علي الترجمة :d |
طيب روه سريلانكا جو هلو منظر هلو كلوا سي هلو ومافيه يدفع فلوس كثير ..
|
من آمن العقوبه اساء الآدب.. |
| الساعة الآن +4: 02:06 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.