|
سؤال للمتزوجين فقط
نفرض راتبك 7 الف ريال كم يبقى من الراتب نهاية الشهر بشرط تكون توفر كل شي للبيت بدون بخل على البيت وعلى بنت الناس سؤالي لاني مقبل على الزواج وابشوف الطريقة المناسبة للصرف |
بدون اطفال ستوفر بإذن الله
اما كم ؟ هذا على حسب قدرتك على التحكم في مصروفك |
سؤالك جيد ...ومهم ... بس الربع هنا ما يحبون دبلة الكبد
بس مالك إلا الله ثم حنا ... و اللي ما يبي يرد وينفع اخيه المسلم و بيتطنز كل شوي .... يا اخي قفل النت واجلس ناظر التلفزيون او شف لك دبرة . المهم اكتب في ورقة وقلم .. احتياجاتك الشهرية . فرضاً : فاتورة الكهرب والماء فاتورة الجوال و جوال المدام فاتورة التلفون اجار البيت مقاضي البيت مصورفات (نثرية ) باعتبار ان الحياة الزوجية مؤسسة احتماعية . ( مطاعم - روحات - جيات ) بس قبل كل شي ... حط لك حساب خاص منفصل .. تشيل من الراتب قبل ما تعمل التقصيمات السابقة . يعني .الراتب 70000 ريال تشيل منه 3500 ريال توفرها في حساب توفير لك وللزمن . و تعتبر ان راتبك نزل للنصف اي 3500 ريال و تبدأ تصرف من هذولي بس . كون انت والعروسة ...... فهالثلاث الاف وخمس مية .... تكفي وزيادة . وانت عاد دبر امورك .ولا تسرف بالمره . بعدها تقدر تاخذ لك بيت ملك و تستقر عن الاجارات . والله يوفقك ان شاء الله |
لم أتزوج بعد :) .. لكن الذي أراه من بعض الإخوة .. أن 3000 ريال كافية بإذن الله للذي في مقتبل الزواج .. أدعوا لي يا أخوان بالزوجه الصالحه .. قبل أن تكون جميلة .. والله الموفق إلى كل خير .. أخوكم : عَوَرْ ويَنْشِقْ . |
قال تعالى : ( و لا تجعل يدك مغلولة الى عنقك ولا تبسطها كل البسط فتقعد ملوما
محسورا ) الاعتدال مطلوب... أما الرزق لايجلبه التقتير.. ولا يبعده الانفاق.. فالرازق الله سبحانه.. نسأل المولى أن يبسط لك في الرزق ويكفيك شر الحرام... |
نصيحة اذا تريد ان توفر فاعقد اجتماع مع زوجة المستقبل وتفاوض معها على رقم مقبول من الطرفين وامنحها اياه عند اسستلام الراتب وليكن شامل لكل ما يتعلق بالبيت حتى الاجهزة اذا تعرضت لتلف بسببها فهي المسؤلة عنه وسترى كيف يكون التوفير وقد جربها الكثير واعطت نتائج عظيمة .
|
8
8 8 8 8 :( اخوي .. ترى مهما كانت هي بيتها وماراح تخرب شيء لك ... لأنه لها .. واعتقد انها مو جايه بعقد عشان تقعد تكتب عليها عقود .. اخي _ ولد الصفراء _ الله يعينك بس .. لكن تأكد ان من اراد العيش فإنه سيعيش ولو بالف ريال والكثير تأتي عليه نوائب وشوائب بالحياة تهدد استقرارها ولكن حسن التصرف والصبر له الدور الكبير بهذه الأمور اسأل الله لك التوفيق .. والرزق الحلال |
أ نا لسا ما في جواز ادعوا لي ببنت الحلال لكن على حسب ما نرى من الجماعة المتجوزيين أسبوع ومفنش خلص الراتب و يتسلفون الله يعيننا وإياهم دام ما صار عندك دخل صح والا تبي تبلش بعمر سلف ودين وإن كان الله فاتح عليك الله يرزقنا وإياك تاخذ أربع هههههه الله يخلف يا رجال أي توفير وأي تقسيط الراتب رايح قبل ما ينزل البقالة المغسلة الأقساط ما أدري وشو شي ء مقاضي للبيت يعني الله يعيننا واياك لكن لو حصل أنك ما تأخذ أقساط أزين لك لأن الأقساط صراحة تهد الظهر لأنه يروح حول ثلث الراتب وإن كنت ساكن يايجار بعد لازم تحوش وتخش جمعية لو من ألف ريال لأنه مستحيل تجمع تقول أبجمع أحسن شيء تخش جمعية تخش معنا جمعية من 5000 تراي جازم |
بدايه ادعو لك بالتوفيق والسعادة والحياة الهنيئة مع زوجتك ..اللهم امين
ثم اخبرك اخي ان الراتب كثيرا كان او قليلا فهو على البركة .. و7الاف تعتبر معقولة جدا وانت لابد من وضع اولويات .. الايجار .. الاساسيات للمنزل .. وهكدا.. يفضل تتفق مع زوجتك على مصروف ثابت لها من راتبك كل شهر لفاتورتها ومصروف الكلية والملابس .. بحيث انها تكون تحدد حاجتها ضمن هالمصروف ..والله يوفقكم لكن استغرب من بعض الاعضاء اللي يدخلون ويردون بتكهم واستهزاء!!!!!!! يااخوان يااما ارفعوا الموضوع بكلمة حلوة ولا اطلعوا بسكات ... لازم النحاسة يعني؟؟؟؟؟؟؟؟؟ القصمان رهيبين بس يخربهم اللسان اللي مايهناه يطلع كلمة حلوة !!! |
حسب الطبيعة ، والدافع للتوفيـر غالبا ، مايبقى شيء من الـ 7 :rolleyes: |
الأخ فتى ما أعال من اقتصد و في الشهور الأولى سوف تعرف الإجابة ولكل شخص وضعه وطريقته، أنت سوف تصبح رب بيت فلا تشغلك مثل هذه الأمور!
فيه ناس ما تتكل عليه ولا تهش الذبان عن الدجاج تزوجوا وزانت امورهم..الدنيا دروس |
هناك امور كثيرة من ضمنها [ حلية الراتب ]
يعني أحرص أن يكون كل قرش تحصل عليه [ حلال × حلال ] وأتق الله أن تدخل هللة حرام في مالك وفقنا الله وإياكـ |
احلى راتبه 7000 احلى تسلفن بالتوفيق اخوي على حسب صرفيتك
|
العملية هي ان كان راتبك ألف وخمس ففي آخر الشهر مخلص الراتب وان كان الراتب سبعة الاف ففي نهاية الشهر قاضي
وهي تعود بالاول والاخير عليك انت وتحكيمك لأمور حياتك فمثلا : ان كانت فاتورت الجوال وراتبك الف وخمس ( مئة وخمسون بالشهر ), سوف تزيد فاتورت جوالك إن كان راتبك سبعة الاف سوف تكون أربع مئة بالشهر, لأنك أخذت بعتبارك ان راتبك اكثر سوف تطرب حياتك , ونصيحتي اليك أن لاتسرف في حياتك ولاتقتر وعش بحترام وما يسير حياتك لا بزود ولا نقص عن الناس,,, تحياتي ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, |
أعانك الله .
شف ونا أخوك 7 آلاف مبروكه إذا وفقت بامرأة تقدر ظروفك وتحبك لكن الله يكون بالعون إذا صارت ( مــــادية ) كل همها سفريات وفنادق وساعات وجوالات وخلاقين باسم ماركة .. وبالأخير نفس شينة وجلد مروح |
^^^^^
الفلوس الآن ماتطير على سفريات..وبس لو تقضب ديرتك ، كل شيء نار |
أنا وطريقتك بالصرف
أخوي راتبه مثلك 7 ألاف وآخر الشهر يجي يدور سلف مع إن زوجته ماهي راعية أسواق ولا صرفيات بس ما أدري وين يطير الراتب |
من حقك هالسؤال وبأعتقادي ونظري ان كلام الاخت طير رحال عين العقل والصواب ماشاءالله عليه والتوفيرهذا تلقاه لازمات....وراتبك ماشاءالله زين في درجة المتوسط لكن في نقطه مهمه اذا انت تبى البركه تنطرح لك خصص مبلغ شهري لوجه الله وتلاق البركه الي تبي تسيرلك لو مية ريال..... قليل دائم خير من كثير منقطع.......وعاد لاتنسى تذوق امك ترى في تذويقه بركه....والله يوفقك ويحمدك العاقبه
|
اعتقـــــــــد يعني لو بتسرف وبتوفر كل شي 4000 كافيه انك تستمتـــع بحياتك...
وأم الشباب الله يخليها لك <<:rolleyes:حدد لهـــا مصروف أزين لك ولها قصـــدي للمـــلابس وما ادراك ماالملابس>>>:eek: والله يعينــك ويوفقك...:confused: |
السلام عليكم ورحمه الله وبركاته قريت في احد الكتب المترجمه للعربيه قول احد الاشخاص في تعريف الغني والفقير فيقول( الغني الذي يزيد دخله على صرفه والفقير الذي يزيد صرفه على دخله ) بمعنى ربما تجد شخص راتبه عشرة الاف وفقير ليش لان صرفه اكثر من راتبه يشتري كل شي بدون حساب وبعد سبوع او اسبوعين داج . واخر راتبه 200او 3000 وتلقاه اخر الشهر معه شي وذلك بسبب توزيع مصروفاته على الاشهر من اجل ان لا تزيد عن دخله . انا تزوجت وراتبي 1800 ريال وبعد سنتين جتن وظيفه زينه والله الحمد وضعف الراتب والحمد الله الامور تمام التمام . واحد من خوياي راتبه تقريبا 7000 وزيادة ويجي يتسلف من لسبب ان ماعنده حسن تصرف في دخله الشهري . نصيحه 1- اعزل جزء من الراتب في حساب مختلف وبنك مختلف لا اقول احسم النصف ولاكن 1000 بنسبه 7000 مناسب وتاتي حاجته وقت الزنقات الظروريه جدا جدا . 2- اذا كنت باجر احسم الاجار من او ما ينزل الراتب ولا تقول بخليه مع الشهر الي بعده تراك تبي تصير بازمه ولو تعمل له حساب خاص افظل . 3- وزع مصاريفك ومصاريف زوجتك على حسب الشهر مثل طلعات الاسواق المطاعم المتنزهات السفرات . ارجو من الله ان يطرح في راتبك البركه |
هلا بولد الصفراء الله يوفقك ويسعدك بدنياك وآخرتك
الفلوس وأنا أخوك لها جنحاااااان:065::065: ما تجلس ولا يقص جنحانها إلا الصدقة |
اللله يوفقك والله يعينك على الصرف خصوصا طلبات المدام ههههههههههههههههه
|
انا اقول وبدون شرح ... 2500 كافية للي بدون دين ......
و15000 غير كافية لراعين البعزجة .. والسرف والترف >>> اخوك مجرب |
والله شف ياخوي انا داخله مالي داعي بقول والله على حسب الحرمة |
أسأل الله أن يوفقك ويجمع بينكم بخير
أنا متزوجة ولدي طفل عمره11شهر وراتب زوجي2000لاويشتغل عسكري ماهو أساسي لا ويكفي ماشاء الله ورثه من أبوه الله يرحمه وأتوقع 3000 آلاف للبيت وأغراض البنت لأنه توه متزوجه تحب الكشخة الله يوفقكم ويجمع بينكم بحير |
يازين الي يقيس قبل مايغوص هذا السنع ولايهمك اسأل والي يسأل مايتوهشي على راي اخواننا المصريين هذا دليل على الوعي والتخطيط المستقبلي شوف اذا احنا وزنا الامور بمقياس صح تتوفر لنا متطلباتنا بل ممكن ان نوفر وشوف راي اخواننا يمكن يفيدوك |
اقتباس:
انتي الوحيده الي فهمتني لاني وانا اعزب كنت اصرف بشهر 3000 اجل اذا تزوجت ؟؟؟ |
الوسيطة زينة ولاتحااول يكون شغلك الشغال المال . وبعد الزواج من ثاني شهر اصرف على الي تحتاجة انت وزوجتك وشف الي يبقى والشهر الثالث عاد ابد اوزن الي ماله داعي احذفه وهكذا والدعاااء بالبركة والله يوووفقك |
وشوله تعررس؟؟:d
عقدت على البنت ولاالى الحين؟؟ ان تسانك مابعد هون يارجال ازين لك .. وش لك بالصجه واللجه وعلى ماقال لافيت ومافيت يمدحون سوريا:p:d .. اصبرو امزح<<== خشة واحد يناظر المشرف وخايف:d شف ياخوي اول نقطة لازم تسويه .. خل البنك يقتطعون من مرتبك مبلغ معين .. يعني لوفرضنا الفين بالشهر نهاية كل سنة بيطلع لك صافي 24 الف .. هذي تبي تفيدك مستقبلاً ان الله كتب لك عمر(قلب) فيه عندك اشياء تسمى ضروريات هذولي لازم تكملهن بالبيت وبالنسبة لك كشخص توه معرس( حبيتك يالبكر:p:d) اقولك توك معرس ياخلفهم ماراح تكلفك واجد .. يجن للمكملات لك انت والمره عاد هنا انت وقياسك للامور يعني بوه اشياء لازم انت تتنازل عنه وبوه اشياء لمرك موب كل مره تخليه تنزرق على حسابك ببلوزة من مانقو:d .. المهم انا رادن عليك اقولك انت الى الحين ماوصلت للاسئلة اللي مفروض يسألهن الواحد لاجاء يعرس:d:d.. لاوصلتهن علمن عشان انزل الصبورة والشرح سيكون بالصور لمن يريد الفائدة:d(قلب) |
الموضوع جدي يااخوان لحد يقعد يضحك
الله يوفقك ويسهل دربكم يالاخباري |
نصيحه من عن تجربه شخصيه ..........
انك تروح للبنك وتقولهم ابفتح حساب جديد يسحب من راتبك كل شهر مبلغ معين مثلا : راتبك 7الاف يسحبون منك 2الاف ويبقى لك 5الاف بحيث انك توفر وتجمع وهذا الحساب ما له بطاقه سحب يعني اذا صرت تبي من الفلوس تروح للبنك تاخذ منه واتمنى انك تكووون فهمتن |
على حسب اذا كنت صقير مب رايح اللى 1500
واذا كنت ذيب يبقى 1400 |
الله يجمع بينكم بخير ويرزقكم الذريه الصالحه
اسأل الله ان تكون امراة صالحه .. وان تكون رجل سخي من رائي لاتشيل هم المصروف .. اسأل الله ان يطرح البركه فيه |
اقتباس:
^ ^ ^ الصراحة إنه أقتراح روعة .. ولد الصفراء .. يالغالي اذا أنت ماعليك إيجار .. وعندك زوجة ماهي مسرفة .. فالسبعة الاف تكفي وتوفي .. ونعمة من الله .. أما إذا فيه إيجار .. فعليك تلملم روحك شوي .. ولاتقعد تهوجس ابد اسئل ربك التوفيق أهم شي .. ولاتنسى تعزمنا .. سي يو .. |
ياناس طارت عيوني من ردودكم
يااني كمخه والا مانيب على الدنيا :d اجل لملم روحك وهن 7 الاف ماشاالله احس بهن بركه من رايي 3000 تكفي وزياده وشو مصروف الشخصين؟؟ الله يوفقك ويسعدك ويرزقك الذريه الصالحه قل امين |
والله بزمان هذا ال7000 شويه |
البطاقه في نهاية الشهر لا تسحب
|
والله مادري بس اليومين العشرة الآلف ماتسوي شيء
|
ام 3000 للمره والباقي تصرفبهن ..
|
المسأله اخي ليست مسأله كم تملك ..
بل كيف تتصرف بما تملك.... يعني لازم انك تخطط كويس جزء الادخار يعني10% وجزء صدقه..الصدقه وما ادراك مالصدقه تطرح البركه بمرتبك بشكل عجييييب... والباقي دبره بمعرفتك وحكمتك... وتكونواضح مع زوجتك عشان تعاونون بعض الحياه شراكه بكل شي <<والامور الماديه لابد انها تكون واضحه وماتستحون من مناقشتها ابدا يعني لايكون بخير ولا مسرف مثل ماقالو الاخوان ... وهناك بعض الكتب الي تفيدك بهذا الخصوص... بص اعتقد ان الامر مو بس اطلاع الامر لابد انك طبقه عشان تشوف النتيجه... الله يوفقك ويسر امرك ويرزقك المال الحلال ويباركه لك ولنا ولكل المسلمين |
يمكن 20 ريال وهذا وانت موفر صدقني
|
الله يوفقك ويسهل عليك التوفير نصف الراتب يرفع والباقي كل واشرب واحمد ربك لانك الان تستطيع التوفير اما اذا جاب الله لك اعيال ماراح تقدر الله يهنيك ويبارك لك في مالك وزوجتك وصحتك ويرزقك الذريه الصالحه ... |
ياولد الصفراء
ثلاثة حق على الله اعانتهم منهم الناكح يريد العفاف يبي يوفقك الله وتخطيطك وتنسيقك للمصاريف تبي توفر الكثير |
عوّد نفسك على الاقتصاد من بداية حياتك الزوجية بعيدا عن البخل وعن الاسراف
واحتسب الأجر في ما تحضره لبيتك وزوجتك........وبإذن الله ستجد نتائج طيبة مع تمنياتي لك بالتوفيق والسداد وحسن العواقب... |
أصبر لين أتزوج وأعلمك
|
قاعدة تقول ..
كلما زاد الدخل ، زادت الصرفية .. يعني منشقة منشقة .. بالعربي نهاية الشهر ( لا يوجد رصيد ) راتبك ألف و خمس ، و لا عشرة الآف .. لأنه مثل ما يقولون ، اسمه معاش ، يعني يالله حق المعيشة .. و غرض قلبك و الله ، البيع و الشراء هو اللي به البركة ، أما الباقي سلملي على روحك .. ! |
أخوي ولد الصفراء . .الله يوفقك إن شاء الله . . بالنسبة للراتب .. قديماُ يسمى معاش . .. يعني يعيشك فقط دون الجمع .. وقبل كل شيء لازم تتفق مع الزوجة بالنسبة لتوفير المال .. من ناحية الأغراض اللي تخص الزوجة تحدد كل ثلاثة شهور أو أكثر على تحديد المال لها مثلاً لها كل ثلاث شهور مبلغ وقدره 1500 إلى 1800 ريال فقط أما بالنسبة لأغراض البيت تشتري أغراض يكفي شهرين فأكثر مثل خيشة الرز والسكر وغيره .. الجوال على حسب مكالمتك أنت وزوجتك .. وإن شاء الله يبقى شيء من الراتب لكن قليل .. والحل الآخر إذا شفت زوجتك ماتهتم للمال يعني مسرفة . .. لاتبالي ولاتهتم .. فخصص شهر من الشهور بإعطائها مبلغ مثلاً 2000 ريال . وقل لها أنت تصرفي في هذا المال .. وأنا مالي دخل .. يعني خلها تتولى مسؤلية الصرف وبعدها تعرف كيف تدير الماال . وفق الله الجميع .. |
ليكون بعلمك انني متزوج من 9سنوات السنة الاولى الراتب 1050 راتب المسجد بدون اجار عند الوالد الله يحفضة اللثلاث سنوات الراتب 2000 بدون اجار السنوات الاخيرة والى الان 6000 ولله الحمد والشكر مع الاجار والمصروفات والاقساط وبدون تقتير او تبذير وكافية ويبقى منه شوي فالله الحمد والشكر وهاذا راجع لك انت ومصروفاتك وادارتك المالية ِ ا |
ممكن
اذا عملت كنترول صح ولا يوجد اي ديون تستطيع أن توفر من 2000 الى 2500 ريال
محاسب شرايك فيني ههههههههههههه |
البيت ومعروف كم يبي لكن هي تعتمد علي مصروف الحلوه اما ان توفر او الدجه مافيه وسط عندنا |
خذ لك موظفة وريح راسك
ههه شكلي ابخرب عليك ياجماعة شكل الرجال تزوج وانتم للحين بلشانين بالمشكلة الله يوفقه |
صعبة توفر طحت بوحده تحب الدعدة:024:
|
أولا :
بارك الله لكما وبارك عليكما وجمع بينكما في خير.. ثانيا : أخي الفاضل .. إذا تبي تعيش حياتك الزوجية صح .. فعليك بالآتي : - الإستعانة بالله أولا وآخرا والطلب والدعاء بأن يوفقكما الله ويبارك لكما ويسخركما لبعضكما البعض.. - اجعل هدفك الجنة ,, واحمل هم الدين.. ولا تدخل المعاصي إلى بيتك. وسترى كيف يسخر لك ربك زوجتك لك.. - كن صريحا من البداية من ناحية : ما تحب وما تكره .. والطلعات والزيارات .. والمصاريف.. لأن بعض الرجال هداهم الله يتركون الحبل على الغارب من بداية الزواج.. ثم يمل ويبدأ مسلسل لا لا لا لا لا .. - قبل ما تزعل منها.. فكر لو كنت أنت مكانها .. هل ترضى لنفسك هذا الأمر..!! - لا تجامل في أي شيء يتعلق بالدين.. لأن من اشترى رضى الله بسخط من الله سخط عليه الله وأسخط عليه الناس.. - ولا تعلق قلبك بها.. فمن علق قلبه بشيء غير الله وكل إليه وعذب به وخذل من جهته.. وبالنسبة للمصاريف .. أعرف عوائل .. والله يمشون حالهم بألف ريال .. من دون إسراف ولا تقتير ولله الحمد.. - اجعل مبلغ بسيط من راتبك تتصدق به لوجه الله .. الله الله بالدعاء وتصحيح النية.. والعودة إلى رب العباد قبل العباد.. أسأل الله الكريم المنان أن يثبتنا على الإيمان ويرزقنا طهارة القلب واللسان.. أختكم : غربة الخاطر.. |
على حسب !!!!!!!!!!!!!
ستوفر ما تريد لكن إذا كنتما متفقين انت والزوجة
|
| الساعة الآن +4: 07:54 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.