|
محتار محتاجكم جتني وظيفه لاكن
السلام عليكم انا ماعندي مقدمات لي 3 سنين اطرق ابواب القطاع العام والقطاع الخاص لاكن ربي ماكتب لي شي ماعير اتردد تقديم وعلى الفاضي انا انسان ( داشر ) او بمعنى اصح زقرتي وجتني وظيفه صراحه كل شخص اقوله يضحك وانا ماتوقعته بهيئة الامر بالمعروف والنهي عن المنكر المقابله الشخصيه ان شالله يوم الاحد القادم بمكه المكرمه ؟؟؟؟؟؟؟؟؟ وش الحل لازم اللبس ثوب غير مسبل ؟ واحط مسواك ؟ واترك دقني ؟ ولا اروح بشكلي العادي ؟ مادري محتار اروح او لا لاني ماتوقعت ولا 1% انهم بيقبلوني قبول مبدئي يوم اقدم انا حيران الحل اتركهم ولا اروح واجرب حضي ابي مشورتكم وابي مساعدتكم واحد قالي لاتلبس عقال وحط مسواك وخل ثوبك قصير تهئ تهئ تهئ مادري وش الحل اروح بشكلي العادي او اعدل من شكلي ؟ مع اني محتاج للوظيفه وبأمس الحاجه لها والوظيفه على المرتبه الرابعه وظيفه كاتب اسعفوني |
ووظيفة الامر بالمعروف والنهي عن المنكرو ظيفه غير كل الوظائف اذا كانت في الميدان تحتاج الى شخص تقي يعلم ان الله مراقبه ويعلم ان سمعته تتبع هذا القطاع من رايي ان تذهب بشكلك المعروووف وانت تقول وظيفة كاتب ولا اعتقد انهم يهتمون بالمظهر بالنسبه لوظيفة كاتب وانا رأيت في الهيئه اشخاص حليقين |
اخي هي ليست ميدانيه انما مكتبيه وظيفه كاتب عند الشيخ واشكرك على مرورك وردك الله يفرج همك ان شالله |
توكل على الله ورح وخل نيتك طيبه
|
لا رح وخذ الوضيفه بس واغديك تلتزم
|
أخي /...عاشق سراااب؟ صل صلاة الاستخارة . أولاً. وبعدة قرر. أتبع السنة . ثم توكل على الله هو الرازق , والله ,البشر ما رح يوظفوك أو يرفضوك. خلك كم تريد (على شكلك بس شوي مرتب ). ويمكن , تكون فاتحة خير لك وطريق هداية . توكل على الله وعمل اللي عليك . (اعقلها وتوكل) . (سهام الليل لا تخطئ). والرب قريب مجيب ولكن العباد . (رايحين فيها , في الحرث والنسل). (هذا رأيي شخصي) فقط. قطة أو اعتد بة. |
وانا انصحك
انك ترووووح للوظيفه بس اول شي تصلي صلاه الاستخاااره ان شاء الله تيسر امووورك وبعدين اذا ماعجبتك قدم على شي ثاااني واسحب عليهم ان شاء الله افدتك |
توكل على الله ورح
الله يوفقك |
.
اخي الحبيب بالنسبة الوظائف الإدارية التعيين من قبل الديوان والهيئة ما لها دخل .. ويوجد الكثير في فرع بريدة من هم غير مستقيمين .. . |
توكل على الله ورح يمكن تكون فاتحة خير عليك الله ييسر أمرك ويكتب اللي فيه خير وصالح |
.
. سَيَأتي مَنْ يَقولُ بِأنَّ الهَيئَةَ تُوَظِّفُ عَلى مَا أسْميتُموهم [ دشير ] !! الوَظَائِف التيْ تُعْنى بِكِتَبَةِ الخِطَابَاتِ وَإدَارَةِ الحَاسِبِ والمُرَاقَبَةِ الفَنيِّةِ لَنْ تَكُونَ حَكْرَاً عَلى ذَويِ الإلتِزَامِ والإسْتِقَامَةِ في مَظَاهِرِهم ، مِثْلُهَا كَمَا هو الحَاصِلُ في المَحاكِمِ وَدُورِ النِّسَاءِ و تَحْفيظِ القُرآنِ وَغَيْرِ ذَلِكَ . العَمَلُ لَيْسَ دَاخِل صَلاحيَّاتِ وَنِطَاقِ الهَيئَة ، فَيَجِب التَّفرِقَة .!! أَمَّا عَنْ الوَظِيفَة يَجِبُ أَنْ تَضَعَ نَصْبَ عَيْنَيْكَ مُرَاقَبَة الله ، وَسَبب تَركِكَ أو قَبُولِكَ للوظَيفَة ، واسْتِخَارَتَهُ في ذَلِكَ والإستِشَارَة ، فلا خَابَ من اسْتَخَار ولا نَدِم ، وَفَّقَكَ اللهُ وَأعَانك وَهدَانَا وإيَّاك . . . |
لالا شوري عليك لا تقطع رزقكك بيدك
رح وتوكل على الله ولا تقول عن نفسك دشير عسى الله يهديك نفسي قبل فترة حصلي وضيفه في احدى دار القران ونفسك الكل يضحك علي يقولي انت مو من ناساه بس بيني وبين نفسي اخاف الله والحمدلله رحت ووفقني ربي فيها. |
توكل على الله وروووووح .. الارزاق من عند الله ماهي من عندهم ... وخلك على طبيعتك ...... بالتوفيق ...
|
اقول برايي رح وصل الاستخاره ووكلها ع ربك
ورح لهم يمكن تنهدي وكذا تحصلها من الجهتين دنيا واخره تحياتي سديـــــــــــــم |
اشكركم اخواني واخواتي على مروركم الكريم وعلى دعواتكم وربي يرزقنا على قد نياتنا الله يفرج همومكم |
اميييييييييييييييييييين
بس توكل على الله |
| الساعة الآن +4: 08:53 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.