7

عذرا .. إخوتي .. لم أكتب هذا الموضوع إلا بعد أن رأيت البعض من الأخوة يخطؤون في الكلام على غيرهم..

أتمنى إنكم تفهمون قصدي صح..

والله يجزاكم خير..

7

7

7

7

7

في إحدى الأيام في وقت العصرية , ذهبت للمستوصف اللي قريب من هنيا..

الدكتورة كانت محترمة.. وجنسيتها سورية..

واحنا بالانتظار ..والحريم ما همهن غير القيل والقال..

جت دخلت واحدة ..بدوية .. ومعها ذيك البنية .. اللي شكلها في الغالب من المرحلة الإعدادية..

المهم واحنا قاعدين.. ولدورنا منتظرين ..

جت تبي تدخل قبل الناس .. والبنت ماشاء الله ما بها بأس..

مجرد ألم بسيط يتحمل.. والسعودية صارت تململ....

ودخلت هالأخت السعودية.. تسب وتشتم في السورية

وقالت بكل عصبية : يا أنتي خلصينا .. شوفي البنت وفكينا..

ردت عليها الدكتورة: استني دورك يا مدام .. أخلص اللي عندي وكل شيء حيكون تمام..

قالت البنت : خلاص يا يما.. الحين يجي دوري وأبستنا..

فقامت الأم واضربت الباب وتبي تسمع على كيفها الجواب..

لأنها في الحقيقة كانت تبدو لي شرانية.. وشوي وتمد إيدها ع الآدمية..

بالرغم من إن الدكتورة كانت حامل.. وخافت على نفسها من المشاكل..

وطولت عليها بشين الكلمات..وقالت إن الأجانب حيوانات..

جايت(ن) تشتغلين عندنا.. فلازم تشوفين بنـتـنا..

أنا الصراحة لو كنت مكان السورية ..لقمت ورديت عليها بلكمة قوية..<<<< لحد يحارشن

وكان عطيتها بالفم المليان.. و بحركة كاراتية وديتها لأرض الهمدان..

لأنو مو من حق أي إنسان أنه يسب أي إنسان ويتكلم على أي إنسان..

وتدرون : الناس يحترمون اللي محترم نفسه.. مو اللي يشوفهم من طرف خشمه..!!!!

طيب : لو رحتم لبلد خارجي.. وجاكم واحد شرطي وطبعا راح يكون أجنبي..

.. وتفل بوجهك وقال : سعودي..!!جاي تخرب بلدنا يالإرهابي؟؟!!

وقتها ..وش تبي تسوي له !!!.. تبي ترد عليه ولا تبي تضحك له!!!!

كذا في بلدنا يصير .. ونبي الأجنبي يسمع ويطيع..

طيب هو مهب إنسان ..أو تحسبونه نصف إنسان!!!!

مثل ما الأجنبي مهب كامل..حتى السعودي مهب كامل ..

الأجنبي مو ولد آدم وحواء!!! و السعودي هل هو نازل من السماء!!!..!!

المشكلة مو بس هاذي ..والفاضي يعمل قاضي..

البدوي يكره الحضري.. والحضري ما يواطن البدوي..

والنجدي يقول أنا ولد الأصل .. والباقي كل (ن) يا كل بصل ..

وإنو الحجاز بقايا حجاج.. فيهم ميوعة ويفل الحَجَاج..

والحجازي وده يكفخ النجدي.. والحين عساكم فهمتم قصدي!!!؟؟؟

الاحترام لازم يكون متبادل.. علشان العالم يرتقي وما يتخاذل..

أتمنى من كل قلبي.. أنكم ما تخطؤون ع الأجنبي..,

وحتى رسولنا أخبرنا وقال.. وأمرنا بالتقوى في كل حال..

وما في فرق بين العرب والأعاجم.. وعطر لسانك ولا تقعد تهاجم..

أنا مانيب مع السعودي .. ولا نيب أدافع عن الأجنبي..

أنا فقط عنصر محايد .. صوت الحق لازم له قايد..

هذا الحق ولازم ينقال .. وكره الأجنبي لازم يزال..

مو كل أجنبي طلع مجرم .. ولا كل سعودي طلع محترم..

أنتم كذا غلطانين .. لاتنسوا إنكم مسلمين..

واذكروا الله الليل والنهار.. وصلوا على نبينا المختار..

.............


أنا يا فلان كلامي صحيح..

وكلامي بالعامي وما هو فصيح..

مثل ما السعودي يبي الحرية..

حتى الأجنبي يبي الحرية..

مو كل أجنبي ييجي للفلوس..

هذا رزقه .. وما هو منحوس..

وفيه أعاجم هنا من زمان..

جاؤا وعلمونا القرآن..

حتى اسأل كبار المشائخ..

درسوهم العجم.. هم نِعمَ المشايخ..

وصاروا عيالهم مثلنا..

يدرسون ويتعلمون هنا وهنا..


.................


بالعكس يا أخوي يا فارس

عسى ربي لقلبي حارس..

كثير سمعت عن الأعجميين

منهم أطباء ومهندسين..

ومنهم أربع طعش قاريء

جابهم الشيخ الحميد يا فارس

وعلموا كباريتنا القرآن

واسأل الفايزي و الفوزان..

كلهم لكلامي راح يشهدون..

وعن جمال ذاك لوقت راح يسولفون..

وأصابع إيدك مو واحدة..

والدفاع عنهم مو جحدة..


ولا تنسى أننا مسلمين

بالبر والتقوى مأمورين..

.........

بقلم وأفكارأختكم : غربة الخاطر..