|
طوووووووووووط ::: هل صحيح اللي سواه معلم متوسطة بن عبدالبر ::: كبييييييييييييرة
بدون مقدمات.. ذكر لي ولد عمي إن عندهم في متوسطة ابن عبدالبر واحد من المعلمين زاااااااااحف ooo1 ومن زود الزحف والهبال يقول أشغلنا في كل حصة .. وش يقول : يقول أنا دايم أروح لدبي وأشوف البنيات هناك :p وأسوي واسوي ... ( وشيء ما ينقال ؟ ) ومرة أنا بأسواق النخيل ... وخذ وخل من مغامراته في مغازل بنات الناس ! وش رايكم هل يستاهل هالسطل لقب معلم ومربي ؟ ياجماآآآآآعة راحوا معلمين منووووول ... أنا ماودي أقول اسمه ،،، أغدي الرسالة تاصل مدرسين الدين يشوفون له صرفه ... ..:S |
لااله الا الله لاحول ولاقوة الا بالله الله يعافيه ولايبلانـا الدراسه خلصت توك تفطن هع اشكرك ~ |
اقتباس:
القهر إننا طالعين امس باستراحة ولادريت الا البارح :i121 |
معقول معلم يتكلم عن هالأمور هذي يمكن وده يفضح نفسه بنفسه:d |
لا حول ولا قوة إلا بالله
معقووولة !!! :eek: يمكن الأخ يتكلم عن بنقالي في المدرسة !! :096: لا يمكن أن يكون معلم يفعل ذلك . وأعتقد إن الأمر يحتاج إلى وقفات : أولا : التأكد هل هو فعلاً معلم ، أو بنقالي سالفة اللي بإدارة التعليم . ثانيا : إن كان معلم ، فالحل واضح ، تسحب منه التربية والتعليم ، ليتربى ويتعلم قبل أن يعلم عيال الناس . ثالثا : مدير المدرسة اللي نعرفه عنه إنه رجل فاضل ، بس يمكن ما سمع بالقصة !!! لكن اللي يخرب هالنقطة إننا في آخر العام !! وين المدير ؟؟ وين المعلمين ؟؟ وين أولياء الأمور ؟؟ الله يصلح الأحوال |
مب صآحي هالمعلم لآزم يشوفون له صرفه بآ أسرع وقت وانا من رأي ان ولي امر الطالب نفسه يتكلم مع مدير المدرسه بخصوصآ هالمعلم الفآشل بعد قليله بحقهـ حتى لو انتهت الدرآسه على الآقل يحتفظ بخصوصيآته للنفسه مب ينقلهآ الى ابنآءنآ لازم يحط بباله انه قدوه لكل هالطلبه الي يدرسهم الله يعآفيه ولآيبلانآ ويستر على ابنآء المسلمين |
هذا إهمال بعض الأولياء للأمور ... لأبنائهم المفترض من سمع بهذا من الأولياء يأتي للمدرسة ويشتكي هذا للمدير ...
سمعت بهذا أنا يقال أنه مدرس الانجليزي !! |
فعلاً هذا تصرف غير لائق أبداً ويجب أن يحاسب هذا المعلم ويوقف عند حده والسؤال أين أولياء الأمور عن متابعة ما يحصل في بعض أروقة المدارس من بعض المعلمين السفهاء |
ما اعتقد معلم وعاقل يقوووول ها الكلام لكن ممكن من نقل لك الكلام زودعليه شوي الطالب اذا تكلم عن معلمه يكذب عليه العامل اذا تكلم عن كفيله يكذب عليه هذا في الغالب ...!!! |
اتصل على ابوي أبو واحد من الطلاب يقول سأتصل على مدير المدرسة واشوف وش السالفة؟
ويقسم ولد عمي إنه هذا اللي حاصل ..:i121 وان بعضهم راحو للمرشد ولا عطاهم وجده ؟؟؟ ويقدر أي واحد يعرف واحد يدرس بمتوسطة ابن عبدالبر يشوف ويسال ويتاكد بنفسهـ |
وش ذا معلم وإلا منين جاي
الله المستعان بس ؟؟؟ هذا هو المربي للأجيال ؟؟؟؟ |
يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ (6)
. |
لا حول ولاقوه إلا بالله
|
اقتباس:
ولو انا عندي 1% شك بالخبر ما كتبته هنا ونعرف بعد ان الظليمة شينة بس هذا اللي حاصل . شي يقهرررررررررررررر |
لاحول ولا قوة الا بالله مدرس ولا ماذا..... يجب اخبار الاداره عنه وتحرى الامر .. |
وانا اقول اللي يدرس بمدرسة بن عبدالبر أو يعرف احد يدرس به يساله ويشوف ويعلمنا علشان ما يتهمنا ويقول تسذبون:mad: |
يجب التحرك من مدير المدرسة وإدارة التعليم بكل حزم ومسؤولية . .
|
والله انك صادق اخوي سوالف مدير المدرسه هو اللي يقد يوقفهـ عند حدهـ
|
أولا : يجب التأكد من صحة ما قال ولد عمك .
ثانياً : المعلم غير معصوم من الخطأ . ثالثاً: ليش ولد عمك توه يقول الكلام ليش ما قاله في بداية الأمر هنا المحك الأساسي للقضية !!!! |
اقتباس:
اكرررررررررر هذا الكلام |
قد سمعت عن ذلك قبل هذا الخبر وتم الإتصال على مدير المدرسة الفاضل والسؤال عن صحة ماذكر وأفاد وفقه الله لكل خير بمايلي : 1 / المعلم من أفضل المعلمين أداءً وشرحاً وتميزاً بل هو أفضل معلم أخذ الدرجة المستحقه في الأداء الوظيفي 2 / ماذكر عن الزميل من الكلمات السيئة والتصرفات الغير لائقة ، سيتم التثبت منها وفتح محضر لهذه القضية ورفعها للجهات المختصه وسيأخذ الموضوع مجراه النظامي والرسمي دون تساهل أو تعاطف سواءً معه أومع غيره .. وسنوافيكم بما يستجد من أخبار حيال هذه القضية والله الموفق ،،، |
هذا المعـلم أجل المديـر وش يقول تحــياتي ...
|
اقتباس:
ياحبيلك يابوجندل جبت بعض العلم لان المدير مايدري اصلا عن الطبخة وخله يسال كم طالب من بعض الفصول ويشوف ويعلمنا وحنا ودنا بالخير له ولغيره لكن اللي قااااااااهرن انه كم طالب قال نفس الكلام عنه وتلقى بعض المدرسين مايغاب ابد وهذا اهم شي عند المدير لكن بالفصل يخلف الله وشف مثل هالعلوم ترانا نتحراك يابوجند تجيب العلم الغانم |
لاحول ولاقوة الابالله
يقول الرسول صلى الله عليه وسلم(كل امتي معافى الاالمجاهرون.....)
هدانا الله واياه هو من المجاهرين والمفسدين ان كان الكلام صحيح وايضا انه اعطي امانه وهي المحافظه على اولادنا وتربيتهم............الخ |
اقتباس:
وتم سؤال أحد طلاب المعلم فأفاد : إن المعلم ما يشرح إلا آخر الدرس ،، وإننا ضايعين بالمادة ما فهمنا شي !!! كما أفاد بأن الأمر يتكرر وليس مرة واحدة !!! كما أفيدكم أن أغلب المديرين سينافحون عن مدرستهم بأي شكل من الأشكال . وأفيدكم أن أغلبهم أيضا يعطي أداء وظيفي جيد ليأمن به شر بعض المعلمين . و ننتظر التفاصيل حيال ذلك . |
ماشفت شي واحد من الربع يقول في الجامعة عندهم دكتور دايما يقول انت وراك مستلج شكله راعي قضوم
|
فيه كثارين من المدرسين عليهم ملاحظات ,, لكن مانقول الا الشكى لله ,, |
اخوي ذكر القراءآن زين وراك عليه
وبعدين اضن المدرس يقاله ابو حمد مدرس اللغه الانجليزيه |
صراحة هذي مصيبه
|
غريبه؟؟؟؟؟
اسمحلي اقولك...بلا تخريف |
أناَ ليْ قلبُ ماَيحُــقـَـدْ.., ولاَيحُسَد.., ولاَ يغَـــتُـــاَبـ .
لإنْ النَاسْ مَن تُخطيْ لهاَ ربٍ يجُاَزيـــٌــهـا |
انا اوافق الاستاذ عبدالسلام في كل ماقالة
|
اقتباس:
هاللحين تقولون غريبه ؟ ثم تقولون بلاتخريف ؟ هالسرع جاوبتي .. شكل الموذي مهبلمبتس:d |
اخوي عبدالسلام شكرا على الإضافه
وشككككككرا لكل اللي شاركوا بالموضوع وعسى الله يهدي هالمعلم ويرده للصواب الصراحه مسنتر هالمدرسooo1 |
اقتباس:
شكرا ابوقاسم |
الله لايبلانا
هذا نهايته بالعزل الايدز بالمرصاد لهالاشكال يارب تهديه وتعافيه ولاتبلانا |
معقوله!!!!!!!!!!
اذاكان هذا المعلم مربي الاجيال يسوي كذا وش بقاء اجل!!!!!!! |
يقول حدا المعلمين وهو مربي فاضل : ما بلانا الله بمثل ما بلانا ببعض زملانا المدرسين .. حنّا نبني وهو يهدم ، نحاول نرفع من اهتمامات الطلاب ثم يجي المدرس ويرجعهم زي أول ، خذ مثالا الإهتمام الزائد بالكرة ونتائج البطولات الخارجية ، وغيرها .. نرجوا التأكد من الخبر قبل الحكم .. |
الحمدالله على نعمة العقل
|
يقول واحد من الشباب ان واحد من المعلمين يدخل الفصل وريحة الدخآآآآن تعااايط ... والله يعين اللي ماصته قدام .. خصوصا اذا تحمس بالشرح وعطآآآآه كم كحة :s
|
وش فيها ؟
تعال شف ثانويه الملك سعود به مدرس هرجته ؟؟؟؟؟؟ وله حلقه كلهااااااااا ؟؟؟؟؟؟ ولااحد قاله شي |
تاكد يخوي يمكن اخوك في نفسه شي عليه ويحاول يخرب سمعته
|
أذكر الأخوة أنه فيه اثنين من المعلمين يدرسون انجليزي في المدرسة .... المعلم يدرس انجليزي ولذلك يتم نقله ووصوله إلى بريدة بسرعة ...وبالتأكيد يكون صغير السن ... وهذه ظاهرة طبعاً قبل أن ينضج عقله للأسف !! إذا كان له ماضي في الخراب قبل التعيين ... وواجب ولي الأمر من أب أو مدير مدرسة أن يقوم الخطأ وأن يعالج الوضع ... |
أصلاً إن دل على شيئ فهو على سوء الإدارة في هذه المدرسة فأرى أن ينقل المدير وتعوض المدرسة بمدير محنك ومتابع ومفتح ويعرف كل صغيره وكبيرة في المدرسة مهب جالس بالإدارة ولا يدري وش السالفة .
|
انا احد عاملي المدرسة كان الاولى بك الحضور شخصيا الينا بالادارة وترك الحركات الصبيانية
عموماَ انت شهدت على الرجل بالاضافة الى فتح المجال للبعض وانت منهم برمي التهم على اكثر من مربي فاضل قال تعالى ( ستكتب شهادتهم ويسئلون ) صدق الله العظيم عن أبي بكرة - رضي الله عنه - قال: قال النبي - صلى الله عليه وسلم -: "ألا أنبئكم بأكبر الكبائر "ثلاثاً"؟ قالوا: بلى يا رسول الله. قال: الإشراك بالله وعقوق الوالدين، وجلس وكان متكئاً فقال: ألا وقول الزور قال: فما زال يكررها حتى قلنا: ليته سكت" لن ادخل بالحديث معك ولكن سادعي الله بان يسلط عليك غضبه وموعدنا انت وغيرك يوم الحشر وحسبي الله عليك وهو نعم الوكيل الى ديـــــان يوم الدين نمضي وعند الله تجتمع الخصوم |
اقتباس:
أخي الفاضل .. إذا كنت فعلاً من العاملين هناك فأرجو وآمل منك تزويدنا بخطاب من مدير المدرسة المذكورة ينفي ما ذكر هنا .. موجه لمنتدى بريدة ستي .. وأكون لك من الشاكرين .. |
اقتباس:
هل دخلت عليه بالفصل ؟ أو أخذت الشهادة من نفس المدرس ؟ وهل عرفت منهو المقصود ؟ وانت تقول رميت التهم على اكثر من معلم فاضل ؟ <<< من قالك هالكلام >>> فأنت اتهمتني بشيء لم أقوله وستكتب كلمتك وتهمتك ؟ نحن نتكلم عن معلم واحد بالمدرسة وانتم ماتدرون وش القصة ؟ وبعدين ياذهين لاتسالون نفس المدرس المتهم ياخي بطريق غير مباشر خوذوا العلم من الطلاب واقول بطريق غير مباشر .. لانك لو تسال اي طالب وش رايك بفلان هل يقول كذاوكذا يبي يرد على طووووووووول : لا اعرف شي وفكووونا ؟ يعني ان كنت بالمدرسة وتهمك مصلحة الطلاب فتش بالقضية بنفسك وتاكد .. وتعال علمنا .. ولاتدافع خرآآآص ! وانا قلت انا نقلت الكلام من ولدعمي .. وكتب كم واحد وذكر الشي ذا ؟ فهمت :confused: يعني تاكد اولا من المقصود ثم تعال ! وترى الاحاديث اللي قلته حافظينه وعارفينه بكتاب الحديث وماودنا نتهم احد ونظلمه بس قهرررنا هالمعلم واجناسه.. فتح عيونك زين :eek: |
هههههههه
الله يخلف |
اقتباس:
المدرسة جهة تعليمية تربوية تعمل تحت مظلة حكومة المملكة العربية السعودية لها اسمها و مركزها ومكانتها وابوابها مفتوحة من الساعة السابعة صباحاً حتى الواحدة ظهراً ماعدا يومي الخميس والجمعة والاجازات الرسمية والمدرسة تنا بنفسها عن سفاسف الامور المجهول هوية صاحبها بامكانك الحضور للاطلاع بنفسك هنا اضع حداً لنهاية الحديث بهذا الموضوع والله من وراء القصد انتهى |
اقتباس:
أنا هنا أقف موقف المحايد .. لا انحايز .. أرجو أن تتفهم ذلك .. هذا أولاً .. ثانياً .. كلنا نعمل تحت مظلة حكومة المملكة العربية السعودية ولنا الفخر في ذلك .. ثالثاً .. إذا كانت هذه من سفاسف الأمور فأين عظائمها ؟؟ هل يا ترى تقبيل رأس هذا المعلم هو المفروض ؟؟ أم معاقبته ؟؟ أعتقد أخي الفاضل أن للجميع هنا حرية التعبير عن رأيهم .. وعلينا متابعة ذلك حتى يتبين لنا خلاف ما ذكر .. أرجو أنك فهمت المقصود من ردي السابق . وأرجو قبول ذلك بصدر رحب .. تحياتي للجميع .. |
اقتباس:
وانا ماكتبت الا بعد ماقال لي اكثر من واحد.. ومهب ضار المدير يتااكد بطريقته الخاصه واهم شي يخلي الطلاب ياخذون راحتهم وما يخافون .. لان اغلب طلاب المتوسط مايبون المشاكل ويخافون يسقطهم المدرس والايحقد عليهم .. وانا اتمنى من كل قلبي ان الطلاب فاهمين خطا ونبي الستر على الناس لذلك انا ماكتبت لااسمه ولا وش يدرس لاني ابي المدير بفراسته وحنكته يطلع الرجاال ويكتشفه. ان اريد الا الاصلاح ماستطعت واذكر صار عندنا مدرس يقول اخطر من هالكلام ويهرج عن تغطيه وجه الحريم وانه مهب واجب ويسب الهيئه ويجيب هرج ماينقال .. وعلمنا مدرس التوحيد جزااه الله الف خير وتم قشع المدرس عن مدرستنا بجهود مدرس التوحيد الله يذكره بالخير |
اكثر المعلمين الان رااعين استراحات وسهر!!
|
لاحول ولا قوة الاباللة العلي العظيم
سيف نجد |
أقول الله يذكرك بالخير يا أبا عاصم الربدي !!
|
اقتباس:
فأنت ألمحت أنك أحد الخصوم في الحديث ، مع أن الموضوع الأصلي ما فيه أي اسم ؟؟ |
هذا من علامات قرب الساعة..
الحين يوم أن الله ستر عليه يروح يفضح نفسه.. !!! الله لا يبلانا... وأنا الصراحة ما استبعد شيء.. عشنا في هالدنيا وشفنا .. ومن كثر ما شفنا شابت رؤوسنا وحنا أطفال مو عاد لكبرنا... اللهم لا تؤاخذنا بما فعل السفهاء منا... وأنا أقول وراه ولد .... منهبل يبي يتزوج من واحدة أعرفها.. مع إنه متزوج .. قال إيه : رحت لدبي وعجزت أصبر من اللي شفته وأبي أتزوج.. الحمدلله إنها رفضته .. لأن وجهه ما كان يبشر بخير... الله يستر علينا وعلى كل مسلم... غربة الخاطر.. |
مايستاهل يصير مدرس
المفروض يعالج الموضوع من عند ادارة التعليم لاصرت تقول المدير كاشت |
اقتباس:
اسمح لي أخي الكريم ردك لا يتناسب مع مكانتك الإدارية طريقة اسكت وإلا أبدعي عليك طريقة فجة |
خله يشوف حملت اكلك حلال
|
أنا متخرج من هذه المدرسة قبل تقريبا 4 أو 5 سنين .. والمدرس موجود في عهدي .. أيام متوسطة الحرمين ..
غير كذا كنا نلقط عليه بعض الحركات الشينة في وسط المدرسة .. وهو مخه كله وسخ .. على العموم .. المفروض المدرس هذا .. يفصل من التدريس فصل نهائي .. ولايستحق ان يلعم رجال المستقبل .. إن كان المقصود مدرس ؟؟؟؟؟؟؟؟؟؟؟؟؟ والله ولي التوفيق .. |
إخوتي الكرام ، أتمنى من الذين يعرفون شيئا عن هذا المعلم أن يرفعوا شكوى ضده لدى إدارة التعليم ، أو دعوى قضائية فهذا هو أفضل طريق لتطهير محاضننا ممن يقول هذا الكلام و يتفوه به أمام طلاب في مثل المرحلة المتوسطة . و الطريقة المثلى أن يصارح الطلاب أولياءَ أمورهم بهذا الموضوع ، ثم يتحرك أولياء الأمور بصوت موحد للتحقيق في هذه القضية من قبل الجهات المعنية بهذا الأمر . |
العكس صحيح انت طالب لعاب وتبي تنتقم من المدرسة و المدرس بهاالطريقة الوسخة لكن كلن يشوف الناس بعين طبعه
|
الله يرحم ايام ابو عاصم والشتيوي ..!
|
هذا الكلام كله .. عآآري من الصحه ..... و انا طالب في هذه المدرسة .. و كل الكلام اللي هنا ماله اساس من الصحه .. اتمنى من الإداريين و المشرفين حذف هذا الموضوع لأنه يسئ لسمعة المدرسة و لسمعة المنتدى ... |
^^
أخي الفاضل ( أبو عزوز ) أرجو وآمل أن تثبت عكس ما ذكر كي يتم حذف الموضوع نهائياً . شكراً لك .. |
.
. . صراحتاً من أفضل المعلمين في مستوى القصيم .. اتوقع ابن عمك حاقد عليه بسبب درجة أو درجتين .. ونعم المعلم .. وأنا من أحد طلابه سابقاً .. أرجو من أبوربــا حذف هذا الموضوع لان سمعت المعلم والمدرسة عاليه جداً .. |
من قالك إنه اللي ذكرت اسمه ياغلوز!:oo هل ذكرت هذا في الموضوع ؟ هل قلت هذا الاسم ؟ لاتستعجل ؟ ستبدي لك الأيام ! ماكنت جاهل ! |
التثبت أمر مطلووووووووووووووووووووووووووووب
وأسأل الله للجميع الهداية والرشاد... |
السلام عليكم سوبر سايس انا اعتقد اني عرفت المعلم الي تقصد وابغى اقول كلامكم باطل وماعندكم دليل يثبت اي شيء عليه ونا طالب ويدرسني واحسن المدرسين الي مرو علينا هو واذا كان المدرس الي تقصده مو الي انا اعنيه فانا ارد واقول ان كل مدرسينا تدريسهم 100% ويفهمون الطلاب اكثر من المدير الي مايجي الا اذا جا احد ذو منصب كبير وماقول الا لايضرب بالحجر الا الشجر المثمر ومايضرك ياسحاب ××××× |
اقتباس:
إذا ثبت عكس ما ذكر فأبشر .. أما الآن فلا نستطيع إغلاقه .. شكراً لك .. |
ههههه والله هذا ابلبيس مهب معلم
|
متوسطة ابن عبد البر من افضل المدارس في منطقة القصيم الا انها عندما دمجوا معها متوسطة الحرمين تغيرت 180 درجه حيث اتى اليها طلاب سيئين جدا وكذلك بعض المعلمين طلاب الحرمين بدأوا يتلاشون منها حيث هذه اخر سنه لهم فهم الان في الصف الثالث وسوف يتخرجون وتنتهي مشاكل ابن عبد البر هذا بالنسبه للطلاب أما المعلمين فمعلمي متوسطة ابن عبد البر أفضل بكثير من معلمي متوسطة الحرمين أما مديرها القائد التربوي عبدالعزيز القسومي حفظه الله فهو رجل فاضل جدا نحسبه والله حسيبه حريص كل الحرص بالارتقاء بالمدرسه عموما وبالطلاب خاصه يختار المعلمين الاكفاء للمدرسه وأذا كان ماذكر عن المعلم صحيح فهذه حاله شاذه ويمكن ان تكون زلة لسان من هذا المعلم ولا ينبغي اذا وجدا ادنى خطأ من المعلم أن نصب جل غضبنا عليه كلنا خطائون وخير الخطائين التوابين لعله تكون فرصه له لكي لا يكررها وأن يرجع الى صوابه خاصة وان كان المعلم هو الذي في بالي فهو شهادة لله من أفضل المعلمين بالمدرسه أداءا بالفصل واتقانا لدرسه وحرصه على مصلحة الطلاب وفق الله الجميع لما يحبه ويرضاه والسلام عليكم ورحمة الله وبركاته
|
هههههههههههههههههههههه
قمة التنسيم بهالمدرس :113: الصرآحه مهب صويحي |
اقتباس:
يعني انت طالب في المدرسة ... و تدري منهو اللي ذكر اسمه غلوز وانه غير عن الي في بالك .. و انت في بداية الموضوع قلت ولد عمك قال لك .. حتى تكون برئ من كتابة الموضوع .. لأن السالفة كبرت ....... : 12 |
اقتباس:
وغلوز جااااي طاااآآير وذكر اسم واحد ثاني ؟! وقعد يدافع عنه ....؟؟ لذلك علمته انه يلف قبل العاير ! |
|
طيب انت عندك شي تقوله رح للمدرسة وحاتسهم قلي فايدة وحدة استفدته من هالموضوع ؟؟ بس خليتهم يتكلمون على المدرسين وتلقاء ولد عمك مزود بالكلام َ |
اقتباس:
اخي كلامك ما به شيء من الصحة انت تقول مدرسين الحرمين مهب زينين والله ان مدرسين الحرمين من افضل المدرسين الي شفت هم ومدرسين عبدالبر وبالنسبه للطلاب فأنا معك ان طلاب الحرمين فيهم من السوء الكثير بس مهب لدرجة انهم يغيرون المدرسة 180 درجة اما بقولك عن المدير والله ما شفناوه يدهر الا اذا جاء مدير التربية والتعليم وهو يهتم بالبهرجة ويهتم ان المدرسة تطلع بالصحف انه افضل مدرسة بالدنيا ياخي المفروض يهتم بالطلاب مهب بزيارة مدير التربية و التعليم وزيارة فلان وعلان ويهتم بمعلاجة كثير من مشاكل الطلاب اما بالنسبة للكلام عن المدرس فأنا اشهد ان المدرس الي تعني ما يقول هالكلام وانا سألتة بنفسي وهو من افضل المدرسين لا شرح ولا اخلاق ولا احترام فأرجو التأكد وعدم اثارة الفتن وشكرا |
هههههههههههه ياجماعه يمكنه نص لفه صحيح يعني مايشره عليه سقيم
. . |
تم الاتصال على أخي مدير المدرسة أباعبدالرحمن وسؤاله عن مدى صحة هذا الموضوع وأفاد بعدم صحة هذا الكلام.. وللعلم معنا في هذا المنتدى وأنا اعرفهم تمام المعرفة ومنهم وكيل بالمدرسة واثنين من المعلمين الفضلاء بإمكانهم إثبات ونفي هذا بشكل واضح وجلي أتمنى مشاركتهم بهذا الموضوع.. وأتمنى ممن ليس لديهم معلومة مؤكدة حول هذا الموضوع عدم الخوض بالحديث ورمي التهم جزافا والإساءة للآخرين دونما علم سيما أن الموضوع وكما تشاهدون لم يثبت . حبذا من إدارة المنتدى حذف الموضوع أو مطالبة صاحب الموضوع بإثبات خبره . ((( الراصد ))) |
الله يخلف :035: |
الله يهدي الجميع يااااااااااااااارب والي مايخاف من الله مدرس او سلتوح او عاطل ماقول الااالله ييهدي الجميع
|
اقتباس:
حبذا أخي الفاضل لو تثبت لي أنت أن الكلام غير صحيح .. حتى يتم إغلاق الموضوع .. |
اقتباس:
اتصل بالمودير وسئله بنفسك |
اقتباس:
سبحان الله مسؤول بالمنتدى ومطفي النور اقرأ ردي السابق كاملا حفظك الله .. دمت بود. اخوك / الراصد |
لااله الا الله
لاحول ولاقوة الا بالله الله يعافيه ولايبلانـا |
اقتباس:
أرجو قراءة ردودي السابقة حفظك الله ,.. |
اقتباس:
دمت بود . اخوك/ الراصد |
خلاص ياليت تقفلو الموضوع
ويمكن الطالب فهم المدرس غلط !! يمكن المدرس قصده يعلمهم ان دبي فيها اختلاط و يبغى يحذرهم من خطر الاختلاط؟؟؟؟؟؟؟؟ و الله يحفظ شباب المسلمين,,,,,,, |
ياخوي الشكوى لله هذا اخر زمن اللي يستاهل تلقاه يحارب او مايصير مدرس او مربي المهم هذي كله اتوقع من الوسطات ولا اصلن وش جابه وخلا يصير مدرس وهو تفكيرة الى هالحد الشكوى لله هذر زمن العجايب يسلمووووووو
|
اللي يبون الموضوع يقفل ليش يقفل انا ما اقتنعت وكثارين اللي مثلي ومثل ما قال ابو ربا اثبتوا ان الكلام غير صحيح |
وش ذا معلم وإلا منين جاي
لا حول ولاقوه إلا بالله |
hhhhhhhhhhhhhhhh tl6eef
|
××××××××××××××××××××
|
السلام عليكم ورحمه الله وبركاته
انا من متوسطه ابن عبد البر ونا الحين رايح لم ثالث ونا ماعمري سمعت به ابد ابد بس انت قلي منهو ذا ولله فتح عيونه :014: مابقا الا هي بعد نجي ندرس :re ويقولنا وصاخه انت قلي منهو اولاه وله يانا من يوم سمعت الخبر ونا :i121 بس تكفا قلي منهو باااااااااااااااااااااي |
بطلب من صاحب الموضوع وبعد ان وصلت الرسالة للجهة المسؤولة .
يغلق |
| الساعة الآن +4: 01:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.