|
موضوع بالعامية .. لعيون أبو خرشة و أبو رُبا ..[ يازين أيام أول ]
بسم الله الرحمن الرحيم :d:d:d يازين أيام أول .. هالكلمة أزعجونا فيها شيباننا ( الله يخليهم و يحفظهم ) و الله مع كثرة ما يرددونها صرت أتمنى إني عشت معهم و لحقت عليهم و على القرية الصغيرة و بيوت الطين و الصلاة بالخلوة و قومة الصبح و شغل الفلاحة و الكد و صفاوة القلوب و اجتماع الشمل و التكاتف و الصراحة و ..... http://www.buraydahcity.org/smsam-no...9266badf79.jpg و الحين مع إن الواحد توه ما بعد صار من الشيبان لكن صار يردد مثلهم ( يازين أيام أول ) يوم (التيم) و بسكوت (أبو ميزان) و مطامر الجدران و لعبة الكيرم .. بس ما ندري شوقنا للماضي هل هو شي طبيعي عند كل جيل ولا الماضي فعلا كان مميز لنا و للكبارين اللي كليوم يرددون ( يازين أيام أول ) ..! يعني بالعربي .. يمكن يجي يوم و نقول : ( يازين أيام أول ) و نقصد أيامنا ذي اللي حنا فيها الحين ..! الله يستر .. يعني إننا بنعيش مستقبل يخلينا نشتاق لأيامنا ذي اللي فيها تعقيد و تكلف زايد و قطيعة و و ... إلخ .. هنا تعرف قيمة المقولة اللي تقول : قديمك نديمك ...! http://www.buraydahcity.org/smsam-no...k_gademak4.jpg [MEDIA]http://www.buraydahcity.org/smsam-nor/up/3944608.mp3[/MEDIA] أخوكم / عبدالله .. (عبودي) منول <=== قديمك نديمك .:d |
والله انك صادز يا عبودي يمكن حنا نعيش الحين بها الايام وحنا متضايقين همن يجي يوم ونقول اثرنا أحسن شي :) الهرجة عامي بعامي :) |
واللة يا اخيي مااااااظن اننا بنقول يازين زمان اول على زماننا هذا لأنه مافيه شي زين الله على زمان اول الصدقي قبل 15 سنه ياسلام اذا تذكرته مدري وشو الشعور اللي احس به ماله وصف حنين او حزن اومدري وشو |
ههههههههههههههههه لهالدرجة أثّر عليك أبوربــــــا :d..
أخبرك قوي ولا يهمك أحد :113:.. ويازين أيام أوّل :cool:.. |
يعني وش قصدك أن أبو ربــا كبيـر :09: <=== من شر مايوجس :d
هو كبير بس ناقصــة شي وااحد أقوله أو علئ الخااص :09: ..! :113: |
شف ..
دايماً نشتاق للماضي ونتمنى الرجوع له .. بس لو رجعنا .. نتمنى أننا مارجعنا .. اسأل مجرب <<<< :d |
فديت الاولين وايامه
|
يؤؤؤؤؤؤؤؤؤؤؤؤؤؤه اوما قواطي البيبسي ,, شي ,,
كح كح غباررر,, كل الازمان شقى الاول والحين >> يالله من الشكوى لك > حرنا بك ,, موضوعك تحووفه سلمت الصمصام ,, |
. ينقل لسواليف كشكولية هالحين كل ذا تعصب ماحطيته بذاك لو تهرج تسلمتين بالعامية حذف الرد كله << وهالرد يبي يلحقهن :d على العموم انا اقول بعد يازين ايام أول منب اقصد عهد شيباننا لا لا , اقصد اللي انا لحقت عليه والله من صفاوة النفوس , تهاوش مع خويك وبعد شوي تسنه ماصار شيء , وش تبي اكثر من هيك :d شكرا صمصام << كم مرة قلت لك ياصعب اسمك :d . |
ايوا الله مستئان زمن اول تهول خلس مافي يرزع:eek5:eek5:eek5
|
يازين زمان اول مافي حسد ولازعل
بعد المغرب يسيرون على بعض يشربون قهوه ويسلفون وكل واحد يسال من جاره اليوم عسى بحسن الخاتمه يالله يسال االخ عن اخوه |
, , أنـام الليـل مـن بـدري وأصحـى أول الفجـري وعلى فطـورنـا الصحـي ألاقـي أهـلي مجتمعيـن أمـي بحـضنـه تحطنـي تـوكـلني وتـشـربنـي وأبـوي بخـدي يقبصـني يـارب تحـفظ هالعينيـن أروح لـبنت جـيـرانـي بـدميـه وبعـض ألعـابي وننشـد صـباح الخـير ياجاري ونـرجـع كـلنا راضـيـن كبرت شوي وصرت ادرس بـمبدأ أزرع وأغــرس معـلـمـتي تفهـمـني لالا مـو بـس تـلقـين تـنشئ عـقيدة بـديني هـو وحـده يشـفـيني ويطـعـمـني ويسقيـني وبالجنـه تـرى يجـازيـن في قـلبي رقـه ورحـمه وبعقـلي ذكـاء وفطـنـه اخـاف الظـن وإثـمـه لاجـل افـوز بالـداريـن عـليَ يغار اخـوي خالـد يشـك انـي احب ماجـد <<< كابتن اصيح اصـارخ اشاهـق يـقـول الا لاتـكذبـين عـيب نحـب فلـم كرتون نخاف ينقـال ماتستحـون آه آه لـــــو تـدرون مـسـن وشـاة وفنـانين تـغـيـرنا وتـطـورنـا زمـان فيـه تـحـولنـا تـشرقـنا وتـغـربنـا نـعـايش قـرننا العشـرين تـبـعـيـه كـسـبنـهـا وعـقـولنـا سـكـرنـاهـا حـيـاتـنا دهـورنـهـا بـقـمـة وهْـم مـرتـفعين الـوالـد جـالس لحـالـه والام تـقـرا بالصـالـه والبـنت تـدردش بجـهازه والعيـال بـرا سهـرانـين الـرجال غِـيبة شـمـسـه ما يـعـرف يومـه من امسه بـقـى مثـلي واشكالـي بالكيبورد نـصـبح طموحـين اخي الصمصام والله ما ينلام اجدادنا اذا حنا اللي اعمارنا اوائل العشرين اشتغلت القريحه والتوليف بطاري ايام زمان اجل اصحاب الثلاثين والاربعين وش يقولون؟؟ الشهر اللي راح ازين من اللي حنا به طبعا الكلمات بدون ترتيب والخط لك عليه مايل وكثرت الضروره الشعريه عشان نتذكر ايام زمان قبل التنسيق والتوليف خلال عشر دقايق ولا اعرف للشعر رجاء بدون تحطيم |
كلام جميل
اتوقع سبب الحنين الى الماضي كثرة المشاغل الحاليه . ايه يزمان اول |
^ ^ رآآآئعه .. آآه يآزمن اول لآهم ولآغم إن فكرنآ بشي فهو بألعآبنآآآ!! ولآندري بشي .. نشوف أهلنآ ونجتمع مع عمومتنآ وخوآلنآ وجيرآننآآ ..وأكثر الوقت معآهم.. والحين الله يخلف علينآ يالله بالعيد!!! وأول مآفيه تفآخر بشي والحين مآفي شي الآ يفتخرون فيه حتى لو كآن شي سييء..!! يآ الله الجنه .. موضوع في الصميم .. لك كل الشكر اخي الفآضل .. دمت بنقآء .. |
اجل القديم زين ببعض الاشياء بس
انطع الكهرب وعشنا زي الاولين..نقول يازين ايام اول :) ههه |
ااه يازمن اول ياليته يرجع ولو يوم من طلعة الشمس الين طلعتها من بكرى ابي اطامر بالحايط وارقى ذيك النخله ابي العرايس البسها وانا افصلها على كيفي اه يازمن اول انا وبنت الجيران نغني اروح مدرستي من بدري كانت بخاطري بس ماعرف وشلون اصوغها شكرالك رجعتنا 25 سنه .. |
قهرررررررر
توي أشوف الموضوع ... لكن اللي شدني الصراحة الموضوع .. قلت وش السالفة وإلا خابرك ما تكتب إلى هرجن ما أدري وش تقول به ما كلن يعرفه .. احاول أجمع كلمتين على بعض وابي أعرفهن واروح لقوقل ابترجم ماش يطلع لي رساله بالأنجليزي تقول ( عفواً لا يمكن ترجمة هذه الكلمات لأنها من الصمصام ) .. ترى بالانجليزي فهمت ؟؟ الوكاد والله يا ابو عبدالعزيز .. فعلاً الله يرحم زمان اول .. لكن بعض ناس هنا الله يهديه فهما غلط .. سمعت يا جفنشي ؟؟ ومثل ما قال الدعساوي .. يتهاوشون .. وبعد شوي خويا .. والله ما شدني بموضوعك هذا كله إلى صورة مسجد الطين إيييييه الله يرحم هاك الأيام << يقالي شايب .. وأنت يالصباخ والله لو تقعد معي ليلة وحدة بس إني لأخليك تصلي شرق مهب بست تتأثر بي ... تسلم ابو عبدالعزيز على هالموضوع .. ابو عبدالعزيز إما حرا وإلا برا ؟؟؟؟ |
يا طفوله. يا هَوى ماضٍ وآتِ. يا ربيعَ الزّمَنِ الشيخِ وآذار الحياة. .. .أدب .. أدونيس تحياتي لشخصكـ الفاضل ربــع الدنيـا **** |
هلا بعبودي .. ترى موضوعك حرك القهر اللي فيني من حدى شيبان جماعة مسجدنا منول وشي يقول : منول حنا نسبح بالحابوط بدون سروايل حنا والبنات ... ايييييييييه مهب زيكم فتن وبلاوي منول ما عندنا هالخرابيط .. ايه وكالمرة رحنا نحش حنا ولطيفة المحمد ورقية الصالح ومزنة الابراهيم ويعدد من هالعجز .. ومرة ركبت معي حداهن على الحمار والله إني ماالتفت يمه ولا كن أحدن واري كنه جماد !!! قلت : والله ما ندري عنك شكل الايديه ما تخلو من حركات !!! 7 7 7 7 7 7 7 كثيراً ما نسمع مثل هالكلام ولكن في كل زمن بلاوي وفتن لكن لا شك ولا اختلاف أنه ( لا يأتي زمان إلا والذي بعده شر منه ) أخرج البخاري عن الزبير بن عدي قال : أتينا أنس بن مالك فشكونا إليه ما يلقون من الحجاج فقال اصبروا فإنه لا يأتي عليكم زمان إلا الذي بعده شر منه حتى تلقوا ربكم سمعته من نبيكم صلى الله عليه و سلم الله يكفينا شر الشر يا أبا عبد العزيز ... دمت متألقاً .. محبك . قناص |
ما قلت في الأعلى مجرد مشاركة عابرة لها علاقة بالموضوع .. الجدير بالذكر أن ما ذكرته يقع كثيراً فمثلاً أذكر أحد مدرسي الحلقات قال : ايه يوم حلقاتنا منول مابه جوالات ولا بلوتوثات ولا شيء يشغل .. وهكذا .. موضوع رائع ... |
عام 1445هـ يازين أيام منول ايام البلايستيشن والسوني و ... :084: - يازين ايام زمان سنان والنسر الذهبي والليث الأبيض << صياعة مبكرة :d - يازين ايام منول ندبغ بكل عاير :095: - يازين ايام منول أنواع الكدة من شيباننا وفوقه مكسرات تهزيء واذا زليت بسسس شوي والله يا أنت تبي تشوف نجمة سهيل بصنقلت القايلة :bad - يازين ايام منول الراس كله فلوووق من مقامز الجدران والرجلين مابوه قزازتن بحارتنا الا انا واطيه وانواع خيوط المستشفى :d جزاك الله خير عبودي منول ,, خليتن اطلع غريفي :d { زمـان أول } :eek5 [POEM="font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ذكرتك يا زمان أول كثر مافكري يتجول = مع أيامك مع سنينك مع شوق ٍ معاك طول ذكرت الناس بالديره ومبدا الجار والجيره = وناس ٍ من بساطتها تجيك بعالي السيره ذكرت الوقت وأطباعه وجو الطيب وأنواعه = وسلم ٍ معتلي بالعز في كل لحظه في كل ساعه ذكرت الهمسه والكلمه وثقل القول والحكمه = ومبدا الدين والدنيا ومعنى العيشه والقسمه ذكرتك والذكر عالي مدامك يا زمن غالي = تربع في وسط قلبي مع حلي وترحالي [/POEM] |
هنا في هذا الموضوع ستكشف أقنعة الشواكيش :d اقتباس:
هههههههه الله يقلع ابليسك :d &&&&&&&&&&&& اقتباس:
ثانيا ياشين البزارين لاعطيو كمبيوتر إيقاله خفيف دم :( شكلك الواجه الآخر لمزنة ,, |
. . . أتمنى إني عشـت أيامكم اللي تحدثون عنه مشـكلتنا جيل 2009م مشـغولين بمتابعة آخر أخبار تعاقدات اللاعبين وتوليفات مطاعم الوجبات السـريعة والجري خلف صيحات الموضة من ألبسة وجزم وحتى أشكال .. كل مخلفات الماضي ماشفته إلا مرة بمجلة متخصصة .. شــكراً لكم كثيراً كثيرا .. . . . . |
:eek5 .. موضوع عظيم يا عبدالله ..!
سطرت بيدك كلمات .. بكت منها دموع ..! وسالت منها دماء ..! أعجب من قلوبٍ في هذا الزمان ..! لا ترأف بأصحابها ..! هي كالحجارة أو أشد قسوة ..! أين الصداقة الحقّة ..! أين العهوود .. الصدق .. الوفاء .. صلة الأرحام ..! أين وأين ..! رحمة الله عليهم ..! :eek5 على الرغم من أني لم أرى أجدادي ..! لكن أبي وأعمامي .. رووا لي أحداثاً ..! فيذكر عمي واسمه علي وستعلمون لما قلت اسمه ويقول : [ ذاك المرة من المرات معتمرين .. وكنت ناوي أحبّ الحجر ويوم وصلته وجان الدور .. وإلى اللي ينادي [ ياعلي .. ياعلي .. ] مار ألتفت وأخلي الحجر قلت شكله يبين عجل ..! وإلاو .. من الرافضة .. :113: وأناظر نفسي إلاي بآخر الحرم << من المبالغة ] والقصص لا تنتهي ..! وياليت الزمن يرجع .. |
اقتباس:
هههههههه انت من المؤسسين لها :d |
زمآن اول مامثله أدب الوقوف على الاطلال من قديم الزمآن وُجد . . وكل زمن يتمنى الماضي ! اللهم انا نسألك الدنهـ |
يا رجال هالحين حنا نقول يا زين زمان أول نقصد أيام الطفولة :113:
أتوقع يكون السبب :09: هو أنه كل زمن أو جيل أردى من اللي قبلة بالنسبة للتفتح و الإنحلال :113: يعني أتوقع حنا نقول [ يازين زمان أول ] اللي هو الجيل اللي قبلنا و اللي بعدنا يبي يقولون [ يازين زمان أول ] اللي هو جيلنا و الله بعدهم يبي يقولون [ يازين زمان أول ] اللي هو اللي قبلهم , وهكذا >> إحلق عيني تسان أحد فهم :090: |
اقتباس:
أجل أنت من جيل 2009 زين والله :090: |
اقتباس:
|
والله إنك صادق ياعبودي
يازين أيام زمان لكن والله ياخلفهم أنت |
أيام زمان أحسن من هالحين
|
ياخي حلاته اذا صار واحدك عندك بالمنسجر له سنه وماتدري انه كان جارن لكم اول
ولا ابو عابد :d وهاك شجرة الفاكه اللي ياكلون منه :089: :d |
دعبل نجد / شكراً لمرورك الكريم حبيبي أبو عاصم . الحنونk/ بارك الله فيك . الصباخ / شرفتنا يابو ريم . GIVENCHY / لا أبو ربا فاصخت الـ 15 لا إله إلا الله .. :) شكراً . خوي السرور / سلمت على المرور يابو عزيّز . ذكاء و شقاء / شكراً أختي .. الله يحفظك . غنوجة نجد / الإنسان في ( كَبّد ) مثل ما قال الله تعالى . وفقك الله . دعساوي / الله يستر لا تصير انت من شيبان أول بسـ .؟! شكريا على المرور .. شغالة الجيران / مشكورة .. بس لو تهرجيت زين الله يصلحتس .. ما مثل اللغة العربية ترى . الله يوفقتس .. |
اقتباس:
ههههههههههههههههههههههههههههههه :090:.. الحين يقالك أنت تسولف معه باللغة العربية.. الله يصلحتس.. الله يوفقتس.. يقالهن لغه عربيه ذولي :090:.. |
الصباخ ؟؟ إلى هالحين وأنت راعي ضحتس ؟؟
أبو عبدالعزيز والله رجعتنا للماضي بهالصور ،، جزاك الله خير . |
ياسلآآآآآآآآآآآآآآآآم عليك ياعبودي .. في كل مجال متألق , وأيام أول ماتعرف تكتب اسمك ... اااااااااااايه يالولوة ... من الأعماق أشكرك ياعبودي منول .. والله ياأنت قلقلت الأشجان .. تحيآآآآآآآآآتي .. |
الحين توي أفهم كلامك صح
منول أسلوبك عالي جداً |
ياشين ايام اول
|
مهيب مشاركة بسمريت وسمعت لجه قلت أسلم على الجماعة , |
والله شكلي أبقول لأحفادي احمدوا ربكم على النعمة طول عمرنا نروح لمكة بالطيارات ونقعد ساعة كاملة ما وصلنا ...............................................!!! !!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟ |
يؤيؤ .. وش هالردود ما شاء الله تبارك الله .. والله إني بلشت .. لكن أغدين أتشجع أرد عليكم واحد واحد .. و هالحين هذا عربون شكر لكل من قرأ و شارك .. موفقين .. |
عندما تتحدث والدتي حفظها الله ورعاها ارى السعاده تشع في عينيها وابتسامتها , احببت ذلك الزمن ببساطته رغم صعوبه العيش فيه , نعم يازين اياااام اول,, يحق لي ان اقول ذلك ,, فانتم تعلمون وتعرفون الواقع المؤلم الذي نعيشه ,هل بهذا الزمن شي جميل؟؟ ايام اول,, وفاء حب نخوه تضامن ترابط الامن الطمائنينه صله الرحم صله الجيران الادب التسامح التعاون الصدق البساطه اقامه الحدووود كانوا كالجسد الواحد اذا مرض جزء تداعت له كل الجسم بالسهر والحمى و.... و.... و...... و.... و..... وانظر الى هذا الزمن ومافيه ,, لا اريد ان اكتب عن مافيه كفاني الماً بمعرفتها ولا شك انكم تعرفون ذلك.. انا لا اجرد هذا الزمن مما كتبت عن ايام اول لكنكم تعرفون الفرق.. جزاك الله خيرا مواضيع مميزه بالعاميه والفصحى,, بالتوفيق ان شاء الله .. |
^ ^ ^ تتيه النفس في سرد المآثر .. شكراً يا أخت .. |
| الساعة الآن +4: 11:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.