|
ظاهرة خطيرة تنتشر في الشوارع وعند الإشارات ... فكونا ياشباب
.
. . ياجماعة ليش أخلاقنا تغير إذا ركبنا سياراتنا ؟؟ :i121 :i121 ليش هذا يشتم وهذا يتوعد ... وبعضهم يقول لبق كان فيك خير ...! يعني ماعنده مشكلة يتعارك مع الناس بس عنده مشكلة كبيرة ومايقدر عليها .. صعبه عليه يرفع ايده ويعتذر .. اوحتى يبتسم ... لكن الله يرحم الحال بس .. ودي أعرف وش أسباب هالظاهرة وفقدان السيطرة على النفس ؟؟ ليش تتغير طباعنا وتفسد أخلاقنا عند أدنى مشكلة ولأتفه سبب ممكن نقتلب وحوووووش ؟؟ بالمقابل لو سير عليك أحد الشباب بالإستراحة أو بالبيت تلقاك قمة في الأخلاق والتعامل .. وتتفنن بإنتقاء الكلمات والعبارات الطيبة .. ( تفضل .. تفضل .. لا لا تفضل أنت .. ! لا لا باليمين .. !! مايصير ..!! اسفرت وانورت .. ياحيا الله ابو فلان ... توه ماتبارك الإستراحة .. ) شفتوا الأخلاق وش زينه ..:030: بس يركب ابو الشباب السيارة ويلاقى واحد ماسك اليمين عند الإشارة وهي حمراء تشوف الأخلاق على حقيقته !! وللأسف هذا أنا وانت وأغلب الشباب كذا .. الله يهدينا بس .. طيب وش حليلك قبل شوي بالإستراحة وكلامك ينقط عسل .. وين الأخلاق والتواضع ولين الجانب ..؟ يعني افرض لقيت واحد ماسك اليمين عند الإشارة ليش تفقد أعصابك وتلعن وتشيل وتحط .. ؟:029: ياخي صح انه غلطان وتصرف بشكل غير نظامي بس ماهو مبرر انك تعلّق البوري وتزعج عباد الله .. ياخي احتسب الأجر وتذكر انك مأجور على صبرك وحسن تعاملك مع الناس .. ترى كلها 20 او 30 ثانية ماراح تقدم ولا تأخر .. هذاك تدور أحياناً بالساعات .. وبعض الأحيان تروح للمدينة عشان تاكل من مطعم البيك وتجي من قوة الفراغ .. او اعتبر نفسك واقف عند إشارة ثانية .. أو افرض ياخي إن هالرجال هو رفيقك اللي زارك بالإستراحة ! وش موقفك .. ؟؟ اكيد بيقول ( أفااااا اثر الرجال مسوي فيها ... !! ) :p ولو فتحلك ترى ماله داعي ترمقه بنظرة حادة وتهز براسك يمين وشمال .. الرجال غلط وصلح غلطته .. يعني ماعمرك سويته أنت ؟؟ ليش مانحاول نتخلص من هالعادة السيئة ونتعلم الصبر والحلم والرفق بعباد الله ... ؟ أحياناً نلقى هوشه بوسط الشارع وضرب يوجع القلب بسبب هالإنفلات الأخلاقي .. اللي نازل بعجرى واللي معه سكين !! والسبب ياشباب ؟؟ تلاقي واحد ماسك اليسار ومهدّي والثاني مسرع وهذا مافتحله ..! بينما لو اعتذر احدهم ومط كشرته ببتسامه حلوه كان استحى على وجهه الثاني وراح وكفا الله المؤمنين القتال .. واحد من الشباب يقولي كنت مره بلف يمين والإشارة حمرا .. بس لقيت واحد مسكر علي .. قمت وعلقت البوري طااااااااااااط ومادريت إلا الرجال رجع بالسيارة وصدمني ..!! والله هذا اللي حصل .. وطبعاُ انتهى الموضوع بهوشه قوية وطعنة سكين للأسف .. بصراحة أقولها وبكل ثقة .. اكتشفت إن الأخلاق ما تظهر على حقيقتها إلا أثناء القيادة .. يعني الزحمة والمهايط اللي بالاستراحة وبالمناسبات ماهوب دليل .. كلنا كذا .. لكن المحك الحقيقي داخل السيارة وبس .. حاولت الاقي تفسير منطقي لها لمشكلة وشين النفس عند البعض الله يهديهم .. لقيت ان فيه بعض العوامل (يمكن) تكون سبب في هذا التحول والإنهيار المفاجيء للأخلاق .. منها مثلاً .. كون الشخص داخل السيارة فهذا بحد ذاته سبب رئيسي للتوتر بسبب توقع حدوث مكروه في أي وقت لا قدر الله , وهذا يزول بالإيمان بالقضاء والقدر وأنه لن يصيبنا إلا ماكتب الله لنا .. و السبب الثاني هو أن البعض لا يهتم بمشاعر الآخرين لأنه يعتقد أن لا أحد يستحق الإحترام سوى من يعرفهم فقط .. ومن يزورني بالإستراحة وبس .. ! يقول الله عزوجل (وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ * وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ) وقال سبحانه (وسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ * الَّذِينَ يُنْفِقُونَ فِي السَّرَّاءِوَالضَّرَّاءِوَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِين ) وقال عزوجل (وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ وَلَئِنْ صَبَرْتُمْ لَهُوَ خَيْرٌ لِلصَّابِرِينَ ) وعن ابن عمر - رَضي الله عنهما -: أن رجلا جاء إلى النبي صلى الله عليه وسلم فقال: يا رسول الله أي الناس أحب إلى الله ؟ وأي الأعمال أحب إلى الله ؟ فقال رسول الله صلى الله عليه وسلم: أحب الناس إلى الله تعالى أنفعهم للناس، وأحب الأعمال إلى الله تعالى سرور يدخله على مسلم ، أو يكشف عنه كُربةً ، أو تقضي عنه دينًا، أو تطرد عنه جوعًا ،ولأن أمشي مع أخٍ في حاجةٍ أحبُّ إليَّ من أن أعتكف في هذا المسجد - يعني مسجد المدينة - شهرًا ، ومن كفَّ غضبه ستر الله عورته ، ومن كظم غيظه - ولو شاء أن يمضيه أمضاه - ملأ الله قلبه رجاءً يوم القيامة ، ومن مشى مع أخيه في حاجةٍ حتى يتهيأَ لهُ ؛ أثبت الله قدمه يوم تزول الأقدام". وعن ابن عمر - رضي الله عنهما - قال: قال رسول الله صلى الله عليه وسلم: "ما من جُرعَةٍ أعظم أجرًا عند الله من جرعةِ غيظ كظمها عبدٌ ابتغاء وجه الله". وعن أنس رضي الله عنه أنه قال: إن النبي صلى الله عليه وسلم مَرَّ بقومٍ يصطرعون؛ فقال: "ما هذا؟" قالوا: فلانٌ ما يُصارع أحدًا إلا صرعه، قال: "أفلا أدلكم على من هو أشد منه؟ رجلٌ كلمه رجلٌ فكظم غيظه فغلبه وغلبَ شيطانه وغلب شيطان صاحِبِهِ" وعن معاذ بن أنس عن أبيه رضي الله عنهما أن رسول الله صلى قال: من كظم غيظًا وهو قادرٌ على أن يُنفذه دعاه الله عز وجل على رؤوس الخلائق حتى يُخيِّره من الحور ما شاء .. |
جزاك الله خير على الموضوع ,,,,,, |
والله انك صادز يابن الحلال خل هالعالم تهايط ... ويعطيك الف عافيه ...
|
انا معك اخوي باكثر شي قلته بس فيه مشكله
وصار لي ذي . يخطي علي واحد واطنب عليه واكبس واذا وصلته لقيته يهوش علي اانا ..؟ مع انه ه المخطي .. قلي وش تبي تسوي .؟ وبالنسبة للاشاره واللي ياقف يمين يمكن انا ولا انت وغيرك مستعجل وعنده حالة طارئه ويبي يروح يمين ..؟ ليش يسد الطريق بوجهه .؟ وهذي بعض الاشياء اللي انا اتوقعها والحمد لله ما تسد عصبت على احد الا اللي يمشي بالسيار ويهدي او يخطي واذا نبهته يهوش عليك انت وكانك انت المخطي .؟ شكرا لك مرة اخرى |
كريم / ابوعبدالله
شكراً لكم .. أخي بوبوهي / أن لا أتكلم عن الحالات الطارئة .. وبعدين حتى لو كنت مستعجل ما اتوقع ثواني بسيطة بتغير الوضع بالنسبة لك .. ومن حقك تطلب من الشخص اللي قدامك يفتحلك الطريق بس بطريقتك أنت اللي تمثل شخصيتك وأخلاقك .. وأنا أشوف انه مجرد انك تدق اشارة وتاقف وراه كافي انه ينتبهلك واذا سوى نفسه لاهي او قاعد يكلم بالجوال اصبر واحتسب .. وصدقني بتحس بلذة العفو لو كان أمر بسيط . حاول انك ماتعصب حتى لو لقيت احد مهدي على قولك او مسوي مخالغة بالطريق .. فكر بحلول ثانية انما الحلم بالتحلم . وفقك الله |
الاخلاق واجبه على الجميع ويجب احترام الجميع
ولكن اذا احد اعتدى عليك وانت في طريقك ماترضاها ابدا يعني لما يوقف يمين والاشاره حمراء هذا شخص يعتدي على حق من حقوق السائقين فكيف تريد الناس ان يحترموا شخص يتعدى عليهم |
صحيح
.... |
صحيح انا برايي راي صاحب الموضوع الغالي
|
اقتباس:
وانا معك بهالكلام ذا صارت الاشاره ثلاثية او تبي تفتح ااما يوقف واحد من اول ما تصك فهذا راح يكلفن دقيقتين او دقيقه ونص . وهذي تبي تفرق .. وياليت كل الناس زي ما قلت اذا دقيت اشاره يمين يوخر ..؟ بس فيه ناس اذا طنبت له او كبست يوخر شوي اما فيه ناس يعيي حتى وهو يقدر .. وهذا اللي يقهر . |
قديما قال السلف السفر والمصاهرة والمخادنة تظهر مكامن أخلاق الرجال ..
والآن الخلف يقولون قيادة المركبة في الطريق المزدحم تظهر مكامن أخلاق الرجال .. يظهر الرجل على حقيقته أثناء قيادة السيارة وخاصة عندما يكون متأخراً عن عمل ما عن العادة .. ولهذا من يريد أن يهذب أخلاقه ويحسنها بقوة فليحاول الصمود في هذا الأمر .. |
يمال العافيه والله
وتسلم هاليدين اللي كتبت الابداع .. فعلا للاسف الشديد لما تطلع للشارع تشوف اخلاق عجيبه غريبه .. هذا واحنا شعب مسلم وعرف عنا قوه الترابط والتراحم .. لما تطلع الشارع تشوف اخلاق سيئه اخلاق وكانها تحمل العداوه والكراهيه .. مافيه اي التزم تلاقي اللي يلف علي ويخطم عليك وفوق هذا كله يهاوش .. تلاقي اللي يوقف خطا وويسكر عليك ويطلع يهاوشك , تلاقي اللي يسكر اخر مسار ايمن في الاشاره رغم انه ماهو من حقه تلاقي اللي يكلم الجوال ويملك الشارع يلف يمين يلف يسار يعترض بوجهك ولاكانه داري عنك سبحان الله اخلاق منحطه تشوفه بكل شارع ,, تحياتي .. |
والله كلامك سليم100%
|
كلام جداااااااااا جميل
|
كلامك سديد , لكن في بعض الاحيان و أنا ماسك طريق يجي واحد يتجاوز علي من اليمين و أذا وصل لمي ضرب بوري بقصده يربكني , هذولا أول من أشوف بالمراية أنه بيتجاوز يمين أحذف بوجه السيارة , خله يضرب فرامل لليل علشان يتوب هو وشكله .
|
ما ذكره أبو شذى كلام جميل وواقع مشاهد أضف لذلك
اذا كنت تنتظر خروج أحد السيارات من موقف وفجأة يظهر لك أحدهم وبدون أي اعتبار لك و لأنتظارك ويسبقك عليه وقد حصلت معي ولعنت الشيطان وتعوذت من أبليس والكثير من السائقين خاصة داخل المدن المزدحمه فعلا متوترين وتوتر واضح . أتوقع والله أعلم أن الأكثار من القهوه خاصة قهوة العصر له دور بها الحالات . عن نفسي سبق و تعرضت لعدة مواقف من هولا ء الأخوة المتوترين كلها ولله الحمد تعدي بسلام والموضوع أصلا ما يستاهل لكن الشيطان حريص . وبعد اذنك أخوي أبو شذى ترى طبعت الموضوع لعله يفيد بعض الزملاء ,,, |
مشكور
|
الأخ / تيتشر
كلامك سليم بس أنا ماقلت إننا لازم نحترم الشخص اللي يعتدي علينا ! فرق بين الصير والحلم وبين الإحترام .. أجل وشلون يمتحن الإنسان في صبره وعفوه وكيف يتحلى بهذه الصفة العظيمة .. ( والكاظمين الغيظ )؟ يعني أحياناُ يبتلى الإنسان بمواقف مثل هذي لكن وين اللي يستغل هالفرصة ويحصل الأجر ... شكراً لك .. الإخوة / خالد ملفي .. ابو وليد بريداوي شكراً لكم وتشرفت بمروركم الاخ / بولوهي صحيح فيه ناس الله يهديهم يركب راسه ومايهتم باللي وراه بس مثل ماقلنا .. هالمواقف هي المحك . وشكراُ لك الأخ / ابوفارس الخالدي يعطيك العافية كلامك عين الصواب .. شكراً لك الأخ / الشمالي مشكور اخوي واعتز برأيك .. كلامك سليم .. وكما ذكرت المشكلة اننا شعب مسلم تربى على الأخلاق وديننا قائم على هذا الجانب بالذات وفي كثير من المجالات .. ونبينا صلى الله عليه وسلم قال ( إنما بعثت لأتمم مكارم الأخلاق ) وقال عليه الصلاة والسلام (ما شيء أثقل في ميزان المؤمن يوم القيامة من خلق حسن فإن الله تعالى ليبغض الفاحش البذيء ) والله يصلح الحال .. وشكرأ لك |
تدري ليه ؟؟
لأن الغالب غير مبالي .. خصوصاً اذا شاف معك موتر محترم يخطم عليك , يحدك , يسد طريقك , ... الخ تبين اتفرج واصفق له ؟؟ لاوالله ,, |
كلامك سليم مليون بالمية
انا مدري وشوله الكده والهياط الي ماله داعي الله يجزاك خير على الموضوع الروعة |
موضوع قيم مشكوووووووور |
كلام جميل لكن من وين الصبر والاخلاق في ظل
الازمة الموجود لدى الشباب (الفرغ) |
اذكر في مقابلة مع احد الاجانب باحد القنوات تكلموا عن مثل هذه النقاط
فكان رد الضيف بعد رؤيته للوضع وتحليله استنتج ان القيادة لدينا للاسف عدوانية تخيل هذه الكلمة بل ان احدهم كان يعتقد من باب التهكم طبعا ان بواري السيارات مربوطة اوتوماتيكيا مع الاشارات يعني من تولع الاشارة خضراء تسمع بيب طاط |
مشكووووور موضوع رائع
.. |
الإخوة /ابو ولع ...gdd
بارك الله فيكم وشرفتوني الأخ / ماركو .. شكرا لك .. بس ياليتك تغير هالعادة .. افرض حذفت عليه السيارة على قولك وتسببت في حادث اليم لهذا الشخص وش موقفك ؟ هل تذكرت ان وراء هذا المسكين (المراهق) أم مسكينة وأهل يحبونه ويخافون عليه .. ولو قدر الله وتوفي هذا الشخص بسببك .. بتكون ارتكبت ذنب عظيم وقتلت نفساً يغير حق ( عمداً ) وهذه والله مصيبة مابعدها مصيبة .. ! حنا نتكلم عن الصبر والإحتساب وكظم الغيظ وانت الله يهديك تصدم صدم ....!! شكراُ لك .. الأخ / سالم أحيانأ نجد من بعض الناس الله يهديهم تصرفات غير لائقة خصوصاُ عند مواقف السيارات كما تفضلت وتلقاه يسبقك للموقف وانت تشوف .. يعني عيني عينك بس وش تقول ؟؟ تتهاوش انت وياه على شان موقف ؟؟ دورلك موقف ثاني واجرك على الله .. وصدقني الموضوع مايستاهل .. يعني لو الواحد منا اذا مشى بالسيارة وعرف إن هالعالم اللي حوله فيهم الكبير اللي يمشي وهو خايف والمراهق اللي ماهوب عارف قيمة نفسه وقيمته عند أهله واللي شوفه ضعيف و تلقاه مره يمين ومرة شمال واللي مريض ولا عنده من يخدمه واللي عنده ضغوط نفسية وماهوب حاس باللي حوله .. كان والله ماشفنا هالمشاكل وشين المعاملة من البعض الله يهديهم .. وانا أولهم .. وشكراً لك ... واطبع اللي تبي .. كلنا لك الأخت / هنوف . .شكراُ لكِ الأخ / ساري .. الله يعينك .. يعني كل اللي معهم سيارات محترمة يتعرضون لمضايقات ؟؟ بصراحة أول مرة اسمع هالكلام .. يمكن عشان معي سيارة نص ونص .. لكن اللي يتبلاك لها السبب هذا مادري وش حله بصراحة .. يمكن يبي احد يقرأ عليه .. وبعدين محد قالك صفق له .. خذ رقمه وبلغ عليه واكيد بتاخذ حقك .. الله يحفظك ويحفظ موترك .. الاخت / شقردية شمر .. شكراُ لك |
جزاك الله خير
|
. . . أخي : أبو شذى .. شكراً لك على هذا الكلام الذي سبقتني فيه .. :) ولآ أتفق معك بهذا النقطة !! وهي الوقوف وسد المسار الأيمن والإشارة حمرااء ! إذا أقبلت إلى أي إشارة ويوجد أحداً وااقف بهذا المكان دق إشارة وكبس له وإذا لم يفتح الطريق أضرب له بوووري .. وإذا فتح لي الطريق وعااادلة سيارته طنب له بوري , مثل ماتقول شكراً لك , أو جزااك الله خير .. وإذا كان شــاب يفهم الطريقة بأقل من ثوااني .. وإذا صار أجنبي بالتحديد ( مـصـري ) لآ تفكر بأنه سوف يفتح لك الطريق .! وهذي هي طريقتي بكل الإشارات .. . . . |
صحيح..............
|
تــســلــم يـمــيــنــك والله الـمــوضــوع يــســتــاهــل الــتــمــيــز لأنــه مــمــيز ومــرمــوق!! http://dc03.arabsh.com/i/00113/5cvbd8pn7ipm.gif |
... شكرآآ حبيبي او شذى كلام صحيح .. لاكن اتوقع العصبية والانزعاج ينبثق << تراي تاعبن عليه الكلمه :d ينبثق من العليمية الي ماسكين سيارات يجيكـ الواحد تقل اول مرة يسووق وربي السواقه من صووب وهو من صووب والمشكلة كل الاجانب او اغلبهم علشان مانبالغ , يجيكـ من بلده ماايعرف يمسكـ الدركسون ويقعد يتعلم في شوارعنا ولأ رخصة ولأ شي :mad: هذا الي يقهركـ :i121 مجرد رآي ,, ... |
كلام صحيح جزاك الله خير
|
كلام صح وسليم
|
كلام سليم صلاحه
|
صلاحه كلام سليم"""""""""""""""
|
طيب يا حبايبنا بـ النظام و القانون .. أيهم أحق بالمسار الأيمن اللي بيلف يمين ولا اللي بيطول ؟
|
^
والله العالم انه اللي يبي يلف يمين .. |
جزاك الله خير على الموضوع
|
الأخ / نبع الوفى .. واياك أخي الفاضل .. وشكراً لمرورك الكريم
الأخ / محمد الشقيران شرفتني بمرورك .. واتفق معك أيضاُ بما قلت .. وأنا أوردت هذا المثال ليس لأحقية من يقف بالمسار الأيمن ولكن هذا لتقريب الصورة فقط .. والأمثلة كثيرة ولا حصر لها .. لكن المقصود أن ردود الأفعال لدينا دائماُ أكبر من الفعل نفسه وبشكل غريب لدى البعض .. وتصرفك بهذه الطريقة التي ذكرت إنما يدل على لطفك و حسن خلقك .. وهذا هو الأفضل عندما يفتح لك المسار لكن فيه ناس الله يهديهم مايرى أن هذا الشخص يستاهل .. لأنه اعتدى على حق من حقوقهم .. ومن وجهة نظري ان الأمر لايستدعي كل هذا الشحن النفسي والتوتر الزائد عن حده . وصدقني المصري مايسويها رغم إن سواقته على قده .. وشكراُ لك .. وسلملي على ابو زيد .. الأخت .. وردة الجوري شكرأ لمرورك .. الأخ /البرنس 455 ويمينك يالغالي ..وماعليك زود وتشرفت بمرورك يابوباسم ... الأخ /برهوم كلامك سليم فيه ناس مالهم علاقه بالقيادة اطلاقاُ .. وفعلاُ تلقاه يتعلم خلال يومين ويجيك مدرعم .. بس هذولا وأنا اخوك ما عليهم شرهه ... اللوم على اللي يصدر له رخصة قيادة على أساس اختبارات بدائية جداُ .. يعني يلبق مره من قدام ومرة من ورى .. ويدق اشار يمين .. ويولع الفليشر إذا تعطل وخلاص .. ياخذ الرخصة قبل ينتهي الدوام !! بس حلوه ينبثق .. متعوب عليه .. قصدك انها مشتقه من الإنبثاق في إطار العولمة حينما تصب في بوتقة المرور .. وشكراُ على مرورك يالغالي .. |
اقتباس:
الأحق الي يبي يلف .. طيب إذا كنت مستعجل على آي شيء .. والمسار الأيسر والأوسط في سيارات .. والمسااار الأيمن لآيوجد فيه سيارات .. ؟ أوقف فيه وإذا جاء أحد أفتحله الطريق .. |
الله يعطيك العافيه
|
كلآآم مضبوووط
تسللم يدينــكـ |
اقتباس:
|
صح لسانك
والله أنك صادق
|
مشكور
|
كلام سليم |
مشكور على الموضوع ابو شذى
هذا حال اغلب الشباب بكل مكان |
الإخوة/هادي 2007 .. في داخلي قبل طفلة ... الفارس
شكراُ لكم .. وشرفتوني الأخ / فارس .. أكيد القانون والنظام معك بس حنا نقصد شي ثاني !! الأخ/جنرال بريدة ... شرفتني يالغالي الأخ/محمد الشقيران .. كلامك سليم .. لكن البعض لا يرى مثل هذه التجاوزات وإن كان هناك مجال .. لكن بشرط أن لايكون هناك إعتداء على حقوق الآخرين رغم أنها مخالفة في كل الأحوال .. ودمت سالماُ الأخوة / غلوز ..m .. أشكركم والله يعافي الجميع الاخ/ ابوجهاد .. شكراُ لمرورك |
كلاآم جميل جداآ :) اقتباس:
ابو شذى ابدعت في موضوعك :) |
ابو شذي ..
ترا فيه ناس من جد ترفع الضغط .. لأهنت حبيبي .. |
جزاك الله خير على الموضوع ,,,,,,
|
كلامك ماعليه غبار لكن الهدف هو البحث
عن/// حل لهذهي الظاهرة الاسباب الذي اشك انها من المشكلة هي / الشخص عندما يركب السيارة في بريدة خصوص يعتبر نفسه ملك او تريدك تحترم الطرق لكن في الجانب الصح يعاقبون من يقف يمين الاشارة ويعطي قسيمة وياليت المرور يضعون قسيم على النور العالي لانها والله دوخنا |
الإخوة / بريداوي 2 .. ابو عزوز .. المفترس
شرفتوني وشكراُ لكم الأخ/ الفدرالي .. صدقت , أغلب الشباب لديه نفس المشكلة لكن هذا لايمنع من إكتساب المزيد من الصفات الشخصية التي تحد من بعض التجاوزات .. وبارك الله فيك |
كلام من ذهب يا أبا شذى
أسأل الله أن يوفقني للعمل بنصحك على الدوام كما أسأله تعالى أن يدرك إخوتنا قيمة حقوق الآخرين في الطريق , فلا يتعدوا على حقوقهم , إلا ما اضطروا جزيت خيرا يا أبا شذى |
الإخوة / cr!s .. حنيت .. علشانك بس
شكرأ لكم .. وشرفتوني الأخ / قاهر المواقع صدقت , هناك من يستخدم الأنوار العالية بإستمرار ويتسبب في إرباك من حوله .. وشكراُ لك |
هههه هذيلا البريداويين طاير كن عنده سنع
|
تلقى واحد توه هايشه ابوه ولا امه ووحط الحره بالرجال المخطي:d:d:d:d:d:d:d
|
الأخ برق 1 / أمين ... وبارك الله فيك أخي الكريم وتشرفت بمرورك ..
الأخ / حزين طول السنين .. الله يهديهم .. بس ما قلتلنا وش النظام اللي عندكم ؟؟؟ عشان نطبقه عندنا . شكراُ لك الأخ / رحال .. فعلاُ , البعض لديه ما ذكرت .. وشكراُ لك |
بس اللي يخطيء وياقف يمين يتحمل مايجيه من الاخطاء لانه هو الراضي
|
يرجااااااااااااال انا اذا شفت العرابجه حقين الونت الهايلكس قلت الحمدلله على نعمت العقل معه ونيت هلكس لا ورافع خشمه هههههههههههههه عربجي الحمدلله
|
كلامك دُرر
ياليت اخوي يقراء كلامك لانه للاسف من النوعيه . حاررررر ومايتحمل شي الله يهديه ان شاء الله مشكووووووور اخوي |
جزاك الله خير
|
يابن الحلال السعوديين نصهم هياط تلقاه يتوعدك وآخرته جايب امه وراه عشانك واحد
هههههههههههه ومشكور الموضوع الرائع |
جزااااك الله الف الف الف الف خير على الموضوع
|
ولا بالكوره وبالاسواق
الاخلاق للاسف صارت بزي |
ولله صدق الله يهديهم نفسيتهم تصير فوق خشومهم
اذا ركبوو السياره |
الأخ / السهم الأبيض .. صدقت , لكن الحلم سيد الأخلاق .. وشكراُ لك
الاخ / علوش بلوش .. الله يهدينا ويهدي شباب المسلمين .. وشكراُ لمرورك الأخت / فرقاك ثالث اعيادي .. شكراُ لإطراءك .. واتمنى أن تصل الفكرة إن شاء الله .. وشكراُ لكِ الأخ / سليل المجد … وإياك أخي الغالي .. وألف شكر الأخ / الوافي .. الله يصلح الحال .. وتلقى الموضوع ما يستاهل .. وشكراُ حبيبي الأخ / حموووووودي .. وإياك ..وشكراُ لك اخي الفاضل .. الأخ / مجنون سعد .. الشكوى لله .. والله يهدي الجميع .. وشكراُ لك الأخ ياربي بريدة .. فعلاُ .. هناك سر في الموضوع ! وشكراُ لك |
كلام رائع الله يعطيك العافية |
والله كلام..مـــــــشــــــــــــــــكـــــــــــــــور. .
|
الله يجزاك خير
بصراحه اول مره أقرا موضوع طويل مشكورررررررررر |
لأن فيه ناس ما تعرف تسوق و معهم سيارات
ابسط قواعد المرور ما يلتزومون فيهااااااااااااااا |
|
شكرا على الموضوع الجيد
|
هاذي اكثرة حركاة صلب وعبيد وبدو
|
جزاك الله خير على الموضوع
|
رائع اخي فهناك امور معلومه لكشف معادن الرجال معروفه السفر والتعامل بالدينار ونضيف اليها اركب مع الرجال السيارة وتنكشف اخلاقه .
|
ههههههههههه
ما فيه روح رياضيه ابد اكثر الردود يهاوشون حتا هنا فرحانين انه غلطان عليهم احد عشان يتكلمون عليه ويهوشون الاخلاق هي معدن الرجال الحلم والاناه والعفو بس ما اظنه في االاكثريه ................ |
كلااااااااااااااااام فعلا جميل جميل أتعب وانا اقول جميل
أخوي الله يجزاك خير كلمات في الصميم |
أشكر الجميع على مرورهم ..
|
انا ماقيرت الي انت كاتبه علشان كذا انا متاكده انه خربيط قصماااااااااااااااااااان
|
ياأختي مجنونه اذا كان خرابيط القصمان مو عاجبتك علي كلامك فليش داخله علي المنتدي هذا وبعدين انا اليوم كذا مشاركة اقرأها لك وكلها شماته في المواضيع الي يكتبها الشباب او بس ودك يطلع اسمك انك مشاركه. كل الشباب الي في المنتدي هذا مجتهدين في كتابة هذي المواضيع ومن الادب انك تحترمي هذا المواضيع او علي الاقل اذا كان ماعجبك الموضوع الواحد يرد بحترام او يسد فممممه اكرمله.
|
بسم الله
السلام عليكم و رحمة الله و بركاته . . كلام جميل جدا و الله يعطيك العافية الأسباب في نظري هي كالتالي . . - عدم مراعات حقوق الآخرين . . - غياب الرقيب . . - ضعف الوازع الديني ( حتى في من يظهر عليهم التدين ) . . - غياب الحلم و الصبر - أننا نريد تعديل الناس جميعهم و المسؤل عن هذه الظاهرة هم : المرور : بسبب ضعف هذا القطاع الأهل : بسبب سوء التربية بشكل عام و المؤسف لما نذهب إلى الدول التي تطبق الأنظمه الصارمة و لا تعرف الواسطات تجدهم من أفضل من يقود السارات في تلك البلاد و تجده لم يحصل على مخالفة واحدة أبداً . و لي قصة حصلة عند إشارة المحاكم عند الساعة السابعة صباحا كان المسار الايمن مغلق أصلا فوقفت خلف الشخص الذي أقفل الطريق جا واحد وراي و علق البوري فحاولت إني أفسح له المجال و بعد فتح مجال له وقف بجانبي و هو رجل كبير في السن و معه ابناء و بنات كان سوف يوصلهم للمدرسة و بصق ( تفل ) على قزازة الراكب و الحمد لله كانت مسكره و لف و أنا ألحقه و أكبس و أطنب و كل شي سويته على شان ياقف لكن ما وقف و صار يطلع يده و يأشر يعني ألحقني و أنا ما وراي إلا أنت ألحقك ألمهم إين وصلنا الرفيعة و أنا ألاحقه و لا وقف و بعدين تركته لكن تدرون ليه كنت ألحقه كنت ألحقه أبحب راسة و أتأسف منه و أعلمه إن اللي سواه ماله داعي . |
| الساعة الآن +4: 01:52 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.