بريدة ستي - بعد بعد ……… عروس بالجينز (( الجزء الاخير ))

بعد بعد ……… عروس بالجينز (( الجزء الاخير ))

لــــــ( الطريقة الثانية )؟؟؟؟؟؟؟؟؟
قلت مالك إلا تخلي خواتك يظايقنها بالكلام قال : زي ايش قلت : خلهن يقولن انك كنت تحب بنت خالك و هي تحبك بس ما صار نصيب لكونها صغيرة بالسن مو زيك اكبر من زوجك قال : بس هي اصغر مني بعدين العمر مسجل بدفتر العائلة قلت : يا غبي داري بس خلهن يقولن انك مكبر بالعمر عشان المدرسة والحريم كلش ولا العمر طبق الخطة يقول : ما استفدت المرة تجلس مع البنات ولا تتأثر بس بالليل تقعد تصلي وتصيح وتدعي صارت نصيحتك نقص قلت :اجل ما بقي إلا انك تسوى نفسك مريض نفسي قال كيف قلت : لا صرت نائم معها اصرخ وخلك فترة على هالحالة وقلها بروح لطبيب نفسي وكل قدامها حبوب فتأمينات وكل يوم سوى حركات مو طبيعية طبق الرجال الطريقة وقالت لأهلها انه مريض قالوا : خليك جنبه لا تفارقيه وإنشاء الله يشفيه الله جاني قال : الحرمة قراء على طول الليل وتهتم بي أكثر من أول بلشنا وش السوات قلت : أشاور اخوي هو اللي عنده الحل وفعلاً قصيت علية الحكاية من طقطق لسلام عليكم قال أنت ويا صديقك أغبياء ليه ما جيتوني من أول كان مطلقة من زمان وترجع ليه كل الفلوس بس ما دام مشيتو بهذا الطريق كملوه بس بأسلوبي أنا قلنا : عادي تكفي أسعفنا قال : خلاص لا جاء تنام مع زوجته يجب سكين كبيرة ويسنها قدامها ويحطها تحت الوسادة و أذا أسئلته يقول بذبح جنية تنام معي بالليل راح تخاف وتهج لبيتهم ويطالبهم أن يرجعونها ولا الفلوس طبق الرجال الفكرة ونجحت وهجت البنت وتطالبوا سنـــة بالمحكمة وحكم الشيخ بنص المهر وأقتنع الجميع بالحكم وزود على المبلغ وبداء يبحث عن زوجة وطاحت رجليه ما احد عطاه وتزوجت طلقته على ابن خالتها وجابت ( بنت ) وهو ما لقي زوجة جاء لمي قال دبرنا ما لقيت زوجة كل من خطبت منه وسئل قالوا تراه نفسية لا يقربكم قلت له ، وش رأيك أسئل اخوي عن طريقة نطلق زوجتك الأولي من زوجها قال : تكفي فكني من أخوك الله يرحم والديك المهم الرجال ما لقي زوجة ويتنعفق بعد (( ما يبغى مطلقة يقول مآبي إلا بنت )) المهم الرجال حصل فيزه وطار لسوريا وجاب وحدة يا جماعة أثرنا ضايعين أخذها من ظيعة المشمش (شف الاسم وتقنع وحنا أثل ) ماعلينا جلس سنة ما شفته ولا يرد الخبيث طاح بالدبس وصدفة حصلته بهايبر بندة يتسوق مع زوجته وما سك يده ويده تقل قشطة ويوم شافن تغير وجهة حتى اللعين مبيض معديته وسلم عليه وين الغيبات قال مشغولين وصدفة جاء اخوي وعرفته عليه قلت هذا للي حلينا مشكلته مع زوجته وطلبت الطلاق هو ما طول قال مع السلامة قلت لخوي وش رأيك قال : غريبة متغير أخدوده صارن حمر تقل طماط محميات ولا مخش اخس ! المهم بعد سنة جاني بالاستراحة وجهه اسود حزين قلت وش فيك قال زوجتي قلت : وش فيها قال من يوم تزوجتها وهي تجمع كراتين وكل شهر ترسل لأهلها كراتين مليانة مواعين وأغراض وملابس أشكال و ألوان وتجمع من الناس تقول فيه أقارب لها ما يحصلون الخبز وفقراء تصدق حتى غرفة النوم حقت زوجتي الأولي فككتها و أرسلتها مع فرن وثلاجة فليزر وتلفزيون لأهلها ويوم رحت بالصيف رفضت ترجع معي وجاني ولد خالتها قال طلقها (يا عيب الشوم طلقها البنت ما بتحبك) أثرها أثثت شقته واليوم ارسلولي على الجوال رسالة أنهم طلقوها غيابي وزوجوها قلت : خلك ما احد ضربك على يدك هذه عقوبة اللي يوم لقناة ( بهايبر بندة) ينس وتصدد عنا يوم صار معه زوجة صـــــــــــــــــــــــــح وعين ارشيد الله ياقاة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
(يمنع وضع البريد الإلكتروني)