|
هذا ما حصل لي مع صاحب ونش سحب السيارات عند الحرم المكي
في يوم الخميس الماضي أوقفت سيارتي قريبا من الحرم ثم رجعت ولم أجدها , فعرفت أنها سحبت فقلت في نفسي الحمد لله لايهمني سحبها يهمني ماذا سيحصل للسيارة بعد السحب من الخراب للصدام والبودي فذهبت إلى الحجز وفعلا وجدت السيارة قد تأثرت من السحب وخرب الصدام الخلفي وقلت لهم لن أستلم السيارة إلا كما كانت فذهبت بالسيارة إلى الوكالة وقدروها لي بــــ 1585 ريال وأخذت تسعيرة مختومة من عند الوكالة وذهبت إلى المرور وأحضروا صاحب الونش وألزموه بدفع المبلغ فرفض فأدخلوه التوقيف وجرت محاولات الصلح حتى وصل المبلغ 500 ريال فأخذتها واعتقد إنه تأدب بسبب هذا المبلغ لأن نصيبه من سحب السيارة 20 ريال فقط
وهذه بشرى أقدمها لكم يا أهل القصيم وإذا حصل لأحد شي لايتوانى حتى يقفون عند حدودهم ودمتم . |
حسبي الله عليهم بصراحه انك ابدعت يستاهلون , عشان المرٌه الجايه يتأدبون , كسروا سياراتنا حسبي الله عليهم |
اقتباس:
رفعت راسي .. |
كفو والله ..
خير ما سويت |
كفو والله
اذكر قبل كم سنه جا راعي ونش يبي يشيل جيب gx-rj يوم جا يبي يشقلة من ورا أومار ينكسر الصدام الخلفي للموتر |
كفو لكن كم شهر جلست تلاحقه ؟!
|
اين وجدت سيارتك بأي حجز ...!!!! |
مادام انك حريص على تغريم صاحب الونش ورى ما كملت احسانك واخت كامل التعويض لانك تنازلت عن اكثر من ثلثين القيمة بس 500 ريال المفروض 1585 ريال ينطح ريال والرياض قبل العشرة :( |
أنا مدري وشلون برمشة عين يفتحووووون السيارة!!!!!!!! |
بصراحة اشك انهم عطوك قروشك لانك انت في مملكة الانسانية وانت في دولة تطبق الخطط المدروسة
بعدين من فبيلك المرور واول شي راح تدفع غرامة وقوف خاطي وتدفع قيمة الونش الي سحبك وشلون دفعو لك |
يعطيك العافيه
|
قلعتهم
|
اقتباس:
كفو يالشنب بس لو انك مشغلهم ازياده عشان يدفع كل القيمه(f) |
لو كان هناك تنظيم ونظام لما تمكن احد من الوقوف اصلا لكن ماحولك احد
عموما الفكرة التي اوصلتها راعة وتشكر عليها |
اقتباس:
حسبي الله عليهم يأخوي انا وقفت جنب الحرم وسحبوا السياره ورجعت للمواقف لقيت السياره الصدامات مافي صدامات |
ماتلاحظ انك موقف غلط وجاي تهايط بعد.. والا انت عادي تخطي ..؟! ليه سمحت لنفسك توقف بمكان خاطئ ..؟! لو انك موقف زي الناس المتحظره وبالمواقف المخصصة ماسحبوا سيارتك ولا تأذت اقتباس:
الحين هذي نصيحة ..؟! المشكله كلهم يقولون كفو :41 المفروض تقولهم لاتوقفون بالمكان الخطأ حتى ما تسكرون على العالم الشوارع وتضيقون على المسلمين وتسلم سياراتكم من الشيل والحط.. ماانقهر الا اذا شفت جمس مربوط بماصوره والا لاف الطاره عشان مايشيله الونش ..المشكله تلقاه مغبر له اسبوع ماتحرك ..طيب مادامك منت محرك السياره وراه ماوقفته بالمواقف ..:confused: همن عاد شف المهايط اذا جو من مكه ..!!:d والله العظيم اننا موقفين تحت الشقه ..!!وتصدق ان الونشات عجزو يشيلونه ..!! انت يابو عبد العزيز منهوبه موقفين ..؟! ابوعبد العزيز: انا وقفت الجيب تحت الشقه بس شاله الونش ..!! تشششششششششش بلاك ماتعرف توقف ..!! انا لاف الطاره وقدامي ماصوره ووراي صبه ..!!وابو حجز ياماراح منعنده وياما رجع منقهر وده يشيله بس مايقدر .. ومرة وانا راجع من صلاة العصر لقيته يبي يشيل سيارة ابو سليمان واتهاوش انا وراعي الونش ..!! قلت والله ماتشيله لو يوصل الدم للركب ..فوضى هي ..؟! ولا شاله ..!! ******************* ايها الشعب القصيمي العضيم ترا الحرم مب لكم لحالكم ولاتصيرون انانيين اهم شي انفسكم وسياراتكم ..!! لو كل واحد سوا مثلكم ضاقت الشوارع وتوقف السير .. همن اذا جيت انت واشكالك تعتمر ولقيت الشارع مسكر قلت مرور مكة ماعندهم تنظيم .. لو كل واحد ووقف بالمواقف المخصصة وجاء على تكسي بريالين ..تأمنون على سياراتكم وتفكون الناس من شركم ..!! وبكم اخذتو الشقه يابو صالح..؟! :S وسلامتكم .. |
سليمان الخبى:
ليس لدي اي زياده على كلامك ابدعت |
والله انك كفو ها الشكال ذي ما ينفع معهم الا العين الحمرا:i121:41
|
كفو والله
|
اقتباس:
يا زينك ساكت لو إن سيارتك هي المسحوبة لقامت الدنيا ولم تقعد عساه تسحب سحبة بلا رجعة مسوي لي فيها نظامي عند الحرم لو تقف بأخر المسفلة سحبوه أي دور موقف زين قل خيرا أو اصمت |
كفو بعدي ولله انت الي عرفت لهم
|
كفو والله انك شنب
شد عليهم والله من اللعانه بها السوود ذولا |
اقتباس:
ولكن المشكله تخريب السياره وتخريب الصدامات ولا يعوضونك ولا شي صحيح انا مخطي بس مادفع ثمن خطاي بالطريقه هذي |
الله يعطيك العافيه هذا الشغل مهب مثل بعض الناس يعطيهم الغرامه ويمشي
كفوووووو اخذت حقك بس ليش تززله من التسعيره كان خليته يندق بالحجز |
يستاهل بس غريبه تفاعلو معك الشرطه ولا بلعاده تخقيل
|
يعين ربك يارجال والحمدالله
مايضيع حق وراه مطالب ... |
إلى الأخ سليمان الخبِي وفقه الله
السلام عليكم ورحمة الله وبركاته أشكرك على نقدك البناء والهادف ولكن لتعلم أنني لم أعترض على سحب السيارة , لأني مخطيء ووقفت في مكان خاطيء وحقي وماجان لكن من السؤال الذي يطرح نفسه : من المسؤول عن إفساد سيارات المسلمين ؟ لعلك خرجت عن الموضوع الأصلي وهو مطالبة المتضرر بحقه وانا لما ابشر أهل القصيم ( هم وغيرهم ) لأنهم يعانون من هذه المشاكل ويعتقد بعضهم أن ليس هناك من ينصفهم ويرد إليهم حقوقهم وانا ابين ان هناك من سيرد إليهم حقهم وهو المرور , ودمت بحفظ الله ورعايته . اشكر كل من تجاوب معي . ولماذا لايوضع على اللوحات الارشادية ان السيارة ستسحب نرجو عدم الوقوف انا ما أخذت مخالفة على الوقوف بس سحبوا السيارة وكوني آخذ مخالفة وتدبل علي عشر مرات أهون علي من إفساد سيارتي وانا مشتريها جديدة وترى موضوع المطالبة ماجلس ولا يوم واحد ياللي تقول كم قعدت من شهر وأنت تطالبهم ؟ |
كفـ ـو والله والله إنك رجل زين ماسويت تحياتي لك
|
... كفو يالذيب .. |
كفوووو يالذيب
|
اقتباس:
كفوووووووو واللله هذولا الرجال ولا بلاش وهذي بوسه على راااااسك يالله شباب الكل يسوي نفس ماسو الرجال |
| الساعة الآن +4: 02:43 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.