|
4 أشياء هذا ما شفت بالنخيل بلازا وين الحكير عن الموضوع
أذهب بأهلي للنخيل بلازا دايم لكني مستغرب على ادارته أشياء بنفسي ودي أقوله
1 سألت واحد من الي يبيعون بالمحلات وقلت له ورى المحل الي بجنبكم قفل مع ان بضاعة زانه وقال لي ادارة السوق بالرياض قفله وفتح محل تابع للحكير وقلت بنفسي الأول أحين من هذا ولا فرق شوي واستغربت هذا الاسلوب مع المحلات وقلت للموظف يمكن ما سدد الايجار وقفوا محله قال لا دولا شركة مش فرد اترك التعليق لكم أو ادارة ترد علي هو صحيح والا لا 2 أشوف بنقالية نسخة أصلية للي بالعثيم وذكرتهم بموضوعي الأول ورافعين الأسعار بعربات الاطفال يأجرونه ب15ريال يعني تصور إنك تستاجر كورلا من محلات سيارات 24ساعة تطلع الساعة ب2.5 ولا ولك 100كلم مجانا أو تستأجر عربة من البنقالية الساعة ب15ريال كذا أنا أحسبه مهيب المسألة حسد لكن أنا أعرف إن كفيلهم مأجرهم العربات وهم يأجرون باسعار طمع ولوكانت الساعة ب5ريال معقوله وإلا وش رأيكم 3 دورات المياه ما فيها نظافة الي بمصلى الرجال والنساء والنساء اهلي يسبونه وبعد مكان القياس للحريم الي جنب المطاعم ضيق ووسخ وما فيه عناية وبعد دورات المياه الي بالملاهي ادخلوه واحكمو بيبانه رفيعه ويستحي احد يدخله وفوق على هذا وسخه ولا يوفرون الصابون به 4 طمع الحكير الدخول على الملاهي الي برى أول كانت ببلاش والحين بفلوس ب 3ريال للنفر طيب لاه الطمع هذا والملاهي بفلوس والخدمات ما فيه ما طرحت الموضوع الا ابغى الحكير ينتبه لهذا الأمور علشان ما يفقد سوقه وسمعته وعلشان بريده تحي ولا تمووت وياحول الي ما له بريده ومع السلامةضو |
طمع الحكير الدخول على الملاهي الي برى أول كانت ببلاش والحين بفلوس ب 3ريال للنفر طيب لاه الطمع هذا والملاهي بفلوس والخدمات ما فيه
والله من الطمع عندك وش دخلكى فيه والله هذا رزقه والله من الحسد فى اهل 00000 |
3 دورات المياه ما فيها نظافة الي بمصلى الرجال والنساء والنساء اهلي يسبونه وبعد مكان القياس للحريم الي جنب المطاعم ضيق ووسخ وما فيه عناية..
صراااحه الدورات المياه الي باالداخل نظيفه بالمرره حتى كل دورة ميااه فيه خدامتين ينظفوونه وخاصه الي عنددالمطاعم فيه اكثرر من 3 خدامااات...!! وش تبوون اكثرر من كذاا |
وش الموضوع هذا الحمد لله اني معمري رحة الاماكن هذي
|
اقتباس:
شكلك والله العالم اول مرة تروح مجمعات! بالنسبة لرقم 2.. احمد ربك.. اول مافتح النخيل كانو ياجرونها بـ30 ريال للساعة وترا هالعربات تبع الحكير نفسه بالنسبة لـ4 تدري ان الحكير لاند حقت الرياض دخولها ب 57 ريال.. وحقت بريدة بـ3 ريال فقط؟؟ صح انه فرق كبير بين الثنتين.. بس الفرق الكبير بالفلوس بعد نصيحة ياناس خلو الحسد.. خليتو التجار يهجون عن القصيم بحسدكم مرة حسد على د.الحبيب ومرة الحكير ومره الراجحي ومشاريعه وحتى ((العثيم)) اللي هو ولد بريدة ما سلم من الحسد بعد؟؟ ارحمونا ياناس |
انا وش دخلي كاتب رقم 4
|
والله انا يمكن لي خمس سنين ماطبيت النخيل { واللي مايعرفك مايثمنك }
تحياتي |
انا مع دموع العالمي الله يجعل الدخول بخمسمية ريال محد جرك مع اذنك انت وأهلك تقول مافيه خدمات نجي معك كلنا بس تقول طمع نقولك هنا وقف هذا راعي محل وبكيفه هو ماعنده مستودع ويبيع عليك الرز ب800 عنده ملاهي يعني شيء شبه ثانوي .. أرجو إنتقاء الكلمات ياجماعة سبق وكتبت عن موضوع أن حنا حقين بريدة وأنا أولكم الحسد الحسد الحسد وتذكرواا إن الله يرزق ديرة الفسق ولا يرزق ديرة الحسد ... ودمتم ...
|
الله يهديكم ما قلنا حسد الله يرزقه قلت الطمع وبينهم فرق يا جماعة وهذا ما شفت وكل ما كتبتوا مقبول عندي بس توضيح للي فسر ملاحظتي على الطمع حسد
الظاهر أن ما نكتبه هو تطوير للنخيل وصدقني مهب هدم له أرجو انك فاهم ومكبر عقلك شوي لأنه بكرا راح يتغير لكن اذا كلن أسكت وبقي الخطأ خطأ بعد كذا ما راح نتطور ابد ومشكورين على ردودكم ونشوف رأي الباقين |
يا صقر الجزيرة حنا وش دخلنا وبعدين الحسد مو زين
|
للاسف الدخول بفلوس هذا شي عجيب
وطمع وجشع غريب جدا لكن العيد فرصه ومدام المواطن ماله حمايه اكيد كلن بياكله |
اقتباس:
اجل تبي بلاش |
اللهم لا حسد
|
الحين وش دخل الحسد بالموضوع ؟؟ّ!!
الاخ كتب يطلب يطلب التطور عموما اخي تقدر تقابل الاداره او تقدر توجه خطاب بنفسك من نفس المجمع توضح فيه هذه الامور |
يا ناس خلو عنكم الظن السيء
|
اقتباس:
رقم 2 و 4 مالهن دخل بالتطور لامن قريب ولا من بعيد |
أجل كل شي ما نكتب عنه مهب تطور وخلاص ماعاد نكتب عن شي علشان ما يجي بعض الناس يقول مهب تطور والا حسد وفسرو على كيفكم كلش من اليوم ورايح نكتب عنه والا نلاحظه نفسره كذا اجل الي يكتب عن الامانة نقول حسد
والا محل عليه ما عليه نقول... والا مصنع والا سوق والا مطعم و..نقول عنه ....... |
كبروا عقولكم وخلوا عنكم القيل والقال
|
الدخوول يستاهل 10 ريال مو بس 3 ريال
بالعكس خدمتهم تهبل والسوق منظم والنظافه مهتمين فيهاا الف شكر لهم ,,,, |
ما عمري طبيتة وان شاء الله ما أطبة |
اما الثانية رهيبة اغلى من اجرة سيارة خخخخخ يا اخي في الحرم ماخذ كرسي بخمسين وهو وقف
استغلال للزحمة وبالمناسبة الحكير يفعل نفس الشيء وقت الزحمة اكيد ماراح يخليها مكشات شوف غيره كم تذكرة دخول منتجع اوغيره واحكم |
بلا نخيل بل شجر
الحريم لوتوديه للمريخ تشري تقول ..................مب لزم اقول اسكت ازين |
هذا رزقه .. الله يرزقنـآ ويـآو .. :)
.. بالنسبة للأخ : *The Sniper* نسبة " 5% " مبالغ فيهـآ .. أكيد الطيبين أكثر .. :) |
الي يقول الي يبي يرد زين أو لا يرد
هو قال وجهت نظره وحنا قلنا وجهة نظرنا 4 طمع الحكير الدخول على الملاهي الي برى أول كانت ببلاش والحين بفلوس ب 3ريال للنفر طيب لاه الطمع هذا والملاهي بفلوس والخدمات ما فيه بالله عليكم هذا أسلوب للتطوير |
اقتباس:
ياجماعه اخونا شاف في النخيل ملاحظات ووده يتم اصلاحها وخاصه دوراة المياه من حقه يقول الي بخاطره اتمنى من اخوي صقر مخاطبه ادارة السوق الي اعرفه عن الاداره انها ممتازه ومتعاونه |
اللهم لا حسد
|
عفووآآ اخووي
مع آآحتررآآمي لكــ مووضووعكــ مو مستآآهل تقبل نقدي بوود.... |
| الساعة الآن +4: 07:55 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.