|
ماحقيقيه نقل ادارات الكهرباء من بريده الى عنيزه!!!
السلام عليكم ورحمه الله وبركاته : هل صحيح مايتوارد الان بالمجالس من نقل عدد من الادارات للتوسعه الى يبي يسونها تشمل اكثر من مائه موظف من المحطة المركزيه التابعه لمدينه بريده الى مباني داخل عنيزه وش دعوى ضاقت الاماكن ماعند الكهرب مواقع ببريده انا عندي لهم اماكن بالكوم لهم : الارض الى شرق المحطة الغازيه الفضاء مالها اي شغل وكبيرررره جدا ومتروكه ولا هي مسوره ولا شي او بنفس المحطة الغازيه الى كلها بران من الشمال والغرب او الى وراء مكتب خدمات بريده بالورشه مكان كبير او الى شرق مكتب بريده يوسع كثير والا بنفس المحطة المركزيه من البر الى شمال وجنوب المحطة يعني ضاقت الا بعنيزه بس الله يخلف علينا مافيه احد بالشركة يطالب واين الى تقولون ابن بريده البار علي البراك ومن جيته والادارات تروح عنيزه واخرها ادارة اتصالات الكهرب راحت من بريده لعنيزه ومبنها بعنيزه والبقيه يبي يلحق اكيد حتى يمكن الادارة الرئيسيه ومكتب المشتركين يبي يروح عنيزه حتى اذا جيت تسدد تروح بعنيزه عجبي من اعيان بريده!!!!!! |
أهم شي ما يطفى .. كله عمر الإدارات السابقة ببريدة والكهرباء ما شاء الله أشوفها على أكمل وجه !!!!
|
اقتباس:
عجبي منك يا متفائل جدا....وهل قال احد هذا الكلام غيرك او سمع احد من المجالس غيرك ؟؟؟ انت من يقول هذا الكلام ...فالمقرات الرئيسية لشركة الكهرباء موجودة في بريدة وهي عامة لمنطقة القصيم والموجود بعنيزة هو خاص لعنيزة حالها حال الرس والمذنب وغيرها ...فلا تحاول بارك الله فيك اختلاق شوشرة من خلال هذا الموضوع وهو الضرب على وتر عنيزة وبريدة او بريدة وعنيزة ... |
اخي الميدان شكرا على مداخلتك وانا لم اعمل شوشره ولكن هذا الواقع ويبدوا انك نايم بالعسل الادارة المعنيه هي اداره نقل الطاقه للكهرباء >>> وبامكانك التاكد من احد المهندسين لديهم او روسائهم المعلومات عندي شبه موكده >>> واذا كان ماعندك معلومات لاتقول اني اعمل شوشره الله يهديك وغيرها من الادارة التي ممكن انها ستذهب لعنيزه بعد التوسعه للمحطة مثل مايذكر بالمجالس مثل ماذهبت مسبقا ادارة الاتصالات بشركه الكهرباء قبل سنتين <<< وجماعه الاعيان تكلموا بس بلا فائده .. اخيرا وللعلم للجميع الادارة المعنيه تخدم القصيم كامل وليس عنيزه فقط |
عادي وبعدين وش المشكله راس ماله شركة كهرب
|
،، يشيخ جعلهم ينقلونه .. بـوسط .. عنيزه .. هوما الكهرب تشتغل بس ،، |
ياخي عادي ترى المكان مايفوق عنيزه الرس المذنب هونج كونج كله واحد
اهم شي انهم مايطفونه علينا |
طيب والوظايف والموظفين والعالم الى تشتغل صدق نظرتكم قريبه هذي الكهرباء بدايه ووش المشكله بعد ينقلون الصحه مادام عندنا مستشفيات ووش المشكله ينقلون هيئه التحقيق او هيئه الامر مادام نخدم وحنا ببريده وبعدين ناصل ان الاماره تنقل لعنيزه ونقول همن واذا صار بس مافكرتوا بوظائف لنا وعيالنا او مركز بريده الحالي ومحاوله سحب البساط عنها لكن الشرهة على ان تفكيرهم قريب |
اذا كان على الوظائف بريدة وعنيزة كلهم عيالنا ...
|
اقتباس:
|
السلام عليكم ورحمة الله وبركاتة
بخصوص موضوع إنتقال الموظفين إلى كهرباء عنيزة غير صحيح لأن وجود إدارة كهرباء القصيم في بريده هوالسبب الذي جعل جميع موظفي المحطة المركزية ينتقلون إلى منبى الأدارة .... أنا أكلمك من واقع خبرة ومعرفة وكلام موثوق فيه مائة بالمائة بااااااااااااااااااالنهاية ........ مايصح الأ الصحيح بااااااااااااااي |
اقتباس:
طيب ممكن تقول وين مقر هذه الادارة التي تقول بان موضفي الشركة انتقلوا اليها ؟؟؟ وكم عددهم وسم احدهم حتى اسأل عنهم اما قولة يقولون ترى هذه كلمة مقتبسة من وكالة يقولون .. اما بالنسبة لادارة الاتصالات بالشركة ايضا اريدك بان تحدد مكانها بعنيزة وانا مستعد للذهاب اليها والتحدث الى بعض العاملين فيها ؟؟؟؟ |
ادارة الاتصالات شفها
داخل مكتب خدمات المشتركين بعنيزه الى بطريق بريده على يمينك وانت رايح شمال مبنى مستقل جديد كانت ببريده وانقلوها >>>> وانت نايم بالعسل والبقيه ستاتي |
اخوي بريداوي 2009 موظفي المحطة المركزيه الى كانوا بالمحطة وهم تبع ادارة نقل الطاقه هم المعنيون وهم ثاني ادارة ستذهب لعنيزه بعد ادارة الاتصالات وستكون جنب مكتب المشتركين بعنيزه . ويبلغ عدد موظفينهم بالمئات وطبعا تبي تلحقهم الادارات الثانيه بعدين لكن الله يخلف على ديرة مافيها الا ناس همهم مصالحهم واخر مايهمهم الديره ووظائفها ومكانتها وبروزها بشتى المجالات |
شكلهم اخر شي بريده بتحذف من القاموس الله يخلف امعااااااااااااااااد مالقو اماكن من كبر عنيزه عاااد
|
يمكن عقب سالفة المظاهرات
|
اخوي الميدان كلام اخونا متفائل جدا صحيح
الادراة هي ادارة النقل في القصيم وسوف يتم نقل الموظفين الي مبناء مؤقت حتي يتم بناء المبني الجديد في عنيزة ثم يتم نقلهم اليه مباشر وتم اعتماد20مليون لهذا المبني وصرح بهذا البرك وسأل اي واحد في الشركة.. ولاكن لم يتم الي لان اي شي. |
الميدان الا مارحت بارك الله فيك تقابل موظفي ادارة اتصالات الكهرباء مثل ماتقول <<<< والا ماودك تسوي شوشره عليهم لانهم بعنيزه اقول قم بس قم... |
اقتباس:
ارجوا التأدب في الرد بارك الله فيك فليس هذا هو ادب الحوار ان تقول قم بس قم نعم سالت من احد الزملاء ومن هم يعمل في شركة الكهرباء وقال بالحرف الواحد بانه سوف يتم نقل موضفين في المحطة المركزية الى بريدة لانه سيتم انشاء توسعة في المولدات مكان المباني الادارية التي تمت ازالتها .. ومن هنا نسأل ونقول من الذي يسعى للشوشرة هداك الله ؟؟؟ عموما وبوجهه نظر شخصية بعيدا عن العاطفة . فحتى لو نقل المبنى لعنيزة فما هي المشكلة؟؟ فاعتقد لو انه نقل الى الرس او غيرها فلا حرج فهناك محافظات في بعض المناطق تتقاسم مع العواصم الادارية بعض المرافقة الخدمية والحيوية حتى تكون شاملة للمنطقة كلنا نريد بان يكون كل شيء ببريدة وهذا حق ولكن لسنا ابخص من المسئولين والقائمين على تلك المصالح .. فنحن لم نسمع لك صوتا حول مركز الابحاث الزراعية بالقصيم ومقرة عنيزة وكذلك قوات الطوارئ التي يتم العمل على انشاء مقر لهم في عنيزة مع العلم بان تلك الادارات عامة لمنطقة القصيم .. فيبدوا انك احد الموضفين في شركة الكهرب .. وما ودك تظرب خطوط كل يوم لطريق عنيزة علشان محطة الكهرب |
عساااهم ينقلون الادااره للمريخ الكهرباء وشغال ايش المشكله
بعدين بريدة وعنيزه هذي عين وهذي عين ايش الفرق .. حلوه اما بكره ينقلون الامااره لعنيزه بصراحه ضحكت لهذي ... |
اقتباس:
نظرة دون موطى القدم <<< هذا الي ذبح ربعنا الى غيرنا يعمل ويشتغل ويبنى لديرته واحنا نخلق التحاليل والاعذار >>> حتى الجامعه عندهم بالطريق على العموم اخي الميدان حياك الله >>> بس لاتقول ابسوي واسوي وانت ماعندك مشكله لو نقلوا كل ادارات القصيم لعنيزه تحياتي |
اقتباس:
حياك ابوسليمان الدنيا غريبه عجيبه لاتستغرب شي اليوم تضحك وبكرى يكون واقع <<< الدلائل كثيره وبعدين شغلة ان الكهرب شغال لو تكون الادارة بالمريخ<<< اذا لتنقل جميع ادارات الاتصالات ومصلحه المياه وجميع الادارات الخدميه لعنيزه ونحن اكيد نبي نخدم عن طريق مكاتب صغيره يعني بالعربي مافرقت لكن تبقى نظرة قريبه للواقع اشكرك حبيبنا ابوسليمان لمداخلتك |
عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......عنيزة ...... بريدة ......
اففففففففففففف ....موضوع تافه و للاسف .... فيه ناس ترد و تحس بالرد بحماس و تأكيد ناس فعلا فاضية |
اقتباس:
حياك اخي الحبيب بس لو يؤخذ ريال من جيبك كان ماكتبت موضوع >>> بل كتبت مجلدات لكن ادارة تنقل من مدينه لاخر لايهمك >>> فعلا ناس اخر همهم مدينتهم<<< بالاخير اكيد انك من الدخلاء الجدد على المدينه تحياتي |
الله يخلف
|
اقتباس:
اآآآآآمين |
اقتباس:
هل برأيك ان تقارن عنيزة ببريدة وهي ثاني اكبر مدينه في المنطقة الوسطى ؟؟؟ ومن قال لك ان الجامعة عندهم الجامعة التي تتحدث عنها في المليدا وهي تابعة لبريدة وبعيدة عن عنيزة اما قصدك فرع الجامعة فهي في احياء بريدة الجنوبية وكيف تكون عندهم ...وما هو موجود عندهم سوى كلية التقنية والمجتمع التي افتتحت مؤخرا وهي تابعة لجامعة القصيم ...ثم قضية نقل الادارات عندهم ...وهل برأيك ان نقل تلك الادارات هي بالامر السهل او على كيفهم ؟؟؟؟ هذه ما تنقل الا بامر ملكي وليس بامر امير المنطقة او الوزير ... خالد الفيصل امير مكة اول ما استلم امارة مكة رفع الى وزير الداخلية والى المقام السامي بالسماح لنقل ادارات العموم من جدة الى مكة وجائت الموافقة على ذلك ...يعني الدعوى مهب لعب وانا اخوك .ممكن بعض المرافق او بعض الجهات تستوجب المصلحة فتحها في بعض المحافظات نظرا للمصلحة مثل كلية المعلمين بالرس سابقا مع العلم بان بريدة هي عاصمة المنطقة . وكذلك الحال مع المعهد الصحي بالبكيرية وغيرها ودار الحظانة الاجتماعية للبنات كانت بالرس وهي عامة لكل القصيم وقد جاء امر بنقلها لعنيزة مؤخرا يعني من محافظة الى محافظة .. حتى مستشفى الولادة تم اعتماد مستشفى في الرس مع العلم بان عنيزة هي المحافظة الثانية بالمنطقة بعد مدينه بريدة .. مع انه سبب شوشرة في عنيزة وصجة ولجه بس الدولة ابخص وادرى اين تضع المشاريع .. لسبب بسيط هو ان الرس تبعد عن بريدة حوالي 100 كلم وعنيزة تبعد حوالي 25 كلم يعني الرس اولى بالمستشفى خاصة وانه يتبعها قرى كثير .. يعني الدولة ابخص |
اخي وحبيبي الميدان
الجامعه التي اعني وجاري التحضير لها هي جامعه عنيزه >>> غير جامعه القصيم طبعا لو تسال اي واحد في جامعه القصيم علمك طبعا لها ارض كبيره ومدينه جامعيه في الجنوب من عنيزه نواتها حاليا كليه الطب بعنيزه وبعض الكليات التي ستفتح بالتدريج <<< ماقصر العطيه واحنا نايمين بالعسل اخي الحبيب وقرينه على ذلك وسبق طرح اعلان بجريده الجزيره بعنوان جامعه عنيزه <<< ولم يحصل بعدها تصحيح للخطا بالاعلان تحياتي الغاليه |
احترامي ... أهم شي الوطن في المقام الاول ومصلحته وبعدين ما تفرق لو نقلنا الدوائر الحكومية من مدينة الى آخرى ما دام هناك مصلحة
اكل الميتة وشرب الخمر محرم في الدين لكن وقت الضرورة جائز ذي الدرعية كانت عاصمة المملكة والآن الرياض .. ليش ما زعلوا اهل الدرعية ينقلون الدوائر الحكومية عندهم واذا على وظائف لآهل بريده وش افرقت دوام في بريده والا عنيزة .. به مئات بل الالوف يدوام من 60 الى 200 كيلو عن الرياض أن معك في ان نقل الدوائر بسبب بعض الحرج لآهل بريده .. لكن ما المانع لا كان النقل بيرتاح المواطن والموظف وتقدم الخدمه على أكمل وجه متفائل احترامي لوجه نظرك واشكرك على حصرك على بريده واهلها وكلن له نظرة ولك نظرة احترمها شبيه نايف ؛؛ نواف ؛؛ |
اقتباس:
المسافه قريبه بين بريده وعنيزة حنا نقطع دبلها مرتين يوميا 100 كيلو ولا تغير فينا شي صحيح من بريده وديرتي وديرة اهلي وبني عمي .. ولكن تصل الدرجة الى ان اطالب بجامعه في بريده عشان عنيزة لها جامعه والا اقول ليه بمدينه او حتى قريه تفتح بها جامعه وحنا لا يعني لازم تفضل بريده على عنيزة في كل شي لو الدعوة مقارنة نفتح في الرياض جامعات ما دام اهل المناطق تحضر تدرس في الرياض وليه نفتح جامعات في مناطق المملكة ماله داعي |
الحقيقة أنني أرى أن أهل عنيزه يعملون حثيثاً لخدمه مدينتهم، على عكسِ بعض أهل بريده الذين لا همّ لهم إلا مصالحهم الذاتيه.
|
اقتباس:
حبيبي متفائل جدا ...هذا طال عمرك خطة على مستوى المملكة وعنيزة من ضمن المحافظات التي سوف تحتضن جامعات في المستقبل ... فقد تم اعتماد جامعات جديدة في كل من الخرج والمجمعة وشقراء وهذه محافظات اصغر من عنيزة وهي بمثابة اثنين او ثلاثة احياء من بريدة ... حتى الدمام التي هي عاصمة المنطقة الشرقية لم يعتمد فيها جامعة الا في الفترة الاخيرة ومقر جامعة الملك فهد للبترول في ا لظهران ...فحسب ما اعنت وزارة التعليم العالي بانه تم الانتهاء من المناطق وبدأ العمل على مستوى المحافظات فمن ضمن الخطة القريبة حفر الباطن وينبع والزلفي .. حبيبي متفائل كن متفائل ...تخيل منطقة القصيم لا يوجد بها الا جامعة واحدة فقط وهي القصيم يعني الرياض اللحين صار فيها ست جامعات من دون الجامعات الاهلية ومكة فيها ثلاث جامعات والشرقية ثلاث جامعات طبعا من دون الجامعات الاهلية فلوا صار هناك جامعة ثانية فهذا يعزز فرص الاستثمار والمشاريع التنموية الكبيرة في المنطقة ... بس الظاهر المشكلة علشان الجامعة تبي تصير بعنيزة ولو هي بالرس او المذنب ما عندك مشكلة |
اقتباس:
والله ودي تدخل منتداهم وتشوف وشلون يقطعون جلود ربعهم شانين حمله على المهرجانات والاهالي والبلدية :d |
حبايبي جميعا الاخ شبيه نايف والاخ الميدان
والله ان كلامكم على عيني وراسي واحبكم كثير فانتم ابناء بلدي ووطني وصدقوني ماودي نطلع عن موضوعنا الله يخليكم خلونا في نقل ادارات الكهرب والشي الثاني تراني ماحسدتهم على شي حصلوه وفعلا هم ناس تشتغل لصالح بلدهم >>> وهذا من حقهم وانا اول من يصفق لهم :41 لكن يوخذ حقنا كمدينه بريده من نقل لادارات حكوميه اليهم >>> فهذي اشوفها لايعقل السكوت عليها:eek: وبالنسبه للجامعه انا ماودي ادخل بتفصيل اكثر >>> لكن اليس بريده احق بوضع جامعه لها لان جامعه القصيم خارج بريده !!! همسه في اذن اخي الميدان >>> ارجوا انك مادخل بالنوايا ونكون بصلب الموضوع والنقاش |
اقتباس:
والله يابن الحلال شف ....انا ما سمعت هذا الكلام الا منك وقلت لك اني سالت احد موضفي الشركة وقال بانها سوف تنتقل الى بريدة ...اما قولت انهم اذخذوا حقنا فهل هو اخذ ام مجرد كلام ..كن متفائل :d |
اقتباس:
حبيبي الميدان ... اشكر لك حرصك على استياق المعلومه >>> تصدق اني حبيت كثير مع اختلافنا بالراي (h) انا وصلت الى ان المعلومه موكده:41 >>> طبعا الموضوع ببدايته فاكيد لم يظهر على السطح:re ثانيا الادارة الى تبي تجي لبريده ادارة مختلفه عن المذكوره <<< وهي اصلن من حينها ببريده:) بس كانت بالمحطة الى بطريق عنيزه ونقلوها للادارة الى برواق مربط الفرس وانا اخوك ادارة نقل الطاقه والتي تحتوي على موظفين بالمئات مثل ماقال اخوي متميز انه معتمد لها 20مليون مباني :oo ومن وين يبي يكون الاعتماد <<<< الا من ابن بريده العاق >>>>المهندس على البراك :confused: وليش عاق لان هذي ثاني مره يعمل شي معاكس ويضر بريده <<< قبلها ادارة الاتصالات نقلت ولا سواء شي وهو يدري اخواني جميعا يحز بالنفس ان نجد ابناء مدينتنا يعملون ضد من تربوا فيها اما اهل المدن الثانيه بالقصيم وغيرها بلا استثناء فهم يستميتون لصالح مدنهم في حال وصولهم لمناصهم والامثله كثيره اخيرا افتقدنا اعيان بريده الاوائل والذين كانوا يحبون مدينتهم ويسعون لمصالحها امثال ابن عيسى وعزيز الرشودي وعبدالعزيز المشيقح وغيرهم في السابق وحاليا في الحاضر صالح التويجري وصالح السلمان وغيرهم الذين لايحضروني والذين تركوا لهم اثرا في اماكنهم >>> فالذكر الطيب هو الذي يبقى |
فعلا وضح للعيان محاولة تهميش وتغييب بريدة ولو يحصل لهم بعد ينقلون البرج انقلوه
ادارة المواصلات- بنك التسليف -شركة موبايلي - مستحيل تلقا موظف من بريدة والسبب معروف ومستحيل يكتبون اسم بريدة يكتبون القصيم لتغييب اسم بريدة سابقا كان مكتوب مدينةالملك عبدالله الرياضية ببريدة يوم كان المدير العمار بعدين صار المدير السناني وجته ضغوط وشال اللوحة وكتب مدينة الملك عبدالله الرياضية بالقصيم باقي يفتحون القاموس ويطمسون بريدة |
حياك اخوي بدجت الله يخلف على حالنا ... بريده كانت وين برجالها واعيانها والحين وين |
نريد خطوات عمليه لايقاف عمليه النقل والمساعده في ذلك ياليت الجميع يشارك خدمة لمدينتنا واهلها وللجميع التوفيق ولا تكون هي ثاني ادارة تذهب من مدينتنا العامره |
انا عملت سنوات بعنيزه النظام على الجميع بعكس دائر كهربا بريده مصالح يوقعون وتجدهم الساعه التاسعة بسوق التمر وبالتعقيب وشد لي وأقطع لك وإذا مانت مصدق تواجد بالجوزات أو البلديه أو مكب العمل وشوف بنفسك
|
يغلق
لتحول مسار الموضوع دمتم |
| الساعة الآن +4: 04:00 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.