|
هذا مافعله المرور مع الحملة الترويجيه ... ادخل وشوف السخافة بعينه ...
السلام عليكم ورحمة الله وبركاته .. الحمدلله والصلاة والسلام على رسول الله وبعد إخواني وأخواتي : كلكم تعرفون الحملة الترويجيه التابعة لمهرجان بريدة الترويحي .. وهي عبارة عن 5 سيارات تدور ببريدة وفيهم سفاتي وحركااااااااات وتوزع منشورات عن المهرجان بالاشارات و الاماكن العامة ... اولاً : اعذروني ابتكلم باللهجة العامية ... كنت قبل أمس واقف عند المحطة الحمراء اللي بحي الفايزي ....(... اللي فيها تلميع وتغبير وحركاااات ...) وكنت واقف عن التموينات اللي بنفس المحطة المهم جاء المرور ووقف سيارات المهرجان قدام الناس وقال لهم أنتم مزعجين يلا عطوني اثباتاتكم وووووو ... وقفهم قدام الله وخلقه ... وجت 3 دوريات ورقيب وووو ... وبلاغات ودنيا .... وعساكر متكبرين .... وخلوا الناس تتجمع ... ووقفوهم ساعة كاملة والله من 8.30 إلى 9.30 ليلاً ... وكتبوا محضر واتصلوا على ادارة المهرجان ... وأنواع المصايب ... السيارات كلها مليانه استكرات المهرجان ... والله يبي يشوفهن .. تراهن موقفات قدام مطعم رشوش .... المـــــــــــــهــــــــــم : وبعد اللعنة واخته وبعد ما رصوهم رصة العمر خلوهم يمشون وكل سيارة لحالها وواحد من العساكر تلفظ ... عيب والله يصير هالشيء من رجل أمن ... وأنا من هذا المنبر أقول للمرور : ألستم أنتم والحملة التوريجيه تتكاتفون لإسعاد الجميع بالمهرجان ... ؟؟؟؟ لماذا لانرتقي بعقولنا وليس من لبس البدلة صارت معه الدنيا ؟؟؟؟؟ الجميع يتكاتف لبروز بريدة بالشكل المطلوب لماذا أنتم تعكرون الصف ؟؟؟؟ هل أنتم تكرهون مدينة بريدة لهذه الدرجة ؟؟؟؟ هل يسري بغضكم لمدينة بريدة حتى توقفون الناس والمشكلة إنهم رسميين ؟؟؟ الشباب بالحملة الترويجيه والله من بعد العصر يدورون ببريدة وراحوا لاغلب الاشارت ...وأنتم ما تقدرون التعب ؟؟؟ الكل يجتهد لأجل بريدة ومكانتها وأنتم ترفضون هذا الشيء .؟؟؟؟؟ مرتان على التوالي ومهرجان بريدة الترويحي بحصل على المركز الاول على مستوى المملكة ... بعد التصويت ولماذا تريدون المهرجان بأبشع صورة ؟؟؟؟ اذا كانت جميع اجاباتكم بـ ( لا ) فقولوا لي لماذا فعلتم هكذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ والله أنا أتابع هالموقف وأموت من القهر ........ صح إني ما أتجاهل معروفهم من ناحية المتابعة للحملة ... لكن الشباب اللي بالحملة طاحوا لهم بعساكر ما ودي أقول شيء بس ... والله عيب وعيب وألف عيب ... يا مرور بريدة .... الناس تتعب وأنتم لابسين هالبدلات وتناظرون الناس زي الحشرات .... (( لاأقصد كل العساكر بالعكس فيهم أطيب من الطيب )) اعذروني تراي أتكلم من حرقة قلب ... لأنه شغل مبزرة وتبلي وعالم فاضيه ... والله حتى السيارات الرسمية ما سلمت منهم ... ولكي اطهر المنتدى لن أذكر أسماء العساكر ... (( لانهم والله ما يستاهلون )) وصلى الله على نبينا محمد وعلى آله وصحبه أجمعين .. أتمنى منكم التفاعل .... |
صادق والله قهر.
|
ياحبيبي المرور هالحين تخاف منه لو انك على رجليك يمكن يخالفك ويقول لما ذا ماتركب سياره يعطيك مخالفه عدم ركوب السياره اثنا الدوام الرسمي هههههههههههههه
حسبي الله على الضالم من رجال المرور فيه واحد حذروه يجماعة ماعنده ذمه تراي اتكلم من واقع وانا لست مراهق يشك فيه وعرضه للمخالفات المرورية لاكن فيه مرور سري حذررررررررررررووووووه على كورولا فضية هذا الرجل ضالم لنفسه والله معارف اسمه لاكن يجيك يتهمك في شي لم تفعله حسبي الله عليه يوم توزن الاعمال وسوف يلاقي جزاه تحياتي لكم ابي اللي حصل له موقف مع هالمرور السري الكورورلا يشارك في ماحصله |
والله حررررررررررررررام بعد الغرااام
|
العساكر نصهم من حائل و الباقي حجز والي من القرى مافي من بريدة إلا ثنين ثلاث الله يعين .. |
اقول رجال المرور ابخص ممكن انهم ازعجوا الناس
وكل الي على السيارات المهرجان مبزرة ممكن علشان كذا يستااهلون |
؟؟؟؟؟؟؟؟...
|
السلام عليكم والله انك صادق في كلامك لالالالالالالالالالالالالالالالا المشكله ممعهم ولا ضابط
|
بعذر المرور بهم
مبزره يسوقون ويفوظونه يحسبون انهم يحقلهم الفوضى طالما هم تبع المهرجان |
بس انا اتوقع انه في شي صار من اصحاب الشيارات يعني مو معقوله من الباب للطاقه يبي يوقفهم انا في واحد اعرفه مشارك بالحمله يسوق الشياره هو بزر وراعي خرابيط فشي طبيعي يحدث هذا الشي بالعكس شي جميل انهم مسكوهم عشان يعرفون شغلهم صح ولا يخربطون بالسيارت |
يا عزيزي .. انا اتمنى بس شي واحد من اغلب الي نشوفهم ضد مهرجان بريده ..! دايم يعركون صفاء التميز بحركات الاطفال ..! -- انا اعرف جوابهم بيقولون سفاتي وحركات وتجمع ومايصلح .. يا عزيزي هذا مهرجااااااااااااااااااااااااااااااااااااان يا ابن الي مانيب قايل مهرجان .. كبر عقلك شوي وخله اكبر من هالنجمه الي بكتفك حنا ابتلينا برجآل امن اغلبهم من خارج القصيم .. وبريده خاصه .. والحسد باين بقلوبهم وعيونهم وهذا واضح عليهم من تشوفهم .. لكن عشمي بالرجآل الي لهم كلمه .. واكرر الرجال فقط .. الي لهم كلمه ..ان يضعون حد لتصرفات اطفال الامن ..! |
مرور بريدة واقفين للشباب
|
الأخ / ولد الوهبا والاخ أبو سليمان والاخ / أحب أمي
للأسف تكون عقولكم لهذه الدرجة من الدنائة وأنا لا أريد أن تكون الصفحة حلبة مصارعة بالردود والكلام ... لكن لي معكم وقفة : 1- اذا كنتم حاقدين على بريدة فهذا شيء ثاني ... 2- لا تتكلمون وأنتم ما رأيتم الموقف والضباط أثنوا عليهم وعلى انظباطهم فنحن لانتحاج شهادتكم .... 3-الأخ ولد الوهبا لاتتكلم عن الناس بأي شيء لاتقول (( راعي خرابيط )) كيف تتهم أشخاص والله عيب عليك .. شكرا لكم ولجميع من تفاعل .... |
عزيزي انا اكلمك من الموقف الي صار السنه الي راحت مالي دخل الحين وبعدين انا اتهمتن اني حاقد انا منب حاقد بالعكس محب لبريده واهلها وانا من بريده |
نةمنمةمنةمنةةةنمةمنةمنةنمةمةمةىمنىمنىمنىمنةم قسيمة وحجز هعهلهلهالا بس واسطة تمشي عدل
|
اقتباس:
أولاً : أشكرك على محبتك لبريدة ولكن أتمنى وكلي أمل أن تكتب ما يرضي بريدة ... ثانياً : يا قلبي ياحبيبي يالغالي يا بعد عمري حنا فاتحين هالموضوع ونتكلم من أمس عن هالسنة ذي 1430 هـ وش جاب طاري السنة اللي راحت ... شكرا لك ... |
اذا كان مدير المرور من عنيزة اكيد بيصير كذا والجاي اكثر
ما يبي شي لبريدة الحبيبة |
| الساعة الآن +4: 06:55 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.