|
ملف الحـوامـل ~ [ ملتقى أمّـهات المستقبل ] :) - 1 -
~ مدخل } السلام عليكم ورحمة الله وبركاته حياكنّ الله وبياكنّ وجعل الجنة مثوانا ومثواكنّ .. الموضوع تبــادل الخبرات في [ الحـمل والـولادة ] ~ وكل مايخص الأم الحـامل , والنفـاس , وكذلك الطـفل , فهو عبارة عن : * مساعدة و تقديم يد العون لمن سبقت لهم الخبرة , * وأيضاً عن أسئلة وطلب العون ممن لم تسبق لهم الخبرة , .. والله يتمم للجميع على خير السّابقات واللّاحقات .. للجميع أنقى التحايا وأزكاها دمتم بخير أختكم / بنت الشماسيّـة :) { مخرج ~ |
* جآري لزخ الردود برعآية الوآلدة :113: !
|
وه بــس يــاناس !! :084:
فديتهم والله !! :080: |
موضوع قيُم يعطيك الف عافيه ,,
الموضوع جا بوقته انا على وشك ولادة بالشهر التاسع ان شاء الله اقدر افيد واستفيد من اللي عندهم خبره بما اني بكريه :) |
الله يتمم لكن ياااااااارب ويهون عليكن يارب .. |
تهئ تهئ تهئ
انا بكريه وبالتاااااااااااسع وماادري وين الله حاطن ياليت الخبره تقول لنا وش نسوى وش مانسوى احيانآ انا يجين اللام بالظهر زي الم الدوره ويخف عادي ولا لا؟؟؟ واحد ينصح بالكمون اذا اوجعن ظهري وش رايكم اشربه ولا لا 8 8 8 8 ماصدقت احد يعطيها وجه هههههههههههههههه تحملوني بعد ريضه خخخ الله يعينكم |
بحكم خبرتي لاني جايبه خمس اطفال الله يحفضهم انصحكن من الشهر الثامن باالابتعاد عن العطورات والمشي بكثره من دخول التااسع واستخدام الكبو عباره عن قشوربصل وكمون ومره والله راح تدعن لي ..للمعلوميه تراني من الشماسيه: :d
|
الله يهون عليكن
|
الله يعافيكن...
ابي اي وحده منكن تقولي من تعرف احد اخذ سونار وقالوله ولد وجابت بنت... يعني فعلا السونار يصدق بكثره؟؟؟او خرطي |
وعليكــــــــم السلام ورحمة الله وبركاته
انا ام >> بشري الوالده - لدي اربع اطفاااال موذين بقوة اي سؤال او استفساااار انا لها >> ماتنعطى وجه الأخت |
اقتباس:
وعلى العموم انا اشوف احلووومٍ تعلمني قبل ليقولون لي :rolleyes:يعني مهونه علي ربي يالله لك الحمد :d طلب اخر .. انا بالخدمه ooo1 |
باالنسبه لي الى الشهرالخااامس احتمال يخطون باالخامس قالت لي ولد وجبت بنت
السونااربااخرالسادس مضبوط ميه ميه :084: |
اقتباس:
معليش اببلشك بس شلون كبو يعني زي البخور احطه خخخخخخ عليميه :confused: اقصد احط جمر صناعي وفوقه اللي قلتيهن واتكبى به صح؟؟؟؟؟ فديتك يابنت عمووو وانا من الشماسيه بعد :d |
اي نعم حبيبتي والله راح تدعين لي ياالغاليه
|
الله يعينك يالبكريه ويهونها عليك قولوا امين وانتي بعد وشحيثك ههههههههههه
هم ولاده وهم نفاس وهم رجل الله يعينك وحده تخوف صح توكلي على الله وحده والله بيسهل عليك الولاده بس نجي للنفاس وهذا اهم شيء اهتمي بنفسك واسمعي كلام امك وقولي لها سمي وابشري واي شيء تعطيكيه كوليه واسكتي ولا تسيرين دلوعه وتقولين وع تراه لمصلحتك انتي اعتقد انك فهمتي الي انا اقصد صح وكلامي واضح اسئلي اهل الخبره واتاكدي من كلامي واسفه على الاطاله بس هذا لمصلحتك وشكراااااااااا |
مشكوووووره مهااااوي يامال العافيه
الله يحرم وجهك عن النار ام ساندي خلاص تم بسمع كلام مامي والله يعين على الحلب ومشتقاته |
إييييييييييييييييييييييييييييييييييييييه تكفون تراي بكريه وبالتاسع وخاررررررررررررررررته من الخووووووووف
ابي شي يسهل الولاده خا ا ا ا ا يفه بالحيييييييييييييييييييل بس اقول ياليتي والده وقاضيه وعندي نااااس مهبلتن بي كل ماطلع لحد يخوفوني وانا مانيب ناقصه خوف عاد امي تقولي امشي اقول لا اخاف اولد تقول اجل بتخلينه ببطنك |
لاوالله يااقلبي الااميمتس صادقه الاهرولي هروله روحي لحدا هاالمزارع وامشي اذكنتي ماااااتبـــــــــي قيصري لان المشي يعطي ليونه للحوض ....
|
الله يعين بسسسس
تهئ تهئ امس رحت عندي موعد يالولاده وهجيت قالو لازم ترقيد ايه هين وين الباب بسسسسس |
هههههههههههه
ليش هجيتي يمكــــــــــــــن الولد معطيهم اشاااره ودوه يطلع:081: يااحبيل البه:019: |
لا يمه خفت يوم جا الصدق
ههههههههههههههههههههه وين بروح يعني انا تليقفت وقلت له حركته خافه هاليومين قالت اجل ترقيد قلت لااااااااااااااا |
8
8 8 8 خخخخخخخ انا tootaa بس نسيت رديت بمعرف جوزي سي السيد |
ويومني خفت قلت وشجاب ابوتركي هنا لايصيردختوروحناماندري فيه حالة ولاده :096:
|
كم اتمنى ان اكون بينكم:eek5:eek5
ماشاء الله تبارك الله الله يهنيكم |
اقتباس:
حبيبتي كم لك من سنه متزوجه ردي ضروري يمكن اساعدك. |
اقتباس:
ماادري شقولك سنيــــــــــــــــــــــــن كثيره |
اقتباس:
الله يسلمك من قالك نبي البنيات الصغار يشاركن نبي الخبره بس يفيدننا اذا عندك شي مفيد اسدحيه هونا ولا الله ييسر لك خلينا نترزق الله |
اقتباس:
خخخخخخخخخخخ :p لاتدققين هم الولاده مهبل بي :oo |
اقتباس:
ياعمري انتي :eek5 يااااااااااارب ياكريم ياارحم الرحمين لاتحرمها وكل مسلمه من الظنا الله يرزقك الذريه الصالحه عاجلآ غير أجل .. |
انبهكن ياوخياتي ترا كثر الكبو يعسر الولاده ويجيب اختناق للطفل
هالشي صار لأختي كثرت كبو اقاله احسن بس للأسف جابت ه عمليه بسبب اختناق الجنين وطلع ولدها ورقدوه عنايه مركزه وعمره يحول بالثواني وقعد اسبوع وزود بالحضانه و ابشركم انه الحين الحمدلله بصحه جيده وموذينا بشطانته بس الي بتكبا تكبا مره وحده أزين شي وطبعا لازم الكبو لأنه يريح شوي وينضف بعد انا مجربته بس مراه موب مرتين ثلاث |
اقتباس:
شفتي البسه اللي معه ترى حتى هي تلد<<<تـــظني:rolleyes: ياحليلك ياخفايا انتي وقطتك;) |
السلام عليكم ورحمة الله وبركاته ياهلا بأمهات المستقبل وياهلا بي معكم :113: فرحتوني بردودكم ومساعداتكم وإفاداتكم , .. وكأني أرى خفايا الروح غيرت الموضوع ياجعلتس العطلة الجاية معرسة واللي بعدها حامل واللي بعدها والده <<< تحسون طولت بالحمل :113: .. المهم إذا العيال بيدخلون بكيفهم وهذا شيء كتبه الله على بنات آدم وحديث الرسول صلى الله عليه وسلم : " تزوجوا الولود الودود فإني مكاثر بكم الأمم " ومن هذا الحديث انطلق الموضوع .. وبالنسبة للمنتديات اللي تقولين يابعدي يعني معقولة مايدخلها عيال حتى لو هي نسائية 100 % !! يعني اللي يفتح بريدة يفتح غيره واللي يبي يقرأ المواضيع ماوقفت على موضوعنا النت مليان وحنا ماوضعناه إلا للفائدة ,, وماتدرين ياخفايا يمكن يجي يوم وتسيرين هنا تدورين اللي يفيدك :d .. شكراً للجميع :) |
اي والله موضوع مفيد
انا لسا حامل بالشهر الرابع بكريه الله يتمم علي ويرزق كل اللي يبي بيبي وابي معلومات مثل ايش الدكتوره اللي تنصحوني فيها وبأي مستشفى؟؟ |
مبروك خيتووووو الحمل
انا اراجع عند الدكتوره سلوى بمستشفى المحيميد ماشاء الله عليها مره مرتاحه له الله يعينك على الوحام والزي منه |
السلام عليكم اللي تسأل عن الدكتورات ياليت أقدر أفيدك بس أنا من الرياض ودكتورات الرياض كثار .. والعيادات مليانه .. فأخاف أذكر البعض وأترك البعض , :) .. بالنسبة لترهل البطن بعد الولادة اللي تعرف خلطات أو كريمات تشد البطن فترة النفاس ياليت تفيد الجميع ,! .. شكراً للجميع :) |
الله يهون على الحامل ونقول لها يالله هون الطلق وحسن الخلق والي متاخره الله يرزقها الذريه الصالحه المصلحه ** اما عن خفايا الروح * كل الشباب والبنات الصغار يعرفون هالامور كلها وحنا نعرف بعد ولكن هي فضفضه لمن تحس بالالم ... |
اقتباس:
اقصد من بريدة انتي طيب تنصحيين به انا اجهضت اربع مرات :eek5والحكومي لا:eek5حياه لمن تنادي الله ياخذهم احس اني صرت دكتورة نفسي من :eek5كثل مابخصت حالتي اللهما اخلفني خير خلف :eek5 وارزقني الذريه الصالحه ياااااااارب |
هلا خيتو مغتربه انصحك اجل بهالدكتوره انا اروح له وكثير اعرفهم يروحون له ومرتاحين له كبيره وفاهمه وراكده<<< بتخطبه ههههههههههههه هي موجوده بمستوصف المحيميد ببريده مدري وين موقعه بالضبط بس اذا تبينه اسأل رجلي وفيه الدكتوره احلام بمستوصف الرشيد يمدحونه بس ماجربته لانه زززززحمه مره عنده وكثير تأخرو عن الحمل وبعد الله حملو لما راحو له ادعي لي تتسهل ولادتي تهئ تهئ ....... |
الله يسهل عليك يااارب ويكتب لك بالتمام يارب
طيب اختي ياليت رقم المستوصف واسم الدكتورة بالضبط والله يسهل عليك يارب واحلام احد قالي كذا واحد قالي شينه وانا مادري احترت |
قولكم معلومه
جديدة للي على وشك ولده وحاسات بالطلق من اول ماتجسين بالطلق انو اشتد خوذي لك شور فاتر شوي مو بارد وخليج علىىطول جاهزة لان بان الله ماتصلني المستشفى الا انتي والد وان شاء الله ماتلدين بالسيار ههههههههههههههه كثير جربوها وان مانفعت ماضر لانو ماااااااااء لا راح ولا جاء ههههههههههههههههههه |
غريبه والله كثير اعرفهم يمدحون احلام بس عيبها الزززززحمه
المهم رقم المستوصف 3244905 3244901 الله يسهل لنا يااااارب |
مشكووووووووورة
|
العفوووووووووووووووو
|
الله يسر حملكن
امين |
دعواتكم لنا
ولاتنسزن الملك يقول ولكم بالمثل |
انا رح اقولك خلطه لتشقق الجسم >> استخدم خلطة بياض الثلج بس قبل لا ادخل الحمام بربع ساعه اشغل غلاية المويه واقفل كل منافذ التهويه عشان يصير زي حمام البخار وابدا بدهن جسمي بالخلطه واتركها اقل شي تلت ساعه مع تدليك خفيف للجسم بيدك بعدها اتروشي باي صابون عادي انا صراحه استخدم صابون ديتول وربي الخلطه تفتح بشرتك وتخليها مره ناعمه بسبب الزيوت الي فيها وكمان لازم تستخدي كريم زبدة الكاكاو عشان تشققات البطن والفخد المهم قبل لانسى هاذي مقادير الخلطه صابون غار كوب ماء ورد 2ملعقة كركم الجسم (موجود عند العطاروهو غير كركم الأكل) فنجان قهوة من كل من (زيت اللوز المر _زيت الزيتون_زيت الخروع) وبالنسبه لأغراض الصيدلية 2 علبة صغيرة جلسوليد الأحمر علبة جلسرين علبة صغيرة فكس اول شي ابشري الصابونه وذوبيها بماء الورد طبعا في علبه قزاز يوم كامل اليوم التاني اخلطي بقية المقادير وسكري العلبه وحطيها بغرفتك لوقت استخدامك وان شاء الله ترتاحي عليها :p بالتوفيق .. والله يسهل :eek5 |
يمكن اللي يوتر الا الاكيد ان اللي يوتر اي حامل وخااااااااااااااصه البكريات هو كلااام النااااااااااااس حبيبااااتي .. كوني متكله عللا ربك ويهونها % وكل صلاه ادعي ربك. (يااارب سهل عليّ الحمل والولاده وعلى كل مسلمه) واذا دخلت الشهر التاسع كل يووووم7حبات تمر اول ماتقومي الصباح وكانت هذي نصيحة دكتوره قالتها بس عاد انتبهوا اذا كان عندكم سكر استشيروا الدكتوره طبعاً هالشي مذكور بالقرآن لما مريم جاها المخاض(اعراض الولاده) انها تهز جزع النخله وتاكل ثاني شي المشي حبيبتي لأنها يساعدك بس لااااا ترهقين نفسك أبد أول ماتتعبين ارتاااحي على طووووووووووووووول.. انتبهي تاخذين قرررررررفه واعشاااب ومدري ايش مع الولاده.. لأن مو الكل ينااسبهم .. ترى في نااس يقفل الرحم عندها وهالشي صار مع وحده من قريبااااتي لكن انتي من تدخلين التاسع خذي لك مويه واقري فيهااا .. واشربي وامسحي على بطنك واقري ادعيه تسهيل الولآده. وياويلك تصحين .. واااااااااااو >> هههه قويه .. وبعدين يالبكريه ماااعليك من الناااس اللي تصيح وقت الولاده ترى البكا ياخذ جهد منك زيااااده تدرين ليه الوحده تصيح وتصاارخ بصووت عااااااااالي؟؟؟؟ لأنها تقوم بجهدين (الولاده+الصياااااااااااااح) فيزيد التعب لكن لو كان جهد واحد( الولاده) تعب أقل بكثييييييييييير<= وأهم شي بعد حبيبتي طريقة التنفس أثناء الولاده تسهل عليك مره طبعاً ماأعرف أصيغ كتابة الطريق صح لكن ابحثي بقوقل عن طريقة التنفس اثناء الولاده ودمتم وللحديث بقيه>> ماتنعطىوجه ,, م.. ن |
السلام عليكم يابنات......
انا حامل بالشهر الثامن والله ييسر و يعين يارب """أبي أسأل عن مستشفى للولادة """وش أحسن شى ؟؟مشكلة مستشفى الولادة زحمة وأنا ماجربته لأني والدة ولدي بالوفاء اللي بعنيزة بس الحين يقولون انه تغير؟؟؟"" ابي الله يجزاكن خير رايكن من حيث العناية والخياطة وأحسن دكتورة؟؟؟؟؟؟ ولك مني أجمل تحية:d |
مساء الخير .......
جيتكم وعندي كم نصيحه .. انا بكريه ووالده لي 22 يوم ياربي لك الحمد.. اللي بالشهر التاسع وفات موعد ولادتها وتبي شئ يفتح الرحم تنقع زعفران بمويه وتشرب منه انا كذا فات موعد ولادتي وقريت من وحده كاتبه بالنت ورحت نقعته وشربت كوب ..>>>شربت قرفه ومافادتني بشى وشربت يانسون وكمون ومافاد وشربت ماء الزعفران بالليل ونمت ويوم صار الصبح شربت كوب ثاني وماجاء الظهر الا الطلوووووووق بدت معي وولدت الساعه 11 بالليل الحمد لله .. وعليكم بالدعاء كلها تياسير من رب العباد .. وفيه كتيب اسمه ورد الولاده انصحكم فيه ياحوااامل او حملوه من النت .. والله يسهلها وييسرها عليكم ... |
اقتباس:
للحين قاهرتني ..ماتقول هاذي بكريه وماتعرف ماغيير صراخ وهواش بس ان شاء الله اول و اخر ولاده لي عندهم :eek5 |
هذا اللي مخوفن من مستشفى الولادة شينة النفس والمعاملة الشينة"""أجل تنافخ وتهاوش""
لكن مااقول الا يالله فرجك وتيسيرك يارب"""" |
ماشاء الله على البركه "بنت الشماسيه "الحمل
الله يتتم عليكم جميعا |
اممممم صراحه مستشفى الولاده وععععععععع ,, مافي اهتماام بالمره واذا زحمه طلعوك بدري ,, ومافي تنظيم ,
لكن الحبيب يمدحونه .. , صدق انه غالي بس راحتك اهم ,, ربي يسهل ,, |
يعني بكم يولدون تقريبا الحبيب
|
الله يسهل عليكم جميعا ياااااااااااااااارب
بنات انا حامل بتاسع..ومشلكتي لاجاء وقت الولاده يجين ضيق تنفس..انكتم مااقدر اتنفس.. طبعا هذا كله خوف..من الولاده وصار لي نفس الشيء بولدي الموذي..انكتمت ليييييييييييييييييين وقف نبض الجنين..والدكتوره تصارخ علي تقولي خذي نفس..بس عجزت خوااااااااااااااااااافه.. والحمدلله اني طلع مامات..بس ولدون قيصري.. وهالحين خاااااايفه يجين نفس ماجان بولدي الاول.. شلون ارتاح نفسيا ولا اخاف؟؟؟؟؟؟؟؟ياريت اللي عنده فكره تنصحن.. ومشكوره بنت الشماسيه على الملف الرائع ويااااااااااااااارب ترزق كل محرومه عاجل غير اجل |
مشكورة اولا على الملف المهم بالنسبة لي ,,,<<<
اللي تسأل عن متابعة الحمل انا حامل بالشهر السابع الله ييسر ويسهل راجعت بالبداية عند سلامات عند دكتورة اسمة منيرة بس بصراحة ماأعجبتني ابد خاصة اني بالبداية معي كدرة الله يكرمكم ويادوب تهرج اذا سألتيها بعدين رحت عند أحلام برشيد بصراحة تهبل الله يجزاها الجنة بس خوذي موعد بالتليفون وبعد بيقطعونك شوي بس نفسيتها روعة ماكأن عندة زحمة .. وتعطيك نصايح مو لازم تسألينها ,,<<متعقدة وبس .. ياليت اللي ولدن قريب يقولون وين ولدو بأي مستشفى واسم الدكتورة ؟؟ بإنتظار كـــن |
الحبيب ,, اظن الولاده الطبيعيه ,, 7000 مع جناح خاص ,, اقل بدون جناح يمكن 4000 واشويه,,
والعمليه 12الف >> حسب كلام صديقتي ولاده فيه ,, بس روحي لمستشفى اتاكدي احسن ,,, صراحه مستشفى المستقبل الدكتوره حنان فرحات وربي عسل حنوونه ونفسيتها حلوه انا اراجع عندها ,, |
أنا لسى حامل بالشهر الثالث واتابع بمستشفى فخري والراجحي بالشرقية بما اني ساكنه هناك وان شاء الله ولادتي ببريدة لكن من كثر مااسمع عن مستشفى الولاده وشينهم خفت افكر اولد بمستشفى الملك سعود بعنيزة وش رايكم به ؟؟؟ |
بصراحة أنا اراجع بمستوصف الفيحاء عند الدكتورة سعاد روعة لكن سافرت وراحت الله يذكره بالخير
وجت بداله دكتورة أروع و ممتازة بالمرة اسمه منال بكار نفسيته حلوة لكن مشكلتي الحين مستشفى الولادة اتمنى كل وحدة ولدت تكتب وين ولدت ؟؟ وتكتب كل شى عن المستشفى"""" واشكرك يابنت الشماسية على هذا الملف الرائع فعلا حنا يالحوامل بحاجته الله يجزاك عنا كل خير""" |
مراااااااااااااااااااااااحب بالحلوااااات الف مليوووووووووووووووووون شكر حبيبتي بنت الشماسية فعلا" كنا بحاجة لهذا الملف فالنت مليااااااااااااان عن الحمل والولادة لكنه لايعني بريدة خصوصا" اكرر شكري واكرر واكرر لاحُرمت أجره يالغلا(h) |
اقتباس:
بسألك سؤال واحد بستطاعتك تغيير ماكتب الله لك إذا" توكلي على من خلقك ورزقك وتأكدي ان من توكل على الله كفااااه وقت الولادة ركزي تفكيرك بالمولود وحطي في بالك انك لازم تسترخين وماتوترين نفسك عشان الي صار للطفل الأول مايتكرر طبعا" الكلام غير الفعل لكن صدقيني إذا عزمت فستفعلينها الله يفرج لك ولكل المسلمات |
اهلا كرووووووووووشات
انا بالتاسع ومحتاره وين اولد وش تنصحوني فيه الا الحبيب لان صار لزوجي مشكله معهم لا باقي لي يوم في التاسع الحميس ادخل العاشر الوطني الوفاء ومن يعرف الدكتوره هويداء بالوطني |
مكان الولاده ليس له دخل بسهولتها اوتعسرها اتكلو على الله والله يهون عليكم ... اما عن توقف القلب لدى الجنين يقول لك الطبيب ان تسجدي ليخف الظغط عن الطفل يالله هون الطلق وحسن الخلق .. |
وينكم يابنات
ليه مافيه تفاعل |
ياهلا بتوته الحلوة تمنيت انك من الرياض كان ساعدتك بس اصبري يساعدونك بنات القصيم إن شاء الله :) |
ابشركم الحمدلله ولدت
يماااا الولاده توووحش ماكنت متصورته كذا بس الحمدلله على اجر ان شاء الله |
اقتباس:
وانا أقول وين تووتا شفتي الولاده يسهله لاياعمري وكل ولاده اسهل من الثانيه:rolleyes: هذي مو لك للبيبي:f: |
اقتباس:
:eek::eek::eek::eek::i121:i121:(:(:( الحمدلله على سلامتك..بس والله مالك داعي توحشيننا..الله يخليك لوليدك منا ناقصه خوف لاولدت قولي اللي تبين بس الحين لااااااااااااا |
ماشاء الله ياتوووتل داخله خالملف بشوف وش ثار عليك خخخخخخخخخخخخ
|
مبرروك ماجاكي ياتوتا
والله يهون علينا حنا الحوامل ع انا توي بالشهر الرابع ومعي ولد وبنت وجربت الولادة والفريخ بالنسبة لللاولادة حلو معامله حلوة ومكان مريح ونظيف وخدمات لكن؟؟ من ناحية الخياطه وععععع ماعندك احد الا اذا انتي اشترطتي انه تخيطك طبيبة واشين شي هو انك تسمعين الصرتاخ والصياح وانتي لسى ماولدتي بيمممه اما الفريح ولدت ولي فيه قبل 3 سنين خدمه ممتازه وعنايه خاصه لك مادري يمكن عشان انا كنت بلحالي والادة ماعندهم احد والخياطه مرررررة حلوه الحمدلله فرق بين خياطه الحكومي والاهلي لكن مبناهم تقل شقق الشاميه صغيره وقديمه وحمامتهم كذا ماكانك باهلي |
توت توت طحت بكم يحليكم اثركم هنا يامال الصلاح
مبروك الملف الجديد ومشكوره بنت الشماسيه والله حنا محتاجينه مرررررررررره ماطول عليكم انا حامل بشهر السادس واول ماحملت تعبت ورحت للوطني عند هويد استشاريه سودنيه حلوه ونفسه سمحه وبعدين بديت اتابع عند الدكتوررررررره كفايه استشاريه بمستوصف الفليو خلف مسجد الرحجي مكانهم بس الدكتوره هذا ماشفت مثلها من سماحت النفس وحرصها على مريضتها وحرصها على شغلها وبديت ارجع عندها والحمد الله ومن اسبوع تعبت ومرررررررررررره ورحت المستشفي الحبيب وتنومت عنده خمسة ايام وكانت العنايه ممتازه وملاحظتهم لي وقت تعبي كمان ممتازه والاستشاريه الى عندهم وستلمت حالتي اسمها شازيه طيييييييبه مرره اول ماشفتن تخمخمتن تقل وحده من بناته وجلست تطمنن على صحتي وعلى صحة البيبي وهذي قصة حياتي و يمكن اولد عندهم يعني في الحبيب مع تييسر ربي لاتنسوني من خالص دعائكم |
هههههههههههه
الله يفرجلك ولاتخافين ترى الولاده سهله;) |
ايه مرررره سهله !!!!>>> اهم شي اطلبي الكمام
بنات ابسالكن مافيه طريقه منزليه لمعرفة جنس الجنين؟؟ قالو القلم وطريقة البول وترسباته بس قبل ماازين شي قلت استشيركن اول اذا كنتن مجربات احد الطرق.. |
لمعرفة جنس الجنين
مالك الاتسوين سونار ههههههههههه انا بحملي هذا عند يحساس كبير بنوع الجنين المهم سويت سونار وطلع نفس احساسي ودمتم سالمين |
اكيد معرووف السونار
لكن مافيه طريقه منزليه .. وحده عجازه تروح تكشف >> ماقد رحت للمستوصف الا وبي شيء يعني مستحيل اروح علشان السونار.. |
اقتباس:
الف الحمدلله على السلامة وربي يتمم لك على خير وعقبالي والحوامل يااااااااااااارب |
اقتباس:
فيه طريقة السلسال والخاتم لكن صدقيني حتى السونار نتيجته مو أكيدة وكثير طلع الجنين عكس الي قالت الدكتورة الله يفرج لنا ولك ولكل مسلمه |
اقتباس:
:eek5 ياربييييه كسرتي خاطري .. ياقلبي عجزت أمر ولا اقولك كلمة طيبة .. احس انك بحاجة لتمارين استرخاء .. يعني تنفس بعمق .. شهيق وزفير بهدوء .. تراه مفيد جدا لكل حالات الكتمة .. واكيد بتنفع لمثل حالتك ... حاولي تتعودين من الحين عليها .. الي هو التنفس بعمق .. لأنه يملأ رئتيك بالهواء ثم جسدك بالاكسجين ... الله يهون عليك .. ويارب مايصير موذي مثل اخوه .. :d |
اقتباس:
(f) ألف مبرووووك يالغلا (f) الحمدلله على سلامتك .. والله يخلي لك الصغير يارب ويحفظه ربي ويجعله من حفظة القرآن .. والله يتمم لك بخير قلبي .... (h) |
الف الف مبروك توتا عقبالي >> الهجه
|
ابسال اللي تراجع او تولد باهلي موظفة ولا تطر من زوجه لان اغلب الرجال مايطلعون الريال الا بطلعة الروح :i121 :i121
ياوييييل اللي ماترد علي :d |
اقتباس:
بعد قلبي انتي.. عاد تصدقين اول ماقريت ردك اخذت نفس عميق:d بس لاجاء وقت الجد:oo:oo |
والله انك تضحكين يــــــــا أخت مسك
أجل الوحدة تطر من زوجه ياكافي وشوله اجل يتزوج اذا مهب مصرف علي ويخلين اولد بأهلي ههههــــــه......نكته:d:d الله يخليهم لنا ان شالله مايقصرون ويلبون طلباتنا واحتياجتنا ويجزاهم كل خير...: 12 |
ام الموذي ربي يسهل عليك وتولدين بدون وحشه وتولدين طبيعي
والى والدت الحمد الله على سلامه وربي يجعله من موليد السعاده ومسك ام اطر من رجلي وهو وش حاجته يابعدي هذي تسع اشهر اكرف وشيل وحط بهالحمل ولا يحطين بالمستشفي الى ابي ولا واذا والدن فتح كشرته من الاذن للذن من الفرحه وبالولد وانه صار ابو فلان يا خيتي خلين استانس وا طلب منه الى ابي فرصه استغله واقوله ابي المستشفي الفلاني علشان اولد فيه |
طفل يبكي دخل بطن امه
سبحااااااااااااااااااااان الله عدد ماكان وعدد مايكون وعدد الحركات وعدد السكون 8 8http://dsc.discovery.com/news/media/...yingvideo.html شوفو وخبروني شعوركم |
مشكوووووووورين لكل اللي باركولي
الله يتمم على كل الحوامل وتقومن بالسلامه يارب |
ماينفتح الرابط ,, اخت رجال
|
اهلين بالحوامل جميعا
انا حامل بالشهر الخامس والله الحمد بس حبيت اسال في احد ولد ت قيصري بالوطني وكم اسعارهم |
يارب الى تدخل موضوعي وترد على ربي يسخر لها زوجها ومايعرس عليها وربي يجعلها قرة عينه
:pالسلام عليكم ورحمة الله وبركاته
اخواتي سؤالي انا اسال عن الخياطه التجميله من احسن طبيبه تسويها في بريده وفي اي مستوصف وكم قيمتها والالم شديد وقت العمليه او تقدر الوحده تستحمل قصدي مع العمليه وبعدها وهل استفدتي بعدها ومته سويتيها بعد الولاده مباشره او بعد كم شهر ياليت الى عندها خبر او سوتها يالتها تفيدنا بتجربتها والها الاجر وربي يسخرلها زوجها ويحفظلها ذريتهايارب |
سبحان الله وبحمده سبحان الله العظيم
|
يكافي والا وحده ردت وش دعوه
على الاقل ارفعو الموضوع بدعوه طيبه |
اعرف لك وحده سوتها عند الفريح بعد الولاده بااسيوع تقريبا
وماتحسي فيها الابعدين وفيه حبيبتي منتديات نسائيه كل اللي تبغين فيه |
وعليكم السلآم ورحمة الله وبركآته
والله يآختي اتمنى من كل قلب اني اسآعدك . بس أول مره اسمع في هالعمليه بس مثل ماقالت مهاوي ادخلي منتديات نسائيه يكون عندهم خبره .. الله يوفقك ويسعدك وإن شآء الله يجون البنآت يفيدونك (h) .. |
اقتباس:
المنتديات الثانيه النسائيه سالتهم بس ماافودني بمستوصفات او مستشفيات بريده اغلبهم مايعرفون قالت احط موضوعي بهذا كودي استفيد |
اقتباس:
تسلمين يارررب |
ماني من سكان بريدة ..
والا والله ودي اخدمك ..:) الله يسهل امرك ويكتب لك الخير وين ماكان .. |
للرفع
وبالتووفيق |
اقول بنات عندي سؤال خفيف لطيف
حاوه خفيف لطيف المهم وش اغرب شي توحمتو عليه خلونا نسولف وننبسط عاد الوحام انواع الخربيط انا ابي منسف اردني تعرفونه المنسف لحم غنم بالمكسرات والرز وووووووووووووووواوميته عليه بس ابو شباب يضحك بي يقول لو انتي متوحمه على سفره للاردن انسي بس بنات به مطعم ببريده يضبطه مشتهيته مرررررررررررررررررررررررررررره مررررررررررررررررررررررره بس مين تقولين له ياعمري صديقتي اخذت الطريقه من النت وجت عندي وقعدنا نشيل ونحط بس طلع مهب الى في بالي واخر يوم حطيته على سفره وقعدنا نبي ناكل بس عجزت اكله مهب هذا الى في بالي عاد هي اخذت منه الابوهم وانا احطيت منه الابو شباب يقول والله ان شغلكم احسن من اطلق مطعم يبي الفكه يالله هذي قصتي عطوني من قصص توحمكم |
اقتباس:
والله ماقد سويتها والا كان افيدك واذا حصلتي خبر عطينا اياه عشان نستفيد وبالنسبه للوحام حملي الاول توحمت بالتراب اموووووت عليه عندي كيسة كبيرة ودايم الهم لي ملعقة تراب الله ياسلالالام اما هالمرة توحمت بالحوامض مخلل ورق عنب اي شيء حااامض.. |
كيف الحال مع البطاااااااااات فكرة حلوة يا اخت رجال انا توحمت على الخيار الي مع ورق العنب حق الأرياف تخيلي مابي غيرة جربت الي في بنده بس غيييييييييييييييير |
| الساعة الآن +4: 07:28 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.