|
محلات االنسائية والبائع
عندي ملاحظة منذ قدومي لبريدة الحبيبة ان جميع المحلات النسائية الخاصة (الملابس الداخلية) البائع يكون رجل كيف المرأة تأخذ راحتها في التبضع احس استحي من البائع ولو ابي اشتري شي مااقدر من الخجل |
اخيتي اهلا بك في بريده عندنا اماكن نسائيه ولكن البضائع موبهذاك الزود والبائع غالبا يتنحى قليلا انتي تفرجي وخذي اغراضك وحاسبي واطلعي اهلا بك مرة اخرى |
لا والله متوهقه اختي هايين مين قال يتنحى ؟؟ بل يمغط البضاعة ويقلبها ويقول هذا هو مقاسك الله ياخذهم والله ما آخذ راحتي !!
دولة الكويت فيها قسم خاص بنفس المجمع اللي يبيعون حريم تشترين اللي تبين وتكيسه بكيس ثقيل وتدبسه مع الفاتورة وبس تحاسبين ما يدرون وش بداخل هالكيس .. يالله سترك وستر من خلقك |
حنوشه والله انك صادقه ويدبر بعد مقاسك او لا والله نكره نشتري بسبب كذا. لكن مثل ماقالت هايين نشتري ونحاسب ونطلع تحياتي |
الله يعين
|
والله انا اقووله ابعد شوي وعلى طول يوخر قوليها بنبره حاده ويوخر:d ... |
الله يخلي لي اميمتي وخواتي :113: |
والله انا اقووله ابعد شوي
وعلى طول يوخر قوليها بنبره حاده ويوخر والله صادقة..وألا لو سكتي..أنواع السماجة.!! خليك أنتِ حازمة وبدون دلع وخرابيط وقولي له روح..و بيروح بسكة اللي مايرقعش.! أم أصايل..أهلاً بكِ.. تكوني أنتم اللي شفتكم ليلة البارح :113: |
الله يهاديهم بس... ~ |
ام اصايل حياك ببريده :),,, ماشاء الله مصيفين عندنا :d,, وصلتكم شهره مهرجاننا بريده وناسه :113: امم بالنسبه للملابس الداخليه انتي صادقه انواع الاحراج :106: والواحد اذا بغى يشري يصخن قبل بيوم :d انا يابعد عمري ادخل وازعج امي بكل الروحه واقوله تراي ابي تراي ابي ملابس داخليه :026: وازن فوق راسه:067: عاد تحمق تقول يالله ادخلي اشوف اشري ترانا مب جايين ثانيه :d وادخل ياعمري يا انا وادربي دميجتي واهج من الاحراج واقول لامي خلاص امشي نطلع :106: عاد تهوشن مبلشتن وبالنهايه كذا امشي اشري وعاد تشري لي بالغصب :023: ^^^ حرب :d واما بالنسبه للبائع لاتعطينه وجه ويطس :028: انا علطول اهج بس امي تعرف لهم تعطي العامل ظهره وتسهجه وهو يتكلم :d وكل ماجى منا او منا الظهر علطول عاد هو يفهم انه طرده :d وش رايتس بالطريقه حقت امي تنفع صح :41 |
اختي حياك الله في بريده
وبعدين مثل ماقلتي فعلا نلاقي الاحراج في مثل هذا الامر فيه فروع بالرياض انا داخلتها اللي يبيعون الملابس الداخليه نساء ولكنها مانجحت والان بدلوها الى رجال لكن ربك يعين في مثل هذه المواقف,,,,,,,, |
الحقيقة انا متعودة اخذ راحتي بالمحلات النسائية حتى زوجي مايدخل معاي واختار اللي ابي بس الحين انا مااقدر اشتري زوجي يكون معاي وحتى اذا في مفاجأة راح تخرب لانه يتفرج معاي احس مالها طعم الحين |
مرحبا فيك في ربوع بريدة العزيزة ياأم اصايل
والحمدلله على سلامتك على فكرة جبتي اللي وصيتك عليه من الكويت؟! امزح عليك شكلك خفتي هههههه وعلى سالفة محلات الملابس الداخلية ياحبيلك ناقشوا هالموضوع بمجلس الشورى ولاعندك احد رفضوا الفكرة على قولتهم درأن للمفاسد من اختلاط محلات النساء بمحلات الرجال!!! عذر اقبح من ذنب!! وبعدين اتوقع لو تطبق القرار بكل دول المملكة ماراح يتطبق ببريدة! اما عن قولتك تخرب المفاجأة انا عن نفسي مااحب واكره اني اتسوق ومعي زوجي او اي رجل احس اني ماآخذ راحتي بالتسوق ابد خصوصا اننا حنا يالحريم بالنا طويل بالسوق والاختيار والرجال مايتحملون طولة البال فأروح للسوق مع خواتي اريح وعلشان آخذ راحتي اكثر! وحتى زوجي اساسا مايحب الاسواق مايتسوق معي الا اذا سافرنا سواء هنا او برا! فعلشان كذا كل لبسي لزوجي مفاجآت,,, حياك الله ياام اصايل واتمنالك تقضين امتع الاوقات ببريدة ,, |
مساءالخيرصبايا
بصراحة الاغلبية من الباعة اول ماتدخلين المحل يبداء يتفلسف علينا هذا نوع جيد لابعد الخامه جيدةواذا طلبتي شيء راح يطلع لك مقاسك |
مايقهرني احد اكثر من اليماني ابن الكلب يدبر ويعبر
|
اووف الله يعين خيتوو
لاتااخذين زوجك معك وارتااحي |
كلامك كله صح
|
اقتباس:
|
والله احقره ولا أرد عليه وإذا صمم وهرج طلعت وخليت له المحل كله بكبره
|
السلام عليكم ورحمة الله غاليتي ام أصايل إعذريني مشاركتي هنا لاعلاقه لها في الموضوع لكن الحاجه .. غاليتي ام اصيل سبق ان طلبت منك رقمك لكن الآن مغلق يبدو انك في الكويت ممكن رقم الجوال الآن او الهاتف في الكويت وإرساله على الخاص ضرررروري وفقك الله وبارك فيك |
ياهلا فيك في بريده
والله يليت يسمع صوتك احد مسؤااااااال والله اني ازمل اذا فكرت اني ابشتري ملابس داخليه ربك يعين....... |
| الساعة الآن +4: 08:43 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.