|
والله مهزلة يا وزارة الكهرباء؟؟!!
بسم الله الرحمن الرحيم
من وسط الحر ولهيب الشمس أسأل لمن أشتكي ؟؟ من يوقف المهزلة اللتي تعملها فينا وزارة الكهرباء ؟؟ ألهذا الحد دولة البترول تعجز عن توفير مولدات إضافية ؟؟ لا أشك بذلك أبدا بل إنه إهمال من المسؤلين ........... ((والله مو معقوله هذي المهزله الواحد يطلع من الإختبار زهقااااااااااااااان:oo:oo ومطفش :( وحران :eek:ونفسه براس خشمه :mad:ومستعد إنه يحط حرته بالسرير بل ما يحطه بأحد ثاني وأول مايدخل عينه النوم ويحط راسه على الوساااااااااااده تجي وزارة الكهرباء المحترمه وتطفيه علينا ... والله مو معقوله ...قسم إنه مهزله:102:)) |
اي والله مصخت صراحه
من 1 الظهر الى 5 العصر صفرت الاخلاق والله اشتقت لاشتاء |
صادقه والله ياحبيل الشتاء وبرده .... برد ربي بلا منة الوزارة؟؟؟
، ، , |
الله يرزقن كثر ماسمعت كلمه مهزله بهالمنتدى .. المشلكه هنا من المواطنين ومن الشركه بعد .. الموطنين استخدامهم للكهرب بشكل مفرط والشركه عاجزه عن استيعاب الافراط لكن الله المستعان |
الله يعطيك العافيه اليوم تلاعب في اعصاب الجمهور عملية توزيع الكهرباء بين الأسكان والبشر وسلطانه شوي يشتغل هنا وشوي هنا وشوي هنا كل حي يقفلون عليه 3 ساعات لكن الى متى هذ التخطيط الفاشل واذا كانت تحسين لماذا لايكون هناك شفافيه مع المواطنين وتبليغهم موعد القطع واخيراً هل تعلمون ان لكم الحق في شكوى شركة الكهرباء بديوان المظالم ... (القريب من دوار الأسكان) لاحول ولاقوة الا بالله |
الله ياخذهم حقيرين مو معقوله كذا طبخنا من الحر وورانا دراسه مايعرفون يوقتون ابد |
اقتباس:
عملية خدمة الكهرباء بمقابل ليست مجاناً والتطوير مطلوب من الشركه ولايحتاج صناعة نووي في الوقت الحاضر لكن مطلوب في المستقبل لأن البترول سوف ينضب وتوفير الطاقه مطلوب كي تقل التكلفه على المستفيد .. ليس بالضروري انتظار الطلب لبدا العمل النمو مستمر والدراسات متوفره ماذا تنتظر الشركه ..؟؟ |
هناك افراط وهذا لاشك فيه لاحظ اخي سيف الحقيقه أن كثير من المساكن او الاستراحات ندخلها ونجد ان السخانات تعمل في الصيف ... إنارة المنازل الخارجيه تعمل في الليل سواء فوق الباب الخارجي للبيت او اضاءة فناء المنزل . اضف الى ذلك ترك معظم الغرف انارتها تعمل ولا يوجد بها أحد. أنا اوافقك الرأي ان شركة الكهرباء لاتسعى للتطوير الملحوظ فهذه الاعطال تحدث كل صيف وهذا خير دليل . ولو بداء كل مشترك بنفسه لكانت المشكله أقل . فمن الصعب على الشركة ان تطور وتعمل وتخطط ولا تجد استخداماً امثل للكهرباء فليست الخدمة بالمقابل تكفي لخدمة افضل..!! اشكركـ |
اقتباس:
ارقام الشركه 933و3231847 يارب انهم يلقون حل |
اقتباس:
وكذلك حي السلام صرنا لحم مشوي!!؟؟ وأيضا الخليج.. |
لو تتأخر دقيقة ما سددت الفاتورة .. كان تسمع صوت ونيت الشركة وهو بالخبيب .. تقول جاي يقبض على مجرم .. ياخي مادري وراهم يستانسون بفصل الكهرب .. مادري وش يحسون بوه وهم يقطعونه .. وهاللحين المفروض أن أهالي بريدة يطالبون بتعويض .. على الأقل اسبوعين كاملين الكهرب مجاناً .. وهذا من حق أهالي بريدة الأدبي قبل الحق القانوني .. سي يو .. |
اقتباس:
هذولا ياخذون ريال عليها مهب مجاناً يعني لو صارت ببلاش بالأحلام عاد تعال حرصنا على الكهرباء معك حق لكن لو يطفى الكهرب عنك يوم كامل غصبن عليك ياخذون فلوسهم كامله وياويلك لو اشتكيت جل هالدراهم تصير عذابهم في جهنم وانتقام لنا يارب العالمين جعل كل ريال اخذوه بالظلم زقوم لهم يارب هالدراهم اللي ياخذونها ليش مايسوون فيها مولدات جديدة وقوية ؟ المواطن لك الله الله لايحيجنا إلا لوجه الكريم حبيب البي حنا ندفع فلوس دراهم مالهم دخل .. كل شي حاسبينه عيال الذينا كلامك هذا لو صار ببلاش بالأحلام يعني عاد تعال انصحنا وقل قللوا من الأستهلاك فلوسهم اللي ياخذونه جعلها تصير عذابهم في جهنم يارب ليش مايحطون مولدات كفو للمنطقه ليش ينتضرون تصير كارثه عشان يفتحون عيونهم ؟ |
المنخرش ياحبيب قلبي على هونك علي تراي مشترك حالي حالك ومن بريدة يعني الي مر علي مر عليك لكن لازم نقول الحق صح اني انا وانت دفعنا دراهم .. لو حنا نستخدم الكهرب صح كان قلت المشاكل لكن مااقول انه راح تختفي والشركه لازال عليها اخطاء .. وخاصة قطع الكهرباء لفترات طويله والفواتير الخيالية وايضاً قطع الكهرباء بطريقة بدائية وإعادة الخدمه ايضاً بطريقة بدائية يعني سدد همن تجيب الوصل ونشوفه همن نلحقك بالددسن علشان نفتح الطبلون ونفتحه بيديننا ....!!!! قمة البدائية كأننا على وقت الحمير والدنانه كل مااقصده الترشيد من اجل انفسنا كمشتركين فقط . اشكركـ |
حبيب البي صفراوي
معليش لو تكلمت عليك لكني مانب اقصصدك يالغالي اقصد الحرمية حنا نتقبل الإرشاد .. ونتقبل التوعيات لأستهلاك الكهرب لكن ياحبيبي مو بالطريقه هذي إذا تبي ترغب .. كافئ عطني خصم بالفواتير واعتذار على انقطاع الكهرباء ثم قل توعياتك وانشرها عن الكهرب وماسيصل إليه اما ينقطع الكهرب الظهر والفاتورة نار على نار وزود على نارها .. حرارة الحر في عزة الظهر مع انقطاع الكهرباء وتبي المواطنين يتقبلون .. الإرشاد والتقليل من الإستهلاك يعني مهب وقته تعطين خدمة سيئة وتاخذ قروش وتقول بشويش لاتخرب قشنا ماعتقد عاقل يبي ينصت لكلامهم يالبي |
حي الصفراء من دخول الحر لم ينقطع الكهرباء انتم تتكلمون عن اي حي؟؟؟ |
اية والله قمة التلاعب وماحد يقولهم شي مخليين على كيفهم يلعبون بنا
اليوم طفى الكهرب وانا بعز نومي بعد التعب والسهر وياليتة على كذا إلا خربوا مكيفاتنا وثلاجتنا يطفون ويولعون والله قهرررررررررررررر |
نعم المشكلة سبق وان تم طرحها وتم الطلب من اعيان بريدة ان يتدخلو بهذه المسئلة ويتم ايصالها الى رأس الهرم في الدولة لان المشكلة سوف تستمر الى نهاية الصيف ولا نقول الا حسبنا الله ونعم الوكيل |
الله المستعان بس ودى ادري فلوس الفواتير ويــــــــــــــــــــــــــن ياظلمة |
والله صدق انواع المهزلة لا بعد اليوم الساعة الثامنة والنصف ليلا سيرت علينا وزارة الكهرب الين الساعة العاشرة ليلا صدق انواع المهزلة لااحم والا دستور بس امشو وطفو حرام عليكم اطفال وشياب وحنا متنى حروظلام وكل شي الا متى ياوزارة الكهاااااااااااااااااااااااااااااااااااااااااااااا ااارب
|
ايو ولله مهزلـــــــــــــــــــــــــــــــــــــه لا افجربهــــــــــــــــــــــــــــــــــــــــــــ ــــــــــــم
|
اقتباس:
:118::118::118: معليش هي مش شماته بس ههههههه الحال من بعضه |
والله استهتار بالمواطنين يا وزارة الكهرباء.....
المفروض تغيير كامل الوزارة من العاملين بها و اولاً اقالة الوزير ووكلاء الوزارة ومدراء شركة الكهرباء بالمناطق ..و,,,,,,و,,,,,و,,,,, |
حسبي الله عليهم |
لو سمحت ترى الكهرباء يسكرونه دقيقه ولادقيقتين تذكر نار جهنم لاتحسب عليهم هم موهمهم الفلوس هم همهم المكاين ماتتحمل مشكوووووووووووووووووووووووووووووووووور
|
اقتباس:
|
السلام عليكم ورحمه الله ماقصرت على الموضوع الرائع والحساس
هل تعلمون ان كل عداد في المملكة عليه ضريبه 10 ريال لي كل شهر ؟؟؟؟ وكل واحديقدم على الشركه حسب الطلب اقل عداد قيمته 2000ريال كم عداد في المملكه العربية السعودية هل تعلم ان الشركه الكهرباء سوف تربط خدمتها في الدول المجاوره يعني نشري مواطيراستعدادن لسنين القادمة يعني الشركة ماهي بحاجه لدعم من الدولة المشكلة في روأساء الشركة الي يستلمون راوتب ضخمة جدأ ولايبلون في المواطنين |
من المسؤول يا شركة الكهرباء
فمن المسؤول ؟
من المسؤل عن ذاك الذي يعمل على جهازه الحاسب وفجأة ينطفأ التيار دون سابق انذار فيذهب عمله سدا ووقته هدرا وتضيع عليه معلومات مهمة من دراسة أو تجارة أو طلب علاج وغيرها . من المسؤول عن اعطال الأجهزة الكهربائية من مكيفات وغيرها مع العلم أن انقطاع التيار ثم رجوعه سبب قوي في احتراق الأجهزة الحساسة مثل مكيفات السبلت وغيرها . من المسؤول عن ترويع الآطفال مع ذاك الظلام الدامس والحر الشديد ناهيك عن البكاء الذي يصاحب ذلك. من المسؤول عن ذاك المريض الذي يستخدم جهاز كهربائي أو لا يستطيع الاستغناء عن جهاز كهربائي تستلزمه حالته المرضية. إن انقطاع التيار مرة واحدة قد يكون عطلاً ليس للشركة يدٌ فيه لكن أن يتكرر انفصال التيار ما يقارب الثمان مرات وفي أوقات حرجة إما في آخر الليل أو الساعة الثانية ظهراً هذا الذي لا يعقل؟ أهو استخفاف بمن يسكن هذه الأحياء, أم من أمن العقوبة ساء الأدب ,أم أن الأجهزة المستخدمة عتيقة وقد أكل عليها الزمان وشرب ,مع العلم أن رسوم الاشتراك لدينا في الكهرباء من أعلى الرسوم على نطاق دول الخليج . من المسؤول يا شركة الكهرباء؟ |
ماعسانا أن نقول ! |
اقتباس:
وفيت وكفيت بهذا الرد ـــ هذا خطاب المفروض يرفع لخادم الحرمين حفظه الله بهذا النص بارك الله فيك |
البراك يقول السبلت المقلد هو السبب هذي نكتة يونيو هههههههههههه |
اقتباس:
ليه ياحيي من قال انه دقيقتن ,,يطفى من الساع 2:30 الظهر بعز الحر تموت موت من الحر الين 5 العصر .. ماتصدق على الله يفتتحونه علشان تنام يرجعون يسكرونه المغرب ,, مب حاله ذي ... بس يارب ترزقنا ...وترحمنا ... |
| الساعة الآن +4: 08:50 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.