|
نادي الأشبال الرمضاني ، لايفوتكم التسجيل
بسم الله الرحمن الرحيم فيه نادي الاشبال الرمضاني بحي الريان خاص بطلاب الصفوف العليا الابتدائي لايفوتكم التسجيل انا بكرا اروح اسجل وشكرا والله يجزاكم خير والله يوفقكم ومبارك عليكم شهر رمضان http://www.ii1i.com/uploads4/5fc17a862f.jpg |
علينا وعليك>>>اقصد رمضان
بس والله النادي موب وقته الصراحة برمضان اخوي الي كبرك ما نستغني عنه عشان يروح لنادي الاشبال ^_^ مشكووور |
الله يوفقكم
بالعكس وقته اجل يقعدون بالشوارع |
الله يوفقكم
|
ماشاء الله تبارك الله ..
أيضا فيه ملتقى بمركز حي الخليج الاجتماعي جنوب ابتدائية مصعب بن عمير ... |
الله يجزاكم خير ما فيه نادي تدلونا عليه ..
ولدي راح لثاني ابتدائي وأبغى أدخله يستفيد برمضان ويحفظ قرآن ويشغل وقته بشيء يفيده .. |
شكرا لكم والله يوفقكم ويجزاكم خير ويجعلكم بالجنة ومبروك شهر رمضان والله يتقبل منا ومنكم وانا اليوم المغرب رحت وسجلت والله قوة منظمين ومرتبين وفيه ورقة تكتب بيانات وتوقع عليه عند المركز بس عندي ملاحظة بالمنتدى وراه الردود قليلة يعني مو زين موضوعي |
اشكرك اخوي الغالي على طرحكـ للموضع
انا حاب ارد على البعض اللي يقوول مو وقتهـ في رمضان . ^ اخي الغالي ماذا تفعل بعد صلاة التراويح في رمضان بكل صرااحه . لعب بلاستيشن او تسدح في البيت . المركز في رمضان يخلص وقت الليل عن الضياع . & اخوي الغالي اشكرك على طرحك مره اخرى اتمنى من الكل الاشبال المبادرهـ بالتسجيل محبكمــ : كوكتيل |
:41 الله يوفقكم صراحه فكرتكم حلوه:41 ((((مبروووك عليكم اشهربلغكم الله هذاالشهرواجرى فيه حسناتكم مجرى النهر واسعدكم وفرج كروبكم مدى الدهر))))
|
الله يوفقكم
|
شكرا على الردود والله يوفقكم
الصراحة كوكتيل كلامك صدق صح بعد التراويح وين يروحون بالبيت ونقعد هواش او بلاي ستيشن واذا طلعت برا امي تهاوش وتزعل حتى المطعم مقدر اروح المفروض يكثرون النشاطات والمراكز كل حارة به واحد وفيه ملاحظة به عيال بالتراويح يلعبون برا المسجد مايصلون واذا جت الركعة الاخيرة صلو عشان ابوه يناظره وتصير مشاكل وهواش برا عند المسجد ويتلاحقون بالشارع ويرشون ماء على العمال |
شكرا جزيلا لكل من شارك باالردود
والله يعطيكم العافية |
مشكور
|
مشكور
|
شكرا على الردود الرائعة
الصراحة الملتقى روعة والله روعة ياحسافة اللي ماسجل ولده الصراحة بدينا أمس بتوزيع الاسر والليلة بداية البرامج واحسن شئ شفته الدوري الرياضي والترتيب بالاسر يهبل قوة |
السلام عليكم
اولا جزا الله القائمين على ذلك كل خير ثانيا : يعاب عليهم قلة الايام التي سيقضيها الطالب - ذهبت لأسجل اخوتي , وقال لي الاستاذ الكريم ان لهم اربع ايام بالاسبوع من السبت حتى الثلاثاء ومُجمَع الايام بـ النادي ستكون 18 يوما خلال رمضان ومدة التواجد باليوم ساعتين من العاشره حتى 12 يتخللها العاب متنوعه مفيده .. والمبلغ لكل طالب 100 ريال .., وايضا على مايبدو هناك قلٌة بالحضور , والسبب على ماعتقد التأخر بالاعلانات عن النادي وايضا ارتفاع المبلغ للتسجيل . |
ع البريدي
بالعكس النادس روعة اليوم الاسر كل اسرة 30 طالب موزعين وعطونا الجدول كامل ومكتوب كل شي بالعكس زحمة قوة والمشرفين روعة صح هو 4 ايام بالاسبوع عشانه الاربعاء والخميس يصير عائلي ثمن من الساعة 10 الى الساعة 12.30 مو الى 12 والله هذا هو الصدق ومكتوب بالجدول والرسوم 100 يعطوننا وجبة مجانية والعاب وجوائز كل يوم ولباس خاص بالنادي وبعدين العدد كثير تعال وشف كثرهم بس انت رحت بغرفة المدير وماشفتنا مقسمين بالاسر كل اسرة لهم مكان والله يجزاهم خير |
| الساعة الآن +4: 12:19 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.