|
أين اجد هذا الشماغ بارك الله فيكم
http://www.friendsoflight.com/pp/data/502/558.jpg
حست بريده حوووس ولا حصلته رحت للجرده محل محل وللشمال محل محل واللي يبي يقول البس اي شماغ يوفر كلامه الله يجزاه خير هذا الشماغ داخل مزاجي وبقوه فززززعه |
هذا شماغ ( جفنشي ) معروفٌ بتصميمه الفريد , وأخرجت عدة شركات تقليد لهذا الشكل , يقارب سعرهـ الـ 270 ريال . يندر وجودهـ لعدم إقباليته في بريدهـ , يتوفر على حسب معلوماتي , في محلات الجردهـ وبالتحديد إن لم يكن ما زال متواجداً في محل ( حاجتك ) بالجردهـ بجانب محل ( الغيث للساعات ) , شارع الملك فيصل . وستجدهـ بإذن الله هناك لأنني رأيته , وإن لم يتوفر بهذا المحل عليك المرور للمحلات المجاورهـ وكذلك محل ( المديفر ) تجدهـ ثالث محل بنفس الصف . أيضاً حينما تراهـ إسأل عن شماغ ( دنهل ) الجديد . سعرهـ 300 ريال . جداً رائع ويميل للغمق , وأنا أفضل الأكثر غمقاً . أتمنى أنني أفدتك ولك أطيب التحايا .
|
اتوقع عند التويجري او اسياء ... |
شايفه هالأيام عند التويجري
|
بعض الاشمغه تنقطع ما تجي يمكن يكون مثلها والله يعينك |
والله حلو حتى شماغ الشباب صار ت ماركات وي من قدكم اكشخو للبنات والله شي حلو انكم تلبسون ما ركات
|
اقتباس:
عزيزي شاكر لك مساعدتك واذا حصلته ابآخذ لي اثنين او ثلاثه يعلم الله أني في ازمة شماغ .. جربت جيفنشي .. وياليتي ماجربته .. اذا لبست غيره احس اني لابس شرشف دنهل واستخدمته , ماش قماشه يختلف مره عن جيفنشي وماجاز لي .. والبسام غسلتين ويطلع خرقه ولا بريال القـنـت شراع من قوة انه ثقيل .. بروجيه لاتعليق |
اقتباس:
مرّيتهم ولاحصلته شاكر مداخلتكـ |
اقتباس:
هذا التقليد الله يجزاك خير :) شاكر مرورك |
اقتباس:
هذا اللي يقهرك ليش يقطعونه وهو ماشي سوقه !! |
من الأفضل أن تتريّث قليلاً بشراء عدة أشمغه , فقد يتم تنزيل موديل جديد لـ / جفنشي , في موسم قبل العيد .
أيضاً نزل موديل رائع من ماركة ( فرزاتشي ) , جداً رسمي وبدون تكلف في التصميم , سعرهـ 500 ريال . يتوفر في بعض محلات ( مان ديفان ) ورأيته في محل ( مان ديفان ) المتواجد في طريق الرياض القديم بعد دوار الهديه على اليسار المتجه إلى حي الظاحي , بعد صالة البلياردو . ويتواجد لديه عدة ماركات عالميه . لك كل الشكر . |
اقتباس:
أختي الله يجزاك خير الماركات كثيره وليس المقصود المطامر وراء الماركه الفلانيه او العلانيه ... او المقصد الكشخه عند البنات :42 المقصد ان هذا الشماغ شكله جميل وشبابي و يتميز بجودة قماشه ... حتى انه بعد ثلاث او اربع شهور من الكرف لا يتغير لونه ويحافظ على لمعانه .. وجودة قماشه لا تتأثر حتى بعد سنه او اكثر من الاستخدام عكس الانواع الاخرى شهرين بالكثير ويكون حبيس الدولاب شاكر لمرورك .. |
اقتباس:
عزيزي .. مان ديفان اللي بطريق الشاحنات مريته .. وشفت الشماغ ابو 500 :42 هذا لعب ياعزيزي على الناس قطعة قماش ب 500 ريال .. لا ياعزيزي .. وبعد شهر او شهرين تجد هذا الشماغ بنصف القيمه حتى اني تناقشت انا واليماني على سعره , وبينت له ان السعر مبالغ فيه .. حتى ان شكله عادي جدا وحجته يقول انه اول مره يدخل السعوديه :098: وبالأخير وبعد ما أقلقت امه بالنقاش قال لي ... نصيحه لا تشتريه , دور غيره :090: وجاب لي شماغ ثاني على ما اعتقد انه لامبرغيني ب 400 ريال .. لو يعطين اياه بـ 50 ما أخذته عزيزي اذا كنت خابر لي جيفنشي الشكل الاول أباخذ منك خمس حبات .. وبالسعر اللي تبي أتعبتك معي ياعزيزي بارك الله فيك |
دانهيل حلو
بس ثقيل شوي . |
اقتباس:
اخوي دنهل جربته وعليه الثقل شاكر لك مداخلتك |
بالضبط ماعرف لكن هذا من افضل الانواع جفنشي ودنهل ومايفير البسام |
هلا بالغالي
انا قبل يومين شاري فرزاتشي بـ 500 ريال وايضا لامبورقيني بـ 400 ريال لكن الحق يقال فرزاتشي غير الصراحة خامة حلوة وفخم الشماغ |
تحصله عند اسيا فرع فرعه الكبير
خاصه بالاوقات هاذي وبالعشر الاوآخر اذكر العام حصلته عنده بس المقاسات غير متوفره |
أبو نايف
تحصله عند أسيا وسبق ان شفته ونصيحه اخوي مجرب لاتتعدى البسام وتحديداً ماي فير اصاله وعراقه |
عندك الي بلبشر عند الاشاره
اسم المحل اشرني |
اقتباس:
صدقت أخوي هذا افضل الموجود |
اقتباس:
حتى ولو يبقى سعره مبالغ فيه ننتظر الين ينزل سعره حياااااااك |
اقتباس:
كلمت راعي المحل وماقصر كلم لي المندوب والظاهر انه ماراح ينزله مره ثاانيه |
اقتباس:
هلا أخوي أبو غساان اسيا والتويجري والمحلات اللي بالشمال كل ابوهن مريتهن ولا حصلته للأسف :oo وإن شاء الله ابجرب ماي فير شاكر ومقدر |
اقتباس:
والله ياخوي محل أشرني مامريته بصراحه لكن أبمره ان شاء الله الليله حياك ربي |
هذا تبذير فلوس جزاك الله خيرا
|
يارنج روفر
وشرايك بصورة الوليد |
شماغ جفنشي تحصلة عند الربيش الي بالجردة ..!
طيب لو ماتحصلة ماتلبس شماغ :09: , |
اقتباس:
ولا محل بالجرده ماسألته :i121 وشلون لو ما احصل غيره ما البس ؟ مافهمت وش تبي توصل له :) على العموم تحياتي |
أجل تبي هالشماغ
الله يعينك أخي أبو نايف |
اقتباس:
الله يعين الجميع يارب حيااااااااااااااك |
السلام عليكم ورحمه الله وبركاته
اخوي ابو نايف لاتتعب نفسك لاني دورته في كل المحلات حتي اني ذهبت لسوق الجمله بالرياض سوق المعيقليه ولم اجده وحصلت شركات نفس التصميم لاكن ماهو مثل جوده جفنشي. والله يعينك ان شاء الله |
أخي الكريم أبا نايف مثل ما قالوا الإخوة ، خذ لك واحد يشبهه ليس شرطاً أن يكون هو بعينه أسأل الله في هذا الشهر الفضيل أن يجمعني وإياك في دار كرامته إخواناً على سرر متقابلين |
محل فان ديفان بالبشر اتوقع عنده
وشف عن شماغ لامبرغيني وعطني رايك |
اقتباس:
الله اعلم انه خلاص إنقرض لكن يارجال مايبطون وينزلون الجديد حياك الله |
اقتباس:
اللهم آمين يارب الله يجزاك خير على الدعاء وبارك الله فيك |
اقتباس:
محل مان ديفان ماعندهم جفنشي لا مبرغيني سعره ب 400 ريال والحقيقه وانا اخوك إني ماجربته , لكني شفته وقلبته ومافيه ذاك الزود , وحتى علامة الماركه مع وراء مشوهه الشماغ بقوه انصحك لا تقربه |
طارت الدنيا
مالقينا الشماغ اللهم لاتجعل الدنيا اكبر همنا |
حياك الله يابونايف .. الشماغ متوفر لكن .. اصبر شوي وكما هي العادة ينزل جفنشي الجديد قبل العيد بيومين .. انا أخذت مايفير وديسار وأما جفنشي قالوا لي قبل العيد بيوم أو يومين .. وسمعت .. لاحظ سمعت إن فيه مشكلة للشركة وإن السجل التجاري موقّف يعني إن كان الكلام صحيح مافيه شيء قبل العيد .. وإن كنت تبغى الأول لذاته اللي بالصورة أنا من جدة والشماغ متوفر بكثرة وانا جاي قبل العيد بيوم لبريدة إذا تبغاه عطني خبر على الخاص ويشرفني خدمتك . وأما وارد مان ديفان غير معقول إلا إذا كانت صرافتك ذهبيه أو سوداء وقتها ما عندك مشكل .. مع إحترامي لرأي بقايا ذكريات .. وأنا معه بشماغ دنهل . |
أسأل عنه عند حقين الجردة التويجري أو الربيش أو محل ابوصالح
بإذن الله ستجده متوفرا أو على الأقل يخبرونك وين هو به..............وفقك الله |
فيه العضو جفنشي ممكن يفيدك او مر ابو صالح بالجردة شمال سوق الربيع |
الله يعينك والله ملل زي كذا التدووووووير ؟؟..
اسئل مجرب هههه |
السلام عليكم للجميع انا مندوب اشمغه دنهل وجيفنشي في جده وعندنا فروع في الرياض والشرقيه اولا برد على مواضيعكم بالنسبه للي يسالو ليش الشماغ مهو موجود في السوق ويوم ما يمشي سوقه يختفي برد عله واقوله شماغ دنهل وجيفنشي تنزل في ليله 26 وا 27 من رمضان دائما كذا هذا نظام الشركه ومشاء كلها تنباع الين العيد . وبالنسبه للشركه نحن نصنع اربعه انواع من الاشمغه دنهل جيفنشي جينيفا وافنتو .. ممكن افنتو اول مرا تسمعو فيها . لانها جديده وبالنسبه للي يبي اشمغه دنهل او جيفنشي 2011 موجوده حاليا بكميات واللي يبغى الشماغ من اي مدينه يتواصل معايا وانا انسق مع الشركه لتسليمه الشماغ ....
وشكرا لكم جميعا .. |
اقتباس:
هههههههههههههههههههههههههههههههههه هههههههههههههههههههههههههههههههههه صراحه الرد هاذا تنسيم |
جفنشي وبس ...
|
عندي لك فكره إذا ماحصلته اطلب من مواقع النت يوصلون لك لبيتك مثثلنا بالزبط نطلب شنط جيفنشي أو أي ماركه لأن مو ع كل حال تكون موجوده ببريده |
اذا لقيته اولآه علمنا
طيب ننتضرررررك |
يوجد لدي اشمغه جفنشي ودنهل اللي يبي يرسل على الخاص
http://www.buraydahcity.net/vb/showthread.php?t=256435 |
| الساعة الآن +4: 11:30 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.