الجيران ضحكوا علينا يابريدة
 

جميل جدا العمل في سوق التمور الجديد وقبل الافتتاح اود التنيه طالبا من القارىء الرد لمصلحة بريدة
سوق التمور الأول كان بأسم سوق القصيم وأشتهر في كل مكان بهذا الأسم حتى في الخليج وأعتبره اسم جميل وهو يدل على ضخامة السوق والقصيم في أي مكان من العالم أذا اطلق فيقصد به بريدة.
وهذا يغيض الجيران وغيرهم فهم يغضبون اذا قصد بالقصيم بريدة فعملوا على تغييره واستطاعوا وذلك من خلال تصريحاتهم قبل سنتان تقريبا حيث قالوا نفتخر أن يقارن سوقنا بسوق القصيم لأن سوق القصيم ليس لبريدة وحدها بل لجميع محافظات القصيم مما أدى الى تغيير الأسم الى سوق تمور بريدة والمضحك في ذلك أنك داخل مدينة بريدة بل وفي وسطها تجد لوحة تقول سوق التمور ببريدة سوق الحرف والصناعات اليدوية ببريدة عجيب جدا يجب أن لا يذكر اسم المدينة داخلها بل ولا على الدائري يقال وسط المدينة
اصحاب القرار أقول لا نستعجل ونستجيب لأي ناعق
تحياتي لجميع القائمين على سوق التمور الدولي الجديد

ردوااااااا ياجماعه وش دعوه مو عاجبكم الموضوع

ما عندك أحد ...!

صحيح ليس سوق التمور لبريده واغلب التمور تجي من برا بريده

يعتبر سوق بريده الملتقى لجميع الناس والتمور

والله كلامك صحيح وأعجبن

خخخخخخخخ

اللهم لك الحمد ...

سموه مدينة بريده للتمور وإلا القصيم وإلا نجد وإلا الي يسمونه ... هل لهذا الحد وقفت همّتكم؟؟؟؟؟

أنا ودي كل السوق ينقل لعنيزه ويجيبون الكراث لبريدة ونرتاح

مايصح إلا الصحيح ..

هاه اجل مهب كلهن واحد ..............والله ماندري عن شي...........لويكتبون تمورالرياض

دااامه باااديه من اجدادنا لن تنتهي
وسبب التنافس هو كاان أهل عنيزة اكثر منا شعراء
أتوا مرة ليتحدونا فقالوا عنا شعرائكم كلاب فكان شعرائنا واحد وهم ستة ومن شعرائنا العبود فرد عليهم قائلاً ردو كلابكم ونرد كلابنا
وبدأت الهوااش بيننا وإلى الان وهذي القصة على مااظن 40 سنة
وبعدين هناااكـ عندهم البدو ماسكيين كل شي وحقودين على الحضر اللي عندهم ...

يا رجال أهم شي بكم صطل السكري هالسنة . وإلا هالكلام ماله قيمه لأن المعروف إن بريدة هي القصيم وهي المفخرة بكل شي ولا أحد يقدر يتكلم عن هالشي فإذا قارنت بريدة بعنيرة فهذا دليل على أنه يوجد مقارنه فعليه بين البلدين ولكن أترك الحكم للناس وإترك الحكم لمن أتيى من خارج منطقة القصيم لأنه هو الذي سوف يعرف الفرق العظيم بين البلدين ولذلك أنظر أخي العزيز إن سوق بريدة في كل عام هومفخرة لجميع أهالي منطقة القصيم وهو السوق الرئيسي والرسمي .
لذلك ننظر إلى المتسوقين الذين يأتون من جيمع أقطار المعموره إين يذهبون هل هم يذهبون لمكان غير بريدة ولذلك أخي الغالي إلى متى نحن نهتم بهذا الشي مع أنه من المسلمات التي لا يختلف عليها إثنان ,
نأمل أن تكونوا أرقى من هالكلام الذي لا يخدم مصلحة البلد . ولكم تحياتي .

بريدة والقصيم الأولى عاصمة الأخرى . . مثل السمن على العسل . .

[color="#ff0000"]أنا ودي كل السوق ينقل لعنيزه ويجيبون الكراث لبريدة ونرتاح [/color]

ياحليلك الصراحه انك ضحكتن

يجب ان تسمى الاشياء باسمائها ببريدة يقولون سوق بريدة وعنيزة وغيرها نفس الشي

علشان تنتهى سالفة الحزازيات والله اعلم ولو كان واحدا لكانت تسميته باسم المنطقة مثل المطار

هذا انت قلته البدو حاقدين على الحضر !!!!! وهذي سالفه جديده ,,

ياخوي كلنا اصلنا بدو .. من وين جايين يعني ؟؟من المانيا !!!

والله ماراح ننتهي من الشغله لأننا بكل بساطه شعب متخلف همنا نثير المشاكل بين بعض..

وانا آسف على كلامي بس هذي الحقيقه ..

متى تنتهي هالسالفه بين بريده وعنيزه ؟؟؟ صايره مثل توم وجيري ..

مهب منتهي دامهم رافعين اخشومهم علين

كلها واحد كتبت القصيم أو بريدة كلهم راح يجون بريدة لأنها عاصمة القصيم ولا غيرك بعض الجيران.

الواقع يشهد ان تسويق التمور في بريده تراجع بشكل كبير خاصة خلال العامين الماضيين والسبب هو اسلوب العرض الجامد الذي يعتمد على عرض التمر على ظهر السيارة وهذا يؤدي الى الأحتكار .اما عرض التمرعلى الأرض فهذا يعني بيعه لا محالة وهذا ما يحدث في عنيزة ولذا سحبت البساط فعلى القائمين على السوق تدارك الأمر وعدم الأنسياق وراء ( الشهبان .)

يابن الحلال


انت من صدقك قارن بريده بمحافظات القصيم


ههههههههههههههههههههههههه الى الان فيه هالمقارنات الميته ..

الحمد لله
كلنا من ادم وادم من تراب يارب انه كله واحد
عاادي

كلام سليم لان اللي من برى مخيرين انهم يجون وليسوا مجبرين

بريدة يريدون تغييب هذا الاسم لمكاسب معروفه
ياعزيزي السوق في قلب بريدة لو يجلب التمر من الجوف وطريف
يباع في سوق بريدة
وذا موعاجبهم خلهم يكتبون تمر مزرعه كذا من برا بريدة علشان يرتاحون

لأن المعروف إن بريدة هي القصيم وهي المفخرة

الصحيح ان يسمى بسوق بريدة
لانهم يريدون مسح اسم بريدة بادخال القصيم للتعميم
اما بالنسبه للي يقول ان التمر ياتي من كل محافظات القصيم
وليس من بريده نقول اللي يجي جاي لحاجته ما غصبناه يجي لفادته
ما هي حب لبريده