|
السعوديون في نعمه كبرى !
اللهم لك الحمد والشكر على هذه النعم التي لاتعد ولاتحصى
فنعمة الإسلام كبيره 000 وكل مواطن سعودي أيضا بنعمه يغبطه عليها كافة مواطني الدول الأخرى 00 لا اقول ذلك كوني ( سعودي) وأفتخر إني سعودي 00 ولكن هي حقيقه فالمواطن السعودي يحظى بنعم كثيره 00 منها وأهمها الأمن والأمان 000 والحرية الشخصيه 00 والرفاهيه الزائده والتنقل بكل أريحيه 00 ووجود أجواء رمضانيه روحانيه لامثيل لها بالعالم 000 إضافة إلى وجود الحرمين الشريفين والتي بإمكان أي مواطن شد الرحال اليهما خلال ساعات محدوده ! 00 الخلاصة نحن كسعوديين بنعمه كبيره فالحمدلله على تلك النعمه والله لايغير علينا 000 وكل عام والجميع بخير0 |
امـــين الله لا يغير علينا وما يقــدر النعمـــه الا فــــاقده.... |
ما تعتقد إنك تبالغ
|
صدقت والله
|
اقتباس:
وانا معك بس متاكده 100% انه يبالغ |
وش يبالغه انتم؟؟؟؟؟؟
روحوا للدول الثاني وشوفوا وش يبالغ انا اعرف مصريه ,جت تعيش بالسعودية لانه بلد آمن تقول جارتي دخلوا حرامية وقطعوا يدينه ورجلينها ووطخ مع الراس ليه؟؟ مشان 400جنيه...!! الحمد لله على نعمـة الاسـلام وكفى بها من نعـمه...وبس^_^ |
فوق هام السحب يا اغلى وطن ooo1..! |
صدقت ألف مررررررررررة الهم لك الحمد على تلك النعمة ومادام أن الأسود موجود والإسلام يطبق فالسعوديون في نعمة ولا ينكرها إلا جاحد معاند
|
اقتباس:
صحيح الله يعطيك العافيه |
اقتباس:
بل قل أنك لم تقل كل شي فهناك الكثير من النعم لم تذكرها 00 الله يهديك |
اقتباس:
تسلم يالتوت يالذيذ برمضان هههههه تحياتي لك |
اللهم لك الحمد والشكر
....................... |
اقتباس:
وأنا لست معكما مليون بالميه إحمدو ربكم على هالنعم فبالشكر تدوم النعم فالحمدلله رب العالمين والله يديمها من نعم ويجعلنا شاكرين 0 |
اقتباس:
الله يعطيك العافيه 000 تحياتي |
اقتباس:
أكيد تقصد الأسود البترول عموما نحن في نعمه والحمدلله تحياتي |
اقتباس:
وبالشكر تدوم النعم 000 تحياتي |
الحمد الله ..
على نعمة الأسلام , وغيره لاشي , الواحد يحمد ربه ان الأسلام هو دينه , والأمن والأمان نعمه من الله, وليسا البشر هم سبب الامن . مشكور أخوي على الموضوع, لكن لا تربط الأمن بالبشر ,ولو قارنت بين الراحة التي تتكلم عنه في سعوديه بي دولى الخليج فهناك الفرق الشاسع ,ولايحتج أن أذكر شي فالأمر واضح. ولاتنسى ببريدة كيف نعاني من الكهرباء. أخوك الغامض |
,, أجل المواطن يحظى بالأمن والحرية الشخصية << هذي مير تخيلت إني في بريطانيا . وحتى الرفاهية ترى ثلاث أرباع السعودية داجين هاجين . ياسيد خل عنك تراها أقبح دولة وأقبح شعب مير قدر الله وصرنا منها . ومتى ماحصلت لنا فرصة نبعد عادي نبعد ومثل الماء . ,, |
جارتي تركيه تقول لن اخرج من السعوديه لو اكلت خبزه مع الماء ** اللهم ادمها نعمه واحفظ علينا ديننا وبلدنا اااامين شكرالك .. |
ايه والله
اللهم لك الحمد http://wwewer.jeeran.com/images/vbn.jpg الله لايغير علينا اقتباس:
اللهم اعز بلادي اقتباس:
كم أحبك يابلادي بلاد الخير اقتباس:
الحمد لله انني سعودي من القائل (فيه أيش فيه أيش؟ .. أنت ووجهك تقيم الكفائات :d http://www.youtube.com/watch?v=quMPQhXYOZ8 انت في ربوع بلادي اقتباس:
أخيراً أحبك وأعشقك يابلادي بلاد الخير والأزدهار وانقطاعات الكهرباء :d |
ايه هيــــــــــــــــــــــــــــــــــــــــــــــــ ـــــــــــــــــــــــــن !!!
طمبس راسك انت سعودي !! |
اقتباس:
بعد نعمة الأسلام 00 تأتي نعمة الأمن والأمان صدقني هذه من أكبر النعم 00 وبالسعوديه الأمن من أفضل مايكون بحمدالله 00 ياخوي تسيرالآف الأميال وأنت مطمئن 00 ماذا تريد بعد 00 أما بالنسبة للكهرب فهذا بإلإمكان إصلاحه 000 ولاتقارن القارة السعوديه بدول الخليج 0000 تحياتي لك |
اقتباس:
الأمن والأمان موجود بكل دول الخليج والدول العربيه وبعض دول الخليج تفوقنا أمنا وأمانا ألف مره على سبيل المثال الامارات الحرية الشخصيه غير موجوده نهائيا استغربت كتابتها ؟ الرفاهيه الزائده يوجد اكثر من دوله بالخليج اكثر منا رفاهيه التنقل بكل اريحية بعض دول الخليج افضل منا >> ترى ماعندنا الا قطار واحد وباص خط البلده اسرع منه من وين تنقل بأي اريحيه ولا من زين شركات الطيران عندنا :( انا معك بالاجواء الرمضانيه الروحانيه . الحرمين الشريفين للمسلين جميعا وانا مدري وش دخلها بالرفاهيه يعني الحرمين كانت بمصر ونقولها عندنا قالو السعوديين يستاهلون ولا وشلون ؟ الحرمين موجوده من قبل تصير سعودي :113: انا ودي ادري وش فايده الموضوع :d وكل سنه وانتم حلوين :p ورمضان كريم |
الوطنية فياضة عندك
انا ادور رفاهية وحدة من اللي ذكرت اقنع نفسي فيها مو لاقية!! اما الامن فشكلك ماتسمع او ماعندك خلفية عن نسب السرقات اللي بالهبل عندنا؟! اما الحرية الشخصية ماادري ليه حسيتك تستهبل مو صادق!! اي حرية شخصية ياشيخ الا قل قتل الحرية الشخصية خنق الحرية الشخصية!! ومير الشكوى لله وين نروح نهج |
اقتباس:
بعد جارنا مسروق منه 250 ألف اذا لقيتي السارق لك 100 ألف ولو تبينهن جنيهات ماعندي مانع :113: اقتباس:
تجاملك :113: اقتباس:
أبي اعرف الاسلام والامن والامان بالسعوديه فقط !! اقتباس:
ليست احسن من غيرها من دول الخليج شكلك ماعمرك طلعت من حارتكم :113: اقتباس:
اقتباس:
ليش الدول الثانيه يروحون ولا يرجعون ولا وشلون ؟ الدول الاوروبيه اكثر امنا بالطرق ولا تهون دول الخليج وأعرف ناس ماتسافر الا السلاح معه اقتباس:
اقتباس:
بعد بقطر الكهرب والمويه مجاني ياعزيزي وابشرك مايطفى :113: 0 0 0 أبي أعرف شي وآحد ليش السعوديين شايفين انفسهم احسن ناس ؟ وشايفين انهم احسن من دول الخليج كله ؟ ابي اعرف ليش ؟ وش فينا زود ؟ اذا هي على الحرمين الحرمين للمسلمين ماهيب لك ترى بعض دول الخليج احسن منا مليون مره على هونكم :113: |
والله أنكـ صادق ومافيه أي مبالغه كما يقول البعض
وبالعكس أختصرت فيه أشياء كثيره ماذكرتها أشكركـ عزوزتي |
اقتباس:
اقتباس:
انا اتنرفز من اللي يجدع كلمتين ويهج :113: اغلب النقاط اللي ذكر ماهيب موجوده عندنا بعدين ابيك تذكرين لي من النقاط اللي ذكرها غير موجوده بدول الخليج او اننا نتفوق على دول الخليج ببعض النقاط اللي ذكرها ;) أو بالأصح وش تعرفين عن دول الخليج ؟ أنني تنرفزت يا رقآله :113: |
كلمك صح كله
|
اقتباس:
نعم حرية لكن ليست كحرية بريطانيا فنحن لانريدها كل شي له حدود 00 تقولين ثلاث أرباع المملكه ( داجين ) ! وماذا في ذلك الفقر في كل مكان لكن بالسعوديه 00 الفقراء غير مهمشين كغيرهم تقولين السعوديه اقبح دولة واقبح شعب !! 00 أنصحك بمراجعة اقرب مستشفى نفسي وبسرعه 00 فحالتك يبدو صعبه !! 00 أتمنى برمضان لك الشفاء العاجل 0 |
اقتباس:
نعم هذا أمر مشاهد فكل من جاء لهذا الوطن الحبيب أصبح وكأنه من أبنائه ولايريد الإبتعاد عنه بما فيهم العامل الذي جاء ليعمل راعيا للغنم بصحراء قاحله! هذا وطن الخير 000 تحياتي لك 00 |
اقتباس:
الأخطاء موجوده بكل مكان ولايوجد مجتمع خالي من الأخطاء 00 والله يوفق الجميع |
اقتباس:
بل إرفع راسك واحمد ربك أنك سعودي 00 الله يهديك |
اقتباس:
مشكلتك أنك وانت تقرا الموضوع ( تنشق ) هههه ثم تضيع !! بتشديد الياء 000 هههههه ووجود الحرمين الشريفين 00لأنهم بالدول الأخرى يمضون وقتا طويلا لأجل أخذ تأشيره للسفر للعمره 00 إضافة لدفع مبالغ كبيره 00 الله يصلحك 0 00 |
. . . اللهــ يديمــ النعمة علينـــــا . . . |
اقتباس:
لو فيها اخطاء انت قلت مافيه احد خالي من الأخطاء اجل تقولي ان الفقراء غير مهمشين ؟ شوري عليك لاتتهور وتقول كلام غير صحيح لأن عمي الشيخ قوقل موجود هههههه اقتباس:
نعم نحن بنعمه لاتقدر بثمن اقتباس:
اقتباس:
ساده من قالك خلك فقير ارفع راسك انت سعودي اقتباس:
اقتباس:
|
اقتباس:
آمين الله يعطيك العافيه 0 |
اقتباس:
ليش ما علقت الا على هالنقطه ؟ ليش همشت باقي النقاط ؟ اذا كان كذا فمعناته كلامي صحيح لانك ماعلقت عليه وبالنسبه لمواطني دول الخليج مايحتاجون تأشيره . انا كلامي كله عن الخليجيين وش ينقصنا عنهم بل هم احسن منا . لاتخلينا احسن الناس أما سالفة إني أنشق ولا ما أنشق اظن المعرف ماله دخل بالحوار :113: |
تقريرمصور عن الفقر في المملكة العربية السعودية (فيديو )
http://www.benaa.com/Read.asp?PID=1484519&Sec=3 قال المذيع في نهاية التقرير جعلنا نأتي لتصوير تقريراً عن أرضٍ فيها فقراء لكننا إنغمسنا في أرضيٍ كلها فقر ! ما ادري هو لا زال على راس عمله ولا فصل من القناة بعد هالتقرير وتحديداً بعد هالجملة ؟ |
معقووووووووووووووووووووووووووووووووووووووووووووله قسم
|
اقتباس:
يابو نشقه الله يهديك وتبين اجاوب على كل سؤال ؟ صارت مسابقه هههه كل مداخله سؤال واحد فقط عشان أجاوب وبعدين وش جاكم أنتم 00 مافيه غير هالوطن وإذا مو معجبكم روحو للي تبون ! |
اللهم لك الحمد والشكر
....................... |
اقتباس:
اقسم بالله مافتحت الرابط وماعندي أستعداد أفتحه قلنا لك الفقر بكل مكان 00 وحتى خادم الحرمين وفقه الله زار قبل سنوات الفقراء ووجه بمساعدتهم ياخوي 00 على هونك 00 فيه ضمان اجتماعي وفيه جمعيات خيريه 00 وبنوك تسليف 00 وفيه أيضا لجان لمساعدة الشباب على الزواج 00 وفيه الشي الكثير بحمدالله 00 كبناء مساكن للفقراء 00 ويبقى العمل مستمر بحمدالله 000 ولاينكر كل ذلك إلا جاحد 00 صدقني أنت على خطأ عظيم 00 أو أنك غير سعودي 00 |
اقتباس:
اقتباس:
ونضرب لك مثلا اما عن السيارات فحدث ولا حرج .. الحوض بـ40 الف التكلفة وهنا بـأكثر من 100 الف ( خدعوك فقالو : حماية المستهلك ) . والاعجب من ذلك ان مكيف بعض السيارات تركب في جدة وجودة سيئه ( خدعوك فقالو : هيئة المواصفات والمقاييس ) . وعندما علم التجار ان المستهلك ( السعودي ) احتاج الى الحليب لأطفاله اصبح التجار اقل رحمة من إسرائيل . ( خدعوك فقالو : السعوديون في نعمة ) هل تعلم اخي الحبيب ان الحيوان له كرامة عند التجار اكثر من الانسان والدليل على ذلك جزعوا عندما ارتفع الشعير وبحثوا عن البديل لكي ينعم هذا الحيوان وعندما ارتفعت السلع نرى وجه إسرائيلي بوجهٍ ولسان عربي مبين ( المسمى زورا ( تاجر سعودي )) . وما تعطل الكهرباء عندك ببعيد . ( السعوديون في نعمة كبرى ) كيف لا وأغلى وأسواء انترنت في العالم عندنا .وفي مجال اخر الخضار والفواكة المنتجة محليا ترش بمبيدات محرمة دوليا لتقدم للمواطن الذي يعيش بنعمة كبرى . وازيدك من الشعر بيت ان الشوارع في بلادنا وكانها كراس في يد طفل عابث ( قص ولصق من الحفريات ) وياليت شعري مالفرق بين المخربون (اصحاب الحفريات )وبين الذي يكتب على الجدران ( كلها تشويه للمنظر ) وفي مجال التعليم : خرج المواطن من النور الى الظلمات نظرا لاحصائيات الجامعات المتردية عالميا وهل تعلم ان البلد الوحيد الذي يواجه اكثر تحرش جنسي في الاطفال هو بلدك هذا .. هل تعلم لماذا اختصرها لك بمثل من امن العقوبة اساء الادب واخيرا وليس اخرا ( السعوديون في نعمة كبرى ) |
اقتباس:
أولا هو ماقارن بدول الخليج قارن بالعالم كله ثانيا ذكر سهولة شد الرحال للحرمين الشريفين ومافيه مثل هذه السهوله بدول الخليج كما خصصت ولا بدول العالم عامه ثالثا الأمن تمشي بالسوق بكل أمان رح لمصر مثلا قبل تدخل السوق وانت مسروق وهي دوله عربيه وش لو هي مب دوله عربيه. اللي يشوفكـ على المعارضات ما يقول سعودي يقول بنقالي حاقد. الله يهديك (ربنا لا تؤاخذنا بما فعل السفهاء منا) يارب تديم النعم علينا |
مشكور اخوي فعلن السعودين في نعمة كبيرة
|
اقتباس:
اقتباس:
لا ياحبيبي انت ذكرت عدة نقاط واغلب نقاطك ما هيب بمحلها انا رديت عليك ببعض النقاط وانا تجاهلتها هي ما هيب مسابقه انت طرحت موضوع وواجبك انك ترد على المداخلات اذا مو راد او ماعندك خلفيه عن اللي تقوله ليش كاتب موضوع :confused: 0 0 0 اقتباس:
اقتباس:
هو لو قارن دولتنا بالدول الفقيره تشاد والنيجر والبنقلاديش ما قلنا شي بس المصيبه يقارنها بالعالم على قولتك . اقتباس:
اقتباس:
يقول يغبطون ؟؟ اللي قرأ الكلام يقول حنا أحسن ناس من يغبطنا افريقيا ولا نيجيريا ولا تشاد لاتقارنوننا بدول فقيره مره لاكن فيه دول كثيره احسن منا بكثييييييييير بكل اللي ذكره وانا شخصيا أغبط بعض دول الخليج على النعم اللي هم فيها اقتباس:
بهالنقطه انا معك مع انه مافيه فرق واجد يعني لو قارنا بعض دول الخليج الكويتي واللي يجي من الحفر تقريبا نفس المسافه لمكه وكذلك اهل البحرين والشرقيه نفس المسافه يعني مااشوف فيها ميزه ذاك الزود . اقتباس:
هذا مثال الحين ؟ لاتقارنينا بدول فقيره قارنينا بدول مستوانا بمستوى الثروه اللي عندنا فيه دول ليست اغني منا وأفضل منا بكل الحالات بعدين انا خويي وهو يكلم بالشارع مسروق جواله منه وهو بالسعوديه وببريده بعد :confused: مثالك غبي جداً والسرقه بمصر خفيفه شنطه جوال 50 جنيه اشياء بسيطه السرقه عندنا 100 الف 200 الف احيانا تسرق سياره ولا ترجع ملايين سرقت بالمساهمات الوهميه .. ولا هذي ما تسمينها سرقات حضرتك :confused: اقتباس:
مشكلتنا لازم نمجد كل شي سواء خطأ او صح شي يخصنا لازم نمجده وهذا هو الخطأ لازم نعالج مشاكلنا ونعترف فيها وكل هاللي أقوله صاير ومحسوس انا اعرف ارد واقول أي والله ما مثلنا أبد وأمدح واقفل الموضوع بسلام من حبي لديرتي اني انتقد المشاكل والاخطاء عشان لعل وعسى تتصلح أنا مو حاقد ولا شي مادعيت للتفجير ولا الخروج على الدوله لاكن نبي الأفضل حنا من أغنى الدول بكل شي المفروض نصير قمة بكل الدوله ومن احسن الدول بالعالم بسبب الثروه اللي عندنا عندنا مشاكل ما تصير الا بالدول الفقيره قبل فتره بالدوام والكهرب زي العاده يطفى ويشتغل البنقالي قالي وهو مكشر خشته يقول سيم سيم بنقلاديش وقسم بالله هذا كلامه :confused: انا استحيت منه قلت ايه يشتغلون فيه عطل :113: اقتباس:
الحين يوم تقولين عني سفيه وش المناسبه :confused: غلطت عليك أنا ؟ لا صرتي داخله غلط وفاهمه الموضوع غلط انا وش ذنبي :rolleyes: والله اذا كلامي كلام سفهاء الله يخلف على العاقلين :113: اقتباس:
|
اقتباس:
الله يعطيك العافيه مداخله مميزه صادق الشكر لشخصك |
فيه دول ليست اغني منا وأفضل منا بكل الحالات
طيب ليش ماتحمد ربكـ أنك مب مثل نيجيريا و....... بعدين انا خويي وهو يكلم بالشارع مسروق جواله منه وهو بالسعوديه وببريده بعد :confused:[/center] السرقه كل دول العالم لم تسلم منها وأنا يوم أجيب المثال مو للسرقه للأمن يعني في بعض الدول عادي يسرقكـ العسكري مثالك غبي جداً والسرقه بمصر خفيفه شنطه جوال 50 جنيه اشياء بسيطه السرقه عندنا 100 الف 200 الف احيانا تسرق سياره ولا ترجع ملايين سرقت بالمساهمات الوهميه .. ولا هذي ما تسمينها سرقات حضرتك :confused: لا تنظر الى القيمه انظر الى الكثره أنت برأيك كل يوم يسرق منك حاجه لو كانت خفيه أو مره مرتين بالعمر يسرق منك شي ثمين ومع ذالك ماقصر الأمن يبحثون عن السارقين مشكلتنا لازم نمجد كل شي سواء خطأ او صح شي يخصنا لازم نمجده وهذا هو الخطأ أنا قلت وجهت نظري ومقتنعه فيها وأنت رديت على وجهت نظري بمعارضه برأيك من المخطأ لازم نعالج مشاكلنا ونعترف فيها وكل هاللي أقوله صاير ومحسوس انا اعرف ارد واقول أي والله ما مثلنا أبد وأمدح واقفل الموضوع بسلام أنا معكـ وكلامك صحيح لكن تختلف الآراء عن بعضه أنا الحمدالله راضيه وأفخر أني من السعوديه لكن البعض يقول لا أنا أتمنا أني أكون من الدوله الفلانيه والكل بدافع عن رأيه إذا واجهه معارض توافقني ولا لا?? أنا مو حاقد ولا شي مادعيت للتفجير ولا الخروج على الدوله لاكن نبي الأفضل حنا من أغنى الدول بكل شي أعلم أنكـ مو وأنا قلت اللي يشوف معارضاتك أنك حاقد فقط لكثرتها واصرارك عليها انا استحيت منه قلت ايه يشتغلون فيه عطل :113: كلامك عين الصواب فيه عطل ويشتغلون فيه مو تقصير منهم الحين يوم تقولين عني سفيه وش المناسبه :confused: غلطت عليك أنا ؟ لم أخصصك أنا أعم كل الي يتظجرون لان كل الحياة العايشين فيها نعمه من الله ما يخافون أن يرسل الله علينا عذاب بسبب كفرهم بالنعم تدوم النعم بالشكرقال تعالى(ولئن شكرتم لأزيدنكم ولئن كفرتم ان عذابي لشديد) لا صرتي داخله غلط وفاهمه الموضوع غلط انا وش ذنبي :rolleyes: لا وربي فاهمته صح لكن أقدر أقول أنا وش ذنبي تعارض على وجهت نظري؟؟؟ اعتذر إذا أنا غلطت عليكـ وأرجو السموحه |
مرحباً أخوتي
حواركم رائع جداً وأعجبني حيث انه خارج من الكلمات البذيئه والمسيئه شكراً لكم بالمناسبة انا سعودي ههههههه وإذا انتقدت على وطني .. هل يعني اني لست سعودي ؟ عجباً أنا لا انكر النعمه اللي انا فيها بالعكس احمد ربي وأشكره أنني بنعمه لكن ماتاصل لهذا التمجيد وهذه المبالغات المنقطعه النظير عاد اللي يسمعكم يقول تمشون على خطط وإحصائيات وقيمتوا السعوديه من بد الدول .. سؤال ياقلبي معليش الاترى .. أننا أغنى دولة بالعالم ..؟ إذا لماذا نحن أكثر شعب (إستهلاك بالعالم)؟ بمعنى .. أن أغنى دولة بالعالم.. المفترض لديها أكبر وأفضل وجميع الصناعات وأجودها .. إذ أنها لاينقصها الخبره ولاالكفاح ولا اليد العامله .. فالشباب معطلين ونحن أكثر دوله لديها شباب مسلم فلو استغللنا هذه الطاقة الجبارة .. لرأيت العجب العجاب ولانستورد ولا باخره من الخارج فنحن لدينا المواد الخام وأهمها البترول ونصدرها بكميات كبيرة جداص ومازال البترول يُكتشف حتى الآن إذا لديك قوة عامله مع خبرات وكفائات وثروة طائلة .. مفروض نكون أفضل وأقوى دولة بالعالم .. ونكون (نحن القاده المتبعين) وليس نتبع أذناب القرده والخنزير للأسف الشديد أعيد وأكرر أنا لا أنكر وطني وبلادي أنا فقد أنقد ولا أحب التمجيد وتكبير الموضوع فكل ماقلتوه موجود أضعافه في دول أخرى سواء حسن او سيء (أرجوك لاتقولي الحرمين الشريفين) فهذا خارج الموضوع شكراً لكم |
ابونشقه تعليق بسيط على هالكلام
اقتباس:
كل واحد ينطل من جهه ولا تروح بعيد عندك ببريدة ياكثر المشاريع اللي تصير فيها نطل وخرابيط اقرب مثال الشوارع وشركة الكهرب .. ------------- وعلى روز اقتباس:
يذكرون الشباب ان مديرة شركة الكهرب والمعاونين يدهرون بتركيب المكاين والمولدات التقصير منهم اقري هالمقال وتدري اقتباس:
|
نعمة واحدة تفوق العالم وبمن فيه
نعمة العقيدة السلفية الصافية . تسلم حبيبنا ومليااار شكر |
^^^^^^^^^^^^^^^^^^^^^^^^^^^^^^^
قريت المقال وبعد هذا ما اقول شي .. |
اقتباس:
الحمد لله والشكر ماقلنا شي بس لا تخلونا أحسن الناس حنا من أغنى الدول نعم لا كن فيه دول ليست أغنى منى وأفضل منا بكل الحالات حنا مو دوله فقيره يعني نبي يصير زي اللي عند غيرنا وش ناقصنا ؟؟ اقتباس:
مادام تقولون السعوديون في نعمه كبرى ؟ ليش تقارنونا بدول فقيره شعبها عايش على السرقه والاجرام ؟ قارنونا بالدول اللي قدنا واللي أقل منا ليش هم أحسن بكل الحالات حنا وش ينقصنا ما نصير مثلهم :confused: لاتقارنونا بدول فقيره ناظرو دول الخليج كلهم ليسو اغنى منا وإيرادات دولتنا تساوي بعض ميزانياتهم .. ليش يصيرون احسن منا في الامن مثلا والمواصلات والمعيشه والدخل ووو الخ . لاتجين تقولين لي فيه دول مايلقون شي ياكلونه ؟ انا ما اتكلم عن دول فقيره حنا من اغنى الدول نعم .. لاكن ليس من افضلها بخدمات مواطنين ودخل الموظفين وو الخ . خــيــرنا يـروووح لـ غ ـيــرنا :i121 اقتباس:
الآن بالسعوديه يوميا فيه سرقات لاكن كل سرقه في مكان معين ما تجي في مكان واحد وعلى قولتك بمصر تسرق شنطتك ومدري ايش انا قبل رمضان بمصر رحت ورجعت ما سرق مني شي والحمد لله ولا تعرضت لأي محاولة نصب لانه اصلا معروف من اللي ينصب عليهم وينسرقون اللي يروحون للأماكن المشبوهه .. وهذا يستاهل :) اقتباس:
أضحك الله ضرسك :113: نكتة الموسم :d أنا أتمنى تراجعين قسم الشرطه بقضية سرقه قسم بالله ان تبوسين رآس السارق وتقولين رح الله يستر عليك مانبي شي . مره قدمت بلاغ ضد واحد سارق والسارق شايفه بأم عيني وأعرفه وقاعد يقنعني الظابط انه مو شرط يكون هو ومن هالخرابيط و يترجآني الظابط اني اسامح كل هذا عجزآن يكتب تقرير ويرفعه للادارة قسم بالله كأني أطرره طرااره وبالأخير تم استدعاء السارق وجاء واعترف ورجع الغرض اللي سرقه وبعدها سامحت . خلاصت السالفه انا دقيت على كم واحد لين جاء السارق وبالقسم انا قاعد احجر له لين اعترف والظابط ماله أي دور :d اقتباس:
طيب مادام أنتي قلتي وجهة نظرك انا أحترمتها ما قلت شي بس ليش يوم اقول وجهة نظري أطلع سفيه وتستشهدين بالآيه (ربنا لا تؤاخذنا بما فعل السفهاء منا) :confused: اقتباس:
أنا ما قلت هالكلام الا حباً لديرتي ومافي أحد ما يفخر بديرته بس نطمح للمزيد اقتباس:
البعض لهم مواقفهم فيه ناس تصير له مواقف في وطنه ما يحس بقيمته بذكر لك مثال قصة الشيخ المقرن مقدم برنامج بقناة المجد اللي المستشفى رفضوا يستقبلون زوجته وهي حامل وصارت له مشاكل كتب في مقاله بالجريده ان زوجته تقول أنا لست من هذا البلد وهذا اقتباس من قصته اقتباس:
ولقرآءة قصته كامله هنا http://www.alsakher.com/vb2/showthread.php?t=127121 اقتباس:
تقولين اللي يشوفك يقول بنقالي حاقد انا من حبي لديرتي انتقدها النقد أساس النجاح والرقي للأفضل حتى الصديق اللي ماينتقد صديقه ولا يبين له اخطاءه هذا مو صديق اقتباس:
الله يرحم والديك شي بالعقل شركة سنوياً تعلن ارباحها بالملايين وش ناقصها ما تزود المولدات وتحسن الجوده ؟ غير هذا نشتري العداد وندفع رسوم شهريا ولو ما سددت فصل ولو سدتت بعد الفصل تدفع غرامه ؟ ومع كل هذا كهرب زفت زفت زفت لو هي مره وحده مشيناها عطل .. لاكن كل يوم عطل ؟ اليوم طافي علينا الكهرب وبكرا اذكرك بيطفى هل بيكون بكرا فيه عطل :confused::confused::confused: خلي العطل على جنب حنا أغنى من دوله قطر بمليون مره وربما قيمه المخالفات المروريه والبلديه تساوي ميزانيه قطر ومع ذلك الكهرباء في قطر مجاناً . حنا وش ناقصنا يوم هي تصير برسوم وزفت :confused: اقتباس:
مقتبسه كلامي وجالسه تردين على وبالاخير تقولين سفيه والحين جايه تقولين ما أقصدك .. بسوي نفسي إنها مشت علي :113: اقتباس:
ههههه والله عجب !! يعني تبيني أوافق وجهة نظرك ؟ وانا مو مقتنع فيها أنا أحترم وجهة نظرك لاكن لا أوافقها . انتي ما تجبريني اني اوافقك الرأي لي رأي ولك رأي وانا ما أجبرتك تقبلي وجهة نظري هذي وجهة نظري اعجبتك الحمد لله ما اعجبتك لك رأيك ما أقول لا . اقتباس:
مسامحك :) |
اقتباس:
اقتباس:
اقتباس:
|
اقتباس:
|
سؤال هل تستطيع العيش بغير السعوديه
وهل إن كنت بريداوي تقدر على البعد عن هذه الحبيبه بريده ؟ 00 أكيد الأستاذ القدير ( أبونشقه ) مايقدر يطلع عن بيتهم هههههه |
امـــين الله لا يغير علينا
|
اقتباس:
يآخي الصومالي المنتف مايبي ومايرتاح الا بديرته كلن وله ديرته انا ما قلت مابي اعيش بالسعوديه ياخي رح شف المصريين وحبهم المجنون لمصر مع انه عيشتهم مع انهم فقيرين وحالتهم حاله لاكن يبقى حب الوطن لا ينكره أحد . بعد لو أنا أساسا مو سعودي ماكان ودي اعيش بالسعوديه لاني ابي ديرتي شي طبيعي :) الزبدهـ مهوب هذا موضوعنا :113: ** |
:41ابو نشقه
صراحه ماستفدت شي نفس كلامك تعيده فأنا أطلع منها وقول كفايه لأني لو رديت راح تعيد نفس الكلام وأنا أعرف من يوم رديت علي أول مره اطنشك بس قلت يمكن عنده شي انا ما اعرفه واستفيد فطلعت بكلام مكرر خارج عن الموضوع ............. والله اني رجعت اتأكد من كاتب الموضوع لأني أشوفك ماشالله كلن ترد عليه :d وشكرا على مسامحتك : 12: 12: 12: 12: 12: 12: 12: 12: 12: 12: 12 >>يارب مايقتبس كلامي ويرد |
الف الحمد الله والشكر على النعم التي انعم الله بنا
قالى تعالى (وان تعدوا نعمة الله لاتحصوها) قال تعالى(فبايي الاء ربكما تكذبان) اثناء قراءتي للردود وجدت من ينكر النعم ويقول انها مبالغه اتمنى ان تسمحلي ياخي عزوتي ان ارد عليهم فانا اقول ليست مبالغه واما هي فعلا نعم منها الله علينا فنسال الله ان يديمها عجبا يابن ادم انسيت نعمة الصحه انسيت نعمة العقل انسيت نعمة التقدم والازدهار الحضاري انسيت النعمه التي جالس فيها الحين من اكل وشرب وترفيه وبراد يالله من فضلك الرسول صلى الله عليه وسلم يقول (نعمتان مغبون عليها العبد نعمة الصحه والفراغ)او كما قال صلى الله عليه وسلم اتعلم مهوا الغبن هي الغفله عن تلك النعم فليتنا نشكر الله على نعمه بالقول والعمل قالى تعالى(واشكروني ازدكم)(واشكروني ولا تكفرون) ربنا لاتؤاخذنا ان نسينا او اخطاناربنا ولاتحمل علينا اصرا كما حملته على الذين من قبلنا ربنا ولاتحملنا مالاطاقة لنا به واعف عنا واغفر لنا وارحمنا انت موالنا فانصرنا على القوم الكافرين |
اقتباس:
أنا ترى مو مقتنع بالعقليات اللي قاعد اناقشها ولا استغرب منك يقوم تقولين كلام مكرر يا وحده من الثنتين يا انك ما تفهمين وش اقول او ان كلامي فوق مستواك :113: |
الأستاذ القدير ( ابو نشقه ) شكلك بس تبي ترد
ولا كيف تظرب مثل وأنت عكسه تماما ! ياخوي تقول المصريين يحبون ديرتهم رغم فقرهم ! طيب وأنت وراك ماتحب بلدك 00 أو بس شاطر (( تناشق )) |
ايوالله الحمدلله نعم تبي شكر |
اقتباس:
اقتباس:
من قالك ما احب ديرتي ؟ انا انتقدتها ولا قلت ما احبها من حبي لها اني انتقدها مو اسكت اقتباس:
لاتدخل المعرفات بالموضوع [COLOR=#0000ff] |
اقتباس:
والله انه ماقال شي ...انت لو تشوف وشلون عايشين الناس برى .. تقدر النعمة اللى انت عايش فيها احمدو ربكم اذا اكرمة الكريم ملكتة واذا اكرمة اللئيم تمردا |
الأستاذ ابو نشقه 00 شكلك تسمع بالنقد وماتدري اين ومتى يتم ؟
يا بو نشقه 00 أحد ينتقد وطن بأكمله ؟ اللي يبي ينتقد يشوف وضع خاطي أو تصرف سلبي وينتقده بأدب 00 وبهدف تصحيحه 00 أنت للاسف 00 قاعد ترد ردود إستهتاريه 00 لاعلاقة لها بالنقد مطلقا ! ثم من قال بأن وطننا لايوجد به سلبيات في كل نواحي الحياة يوجد أخطاء وسلبيات 00 ولولا الأخطاء ماوجدت السلبيات 00 لكن بحمدالله وطننا السعوديه خيرها كثير ووجود الأمور الإيجابيه 00 يغطي على السلبيات 00 بعد ين وش تنتقد ؟ هل حين جالس تناشق وتنتقد ؟ ههههه بدل مانتقد 00 غير معرفك 00 وحط معرف 00 زين وتعال إنتقد 000 ياراعي السالفه ! شكلك تحسب النقد (( مناشق )) ههههه |
اقتباس:
علمني أين ومتى يتم أيها المخضرم :) اقتباس:
لاتقولني كلام ما قلته . ما انتقت الوطن بأكمله انتقدت بعض اللي ذكرتها حضرتك واننا ليس الافضل اقتباس:
أنا ردودي استهتاريه!! او ردودك اللي بكل رد تطري كلمه مناشق ؟ اقتباس:
محد قال بس انت مخلينا أحسن الناس وفيه دول احسن منا وليسوا بأغني منا اقتباس:
ماجبت شي جديد اقتباس:
أفلقني كانك تدري وش انت قاعد تقول :d اقتباس:
بس وجود الامور الايجابيه لا يعني اننا نتجاهل السلبيات وليس من يسعى للافضل يعتبر حادق على البلد اقتباس:
الحين من اللي ردوده استهتاريه ؟ ياظريف أنت اقتباس:
أنت جاي تناقش موضوع ولا تناقش معرفي ؟ ناقش كلامي لاتناقش المعرف اقتباس:
شوف حبيبي خفة الدم هبه من الله يرزقها عباده ماتجي بالتصنع لاتسوي انك خفيف دم وإنك العضو الظريف :d حنا نتكلم بالموضوع بجد ولا لو هي على المصخره والله لأمصخرك وأغسل شراعك :113: تدري وين المشكله؟ المشكله انك تكتب رد ولا تدري وش أنت قاعد تقول :113: أمرِح أمرِح ;) |
8
8 8 8 8 كلامك عين الصواب يالبي ابو نشقه |
اقتباس:
ابو نشقه 00 شكلك فاضي ! من يبي يرد على كل اسئلتك ؟ بس بختصر 00 انا ما استخف دمي 00 لكن خصمي ابو نشقه طيب وش اسوي أضحك او ابكي ههههه بعدين جاي تتهجم على بلدك ( يامعفن ) وتقول فيه دول أحسن منا وليسو بأغى منا !! أي دول لايصير ( تحلم ) !! بعدين وشذا الكلام اللي تحت 00 بقولك وحنا برمضان 00 والله لوتجيب كل شلة ( المناشق ماتحركون شعره من رأسي 00 رح شف لك عنز تلحسك هههه حنا نتكلم بالموضوع بجد ولا لو هي على المصخره والله لأمصخرك وأغسل شراعك :113:[/[/color] |
’’’ اللهـم أدم عليـنا نعمـة الأمـن والأمــان طــــرح مـوفــق ~ ’’’ |
اقتباس:
آمين يارب 000 يعطيك العافيه 00 تحياتي |
اقتباس:
اقتباس:
يالبي شديقاتك والله :p اقتباس:
اقتباس:
والله إني يوم أناقشك احسبك رجال وأثرك ما بالثوب أحد :113: أبد والله أنت والثوب المعلق بالدولاب وآحد بس تدري وش الفرق إن الثوب محترم :113: رح "اكبر" وتعال تكلم :113: حضآنه ستي :d |
اقتباس:
والله كنت ارد عليك وأتناقش معك لرفع قدرك احس إنك خبل 00 خاصة من معرفك ( ابونشقه ) ! لكن مشكلة ( الخبل ) يبقى خبل مافيك 00 فايده وإلا اللي مايحب وطنه 00 ويفتخر بالدول الأخرى مايستاهل من يتناقش معه ! إذا أنا والثوب واحد ! وانت00 شكلك ( والعنز ) واحد كلكم ( تناشقون )! وماعندك أحد 00 عقل ( ترللي ) ههههههههه ( الحمدلله على نعمة العقل 00 ) |
اقتباس:
راه الحين من باب أولى انك تناقشه لأنك تمجد وطنك أجل هاللي يناقشون هذولا والعالم والمناظرات ماقالوا انت شيعي ماتستاهل من يناظرك .. هههه لكن يالبي لولا اختلاف الرأي لما كانت هناك مناقشات أصلاً .. بس تبي الصراحه شكلك ماتدري وش معناة مناقشه أصلاً ولا رجال يجيب عن أسألك ويكلمك بمنطق .. ولما ألقمك حجراً قلت معرفك شين ..!! يعني يقول تيس وانت تقول احلبه خلك بالنقاش للآخر ولاتنسحب وتشوفلك عذاريب وبعدين ماقال شي خطأ لو قال شي خطأ ممكن تفهمه الصح ونفهم حنا بالحواارات والمناقشات (إلا العقيمه) فهذه لانعرفها شكراً لك يالغالي تحيه لأبو نشقه |
اقتباس:
قال من شهد لك يابالحصين ؟ واي مناقشه 00 أنت وياه جالسين تهاجمون وطنكم وتقول مناقشه ! وبعدين يالفاهم تجيب واحد يناظر شيعي مثل واحد يشوه صورة وطنه ؟ شكلك منخرش بحق ! 00 أقول الله يخلف شف ردود البنات وردودك أنت وابو نشقه 00 ! |
الحين اللي يخالفك تهجمعلى معرفه وش قصتك
انا اقولك الحين حنامانهاجم الوطن نحن ننقد يالبي ولا بعد ماتعرف النقد الوطن على العين والراس لكن نحن نذكر بعض سلبياته لا اكثر ولاننكر الجمايل إذا كان هذا ردك ياخوي وشوله تحط موضوع ههههههههههههه يعني انت حاط مووع عشان نقولك ايه والله احسن وطن هههههههه طيب يالله إذا هذا يرضيك السعودية أفضل دولة بالعالم وكلها وناسة وكل شي به ولا فيها مشاكل ولا عذاريب يالله انبسط بس لاعمرك تحط موضوع .. وانت ماتعرف وش الردود ولا تعرف ترد عليها زين بابا |
ههههههههه أجل السعوديون في نعمةٍ كبرى!
ياخوي لا بغيت تكذب اكذب بشيء نصدقه. واللهِ إن السعوديين أتعس شعوب الأرض ويمارس عليهم الظلم وثرواتهم تسرق عياناً بياناً ولا يوجد رادع. يحتاج نسرد لك مشاكل السعوديين؟ أو يكفي اللي جابهن المنخرش! ياخوي ترانا نحب وطننا بس مهوب اللي أنت تتكلم عنه، أنا أحب وطني لأنه أهلي وأرضي التي ولدت فيها وليس من أجل فلان أو علان. الله يفتح على قلبك وتشوف الحق :d. |
اقتباس:
اقتباس:
المنخرش خله قسم بالله انه رضيع احسبه قد الموضوع طلع ما يعرف وش هو كاتب ولا يعرف يرد ولا يدري وش حنا نقول وتراه يقرأ ردك ولا يدري وش انت تقول اقول تيس يقول احلبه :d |
اقتباس:
يارجل أي نقد اللي تقولون عليه 00 هل هجومك ضد الوطن وأعتراضك على ماقلت ( انت وبو نشقه ) هذا نقد ؟ جايبلي خطابات وبحث عشان 00 تشوه صورة وطنك !! وين النقد ؟ انتم فاهمين النقد وماتدرون متى النقد ؟ هل يعقل أن ينتقد وطن بأكمله ؟ اي عقول تلك ؟ أنت وبو نشقه ( ضد الوطن ) بحق 00 وأغاضكم ماقلته فقمتم بالإعتراض 00 تحت (( شماعة ) النقد !! عموما أنصحك أنت وغيرك الوطن للجميع 00 ومن لايحب وطنه لاخير فيه 00 وإذا بغيت تنتقد شف موضوع سلبي وانتقده 000 اما إنك تنتقد وطن 00 فهذا حقد وكراهيه 00 00 0000 ولعلمك 00 من تكون تمنعني ماحط موضوع ! يا 000 ؟ |
اقتباس:
نعم الشعب السعودي بنعم كبرى ولايوجد تعيس سوى أنت وأشكالك من ( الشواذ ) ! والحمدلله لايمارس علينا ظلم ولغيره 00 بل الظلم أن تبقى أنت والمنخرش وابو نشقه ومن على شاكلتكم تهاجمون وطن يضمكم ويؤكلكم ( لقمة العيش )00 ! |
اقتباس:
(( هذا أحد ردود أبو نشقه 00 بالله عليكم هل هذا كلام واحد عاقل 00 ويستاهل من يرد عليه ؟ |
اقتباس:
خل بابا يقرأ ردودنا ويعلمك يا شاطر وش حنا قاعدين نقول ولا تنسى تقوله يعلمك وش الفرق بين النقد والهجوم وأشرب الحليب ونم بدري :113: |
اقتباس:
من صدزك تهرج اقر ردي السابق وتدري التاجر يلعب عليك من جهه والاتصالات من جهه والكهرب من جهه و و و وش تبي اكثر من تسذا لا واخر خبر جايك ذا القصيبي يبي يخلي سعوديات شغالات الله لا يوفقه لا دنيا ولا اخره هو واشكاله .. والله اللي يوكلن لقمة العيش وليس الوطن ..! |
الــــــــحــــــــمـــــــــــــد الله
شكراا لك على التنبيه |
هههههههههههههههههههههه
قال ايش قال مافيه ظلم ههههههههههههه الكهرب وش تقول عنه الناس تقدمت بالأنترنت وحنا بسرعات 10 ميقا و ونصها ماكول من ياخذ رسوم على الكهرب والماء في دولة النفد يالبي لا والله ياحبيلك شكلك تبي قرشين من ولا منا وبديت تهذري من اللي قايلك إذا حطيت موضوع تمدح فيه يجيك قروش يادبوس هههههههههههههههههههههههه قال ايش قال مافيه ظلم |
اقتباس:
00 الوالد الله يرحمه ويسكنه الجنه وكل موتى المسلمين 00 00 بس أنت ياابو نشقه ( أمي ) بمعنى جاهل ماتفهم نوجهك يمين 00 تروح يسار 00 مافيك فايده 00 تسمع بالنقد ( وماتدري وشو ) 00 والله من يوم معرفك ( ابو نشقه ) مايستكثر إنك تسب وطنك ! |
اقتباس:
نعم يوجد أخطأ ويوجد ( قصور ) ولايوجد كمال إلا لله وحده 00 لكن حين ننتقد نخصص الوضع وننتقده 000 ولي عدة مواضيع هنا ( إنتقاديه ) لكن أن نعم الوطن 00 ونمتدح الدول الأخرى ضد مملكتنا 00 ونتناسا أو نتجاهل كل الإيجابيات من أجل التركيز 00 على أمور خاصة بعينها !0 |
اقتباس:
حياك الله ولد السوريه |
اقتباس:
يعني لازم أسب بلدي وأتخلى عنه 00 وإلا فإني اقبض فلوس كل يرى الناس بعين طبعه 00 فيبدو أنك من النوع الذي لايتكلم إلا بعد أخذ ( المطلوب ) ههههه 00 حنا عيال حمايل تربينا على الدين 00 وحب الوطن 00 وهذا أغلى من القريشات اللي تسب وطنك على شانه 000 |
السعودية إيجابياتها أكثر من سلبياتها ولله الحمد .. بس السلبيات اللي عندنا ترفع الضغط .. فلو حمدنا الله على نعمه العظيمة .. كان تزداد النعم بإذن الله ((إخواني لانفكر في المفقود حتى لاننسى الموجود )) والله يوفقنا لما يحبه ويرضاه |
مازال الثور طليق
تصبح على خير اقول |
اقتباس:
اقتباس:
والله مالجاهل غيرك :d:d اقتباس:
|
الحمدلله على النعمه
|
اقتباس:
لايوجد مجتمع بدون سلبيات لكن لدينا نعمة الأمن والأمان لاتقدر بثمن 000 يعطيك العافيه 00 والحمدلله على كل حال 0 |
ههههههههههههه
اقتباس:
لايقرأ ولا يكتب فيه فرق الله يحفظك بين جاهل و(امي) ولا تدري خل ابسأل اخوي الصغير يرد عليك لعله يفهمك هذا ان وافق بعد يكلم جاهل مثلك ههههههههه قال ايش .. قال أمي قال هههههههههههه |
اقتباس:
000 إذا أنت ماتدري وش تقول كيف تبي غيرك يفهمك ؟ الرضيع هو اللي ينشق 00 يبو نشقه 00 ( بصراحه أنت ورفيقك المنخرش دخولكم للمنتديات ببساطه 00 هو تحريض المواطنين ضد وطنهم !! |
اقتباس:
شكلك عايش بحظيرة حيوانات !! |
اقتباس:
وهل تقارن أشرف الخلق الرسول ( بحثالة ) البشر أنت وبو نشقه !! عموما انا قلت ( أمي ) وانت ( صححت ) خطأي بقولك ( جاهل ) فالحمدلله إعترفت أنك أنت وصاحبك ( جهله ) ! 00 وبعدين أتمنى أخوك الصغير يكون مواطن صالح وليس مثلك 00 مواطن ( ضد ) وطنه ! |
اقتباس:
الحمدلله على النعمه 00 ولاينكرها سوى جاحد |
" موضوع رائع .. ولكنك بالغت.. فنحن شعب لا نستفيد من ثرواتنا.. شوفو كيف الامارات.. والله عجب هالمدينة خياال.. مستفيدين من كل شيئ.. ..مو مثلنا.. ..الله يخلف.. شكرا.. " |
| الساعة الآن +4: 04:20 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.