|
حصة كوع .. نورة شطرطون .. هيلة دركسون ... سي يو ..
السلام عليكم .. مرحا ىكم أهااااااالي بريدة ستي .. من أعضاء وعضوات .. الأحياء منهم والأموااااااات .. وأسعد الله صباحكم ومسائكم بالخير .. وكل عام وأنتم بخير .. جدتي موضي تقرئكم السلام .. وتعايدكم كلكم .. وتقول سلملي علي كل اللي بالمنتدى .. وعلمهم إني اشجب وأستنكر اللي صار بالخبر باليوم الوطني .. وإني مستنكرة كل اللي صار بهاليوم الوطني .. ولايرضين بتاتاً البتة .. وتراي شرهة بالحيل على الملك عبدالله علشان هالجامعة المختلطة اللي بجدة .. ************************ الا شفت ياوليدي هالقصاصة من الجريدة .. قلت لأختك مريم .. منهوا هاللي صورته بالجريدة يشبه لجدك سليمان يوم هو شباب .. قالت .. هذا محافظ المؤسسة العامة للتدريب الفني والمهني .. إسمعي يمه وش يقول .. اقتباس:
قلت يعني مايحتاج هالعيال وهالرجال يمنون علينا .. كل ماخر بزبوز والا ضرب الكهرب شوط .. يعني لو تخر هالصخانة انقز فوق هالسلم ومعي ابوجلمبوا .. وافره فرتين .. ياأطيح وتنشب خشتي بالأرض والا افك العوامة .. ولو تطفى هاللمبة مايحتاج نجيب كهربائي .. امكعه من محله واركب بداله .. والا اذا بغيت تغير الزيت لسيارك .. ماعليك الا تدخله بهالحوش .. واندعس تحته انا وطشت هالثياب .. واغير لك الزيت .. والعشرة اريل أنا أولى به من هالبنقالي .. ولا اقعد الاحقك انت وباقي اخوانك .. يادافع البلى تقول اشحذكم شحاذة .. هذاي هاللحين لي اسبوع وانا ابيك تصلح ( لي المكيف ) اللي ماصعة سليمان ولد اختك منيرة .. ولي اسبوع وأنا اقولك جب سباك يصلحه .. وكل يوم ياحمد باتسر .. ********************* ياميمتي .. والله انه هاجتن بتس .. وش هالحتسي .. المرأة معززة مكرمة .. والدين ( كفل ) له الحياة الكريمة .. المرأة .. ملكة ببيتها .. المرأة عزيزة عندنا ولانسمح لأحد يذله .. والأعمال هذي أعمال تعتمد على الجهد .. ومهيئة فقط للرجال .. يعني عاااادي تلقين حصة بنت اختي منيرة وهي واقفة بشارع الصناعة ومعه عوامة .. وكل ماجاء واحد نبطت معه بالسيارة راحت تصلح سخانتهم .. وإلا مزنة بنت اخوي صالح .. مدعستتن الشطرطونات بإيدينه تقول لابستن غوايش .. وأي واحد خربانة لمبته تنقز معه وتروح تصلحه .. بعدين ياميمتي .. هاللحين الشباب المتخرجين في هالمهن مالقوا وظايف او فرص عمل علشان البنات يصير لهن فرصة .. ماأدري وش هالتفكير عند بعض المسئولين .. الدين يرفع المرأة وهم ينزلونه للحظيظ .. سبحان الله اذا جاء طاري المرأة ( طار ) العقل .. ونسى كل شي وبداء يهذري ويهرف بما لايعرف .. خليهم بس يوظفون الشباب .. المتخرجين بنفس هالمهن .. وغيرهم من الخريجين .. اللي مالين البيوت .. ابرك لهم .. والله إن ندعي لهم .. ومع السلامة .. سي يو .. |
:) آنت فكآهي وظريف جدآ وروح آلدعآبه لآتفآرقك آبدآ شـكـرآ لـك * شآرع آلصنآعة آغلبه آدوآت كهربآء مآفيه عوآمآت معلومة فقط :) |
أزعجونا بتحرير المرأة .. و سكتنا عنهم شوي .. قلنا بيحطون نساء على مستوى و في أماكن محترمة و تحفظ كرامة المرأة .. جاك الوزير ذاك اللي ما نقدر نقول شي عنه ( عشان ما يسحبوننا من بيتنا الساعة 2 بالليل ) مثل ما صار للعواجي . جاك هاك الوزير اللي ما نقول عنه شيء و حط شغالات سعوديات مثل ما سمعنا عن اللي بجدة ، و مضيفات .. و اليوم بيجيبون سباكات .. تذكر يابو إبراهيم السباكين اللي بالإسكان قدام بيتنا منول اللي حاطين فوق مواترهم عوامات ..؟! بتلقى عاد باتسر السباكات حاطاتن ( بكلاتهن ) عوامات إلا عاد تجي قيادة المرأة للسيارة .. |
,,, استغفر الله استغفر الله استغفر الله كرّهون بنفسي وبجنسي كـ امرأه من كثر ما يكتبون عن المرأه.. كل من له سآلفه بها المجتمع ..من صحفي ومن مدير شركه ومن وزير ومن ومن... صآرت سآلفته المرأه.. اشوى اننآ وجدنآ ع الحيآة عشآن يلقون شيء يكتبونه ويقولونه.. لمآذآ لآتخرج المرأه..؟.. لمآذا لآتعمل المرأه..؟.. لمآذآ ماتسافر المرأه..؟..لمآذا ما تلعب كوره المرأه..؟..لمآذا لا تعمل رياضه المرأه..؟.. "كن ما بالبلد غير هالولد ".. .................... سي يو ~~ وترى بعض الكلمات التراثيه ما فهمتهآ... |
|
هالحين ماعندهم شغله
ماغير يحتسونبنا بكل مكان خلاص حنا راضين تخيلو عاد معي المفكات( ومتشعمطه)>>متعلقه بلجدران |
حــــــــــلو والله الخبر
الله يبشرك بالخير بدال مايروحن للسوق يروحن يتوظفن ازيلهن |
" ابلشتونا بانفسنا.. :113: ..خلاص انسو تحرير ما تحرير..:113::113: يا زينا تسذا بس.. .. أما الموضوع رائع.. ..الله يخلي لك جدتك.. شكرا.. |
ههههههههههههههههه اجل سباكات وكهربائيات مافلحن بغسل المواعين والكنس يفلحن بهالامور والله من مرة ومرة يبي يفك المسمار ويركب والله من طيحة من السلم وتكسمر الى قبل يازيننا ببييتاتنا نطبخ وننفخ والحمد لله الله يستر علينا ويكفينا شر تخطيطهم يعطيك العافيه اخوي مدحت شوقي |
مايبون توت بعد :( !
ما كفاهم الجهد اللي تقوم فيه المرأه ببيته ومع عياله .. شغالات - سباكات والله ماصارت ! الله يستر من الجايات .. حلالات يامن مسك عجرا وكل من فكر صبخه مع راسه ! |
رااااائع يابو إبراهيم :d الصمصام أجل الساعة 2 بالليل :d .. |
هههههههههههههههههههههه
تخيلت اشكالنا عسانا نقوم بشغل البيت بس مشكووووووووووووووووووووووور موضوع رائع جدا |
ياسلام عليك يا(مدحت شوقي )
وصلت المعلومه بهذه الفكاهه الجميله صراحه انت اروعم من الرائع واصل معنا بجديدك بهذا الاسلوب الحلو ليش مانتوضف لوسباكات ذبحتنا الدجه يمكن انكم غايرين لانتوضف اللـــــــــــــــــــــــــــــــه يستر اذا توضفن الحريم راح تكثر الوفيات يبي يمسكهن الكهرب |
جميل يا أبا إبراهيم أن توصل مرادك بهذا الأسلوب الفكاهي . جعلك الله صالحاً في نفسك مصلحاً لغيرك . المرأة تعمل فيما يحفظ لها كرامتها وعفتها .... ولك مني كل التحايا والتقدير . |
ههههههههه
شر البلية مايضحك ! انا ودي ادري المليك يدري ولا غافل ؟ أن كانه يدري فهي مصيبة وان كان مايدري فهي أعظم واللي قاهرني زيادة تكرونيات حطوا لهن جنسية سعودية ويحركونهن مثل مايبون ويسمونهن بأسم الشعب السعودي! اقتباس:
|
هم فااضين ولقوا لهم سالفة ..! وليه نتوظف بوظااائف لم تكيف لأجلنا كمشعر النسااء نحن ..! أزكم أنوفنا بأجتهادتهم التي لايقبلها أي عقل بشري ..! ويبدون بأنااس ينتسبون للسعودية ثمن تأتي الجرااائد معلنة بأنجاازااات ورضاااء النساااء السعوديااات ..!! اللهم أشغلهم عنا ،، وسخرهم لأيجاااد وظااائف لمعشر الشباااب ..!! |
وعليك وعلى جدتك موضي السلام " الحين الشباب ما اشتغلوا لاسباكين ولا كهربائيين ويحسون إنه مهنة تفشل ، ويجون عاد ذولا اللي ما بهم ملح ولا قبلة ويبوننا حنا الجنس الناعم نشتغل إي والله تخيلت أشكالنا !!! ما بقى إلا يوظفوننا ويخلوننا نتعلق و نقص الشجر اللي بالشوارع والله مهزلة وملقين وجه جعل ما يسوونه تدمير لهم ولمناصبهم والله يكفينا شرهم ياليت والله موضوعك يوصل لهم ويعرفون وشلون نفكر وجزاك الله خير |
موضوع رائع
بأسلوب فكاهي فيه وصلت الفكرة المرأة كما خلقت بإذن الله لن تؤثر فينا أفكارهم نسأل الله الثبات |
عساي افلــح بتسبيــع وكنــس اصير سباكــه والله من من قلــه |
تخيلت شكلي:eek5:eek5:eek5:eek5
الموضوع:41:41:41:41:41:41:41:41:41:41:41:41:41:41 |
اقتباس:
يجببون لتس هالتكرن ويوضفونهن ويقولون سعودّيات واشتغلن ! اقسم بالله مافي مخ :( ! عاد لا صارت سبّاكة من يبي يدخله بالبيت ويخليه تشتغل ! ولا نحجر العيال والأبو بغرفة لما تقضي :113: ! |
اللهم صلي على محمد .. تقل مكلوفين بنآ ياربي حنآ مانبي خدمآتكم الخمس نجوم ! اوووف ذبحونآ هالعلمانين ينآمون على المرأة التاكسي ويصحون على (السوبر وومن) !! تقل حنآ شاكين لهم اوووف من هالقرف اللي مهوب مفآرقنآ , والله انهم نشبة بالحلق .. تسانهم يبون يحررونآ _على قولهم_ وهامتهم هالمرأة يحطون له أسواق نسائية بحتة بلا رجاااال ! لأني متعذبة اذا جيت اشوف البضاعة لازم ارفع النقاب واذا جيت ألمس نوعية القماش أخلع القفآز(فيس يعاني) وبعض هالرجال مهارته التقزيز (فيس معصب) الله يأجرنآ .. وشكرآ لغيرتكم الحميدة , بوركتم .. |
يآآآآآآآآآآآآآآآآآآآآآآآآربيهـ ... وش ذا
الحين محافظ المؤسسة العامة للتدريب الفني والمهني .. <<< وش يبي بالضبط آذا سخانتهـ خربانهـ آنا مستعدهـ آتكفل بالسباك وبكل مصاريف الشغل بس لآيجلس يخربط... تخيليني ,, شآيلة عدتي ..!! مآجآبتهـ آمهـ اللي يهيننآ ,, (نِخدم ولآ نَخدم).!! شكرآ للكآتب آبدآآآآآآآآآآآآآآآآآآآآآآآآآآآآآآآع وآسلوب رآآيق.. |
اللهم حفظ نساءنا من كيد الكائدين وحقد الحاقدين
شكر الله سعيك أبا إبراهيم وبارك الله فيك وفي إبداعاتك الرائعه يارائع |
|
اقتباس:
|
:dاجل الغفيص يبي نكحل عيونا قبل نزبط امورنا
حسبي الله ونعم الوكيل |
ذكر ابن خلدون في تاريخِه أنّه [ كلّما تعدّدت الجنسيّاتُ في مِصرٍ واحدٍ كثُرتْ الجرائمُ وتنوّعت أساليبُها ]
ولا ريبَ أنّ من أحدِ تلك المُخرَجاتِ ما أظهرتْهُ الساحةُ من مَن يُطالبُ بمطالبَ لا يوافقُ عليها أصحابُ الحِجى والألباب ! فـ كيف بمن كان أكثر تمسُّكًا بدينه , ملتزمًا بشرعِ الله ! ~ أبا إبراهيم ~ دام لنا قلمُك وجدّتُك : ) ~ |
اقتباس:
سكر خشن .. مشكور يابعد معاليق شوشتي انت .. تشرفت بحضورك عزيزي .. سي يو .. |
الموضوع رائع جدا جدا....اما عاد سباكات وكهربائيات............؟؟؟؟ناس فاضيه وماله هم في الحياة..ماادري اماقدر اعبر عن هالموضوع بس وشلون ......؟؟؟وهالحريم التاليات يجيبن شغالات يشبكن المكنسه والغساله .......طيب عندي سؤال لاصحاب الفكره فيه اجازات حمل وولاده ....؟
|
؛ أسلوب رائع مشرفنا مدحت. كل الشكر لجدتك الغالية. أفكار هولاء بعيدة كل البعد عن العقل الارادي., أثرت فيهم نظريات الحاقدين على الملكات المتربعات على العروش. المرأة عندنا في السعودية ملكة حتى لو كانت مليار ديره او بزنس ويمن. يضل ولي أمرها مسؤل عنها أب/أخ/زوج/إبن. ومن رغبت الحرية العمياء فهي تنزلت عن عرشها وقوتها وغلاف لمعة جوهرها.وتظاهرت السعادة رغم الالم والحسرة والخوف اللتي تعيشها. ـــــــــــــــــــــــ اتذكر بعض المشائخ عند تهدئة روعة المرأه اللي يتزوج عليها زوجها كانوا يقولون المفروض يكون عندك مفهوم ان الرجل ليس لك بالكلية فهو أربعة أرباع. شكله بتنقلب الدعوى فهناك صديق الجامعة والزوج ورفيق شركة السباكة. |
هههههههههه ويهرف بما لايعرف متعووووب عليه يا بو براهيم عاد تدري والله انك صادق الى منه جاء طاري المرأة جت العلوم تلقى الرجال يجيب كل الي بحاصله ، عاد تخيل ام يمن فاتحه ورشة بالصناعية والا ام خلق فاتحه محل سباااكة دماااااار مع اني احس انهن يبي يصيرن مثل رجالهن بس بدون شنب هع تحياتي واشواقي |
...
مشكلتنا أننا نرد على الأشخاص وليس على الاطروحات...!! الاخ مدحت ربما له فكاهات بعض الاحيان لكنه يفتقد لبعض الاحساس بما وراء الأمور التي يحكي فيها الكبار..!!! وان كنت تعديت هنا على شخصه الكريم المقدس بينكم الا انني اقول الحقيقة ..!!!!!! ... فالاستاذ/ علي الغفيص جزاه الله خير انما اضاف هذه المهن الى الكليات التقنية لخدمة النساء في المدارس وفي اماكن النساء الوظيفية ...!! لا عليكم انتم هنا متسمرون أما شاشاتكم لاتعرفون عما يجري أعرف من يعمل في شركة الاتصالات يدعو الله بالساعة التي تعمل فيها المرأة مهندسة, من مما يرى من وجود منازل تخلو من الرجال ويدخل لمنزل لايوجد به رجال لعمل اللازم فلو كانت فيه نساء مهندسات لما اضطر للدخول الى هناك وعرض نفسه للفتنة..!!!!! .. لنعي واقعنا ولنتحدث من خلال رؤية واضحة ولا نتحدث بأشياء لانعرف مداركها وأبعادها.... .. .. أشكرك أخي مدحت -قدس الله سركـ- |
اقتباس:
إيقاع الزمن .. الشي اللي أظنك تجهلينه ولاتعرفينه .. ولايمكن أن يصل الى ( مخيخك ) ليس قصوراً في حقك .. (حتى ولو حاولتي تقزيمي .. فسأكون أرفع من ان أرد إنتصاراً للنفس ) هو اني قريب من هذة المؤسسة .. وأعرف كل إمكانياتها .. لأني من خريجي هذة المؤسسة .. فخريجوا المهن الميكانيكية والالكترونية .. لم يجدوا فرص العمل .. حتى تجدها الأخت حصة كوع .. في مجال السباكة .. أما من ناحية أنها ستكون وظيفة للمرأة في المدارس والمجمعات النسائية .. فاأنا أرى أنا بناتنا اكرم وأجل من هذة المهن .. بناتنا أرفع من أن تخوض يديها في تسليك ( المجاري ) أكرمكم الله .. وإصلاح المواصير المتهالكة ( المصدية ) .. علماً بأن هذا الكلام ( تخديراً ) لأصحاب العقول القرطاسية فقط .. أما اولو الألباب فلن تمر عليهم مثل هذة الترهات .. ودخول ( مهندسي الهاتف ) وغيرهم من ( الفنيين ) .. يعود الى رب البيت .. فهم لن يدخوا الا بإذن منه .. فإذا كان ليس لدية غيرة على محارمه فهذا شأنه .. فأصحاب الغيرة لم يواجهوا مثل هذة التجاوزات .. لأنهم قد صانوا بيوتهم .. وشكراً لكي اختنا آية الله قانون السيطرة .. وأبقاكم الله لنا .. تنيرون لنا دروبنا .. بعلمكم .. سي يو .. |
...
ليست القضية مهاترات شخصية تافهة فنحن أجل من ذلك وانما هي حاجة مجتمع نعيشه يجب أن يعيها الجميع ..!! .. هل النساء أكثر عزة من الرجال بين بنات جنسهن ولاضير مادمت خضت التجربة بنفسك..!!! ولتعلم واقع المجتمع حيث ان هناك نساء ليس لهن من يكسب لهن لقمة العيش وهن للحاجة أمسّ من ألوف الرجال..!! فليس لنا ان نتكلم نحن لندعهن يقتلهن الجوع على أيدي - أصحاب العزة والأنفة من بني قومي- ممن لم تأخذهم العزة بكفايتهن مؤونتهن بعمل أيديهن..!! ولنعلم أن المهن المطروحة أجلّ بكثير مما تحدثت عنه ويكرم حديثي عن ذكره فالامر اشمل واوسع وان كنَّ هناك نساء يعملن أقذر من ذلك الآن لكن لم يتحدث عنهن وزير لنؤنبه بل كسبن لقمتهن بصمت بين تلك الاكوام أين انتم لتدافعوا عنهن..!! ... وأما حديثك عن دخول البيوت فهذا حديث من يخشى الله وعمل بهذه المهنة فما بالك ممن هم من ليسوا بمأموني الفتنة ..!! وتلك المنازل لايوجد لها رب أسرة بل كلها نسااااء وتشتد حاجتهم..!!! .. أتمنى أني أوضحت الفكرة كما يجب.... |
ورب محمد .. إني أعرف مقصدك وماترمين اليه .. من ردك السابق .. ولكن كان ردك فيه نوع من التعالي والتقزيم .. وقد أتيتي بما كنتي تنهين عنه .. وهو الرد على الفكرة .. وليس على كاتبها .. فصوبتي سهامك يمنة ويسرة لأن من كتب هو المعرف ( مدحت ) .. عموماً اعلم اموراً وخفايا عايشتها بنفسي من هولاء الذين ذكرتي .. وأعلم مدى حاجتهن لتأمين لقمة العيش .. ولكن ماقصدته في الموضوع بداية .. هو أن دولتنا اكبر من أن تمتهن مواطنيها .. فهي دولة غنية .. بإمكانها ان تعف نسائئها عن الحاجة .. بمدخراتها ومدخولاتها .. لابمثل هذة الاعمال التي لاتناسب مكانة المرأة السعودية .. شكراً لكي اختي الفاضلة على وضوحك وأثرائك .. سي يو .. |
..
لتعلم ان ردي هنا ليس على شخصك وانما فكرتك التي دلتني عليك , ولست أنا من يرد على المعرفات وليس لدي آي تصور عن فكر (مدحت) في السابق حتى أتحامل عليه أو شيءً من هذا القبيل<<لم أكن أود أن أخوض هذه الأمور التافهة لكن ردك اجبرني على ذلك..!!! ..... ومادامت الدولة لم توفر لهن حاجتهن فهي قد عملت على منحهن فرصاً ليعشن منها أما من أراد لهن - العزة- فليشمر عن ساعديه وينفق عليهن وان لم يكن فاعلاً فخير من ذلك السكوت ليكافحن فان لم ننفعهن فالافضل ان لانضرهن..!!!! ,, ,, اقتباس:
.. المرأة المسلمة أينما كانت فهي معززة ولندع التمييز جانباً..... .. .. العفو,,, فهذا واجب الجميع... |
اقتباس:
أعتقد أن هذا واجب الحكومة .. وليس واجب المواطن .. فالحكومة لديها خيارات كثيرة .. تستطيع من خلالها ان تضمن لها حياة كريمة .. لديها جمعيات خيرية ولجان مساعدة تهتم بهذا الشأن .. لو كانت حكومة موزمبيق او النيجر .. لأختلف الأمر كثيراً .. فدولة غنية مثل دولتنا .. كان لزاما ووجوباً عليها أن تؤمن العيش الرغيد لمواطناتها .. بعيداً عن إذلالهن .. وشكراً .. سي يو .. |
...
هذا الأمر إن لم ينفع أناساً فتأكد أنه لن يضر أحداً.. , مانطرحه هنا هو مجرد وجهات نظر نتداولها بيننا نطيل فيها ونقصر وتبقى المؤسسة لديها هيئة استشارية لها نظرتها الشاملة لكل مدن المملكة وليست محصورة كما نحن..!! .. اشكر تجاوبك الرائع... .. |
والشكر موصول لكم .. جميل ان يعرف كل منا .. أن الطرح هنا ماهو الا وجهة نظر ليس إلا .. ويعلم الله أني ماكتبت لأجل زيادة عدد مشاركة أو تسلية .. بقدر ماهو تنفيس وتلميح ببساطة وهدوء .. ولكن حوارك هو ماجعلني اخرج مافي جعبتي .. وعلى قولتهم ( جبت حاصلي ) .. <<((== وترى ( جبت ) يعني قدمت .. ماهو جبت اللي دايم يجي مع الطاغوت .. وشكراً .. سي يو .. |
ماشاء الله عليكـ أستاااذ : مدحت أسلووبك جد روووووووووعه و المووضوع راائع و أن كاآن يحمل من القسووهـ المُدميه للقلووب الكثير .. لكــ’,ــن .. ... سنقف ع تلكـ الشُرفه المُطله ع الهاوويه لكنناا سنضل صاااآمدات ... مودتي ,,’’ |
يسلمووو على الطرح الراائــع
لاتعليــــــــــــــق............ |
الله يحفظلكم جدتكم ويستر عليه:s وعلى جميع بنات المسلمين مشكور كم تمتعنا مواضيعك الهادفه ،, |
خخخخخخ اجل بيخلوننا كهربائيين
|
| الساعة الآن +4: 04:08 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.