|
إرتفاع عقوبة المفحط.........؟
السلام عليكم ورحمة الله وبركاته مسائكم ورد وصباحكم سكر .. اخواني أعضاء منتدى بريده سيتي .. الكل يعلم مايحدث في مجتمعنا من ضاهرة التفحيط والكل يعلم ماذا يحدث من تلفيات في الأرواح وغيره من إزعاج الأخرين والكل يعلم حوادث التفحيط نظام المرور الله يجزاهم خير المفحط توقيف لمدة 5 أيام وحجز السياره 15 يوم وغرامه 1000 ريال فأخواني هل تعتقد هذا النظام راح ينهي مشكله التفحيط ويقضي على المفحطين اعتقد الجواب لا فإدارة المرور الله يصلحهم في سبات عميق فقط يطاردون شباب النهضه و( صغار السن )>> نصب السيارات ولا يستطيعون القضاء على التفحيط وظاهرة التفحيط .. طيب انا عندي رأي ياليت يوصل للمسؤلين يمكن بعضكم يوافق الرأي والبعض منك يوجد بداخله رأي أخر فالأختلاف في الرأي لايفسد للود قضيه أنا أرى والرأي لكم .. تكون عقوبة المفحط سجن لمدة سنه وغرامه 5000 الأف ريال وفي تكرار المخالفه يرتفع السجن والغرامه حتى تصل لمدة 5 سنوات ومصادرة السياره . ليش مايضرب بيد من حديد على مخالفين التفحيط والقضاء عليها والكل منا شاهد المرور ليس لديه قدره على إيقاف ضاهرة التفحيط نطالب تغير الجهه المسؤله عن التفحيط حتى لو إستدعاء الأمر الأستعانه في مصلحة المياه والصرف الصحي المهم يتم القضاء على التفحيط وأضراره . انتظر أرائكم ووجهة نظركم. وعلى دروب الخير نلتقي أحبه... ~ |
يعطيك
ع الطرح الرائع العافية |
مشكور اقتراح رئع بارك الله في
واكثر من امثااالكـ |
ليش دائما تكون العقوبه ماديه اصلا هو خسران شي 1000 او50000 بيدفعها الوالد وهو يضحك ولكن ليش ماتكون مثلا يجبر المفحط بعمل اجباري حسب فعلته لمده معينه بالدوائر الحكوميه كمراسل او تنضيف طاولات او قهوجي اصلا هو هذا حده وكثير عليه فكم ارواح راحت بسبب التفحيط ؟؟
|
اقتباس:
|
. . المرور جيدين على اللي يغبر والا ينصب والا اللي يفحط وواللي يقطع اشاره ما احد يقول له شي . . |
المخالفة المادية لن تجدي . . . وحجز السيارة لن تجدي . . .
فلو كانت العقوبة لنفس المفحط . . . وألغيت سالفة " الواسطة " . . لعشنا بسلام . |
الاخ ابو يسرح اقتراح ممتاز اناا اضم صوتي مع صوتك
|
.. الشباب مايهمه الغرامات ولا شي ولكن مانقول الا الله يصلحهم .. |
كاتب صريح .. عند بيتنا شارع إسمه إسطنبول .. عاد اللي يسمعنا على هالإسم يقول اللي ساكنين بهالشارع شقران وبيضان ومزايين .. وهم كلهم الله يخلف لونهم ( أبيض غامق ) .. إيه ماعلينا .. اقولك يابعدي كل ليلة خميس وليلة جمعة تشوف هالشباب .. زرافات ووحدانا .. بعدين تشوفهم يلبقون السيارات بجنب الشارع .. وينزلون ينتظرون الفارس الهمام .. همن يجيك الفارس المغوار بسيارة مسروقة .. يمشي 200 كيلو متر على مقياس رختر .. وخذ ياتفحيط وإزعاج وقلة حياء .. وبعد ماينتهون ويستانسون بإزعاج غيرهم .. تجي دورية المرور على إستحياء .. والعسكري بداخل الدورية يمشي ويناظر المتفرجين وإحساسه الداخلي يقول .. سامحون ياشباب غصبن علي والا ماودي اجي .. تصدقون انا ودي اجي اتفرج معكم .. يابعدي رفع الغرامات والسجن و( الجلد ) هو الحل المناسب .. وحجز السيارة للي يملكه .. اما اذا صارت مسروقة وش ذنب صاحب السيارة .. حبيب البي مشكور على هيك قضية .. سي يو .. |
وش الحكم هذا السياره سيارتي وافحط على كيفي
|
اقتباس:
|
اقتباس:
هذا قليل بحقه المفروض سجن مؤبد هذا يلقي بنفسه لتهلكه ويهلك الناس الاخرين ومشكور اخوي على الموضوع الرائع |
اقتباس:
كلام والله بيض الله وجهك انا قايل بالموضوع اكيد احد عنده رأي وهذا رأي شكرا لك |
اقتباس:
اصلا انت مايأخذ بكلامك لأنك مراهق وتدافع عن المفحيطين وسيارتك صحيح انت حر فيها لكن هل من الممكن اذا مسكوا شخص معاه كميه من حبوب الكبتاجون يقول هذي لي وانا حر برأسي التفحيط نفس الحبوب بدايته تسليه وأخرتها ؟؟ الله يحمانا وياكم ياعزيزي انا كنت مقتنع في ردودك وأشك انك مراهق لوضعك اللوحه والأن تأكدت بعد ردك الله يصلحك بس ويخليك لعين ترجيك والتفحيط مانفع الأولين ينفع التالين وبعدين لو قدر الله وصدمت سياره ثانيه والمحط طلع تقل بسه والسياره الثانيه طلع فيه شلل وبعدين ابغى اذكرك بحادث التفحيط الي جاء معاكس بطريق حائل يفحط وصدم سياره ثانيه شايب وتوفي المفحط والمرافقين والشايب مأذكر وش جاه بس المهم وضع بصمه المفحط وضر الأخرين أتمنى تكون عارف الي ينفعك من الي يضرك .... ومايحس بالجمره الى واطيها وأطلب الله انك ماتوطأ الجمره اذا انت منت مقتنع بكلامي او كلام الأخرين كلام الله عزوجل غصب يقنعك { ولا تلقوا بأيديكم إلى التهلكة } (البقرة:195) أتمنى اني ماقسيت عليك بالرد لك تحياتي |
اقتباس:
اقتباس:
أخوي مدحت شوقي كلامك سليم وأذكر حارتنا كل جيراننا الي عمده بالجامعه ولا مهندس ولا دكتور كلهم مناصب المهم فيه تفحيط بنفس الشارع ويتصلون 993 وقبل مايجي المرور يمشون مادري منين يجيهم الوحي المهم وصلت ان مرور يمر كل ربع ساعه المهم مل المرور ماقصروا حطو لهم قطعت مطب صناعي وقعدنا كم يوم وحنا ندعي للمرور وانا كل مامريت من عند المطب اقول اجل تبي تفحطون وانا اضحك واخر شي طلعت العصر ادور المطب وين راح اذكر فيه مطب واخر شي اكتشفوا الحاره ان الي يفحط او تعزيزه كب ديزل على المطب الظهر وطلع المطب خفيف مره ومع مرور الزمن إختفى مع شوي حفريه... خف التفحيط بعد كبر سن الي على بال المفحط المرور كل شي فعله ماقصر لاكن ماقضاء على التفحيط ليش مايحولونه للإداره ثانيه الطواري الدفاع المدني الأسعاف الدوريات الجيش مصلحة المياه شركة الكهرب المهم يقضى على التفحيط ~ شكرا على تعليقك اخوي مدحت شوقي وتشريفك الموضوع. |
اقتباس:
هههههههههه وش يدريك اني مراهق تراي شايب نوح واما عن لوحة السيارة صدفة سجلة ادخلت كم اسم يقول موجود بلمنتدى فهد موجود ابو محمد موجود |
الحمدلله على العقل ..!!
|
اقتباس:
مصيبه يخرج ردك السابق من كبير وإذا كنت كبير والكبير الله عزوجل فينطبق عليك المثل الطول طول نخله ...... والباقي ماتغير :d:d |
اقتباس:
صدقت اخوي شكرا لك |
فكره كويســـــــــــــــــــــــه...
شكرا |
مشكور أخوي على الموضوع والله يهدي شباب المسلمين |
اقتباس:
الله يعطيك العافيه العفو أخوي . |
اقتباس:
الله يسامحك منب غلط عليك الله يهديك تسب انا اعرف السبك وخليك متسوى شي بس ابصير احسن منك :eek5:eek5 |
اقتباس:
اخوي الموضوع مهب سب الموضوع ردك الي يدل على تعليمك :d اتمنى انك تراجع نفسك اذا كنت من اصحاب التفحيط قبل فوات الأوان |
اقتباس:
|
فهد بن عبدالله شكرا على مروركـ |
سجن المفحط خمس أو عشر ايام ، يزيد من شعبيته ، ويقام له حفلة تفحيط عند خروجه يفترض العقوبة حسب نوعية تفحيطة... - هل الارض فضاء .. أو في الشوارع وامام الناس..! - هل جمع الشباب ، أم جاء التفحيط عارض! - هل ترتب عليه إتلاف ممتلكات أو إزهاق ارواح !!! بعد ذلك يكون الحكم عليه خمس أايام او خمس شهور أو ربما حرابة للمفسدين منهم |
صادز يا ابويسرى
|
يا ابني ابو لوحة :)
انت تقول سيارتي وبكيفي .. طيب اقعد فحط بحوشكم علشان ما توذي الناس .. ولا تبي تقعد تجدع وتخمس بوسط الشوارع .؟ لا الله يسلمك الحكومة حاطتن الشوارع علشان نروح ونجي عليهن ما حطوهن علشان تفحط عليهن انت ورفقاك المفروض الي يفحط يصلب بتندت سيارته :d قلة حيا .. ان فحطت وش بقى ما سويته ازعاج للناس وتخويف لهم وخطر عليهم وخطر على نفسك وش الفرق بينك وبين الي يطلق برشاش بالشارع ولا بيقول رشاشي وبكيفي ؟! الله يهديك ياوليدي :d |
اقتباس:
كلااااااااااااااام واضح شكرا على مرورك |
* عليكم السلام ورحمه الله وبركاته فكره حلوووه ولكن... نصيحه من اخوكم قليل الدسم ابعدوو عن التفحيط وطريقه آآآآآآهـ بس ... |
((فإدارة المرور الله يصلحهم في سبات عميق فقط يطاردون شباب النهضه ))
اي والله انك صآدز الله يفك اسرهم يآرب ..:eek5 |
شف اهم شي التطبيق التطبيق
يجيك المرور اذا صار مخلص وداك وحجزسيارتك لاكن بعض لمرور ماودهم او مادري وش قصتهم بالضب فيقوله رح بس لا عمرك تعودها لاكن لو وضعو سجن مدة نصف شهر و50 جلده بعدين يطبقون لى اي واحد يفحط واذا كرر تضاعف السجن وعدد الجلدات |
| الساعة الآن +4: 12:41 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.