|
موظفين المحكمه يدامون على كيفهم
السلام عليكم ورحمة الله وبركاتة موظفين المحكمه يداومون الساعة ٩ والساعة ١١ ونص ما تشوف ولا موظف (قالوا ايش عندهم مدارس) ويرجعون الساعة ١ ونص ويطلعون قبل نهاية الدوام بنص ساعة يعني الساعة ٢ طالعين والمشكلة ما فية احد يجلس بالمكتب وقت الدوام اما يتعذر ويقول راح يفطر ولا يراجع معامله وهو ما عنده شي ولازم تدور على الموظف علشان يخلصك . . . وش رايكم يعني كم يداوم الواحد ساعة باليوم ؟ حرام عليكم يا موظفين على الأقل قدروا المواطنين الي يجون من بعيد ولا يطلعون بنتجة بسبب اهمال بعض الموظفين مو بس المحكمة وزارات كثيرة عندنا بالقصيم الموظفين فيها لا تقدير ولا احترام ولاحتى مراقبة على الموظف ما فية ( وقبل فترة سمعت ان وزارة المياة زودوا دوامهم ساعة ما ادري وش السبب ؟ ممكن بسبب اهمال الموظفين ) فأنا اقول ياليت لو المحكمة يعطونهم ساعة اضافية علشان يعرفون قيمة الدوام واللي ما هو مصدق يروح يشوف الأهمال اللي حاصل فيها من ناحية الموظفين لأني تعقدت منهم من كثر ما اراجعهم ما احصل الموظف يعني لازم اجلس ساعة علشان يجين الموظف وكل المواطنين يشتكون واذا اشتكيت عقدوك بالمعامله انا اتمنى يكون فية ادارة تفتيش مستقلة تكون متابعة للموظفين بالقصيم مثل الرياض بكل وزارة ادارة تفتيش علشان الموظف يمسك ارضة بس المشكله ما فية تفتيش عليهم ولا شي ( اذا غاب البس العب يا فار ) يعني اهمااااأل ارائكم . . . واللي حاصله مشكله بأي ادارة بالقصيم يذكرها لنا وشكرآ |
ياليتك لم تعم موظفي المحكمة جميعا . فقط من عنده معاملتك |
اشوف تعميم الشكاوي صاير شيء عادي والكل يتجرأ بالتعميم |
افا يا ذا العلم ...
لا يمكن انك غلطان يا ولد ... تأكد زين ترى موظفين المحاكم مامثلهم وحبيبين !!!!!!!!!!!!! |
شرحك سرى ,, وانا اشتكي من هذه الظاهره ...! حسبي الله ونعم الوكيل ... |
وازيدك من الشعر بيت رحت قبل عدة اشهر للمحكمة ودخلت المكان المخصص للنساء بالدور السفلي وبالدور العلوي ماتخيلون والله القذاره والكنبات مغبره والارض كله قراطيس قمة الاهمااااااااااااال بغيت اصور الوساخه واحطه بالمنتدى بس اني تكاسلت،،،،،،،،، من المسؤووووووووووووووووووول ؟؟؟؟؟؟؟؟؟؟؟؟؟؟؟؟
|
والله أنك صادق
وخاصة من ناس عليهم الشرهة مانقول الا حسبنا الله ونعم الوكيل |
الدنيا فووضى
لاحول ولا قوة إلا بالله |
معاملة لي عند المساعد لرئيس المحكمة (القدوة)
لقد قدر الله أن تكون لي معاملة لدى مساعد رئيس المحكمة (الذي ينبغي أن يكون هو القدوة) أقسم بالله أن ما أكتبه هو الواقع: لم أدخل ولامرة واحدة بالوقت المحدد بل أقل إنتظار هو خمسة وأربعين دقيقة بعد الوقت المحدد ( عدد المراجعات خمس مرات) |
حسبي الله ونعم الوكيل
|
اخي غريب احساس بامكانك مراسلة هئية الرقابه بحيث يتاخذ بحقهم الجزاء
|
صدقوني ما فيه دوام مثل التدريس لوغاب معلم علم بذلك كل من في المدرسة وربما من هو بخارجها أيضا لكن باقي الدوائر غياب وتأخر لا حسيب ولا رقيب لكن المعلم لو يتأخر عن الطابور حصل التوقيع مقفل وعلطول مساءلة واسألوا المعلمين عن ذلك ............
|
فعلا كلام واقعي ومنطقي وانا على ذلك من الشاهدين اما عن الوساخة وعدم النظافة فحدث ولا حرج فاول ما تدخل تلاقي ربعة عند الباب كلها اوراق ممزقة ومجمع للنفايات والارض كلها غبار منظر بشع و مقزز اين ادارة الصيانة اين ادارة المتابعة اين الرئيس العام لكني سمعت عن الرئيس انه اهم شيء عنده التوقيع الحضور والانصراف غيره مافيه يعني وقع حضور وامش للي انت عايز وبعد الظهر تعال وقع انصراف غيره مافيه |
التعميم شباب مايجوز والله ان فيه مشايخ من كثر القضايا الي عنده مايلحك؟؟؟؟ |
لا الله يهديك لاتعم على الموظفين المحكمة فيها ناس اكفاء ومشائخ وفيها مدير قسم صحائف الدعاوى هذا الشخص قدوه بجديته في العمل وانظباطيته في الاداء والصراحةاروع شخص تعاملت معه |
هي واقفة على المحكمة وبس
رح لأغلب الدوائر الحكومية راح تشوف فساد ماله ننظير استراتيجيات في الفساد الإداري للأسف والهروب والخروج موجد وصار عاده تقريباً عن أغلب الموظفين |
والله كلام سليم 100% قبل فتره رايح عندي شغل تبهذلنا .. الدوام على كيفهم .؟؟ إلى الله المشتكى بس |
اقتباس:
|
والله يا أخوان للوالد معامله له هالحين سنه مال ندري وش السالفه
|
اقتباس:
منهو هذا المدير ياااااااااااابو العنود ...:d |
اقتباس:
|
سجل واحد من الموظفين هارب عن العمل |
صدقت ولا نقول نعم نقول البعض او الاكثر
وزيدك من الشعر بيت الاحوال المدنيه كذلك الضهر مافيه احدن ابد الا كم شخص يعدون بالاصابع وياليت يحللون رواتبهم تحياتي |
آآآآآآآآآآآآه الله لا يعيدالشر ذكرتني بأيام الشحططه بالمحكمه الحمدلله والشكر ..
الله يعين الي له حاجه عندهم |
اقتباس:
??????:confused::confused::confused:????? |
اقتباس:
جب فيتامين (ووووواو ) والله ماتجلس ولا ساعه بدل سنه الله يعينك على المراجعات في بريدة |
اقتباس:
|
بعذرنا يا أخي الكريم
ليس هناك إستقرار وظيفي ولا بدل يفتح النفس ولا شيء صك تقطع يدك تكتبه والخدمة المدنية تقول مايستحقون بدل كرهنا الدوام والعمل والغثى لاتقول أفتح مجال لغيرك .. لا .. نبي وظيفة لنا ولغيرنا وراتب زين درسنا 16 سنه نبي مردود يفتح النفس فهمت بابا ليش أحنا شاردين سي يو |
حتي لانعمم ونقول هذا الموظف او ذاك التسيب موجود ومن زمن قديم وقد تذمر منه الناس كثيرا وانا استغرب من اخواني الذين يسمعون هذا للمرة الاولي المسؤلية الاخلاقية والقانونية تقع علي مدير المحكمة بالدرجة الاولي اذا اراد اصلاح الوضع فأنة قادر علي ذالك المؤسسة الحكومية الاهم في بلادنا والتي يفترض ان يكون كل من فيها قدوة لنا تصبح الاكثر تسيب ( اللهم اصلح الحال ) تحياتي للجميع |
كان زين لو الدعوى يداومون على كيفهم المشكلة حتى الاحكام صارت على كيفهم وراحت حقوق خلق الله
|
أكيد يا تميم نجد هههههههههههههه
افا يا ذا العلم ... لا يمكن انك غلطان يا ولد ... تأكد زين ترى موظفين المحاكم مامثلهم وحبيبين !!!!!!!!!!!!! __________________ حسبي الله ونعم الوكيل |
| الساعة الآن +4: 08:17 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.