|
خبر عاجل : تراني مصاب بالعين , والعين حق !
السلام عليكم ورحمة الله وبركاته يازين أجواء الرمضان ياناس , قسم بالله أجواء روحانية لاتوصف ياخي تحس بنفسك إنك تتغير دايركت وليش ماتتغير ؟! وإبليس اللعين وشلّته قاتلهم الله مصفّدين الله يعيذنا منهم قولوا ااااااااامين وصلاة التراويح ياهي ترد الروح وتبهج النفس , ويامسكين ياللي مفرّط ! بس فيه مشكلة لكن لاتخافون مو عويصة وهي تغيّر ريحة الفم من الجوع عاد أسألكم بالله هذي مشكلة ؟ لكن للأسف بعض الناس عندهم إنه أمّ المصائب محدّثكم دحين جالس يكتب موضوعه وقت العصر في سادس أيام الشهرالكريم لو يتنفس بعنف كان يطفى محموله من شين ريحة إثمه بس ماتدرون إن الريحة أطيب عند الله من ريح المسك ( ولخلوف فم الصائم أطيب عند الله من ريح المسك ..) وفيه مشكلة ثانية بس تراها مو عويصة وبنفس الوقت ماهي هينة بعض الناس تشكي من العطش وتروح تنام محاولة الهروب من واقع العطش لا سيّما في أجوائنا الحاضرة قمّة الحرّ , لكن مالك إلا الصبر وأجرك على ربك ترى كل السوالف والنصائح اللي تقراهن عشان أجيب طاري الجو الحار لأن موضوعي يبدأ من مشكلة الأجواء الحارة .. أكبر مشاكلي بالحياة الدنيا وزينتها مقاومة الجو الحار لأني أكره كل اللي قدّامي ونفسيتي تصير زفت والله يلوم اللي يلومن الأكل مايدخل إثمي والشهية مغلقة للصيانة وبحلّ ياحديقة الملك فيصل اللي بالطائف حتى الماء البارد من شدّة الحر ما أشتهيه ( عاد ترانا عطيناك وجه , فيه شي يدخل المخ وفيه شئ مايدخل) ومع مرور الأيام وتعاقب اليالي الطوال ( قمّة الحماس والتشويق) بدأت حالتي تسوء يوما بعد يوم , وكل مازادت الأيام زادت الحالة سوء حتى إن الحالة وصلت معاي إني مالي خلق أقابل أحد من العائلة الكريمة يعني 24 ساعة مسكّر علي بالغرفة لاحنيس ولا ونيس أدري إن بعضكم يقول ياخي إدخل المنتدى ووسع صدرك ( يالقفكم) بس قلت ماعندي إستعداد أدخل وأشوف نقاشات سخيفة من بعض الاعضاء لأن اللي عندي يكفي ويوفي وماني ناقص تعكير مزاج في هذه الحالة العصيبة طلّعت نفسي من غرفتي من الهم والغم والجبن والبخل لأني من زود الحالة اللي بي كرهت حتّى نفسي ! وجلست بالغرفة بدون نفسي ( يالله إنّك تلطف بحاله , قووولوا ااااامين) وكل ماجاء الوالد يطق علي الباب , أقوله ( الله أكبر ) ويفهمها ويروووووح وإذا جاء أخوي يقولي : وش فيك ياخوي ؟ أقوله : هنقلع بس وإذا جاء لمّي أحد الأخوات أسوي نفسي نايم عاد مرّة من المرّاة جت لمّي أمي فاطمة وطقّت علي الباب يوم سمعت صوتها مدري وش أقول من الروعة عاد قلت : الله أكبر , قالت : أبجلس عند الباب لمى تخلّص من الصلاة وهذا اللي ماحسبنا حسابه , جلست فترة بسيطة أبيها تمل وتروح لغرفتها لعلّه ماراحت وكل شوي أسمعها تتنحنح ( يعني تراك طولتها وهي قصيرة ) عاد كسرت خاطري وفتحت له الباب , وعلى طول دخلت غرفتي تبي تشوف وش اللي مخلّين جالس بالغرفة 24 ساعة ( تفكير عجايز) يوم شافت مافيه شي , قالت : ويحك ( لو تقول ويحك كان يطيحن الضرسين اللي فرحة بهن) قالت : ياوليدي لك كم يوم وأنت متغيّر علينا , أنت تشكي من شي ؟ وإلا تحب لك بنيّة ؟! قلت : ما أشكي من شئ ولله الحمد , والحبّ مخلّينه لقيس قالت : أجل بما إن الضيقة اللي بك بدون سبب , فأكيد إنه عين صابتك ! قلت : عين مرّة وحدة ياميمتي ؟!, قالت : عيال الحرام ماهنا أكثر منهم قلت : ياميمتي إحسبيهم بالكيف وليس بالكم , قالت : إن كان تبي رضاي رح للمطوّع يقرا عليك قلت : ياميمتي شايفتني مهبووووووووول , ونا ماودّي أروح لأحد يقرأ علي , تدرون ليش ؟ لأني في حالتين أتمنى الدنيا تبلعن وأكون نسيا منسيّا ! الحالة الأولى : إذا قرّب الشيخ خشّته عشان ينفخ عليك الحالة الثانية : إذا جاء الحلّاق يحدّد الشنب ( وخذ شهيق وزفير اللهم صلّي على محمد ) يوم شافوا الأهل إنه مستحيل أروح للمطوّع , جابوا لي ماء زمزم من عند الشيخ اللي يقرا وجلست فترة ونا أشرب من ماء زمزم وعلى الله يوم من الأيام رحت لعمتي منيرة بعد صلاة المغرب , ويوم دخلت عليها وسلّمت وجلست قالت : وش بك ياولد أخوي , وجهك مهب عاجبن ! تقل عاضّن ليمونة قلت : والله ياعمّتي من قلّ النوم لأن بي أرق غريب هاليومين قالت : اتصلت علي أمك فاطمة وتقول إن به عين ( نسوان + تلفون + فراغ = أمّ المصائب) قلت : والله ياعميمتي إني ما أدري وش بي قالت : لاتقول عين , لأن العين ماوالله توطوط عندك , لاجمال ولا مستقبل , وش عليه يحسدونك الناس ؟( قمة التحطيم) واشرب بيالتي وللبيت من عقب التحطيم ويوم جاء وقت النوم وأجلس أفكّر بكلام عمّتي لأن معها حق بصراحة بس جلست أفكّر وأقول لا يصير يوم كنت مسافر اخذ لغة وضربت بوبي بالشامبو لايكون عملوا لي عملة سوداء ( وراحت الليلة كلها هوجاس وظنون ) خلاصة الكلام : مو كل شئ يجيك قلت عين , لو تصدم بسيارتك قلت عين! أنا لا أستهين بالعين , وكلنا نؤمن بالعين , والعين حق , ولكن المؤمن مبتلى إيّاك والوساوس الشيطانية التي غالبا تأتيك وقت المنام , فكن على حذر وكن أيضا على يقين بأنّ ما أخطأك لم يكن ليصيبك , وأنّ ما أصابك لم يكن ليخطئك ! ولا تنسى قراءة الأذكار صبح مساء فهي التي ستحفظك من شر كلّ ذي شر بعد مشيئة الله همسة : القصة من نسج الخيال , ولا تمت لواقعي بأية صلة أرق التحايا والتقدير مجنوووون بريدة |
وانا متحمسه واخرته من نسج الخيال خيالك ماشاء الله واسع كثرلنا من هالسوالف ولاتنسى تدخل عمتك منيره بالقصه |
وانا متحمس احسبه صدز ..اثره خيال هع...بس والله خياالك واسع
يسلمووو |
تمنيت أن أقرأ في ردودكم نقاش يثري الموضوع !
شكرا للجميع |
بعد قراءتي للموضوع ثبت لي إنك عاقل هههههه
تحياتي 00 والعين حق 00 والله يكفينا وياك وكل مسلم شر كل حاسد وحاقد وكل عين 0 |
ههههههههههه الحمد لله اجل مابك الا العافيه ,, طريقه حلوه في ايصال المعلومه او النصيحه ... |
الحمد لله ع سلامتك من العين وفكك الله من المطوع اذا جاء ينفخ عليك .. العين حق .. والرسول عليه الصلاة والسلام اصابتة العين .. بالحرص على الاذكار في الصباح والمساء صحيح انها تكون كا الدرع الواقي للأنسان ولكن هذا الدرع يضعف 1\ بالغضب لذا من غضب عليه ان يذكر الله ويستعيذ بالله من الشيطان الرجيم ويحاول قدر المستطاع ان يعود ويحصن نفسه من جديد . أيضاً 2\ عند سماع الاغاني أو مزامير الشيطان بهذا يضعف الدرع الذي صنعته لنفسك لذا تكثر الاصابه بالعين والحسد والسحر في الاعراس التي تقام لياليها على المعازف او العزائم التي يصاحبها اغاني (( dg)) وغيرهاا .. ولكن المرض الاهم الذي ليس له علاج لا بالطب الحديث ولا بالرقيه الشرعيه هو الوهمعندما يعتقد البعض انه مصابا بالعين او السحر وان هذه العين قويه او هذا السحر من فعل ساحر كائد ذو خبره فيستسلم للمرض الذي صنعه لنفسه ويموت من تعب لم يزره يوماً .. وأيضاً لمن أصاب بعين او سحر وهما مصيبتان لا احد ينكرهما عليه ان يصبر ويحتسب وأن لا يستسلم .. وأن لا يجعل روحه وجسده لعبة بين يدي شياطين ألإنس والجن وعليه بقرأة القران والمداومة بسماع صورة البقرة .. على الرغم من ان قصتك تحمل سخرية القدر إلا أن الرد عليها يطول ويجول>> ماودي ازعجكم أعتذر للإطالة أخي الفاضل لك مني كل أحترام وتقدير .. |
اما عين يصلحلك مسلسل شر النفوس
|
وش الكتب هذا مصار موضوع
|
اعييناتي راااحت من الشاشه والقرايه والتحمس طق بي عرق واخرته نسج خيااااااااال:eek5 |
اقتباس:
آخي مجنون / إيصالك للمعلومه بهذه الطريقة مجنوووووونه كإسمك تماماً .. |
والله يأخ مجنون بريده انك تكلمت بموضوع مره مضايقني...
وهو موضوع العين ماقانا شي العين حق بس مو اننا نخاف بها الشكل ويقل توكلنا على الله وخصوصا عند نا ببريده بشكل مررره يضايق كل شي يخبونه ويزرعون بعيالهم الخوف من العين بشكل مو طبيعي. واما بنعمت ربك فحدث:077: |
اقتباس:
:072::072::072::072::072::073::073::073::073: |
يمكن بك عين على ها الخيال الواسع واحد يوسوس عموما يسلمووووووووو
|
القصة رائعة ... كوميدياااااااا بس حلوة
انا معك بعض الناس كل شي عندهم عين .. نفس !!! اذا مالقو حل للمشاكل .. اذا تعبوا اذا كحوا اذا فقرو اذا تهاوشو قالو عين !!! وعلى فكرة العين ماتتصيب الا الموسوس لأنه يقرا الورد ويحرص بس مايوقن ويؤمن .. ودايم الناس اللي تتكلم عن نفسها ولاتجحد(متعوب عليها تجحد ) تلقاهم ماشالله عايشين ماعليهم لأنهم مؤمنين وموقنين .. |
أحب أحييك يامجنون بريده ع الخيال الواسع اللي من خلاله
تشد انتباه القراء وتوصل لهم المعلومه أنا اقترح أنك تكون دختور في طرق التدريس وتراي متابع لكل قصصك اللي من نسج الخيال وأنتظر جديدك |
اقتباس:
|
حراررررررررررررررررررم عليك ياخوي قسم بالله اني صدقت قلت وش جاه ذا حط الحره بامه بغيت اجيبلك موضوع خاص عن بر الوالدين لكن الحمدالله انها خياااااااااااااااااال
اما سالفة العين طاحوبها بعض الناس كثير طيحه لو يصير بك حراره قالوا عين مع اني لاانكرها والعين حق وفيه من ابتلي بها لكن لاتصل الى هذا الحد من التهويل ربي اعطانا اذكار وطرق شريعه تكفي من شر العين والسحر منها الورد اليومي المعروف ومن الوسائل يالله من فضلك 7تمرات الصبح فستبقى بحفظ الرحمن |
اقتباس:
تحياتي |
في هذا الزمان كثر العري والغنا والفتن وقل ذكر الله في المجالس لااله الا الله ماشاء الله تبارك الله خيال مدهش وقصه تحكي نوعا من الواقع شكرالك .. .. |
أخوي عزوزتي
من جن بالحب فهو عاقل , ومن جن بغيره فهو مجنون لحد يفهمن غلط تراني أحب بريدة ااااااااامين الله يكفي الجميع شر العين |
لمااااااااااار
أبشرك ما أوجس إلا كل خير من رب كريم وأتمنى الفائدة للجميع |
مغرورة بس مانب مغرورة
كلامك جميل ولا يختلف عليه عاقلان ولكن أتمنى توضيح ماكتب أدناه على الرغم من ان قصتك تحمل سخرية القدر |
أبو علي
لانؤمن بالتفاهات لاشر النفوس ولا غيره شكرا على مرورك |
[quote=ارا3993;1712220]وش الكتب هذا مصار موضوع[/quot
أتمنى أحد يتبرع لوجه الله ويترجملي :087: |
قوية بأس
لايهم , سواء نسج خيال أو واقع ملموس المهم الفائدة |
متفائلة
أبسوي نفسي ماقريت الكلام المظلل ولكن سلميلي على العمة متى ماشفتيه لأني حرّمت أشوفه |
الهلى والباقي ماتغير
المهم قراءة الورد بتيّقن وكوني واثقة بأن ما أصابك لم يكن ليخطئك |
اقتباس:
يسلموووووووووووووووووووووووووووووووو |
بودرة نونو
قل لن يصيبنا إلا ماكتب الله لنا |
999
ولا يهمك أصير دختور لعيونك , بالدراهم تصير أحسن دختور بالعالم متابعتك لمواضيعي شرف لي شكرا لك |
قليل الدسم
اااااااااامين وعقبال ما أصير ولدك بس لازم تعرس قبل شكلك مالك خلق النسوان من خلال ردك |
ريا
الله يكفينا شر الرياء نسج الخيال ينتج عنه فوائد جمّة وننتظر موضوعك بفارغ الصبر لما له من أهمية |
خالتنا هايين
بالفعل من حفظ الله فإنه حتما سيحفظه من شر حاسد إذا حسد شكرا لك |
على الرغم من ان قصتك تحمل سخرية القدر إلا أن الرد عليها يطول ويجول>> ماودي ازعجكم .. القصة التي كتبتها من نسج الخيال هي حال بعض من الناس وبنسبة كبيره انت كتبتها بأسلوب فكاهي وهي حقا تحصل في كثير من البيوت لذا قصتك تحمل السخريه من حال الكثير الذين يعيشون على الوهم ولوم سؤ الحال بالعين والسحر .. اتمنى ان تكون قد وصلت المعلومه لك مني كل إحترام |
ودي أذبحك << حمق بالحييييل عليك
|
اقتباس:
صحيح نسج الخيال ينتج عنه فوائد لكن كنت اتمنى انه يخلو من الفاظ السخريه لان بعض الناس ماصدقوا يناقل شيء عن الحريم علشان ينتقمون شكرا لك بس المنتدى ماتطرق لها الموضوع لاني ماحب اكرر |
... الله يقطع بليسكـ متحمس ومتشوق وآخرته ,, آه آه آه الله يستر عليكـ ... |
مغرورة : لست أنا من يسخر من الأخرين , ووصلت المعلومة بحفظ الله ورعايته
ماركو : ماذا دهاك ؟ أتمنى لك الفائدة ريّا : كنت أتمنى وضع الشدّة فوق الياء ليتضح المعنى , ولم أسخر ولن أسخر نقل للواقع لا أقل ولا أكثر برهووووم : الله يقطع بليسي وبليسك اللي مصفّدين , المهم الفائدة حتى لو كانت من نسج الخيال شكرا للجميع على مروركم الكريم |
| الساعة الآن +4: 12:50 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.