صحيفة الرياض تتهم بريدة بالغش في تمروها وبيعها حسبي الله عليها
 

ال"الرياض" في جولة داخل سوق تمور عنيزة
اللهيبي من مكة المكرمة: أتيت لعنيزة بعد ما سمعت عن جودة تمورها المهنا من بريدة: سوق عنيزة يتميز عن غيره بالقصيم بخلوه من الغش

حركة كثيفة وسط ساحة التمور

في جولة أجرتها "الرياض" في سوق تمور عنيزة في صباح يوم الجمعة الذي سبق شهر رمضان المبارك والذي كان حافلاً ومزدحماً بزوار مهرجان عنيزة الدولي الخامس للتمور تم فيها إجراء العديد من المقابلات مع زوار المهرجان الذين قدموا من جميع مدن المملكة والدول العربية المجاورة وفي أولى ساعات الصباح الباكر والتي احتشد فيها الكثير من دلالي التمور والبائعين والمتسوقين تم أخذ لقاء مع الشيخ عبدالرحمن اللهيبي والذي قدم من مكة المكرمة من أجل أن يشتري تمر عنيزة الذي سمع عن جودته كثيراً كما قال وعند سؤاله عن انطباعاته تجاه السوق الذي دخله لأول مرة وشاهد فيه كثافة الحضور قال بت أفكر ملياً بأن أتاجر بالتمر في سوق عنيزة للتمور لأنه من أكبر الأسواق العربية التي شاهدتها والذي يشهد قوّة شرائية كبيرة كما أشاد بدور الجمعية التعاونية الزراعية بعنيزة مشغل مهرجان عنيزة الدولي للتمور وقال بأن دورهم وجهدهم واضح للعيان , وفي لقاء آخر أجريناه مع الأستاذ عبد الله المحيميد والذي قال إنه جاء من بريدة بحثاً عن السكري الطيب كما ثمّن جهود اللجنة الأمنية في المهرجان وطريقة تنظيمها في كيفية دخول السيارات وخروجها والتي لا تسبب مشاكل لمرتادي السوق بعد هذا تم أخذ لقاء مع الأستاذ محمد المهنا وهو أيضاً من مدينة بريدة والذي قال بأن سوق تمور عنيزة يتميز عن غيره من أسواق المنطقة بخلوه من الغش الذي وصفه بأنه معضلة أرقت الجميع ما عدا عنيزة التي استطاعت بطريقتها المميزة بعرض التمور وبأمانة تجار التمور فيها للقضاء على الغش , كما قال الأستاذ مشعل الشاوي الذي رافق عبد الله ومحمد من بريدة بأنه أعجب كثيراً في طريقة توحيد حجم العبوات وأنها تعطي شكلاً جميلاً وهي مصفوفة على الأرض وأن وجود عبوات التمر على الأرض تعطي المشتري الأمان بشرائها بعكس إذا ما كانت في السيارة فإنك لا تستطيع فحص العبوات بكاملها , وفي لقاء آخر أجريناه مع تاجر تمور قدم من الكويت كعادة سنوية لشراء التمور من سوق عنيزة وهو التاجر محمد الفرج الذي قال بأن مهرجان تمور عنيزة يتطور كثيراً في كل سنة وأن ما يشاهده من تنظيم وترتيب في السوق يجعل المشتري مطمئناً ومرتاح البال عند شرائه للتمر كما قال بأنه يغبط أهل عنيزة على هذا الذهب ويقصد في ذلك "السكري" الذي ذكر بأنه لا يغيب عن سفرته في رمضان المبارك , وفي مقابلة أخرى أجريناها مع الأستاذ محمد اليحيى والأستاذ عمر المفدى قالا بأنهما اعتادا في كل سنة القدوم لعنيزة في مواسم التمور للشراء منها , وذكرا بأن ما يعرض في عنيزة أجود أنواع التمور لذلك لم نعتد على أي سوق آخر غيره وذكرا بأن تغيير العبوات القديمة البلاستيكية إلى عبوات جديدة كرتونية تعد خطوة جداً مميزة حيث إن مع العبوات الجديدة لا توجد معناه كبيرة كما في القديمة عند نقل كميات كبيرة من عنيزة إلى الرياض حيث يسكنان أيضاً ذكرا بأن سوق عنيزة يتميز بالدلالين حيث لا يبخلون على المشتري بالنصيحة وتقديم المشورة لهم، وفي آخر مقابلاتنا في صباح الجمعة حظينا بشرف مقابلة الأستاذ أحمد العطالله الذي ذكر بأنه في آخر ثلاث سنوات لا يشتري إلا من سوق عنيزة للتمور لجودة ما يعرض فيه ولثقته بأن السوق خالٍ من الغش بسبب الطرق الأمنية المميزة التي تقدمها اللجنة المنظمة للمهرجان وخصوصاً الكرت الأحمر الذي وصفه بأنه يحمي المستهلك من الغش أيضاً الأستاذ أحمد امتدح الضيافة في المهرجان وقال بأن القدوم إلى سوق عنيزة للتمور يعتبر سياحة تدخل البهجة في قلوبنا.

ما على الذيب من مط.................... النعجة ...!!!

يحووووووووووول بدا الحسد ياكثثثثثثثثثثثثثثر حسادك ياحبيبتي بريده الى االقمه ياقلبي
ياخي تراه تمر مو ذهب
تصدقون ذكرني هالموضوع بموضوع كتبه العضو المميز بقايا ذكريات تذكرووووووونه .>>>.ايوه هو بحد ذاته
كــــــــــــــــــــــــــــــــــل الحـــــــــــــــــــــــــــــــــــاقدين الى الجحــــــــــــــــــيم

ماقول الا
سيري بريدة إلى الأمام فأنت الأفضل

معليش يا أهل بريدة
فيه أحد منكم راح وشرى تمر من السوق

عن نفسي مريت على سوق بريدة وياليتن مارحت ،
شريطيه بكل محل ، غش وتدليس ، التمر على صندوق السيارة وهذا اللي يسهل مهمه الغش لدى الشريطي
الشريطي يشري السيارة بـ 50 ريال للسطل ويحرج عليه الدلال لين ينبح حلقه ومايبيعه بأقل من 90 أو 85 ريال

أما في عنيزة التمر بالآرض ومشددين عليهم بالحيل ، واللي يطيحون به إنه يغش فضحوة قدام العالم
والدلال مايماطل بك علطوول يبيع

باختصاار المهزله في سوق بريدة قوويه ، والغش واضح ومايبي له كلااام
واللي يبي التمر الزين يروح لبريدة له يوم واليوم الثاني ياصل عنيزة ويشوف الفرق

لا يهمك كلاهم
انا بثبتلك ان بريده عاصمه التمور عنيزه يبصطون بالارض يعني يمكن يجي 3000 الالف سطل لكن بريده لو يبصطون راح يجي 10000 صطل لكن شف الدينا يجي به 800 صطل يعني شف الفرق

وتقبل مروري

وماجاكم من صحيفة الرياض الا ذي؟!!!!!!!

يكفي ان فيها بن بخيت وممدوح المهيني وفلان وعلان

الله يشغلهم بانفسهم

يارجال بريدة ما تحتاج للدعايات فالسوق هذه السنة خير شاهد بعدين يا عنيزة والله الغش عندكم مرة رحت لسوقهم وأشوف الدلالين هم يفتحون السوم بسعر فوق المعقول ...

كل هالمقارنه ماااااااااااااله داعي
كلنا للقصيم والقصيم لنا
تمور بريده وتمور عنيزه كلها من نخل وماها قصيمي الله يسقيه من غيثه السقيا المباركه

:d:d:cool::cool::rolleyes::rolleyes:

عقوووووووول فاضية
اللي غيركم بلش بابتكاراته وصناعاته
وانتم همكم صغينون هم احسن منا وحنا احسن منهم
تنكككككككككككككككككككككككككك فاضيه عقولكم للاسف؟؟

هههههههههههههههههههههههههههههههههههههههههههههههههه ههههههههههههههههه
يا رجال من يوم تشوف هالباكسانية مسيطرين على السوق تغسل يدك من السوق كله

وبعدين ليش مسمينه بأسم بريدة (أغلب التمور ألي تجي من خارج بريدة الموقرة )

وتعرف أن الموضوع هياط ومباهات بين أهل عنيزة وبريدة

وإلى وين راحت العراق وتمورها
ويجيك أبو الحميدي يقول أكبر سوق بالعالم

حبيبي أنت وياه تراء ألي تسوونه كلام فاضي
إذا كان فيكم خير يا أهل بريدة حلو مشكلة الكهرباء وخلو عنكم الكلام الفاضي

أنا مدري شلون يقارنون مدينة بريدة بمحافظة عنيزه؟
ياعالم حدثّوا العاقل بما يعقل..
مستحيل يتساوى الثرى بالثريا :d..
مع احترامي لأهل عنيزه لكن الحق حق..

شر البلية مايضحك،،،،
وش جاب عنيزة لبريدة،،،،
يانااااس ياعااااالم ياهووووه....العقل والمنطق يقول سوق عنيزة مايعادل ولا 40%من كمية التمور في سوق بريدة

بعدين هم يكفيهم من الخبر انه يقارن سوق بريدة بعنزة فهذا بحد ذاته كافي لهم ،،،

بريدة وعنيزة كلهم مافيهم غش انشاالله

وتمورهم كلهم حلوين ومثل بعض..

بس فيه نقطة واحدة شفتها بسوق عنيزة واتمنى اشوفها بسوق تمور بريدة في القريب العاجل..

اللي هي..
عرض التمور بطريقة جميلة ومنظمة عالارض بدلا من صناديق السيارات


تحياتي

بريدة وعنيزه أو عنيزه و بريدة كلهم مثل بعض

وتمورهم وحده


أما مسألة الغش أو التدليس أو رفع السعر لا تقل من قدر ومكانة أهل القصيم عامه وبريدة وعنيزه خاصة

الذي يغش كان صاحب التمر أو الدلال يمثل نفسه فقط

بخصوص صحيفة الرياض أو غيرها من الصحف فهي تبحث عن الأثارة فقط
وليتها فقط تسيء ل مدينه ونصبر على ذالكـ لكنها تشوه سمعة الدين وتسخر من رجال الأمر ب المعروف والنهي عن المكر والمشائخ


دمتم برعاية الله

ههههههههههههههههههههههه
ههههههههههههههههههههههه

قسم بالله متعة بعض الناس:090:

أجل مدينة :d
أجل باريس نجد :d

شر البلية ما يضحكـ

والله السوق اللي يربحن أكثر ابروح له وابيع تمري فيه

والسوق اللي يوفرلي إذا اشتريت منه فأنا كذلك ابروح اشتري منه

فكل شخص يبحث عن مصلحته ولاعليكم من الجرايد والكلام اللي ماله فايده

عنيزه خلوكم على الغضى اصرف لكم لو بسوي مقارنه باكثر تمور عنيزه ولا بريده اباقرن تمور عنيزه كلها بمزرعتين ببريده :)

في الحقيقة أن سوق بريده للتمور ملياااااااااااااااااااااان غش خصوصا من ابو خلق الباكستاني


نزلت للسوق قبل يومين وحضرت بيعتين والله العظيم إن اللي فوق غير اللي تحت
السيارة الأولى تراجع عن الشراء المشتري بعد ما قلب كم كرتون وشافه يختلف وابو خلق يقول سوا سوا احسبه (موبايلي موبايلي) ههههههه

والسيارة الثانية أغمتوا واحد مسكين أول ما أطلق الدلال عليه البيع ادخل يده بجيبه يطلع الفلوس بحسن نية والتمر يختلف مشت عليه المسكين

واللي يقهرك زود إن الدلال يقولون له يختلف التمر ويتصدد ويقول التمر قدامكم

حرااااااااام عليكم يالدلالين وإلا ابو خلق مانشد أهم شي الدراهم لاذمة ولاضمير

هههههههههههههههههههههههههههه



قمة التخلف

اجل يابو نشقة سوق تمور بالصين واليابان والولايات المتحدة هههههههههههههههههههههههههههههههههههههههه

يابن الحلال خلهم يهمقوووون على ارواحهم ؟؟؟

عنيزه وسوقهم تبع بريده

صحيفه الرياض ..هي معرووفه بالكتاب اللي مادري شلوون صاروا كتاب وصحفيين ..

ياالله تهاوشوا مثلكم مثل البزوره وبريدة وعنيزة يضحكن عليكم

موووووووووووووووووووووتو بغيضكم معشر المرتزقة ..
والقصيم بلد واحد بس يوم شافت الراعي للتمور الجزيرة غارة الأخت وجت تقرقر بالفاضي ..
كيدك يا الرياض عظيييييييييييييم .. موتي موتي ..ياحر الجوااااااااااار !
وبالمطأ نقبركي .

يقول المثل
(دع الكلاب تنبح والقافلة تسير)
(لا يضر السحب نبح الكلاب)

شكلك من عنيزة ( لا تقولي لا ) طريقة الكتابة وفية بعض الكلامات مايقولونه اهل بريدة :oo يعني شهادتك مجروحة في عنيزة ... اما طريقة العرض فالضيق المكان ينزل التمر في الساحة هذا هو السبب الحقيقي بعنيزة .....:rolleyes:

كلن يمدح بقله

بريدة وعنيزه اهل وقرابه

ولاتفرقنـااا التمور او غيرهـااا


الى الأمام ياديرتي يابريده

ونقول بصوت واحد مرحبا بتمور القصيم

اتمنى يكون تنافس بناء

القافلة تسير والكلاب تنبح

السلام عليكم بريدة دووم للامااام والوااقع يشهد





توقيع
لو أن كل كلب عوى ألقمته حجرا%%لأصبح الصخر مثقال بدينااااار

الاياشيخ
طحت بي الصراحه :09:

يعني اللي ينقد ديرتة يصير مهوب منه أهله :09:
شي عجيب :09:

طيب حنا عندنا مسااحه واسعه ( أقصد سوق بريدة :09: ) وراة مانبسط تمرنا تحت
الشريطيه ذبحونا بتسذبهم :i121

صدق والله :(

والله انك يا أبو نشقه أطلق واااحد بالعالم :41:41

والله من ناحية .. عنيزة ..



بريده هي عنيزة وعنيزة هي بريده .. :d