|
الأتصالات السعودية (وانتم بكرامه) فرع الشمال .. مهزله مابعدها مهزلة (صور)
السلام عليكم ورحمة الله وبركاته
صباحكم / مسائكم عسل اليوم حصل موقف غريب بعض الشي ,, ففي صباح هذا اليوم وكما هو معروف الانترنت عندي ,, عطلان من 3 رمضان والأتصالات (كل يوم ياحمد بكرا) وكل يوم رفع بلاغ وطلب فني .. لكن ماحولك احد ولا حياة من تنادي على العموم أنا ماراح أقص لكم مأساتي لهذه الفتره ال 20 يوم بلا راحه وحياة أصعب ذهبت وشريت بطاقة موبايلي كونكت ولكن للٍف البرج بعيد عن جداً ولا يدعم 3G وكل هذه 20 يوم كنت أحاول بطريقة أو بخرى لإرجاع الانترنت لكن الصباح ,, حدث أمر غريب وغير متوقع فكيت جوالي طلعت شريحتي .. وهي من الاتصالات السعودية .. وأنتم بكرامه دخلتها بالكونكت طلع طيارة يدعم 3G وبسرعه أنقز لم الأتصالات السعودية وانتم بكرامه وكل من يقرأ ذهبت لفرع الشمال اللي بجانب جرير http://www.gmrup.com/out.php/i288569_01.jpg ذهبت وشفت مهازل وصلت مع أفتتاحهم الساعه 10 إنتظرنا انا والمراجعين حتى 10:15 دقيقه دخل الموضف الأول وطلع فوق (طبعاً الدور العلوي إيقاله للمؤسسات والدوائر) بس ماحولك أحد دخل الموظف الثاني.. مبرووووووووك أخذت رقم من الاله وجلست .. شوي ويناديني الاستقبال ,, وكأنه يهوش علي :d ==>> والله طلعنا حشرات بآخر عمرنا قال المكينه خربانه خذ رقم من عندي أنا أستلمت رقم من عنده وانتظرت ,, مملت من الجلوس والانتظار واللخبطة الي صايرة أنا أقولكم وش اللخبطة ,, أولاً / المكينه خربانه وعشوائية الدعوا والمشكلة حاطين عداد فوق كل كاونتر على الفاضي أنا طلبت شريحة برود باند قالي الاستقبال عب نموذج ولا عنده قلم للأسف نتناوب على قلم ناشف واحد للأسف الشديد :d جاء واحد بعدي وسحب من المكينه العطلانه وانا أنبه الناس انها خربانه صرت موظف عندهم الله يخلف يعني لو واحد سحب رقم غلط ,, خلوا يرعى مالقوله بال (مثلي) الشاهد انتظرت 30 دقيقه ,, والرقم مامشى رحت أسأل الاستقبال قالي ,, وش تبي؟ قلت ابي برود باند قال عب النموذج قلت معبيه خذ ,, أخذه مني وقالي وش اسمك :d انا لو أدري وش خانت النموذج اللي عطيته :d قال وش الخدمه اللي تبيها قلت ياخوي كل شي بالنموذج رد علي وقال طيب و الباقه ..؟ :d دلخ نمرة واستماره قالي 75 ريال.. عطيته البطاقه قال خربانه الصرافه رح لصرافه البلاد لاحول ولاقوة رحنا لصرافه البلاد قلتله طيب اشحنها ب100 قال خربان الشاحن رح للبقاله واشحن :d قلت للموظف .. ليش ماتفتحون فرع بنشر.. ولا سمكره .. كلشي عطلان عندكم سويت اللي يبي وانتظر 30 دقيقه ثانيه واشوف الرقم مايتغير رحت للموضف وقالي رقمك غلط خذ رقم جديد :i121 قلت يعني أبدأ من جديد ؟ :i121 قال الشكوى لله رحت أبكلم احد وأشوف هاك اللوحة الرائعة http://www.gmrup.com/out.php/i288571_03.jpg هذا رقم الشكاوي وانتم بكرامه دوامهم من 10 الصباح حتى 4 العصر وطول هذه المدة مشغوووووووووول ياليت وانت تقرأ الموضوع دق على 8002444455 أتحدى أي شخص يقولي انه رد علي ولا على الأقل مسك الخط معاه انا مره دقيت ورن استغربت واثرنا الخميس :d الخميس والجمعه إجازة هذولا يبي من يشكيهم حقين الشكوى من تاريخ 5 رمضان وحتى هذه اللحظة وانا أتصل على الرقم يومين في ايام الأسبوع ومشغووووووووووووووووووووووووووووول ارستل فاكس وارسلت ايميل ماحولك أحد ,, الشاهد ماعلينا شفت اللوحة وازدادت حقد :eek5 رحت داخل ابي أكلم موظف او مسؤول شوفوا للأسف وش شفت http://www.gmrup.com/out.php/i288570_02.jpg هذا مكتب عملاء التميز .. أعزكم الله ,, فاضي من يوم جيت حتى طلعت مافيه أحد وأنا إيقالي من أحد عملاء التميز للأسف رحت للموظف ابكلمه واشوف عنده زحمه هوشات :d ==>> ايقالي جاين أبهوش مادريت ان قضيتي تهون عندهم :d من ضمن الهوشات اللي سمعت الأول/ شريحتي مطلعها من اسبوع .. ولم يتم تفعيلها ,, ليش وش اسوي مليت الثاني/ طلعت شريحي من يومين وتفعلت لكنها استقبال فقط :d وش الحل؟ الثالث/ انا من شركة الفلان .. مهزله تصير فوق في كاونتر 8 وكل يخطم على الثاني الرابع/ ياخوي ليش هالتأخير ,, 8 مكاتب وكاونترات مافيه فقط إلا مظف تحت وموظف فوق فقط ؟ ليش؟ طبعاً نا سحبت نفسي وخطمت على طول على بعض الشباب لأني شفت الدعوى خطم وخطيم وقلت للموضف ابي برود باند قال لحظة ودخل المخزن يبحث ويدور فلان وين شرايح برود باند خلصن لا باقي وحده وصارت من نصيبي الله يخلف على هالشركة .. لما جيت أستفسر عن طريقة التفعيل وزي كذا قال الموظف أسأل الاستقبال وقام بسرعه ==>>> شكله حسران :d شوي ويرجع وقالي افتح الكرتون واقرأ التعليمات كل شي واضح خلاص توكل على الله يعني بالعربي مهب فاضي يعلمني الطريقة آآخ بس لكن المثل يقول إذا كانت حاجتك عن الكلب .. قله ياسيدي مقوله رائعة يُقال أن اليهود أنقسمت إلى قسمين القسم الأول/ بنوا قريضة القسم الثاني/ الأتصالات السعودية (وأنتم بكرامه):i121 |
هههههههههه المنخرش وسع صدرك هههههههههههههههه والله اني اضحك اتخيلك وانت تكتب هخهههههههههه معصصصب وسع صدرك ياخوي وتراك صايم ياخي فاشلين فاشلين هالشركات حسبي الله عليهم الله يعينك ويحقق لك امنياتك |
الاتصالات السعودية وصمة عار علينا و على المملكة العربية السعودية .. |
* ههههههههههههههههههههههههههههه بشر ساره اتصلت على رقم الشكاوي 8002444455 ورد وبدى يهررج الرد الالي ويقوول الخميس والجمعة مابش دوام والدوام من الساعة 10 الى 4 عصرا والله معاناة حبيبي شف الحين لاترووح لأي مكاان الا معاااك وااسطه قسم بالله وانت جالس ببيتكم تجيب اللي تبيه تصدق الدي اس ال مشترك عن طريق واااحد اعرفه بالشركة بدون اتصال وخرابيط والحين به رقم ممتحنن امتحان كل شوي يتصل ويقفل وجبت اسم امه على طريق الواسطه يعني خل شغلك واسطه والله رااحـه ,,, ولاذيك المرره رحت بودع فلووس والصرفات كلها خربانه كل فرع يقول لثاني انا اشين منك وطلعت فوق لم المكاتب وقالي تفضل خذ رقم واشووف وااحد شايفهـ مره قلت ياخي انا شايفك قال انا بعد مير قال وش اسمك واقووله ويقعد يسئل تعرف فلان تعرف فلان قلت ايه قال سلمن عليه وش تبي امر قلت تسذا وتسذا ودبرن ولاجلست 10 دقايق وانا طالع اضحك قلت ابن الذينا عشاانه يعرفه بس خل شغلك واسطه والله يعين .... |
أبو فهد
أي شركه تلقا باسمه ( السعوديه ) إعرف إنه فاااشله شركه الكهرباء ( السعويه ) شركه الاتصالات ( السعوديه ) الخطوط الجويه السعوديه ( السعوديه ) وسع صدرك وقل لاإله إلا الله لي عودة عقب قراءة الموضوع :d |
قرأت بداية موضوعكـ ومللت بكل أسف فأنا لاأحب الاطالة في المنتديات فهي ليست كتباً كل الشكر لك |
حياااااااااااة صعبة والله يعييييييييييييييييييينكــ ..,, |
الله يعزشركة موبايلي
الله يعزشركة موبايلي شركة الاتصالات حرامية الحمدلله لي اربع سنوات وانا من عملاء موبايلي |
مقوله رائعة
يُقال أن اليهود أنقسمت إلى قسمين القسم الأول/ بنوا قريضة القسم الثاني/ الأتصالات السعودية (وأنتم بكرامه) المـنخرش اخرشهم و تراكـ على أجر ..! :41 ياحبيلك دبتسه وأنت صايم كله علشان هالبليه الإنترنت ! ولا علشان بريدة ستي ؟ :d دمت بحب |
ههههههههههههههه أنواع المعاناة يابوفهد..
الله يعينك ويصبرك على شركة الحرامية السعوديه.. تعيش موبايلي :d.. |
- أي شركه تلقا باسمه ( السعوديه ) إعرف إنه فاااشله
- شركه الكهرباء ( السعويه ) - شركه الاتصالات ( السعوديه ) - الخطوط الجويه السعوديه ( السعوديه ) - وسع صدرك وقل لاإله إلا الله |
لاتغلطون عليهم وانا موجود
|
الله لا يلومك............
|
الله يعينك
لاكن حلوه المقوله :) اليهود انقسموا قسمين ههههههههههه اصبر وادع عليهم ان الله يزيلهم تعيش موبايلي تعيش تعيش تعيش :) |
بس ممكن سؤال محيرني
ليه كاتبن بريده رضي الله عنه لو مافيها كلافه لاتجاوب تحياتي سديــــــــــــم |
انا طلعت شريحة برودباند ما اخذت معي الا نص ساعة بس بس نص ساعة.
لكن المعاملة ما يحتاج قمة في الإساءة وسوء التعامل كأنهم يوزعون بلاش. لا و الطاولة حقت كونتر الاستقبال تحوم التسبد كأنه طاولة بقالة له عشرين سنه . وكراسي الانتظار ما يحتاج كأنهن كراسي محطة لا لا كراس المحطة أزين. والبرشورات محلته على الطاولة مابش احد يرتبهن. والتكييف شين. الواحد يجلس منطالع ابرد له واذا جاء رقمه يدخل .احسن له. وشكرا يا شركة الامتصاصات السعودية |
ضايق الصدر
الشكوى لله يالغالي ذبحونا ,, بعذري لو عصبت المشكلة فاتورة الشهر هذا تبي تطلع وانا ابتم شهر ماستفدنا من الخدمة للأسف الشديد لكن حسبي الله عليهم الـصـمـصـام هلابيك حبيب البي والله صدقت يالغالي قليل الدسم هبلتن احسبه فعلاً ردوا عليك:d حلم ابليس بالجنه أنا عني 3 واسطات من النوع الثقيل ياقلبي يقولي انه فيه بالرياض مسؤولين كبارين جداً انقطع عنهم النت يومين وش عاد انت يالمواطن التافه :d الحين الاتصالات ماتعترف بالواسطات ههههههههه برنس بريدهـ أنا كد حطيت موضوع عن هالثلاث شركات للأسف الشديد كلها فاشلة الله يخلف ------------------------ أزودكم من الشعر بيت اليوم حصلي موقف أخر اكتشفته بعد ان من الله علي وانفتح النت بسرعه دخلت للفواتير ابشوف وش أنا عليه لقيت الآتي أنا أرسلت إلى 120 شخص في جوالي يعني تحديد دفعه واحده لما دخلت على الموقع خدماتي واشوف تفاصيل الفواتير .. شوفو .. http://k4shcool.com/uploads/images/k4e876c020be.jpg يعني ,, كل رقم تكرر 3 او 4 او 5 او 6 مرات هذي صفحة واحده مليت وانا افتش واشوف التكرار اتصلت على الموضف ورد علي بعد 13 دقيقه قال إذا ماتم ارسالها ورجعت لصندوقك ثم ارسلت آجل يتم حسابها مرتين لو رجعت 10 مرات يحسب عليك 10 رسايل لا وأزيدكم من الشعر بت اتصلت على 6 من الشباب اللي ارسلتلهم الرسايل قالوا ماوصلنا شي كلهم وانا متأكد ومكررات ارقامهم بالفاتوره مع ذلك لم تصلهم ,, يعني شي يقهر والله :d ====>>> بديت أضحك من القهر :d يالله خلنا نروح نروق ونشرب شاهي ونرتاح شوي :d |
كلامك للاسف انه صحيح عن شركه سعوديه وقويه ولكن غلطت عندما نسبتهم باليهود الله يهديك لو اكتفين بحسبي الله ونعم الوكيل لكان افضل |
ههههههههههههههــ
ولله شي يقهر.. وسع صدرك.. تقبل مروري^^ |
وش نســـوي عندك وعندنا خيـــر
بس مانقول الا ياسبيل الخيـــر .. |
هههههههههههههههههه يابعد تسبدي يابو فهد انت تسن جيت لمي افزع لك << مع اني ما اعرف احد بس رحمتك :d الا جوالي قايلهم افصلوه والحين له فوق الشهر كل يوم هواش انا وياهم |
, , , هههههههههههههههههههههههه معاناة حقيقية ياراقل خذ لك برود باند من موبايلي أحسن دقيت على 8002444455 ويرد الآلي ويقعد يخرط شوي أثرنا الساعة 10 باليل :d اقتباس:
هههههههههههههههههههههههههههههههه :d:d:d:d:d:d:d:d:d:d:d:d:d:d الله يعينك : 12 , , , |
أحلى شي المقوله
|
فعلا شركة stc : :42:42:(
لكن يقولون (مالك إلا خشمك لو هو عوج ) يعني موبايلي رغم تميزها في الخدمات وكذلك المعاملة والأجمل التوفير إلا أنها للأسف مازالت تعاني من مشكلة الأبراج ، وخصوصا شبكة الجيل الثالث ... أنا شريت كونكت موبايلي لكن ما استخدمته ولا يوم لضعف الشبكة مع العلم إني في وسط بريدة وبحنبنا البرج بس شكله مهب جيل ثالث ... قلت ( مالك إلا خشمك لو هو عوج ) |
فتى حائل
أجل تنح الله لايهينك :d جناح عصفور لاتمدحهم ياخي تراه مديحه قوية لهم كلامك ابوحسون والله صدقت وإن شاء الله يبي يهدينا الله ونرجع لموبايلي مع اني من عملائهم .. لكن ابتلانا الله بهالاتصالات القبعة لا والله ياقلبي بس عندي اعمال وايميلات بالنت والنت صار شي ضروري ياقلبي ولا بريدة ستي هو نفسي أصلاً :d الصباخ راجعينلكم يا أحبابي الكاشف"2009" والله صدقت يالغالي حسبي الله عليهم |
الله يكون بعونك يابوفهد :113: !
قضينا من شركة الكهرب جت شركة الاتصالات :113: ! مطولك يالليل !!! |
هههههههههههههههههههههههه
اجل وش اقول انا كل ماعبيت رصيد 100 يصفالي 20 مع اني داقه عليهم وقلت امسحوا كل الخدماااااااااااات مابي ولا خدمه بس الشكوى لله بس هذا من غير النت اللي طلع لي قرووون كل يوم صاير له انفلونزا < متأثرة (^_^) معليش خيوو اصبر لين تطلع شركه ثانية ههههههههههههههههه |
الله يعينك على الزبالة ولك وللجميع الكرامة .. أبشرك انا هجرتهم إلى موبايلي علم من إحتيالي ..؟ لكنهم أفضل منهم بكثير ..!!! |
للمعلومية
عدد الموضفين في شركة الاتصالات السعودية يبلغ عددهم 35 الف تقريبا عدد موضفين شركة موبايلي يبلغ عددهم 5 الاف ! وشف الفرق بين الشركتين موبايلي 5 الاف وخدماتهم واغلب الخدمات عنده بالمجان والدعم الفني يرد بسرعة مب مثل هالاتصالات السعودية |~ STC >>> حياة جزمة http://www.sh-14.com/up//uploads/ima...8ccaadbc3e.jpg |
انتقد كما شئت .. حق مشروع طالب بحقك.. كذلك مشروع لكن أن تصفهم : بالكلب ، اليهود ، آنتم بكرامة ، اجلكم الله .. هذا اللذي لا يسمح به لا شرع ولا عرف ولا نظام . عزيزي أتق الله فأنت محاسب. |
هذي شركة الأختلاساااات اللي همها الإنفصااالات ،، لعلي سأنضم إلى موباايلي نتيجـــة مدح الراااعي الإعلامي هنا (الصباخ ) : )
شكرا ياالمنخرش |
اقتباس:
مااا يجوز تقول عنهم يهوود مهمااا كاان :eek5 |
قربت نهايتهم ....
|
[color="red"]يمكن طريقت اسلويك في المحادثه دمار قالو خله يتعلم الاسلوب 0[/color]
شركة الاتصالاة السعوديه ممتازه جدا ومعامله رائعه وسرعه في الانجاز بارك الله فيهم 0 |
اقتباس:
... اقوول صبااح الخير اخوووي ,, منين لهم الامتياز والمعااملة الرائعة وسرعة في الانجااز بعد واااويلي كل ذولي بالشركة الخايسة ذي اولااه لو تصير لكـ مشكلة عندهم ,, انا ماااتفائل عليكـ بالشر لاكن ابغاكـ تشوف لامتياز << على قولكـ طبعآآ شكرآآ ... |
ههههه الله يقطع بليسك يالمنخرش فعلاً قصـه مؤثرة :061: إلا يالمنخرش ماجربت تكتب روايـه أحس أنك راح تكون مبدع فيها << ولا حرف :d |
اقتباس:
الله يصبرنا لين ماتجي شركة خط ثابت ونلغي شي اسمه شركة احتيالات سعوديه !! |
((شركة الأختلاس )) يازين (( زيـــــــــــــن )) وبس |
اقتباس:
صراحه انك خوفتنا الله يعينك يابوفهد |
ابهج صراحتن مستحقريين اعيال الكلب
|
| الساعة الآن +4: 01:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.