|
الى عنده حموله تقلط
[SIZE="7"][COLOR="Purple"]السلام عليكم ورحمةالله وبركاته
اخواتي موضوعي ماطرحته هنا الا للفائده علشان كلنا نستفيد [COLOR="Green"]الموضوع عن الحموله كيف تتعاملين مع حمولتك اهل زوجك يعني اكيد تبي تصير مواقف بينك وبينهم كيف تتصرفين يعني تعاملك معهم رسمي او كل شي على عينك ياتاجر مابه شي مخبي يعني يعرفون عنك كل صغيره وكبيره وعن اهلك او ماودك كل شي يدرون عنه اخواتي ياليت تتفاعلون معي علشان نرتقي بتعاملنا مع حمايلنا لاننا ملنا غنات عنهم ] |
أنا مع الرسمية ثم الرسمية ثم الرسمية مع الحمولة
والحمد لله هالشي يخليك فوق عندهم وحتى تحلين بعيون زوجك اذا جات مناسبة باركي لهم بدون مبالغة واذا ضار حزن واسيهم وبكذا ما تخلين لهم مجال يحكون عليك او يشوفون منك زله وبكذاا تكسبينهم وتكسبين راحتك معاهم وش رايكم تعاملي مع ام زوجي راقي مرهاواقدرها واسال عنها ولاعمري قالت لها شي يضايقها وهي حبوبه وطيبه ومحترمه لو هي قالت شي اطنش اقول قدره كبير لانها مرتن كبيره ابوزوجي حبوب وماعليه ولا كاااااااره بس مساء الخير ياخال وشلونك والباقين اذا شفت ردودكم وتفاعلكم كملنا |
شوفي عمليهم بطيب وحشيمه بس لبد تكوني رسميه .... عشان ما يدخلون بشي يخصك ولا يزعلون منك ... تغاضي عن بعض الاشيااء .. احتسبي الاجر بكل شي ... وتختلف معاملت الحموله بختلافهم .. فيهم الطيب .. والملقووف ..والعادي ... والغيور .. وكثير
تحيااتي.......... |
مشكوره اختي دلع
انا الحمد الله وشكر علاقتي معهم ممتازه بس به بعض من صديقتي كنا ننقاش اليوم الموضوع مع بعض ثالت اطرحه واشوف اراء البنات مع حميلهن يعني ابي كل وحده تقول وش طريقتها مع حمولتها ودمتم بخير |
الله يرحم الحموله xx
|
أي أحــــد تقدري تكسبينه بحسن التعـــامل...واتباع نهج النبي محمد صلى الله عليه وسلم...حمولة ولامب حمولة وأحســــن شيء للتعــــــــــامل مع الناس اللين ويكون بمحلة...والرسمية بمحله...{لاتكن ليناً فتعصر..ولاتكن قاسياً فتكسر) وأنصــــــــح جميع الأخوات سواءً متزوجة او ماتزوجت تقرأ كتاب (استمتع بحياتك) للشيخ:محمد العريفي الصراحة الكتاب أكثر من راااااااااائع قريته أكثر من مره وتحسنت معاملتي مع الناس..والكتاب يحتوي قصص وتجارب وطرق للتعامل مع الناس..وأيضاً كتاب ( أسعد امرأة في العالم) للشيخ الدكتور:عـــــائض القرني يقولون اغلناس أن الي تقراه يكون منطقها سليم وتعرف وشلون ترد بأدب واتزان.... ........تحيااااتي....~~~ |
http://img205.imageshack.us/img205/1...dg3z2qzgc0.gif
الحمايل تختلف من عائلة لأخرى منهم الزين ومنهم الشين .... وانا رسمية معهم اذا اجتمعوا اطلع معهم واجيب معي المقسوم ... واسولف معهم واهم شي عند الحمولة انك تكونين سنعه ولا تحكين بهم بغيابهم يعني " لا تحشين بهم " واعتبريهم مثل اهلك لكن بحدوووووود لا تطيح الميانة بينكم والله احسن لك ولهم وفيه مقوله بصراحه دايما اضعها قدام عيوني وهي " الذي يحترم نفسه يحترمه الناس ... |
يــــــــــابنــــــات ودي اعررررررررف وش قصدكـم بالرسميــــــــه........... تكفوووووووووووون جــــــــــاوبوني .......... عادددي لابد اني احسبهم زي اهلي ليش الحووواجز...... |
|
شوفي اختي اكييد الرسميه تنفع معهم لان مايصلح يدرون عنك ولاعن اهلك شي:rolleyes:
|
معليش دخلت وانا مااعندي حموله توي بزر >اول كليه بس وشوله الرسميات> والله ابستهبل معهم وبستانس وياليت بعد عندوه خوات عشان كل يوم انا وياهن طردي ههههه ولا يجين البيتي >خخخهههه مخروشه |
انا ضد الرسميه الزايدة مع الحموله اقصد بيني وبين امه و خواته
اما عماته وحريم عممومته اكون رسميه معهم لكن اهله بالعكس احسن يكون اللي بيننا مافيه رسميات يعني اذا ضايق صدري ادق عليهم واقول ابجي لكم وخواته اللي تبي مني شيء ماتستحي تدق طوالي علي وتسالني وانا كذا واذا بغيت اروح للسوق اقول لخوات زوجي اذا كانن بيروحن معي المهم اللي تبي حمولته يحترمونه -تسال عنهم اذا احد مرض -ايضا تكون متواجده اذا كان فيه مناسبه اواجتماع لانهم يقدرون هالشيء مرة ولاتحاول تعذر وتجيب معه المقسوم _ واوقات المناسبات تهدي شي للاطفال وبعد كل سفرة تجيب شيء لخالته وخوات زوجه _ وبعد كل 4شهور او اقل تدق على خالته وتعزمهم ببيته .. هذا اللي عندي. |
حمولة عن حمولة تختلف ..
انا براي ان الوحدة اول الشهور تكون حذره شوي وتميل للرسمية وتشوف طبع حمولته وايش التعامل الي ينااسبهم وتعاملهم.. لكن الوسطية حلوووة ,, |
انا بالنسبة لي
كل حمولة تختلف عن الثانية باختلاف الثقافات زي مايقلون اقصد ناس تحب الرسمية وناس تحب البساطة وناس تحب الرزة وناس تحط على الجرح ويبرا وكلن وطبعة انتي شوفي طبعهم وعامليهم زي مايبون وبالنسبة انهم مايدرون عن اهلك شي احسن اذا رحتي لخالتك قولي امي تسلم عليك والعكس لان الحمولة عذاااااااااااااااااااااااااب وخاصة اللي تسكن عندهم |
اخواتي مشكورات على دخول موضوعي
شوفو انا مع الرسميه مع الحموله يعني كيف الرسميه عندي اولا خالتي احبه وقدرها واحشمه واذا بغتني اروح معها الي مكان مامتنع والبي دعوتها واذا بغيت اروح معها لشي اخذ معي المقسوم وروح معها واحطها فوق راسي بس انا ماتدخل بي الاشياء الى مايبون يعلموني عنها بكيفهم يعني فيه اشياء مثل خطبه مايعلمون لين يقضون من كل شي ويعلموننا مثل الناس بكيفهم شي خاص بهم والبيت مهب اذا طق بابهم احد واذا جاهم احد البس عباتي واطير لهم لا لا اذا بغوني اجي اتصلو على ولا انا اجي كذا لا والله والبنات تعملي معهم راقي بس ماتدخل الا اذا بغو مني شي اعطيهم واذا بغو نصيحه اقولهم وسوليف عادي واذا صارت به خربيط ومشيكلات لي الازم تصير احيانا عادي اخليها تعدي ولا اخليها تاخذ اكبر من حجمها وبعد فتره راح تنتهي وترجع المياه عادددددددددددددي هذا معني الرسميه عندي وفيه حريم عيال يبون كل خميس مسنترات عند الحموله ويبون البنات والخاله يكرفون لهن ويبون يدرون عن الحموله بكل صغيره وكبيره يتدخلون به واذا سمعو من بعيد انهبلن ورانا مادرينا الناس يختلفون في تعاملهم بس التعامل مع الناس بلباقه وذربه وسنع ينعكس عليكي انتي وعلى حياتك ودمتم بخير |
اقتباس:
وكتاب عائض القرني لسه ماقريته مشكوره اختي اقتباس:
وكلام مررررررره مضبوط اقتباس:
ولا يدرون بكل شي عن خصوصياتك وخصوصيات اهلك لازم يكون بحدود وخالتك احشميها وبناتك تعاملي معهم بكل ذوق سنع ولا كل مدخل زوجك قالت امك واخواتك تررررررررراهم اهله ولا يرضي عليهم وراح انتي تكونين الخسرانه ومشكوره اخيتي |
اقتباس:
اقتباس:
اقتباس:
اقتباس:
اقتباس:
تسلمين والله اقتباس:
|
|
خخخخخخ
انا موا متزوجه بس احسن مااكون رسميه بالعكس اكون معاهم كأني اختهم واذا صرت رسميه خير ياطير انواع الكسل |
انا كنت اتعامل معهم بحسن نيه ولا كنت من اللي يخبي على ما قالوا كتاب مفتوح
كانت له خوات من الاب ما كنت ادري ان تعاملهم مع بعض سطحي المهم قلت لخواته من ابوه سلفه ما دريت الاشقيقته تهزا ليه وليه انتي صحيحه صراحه صارت بخاطري المهم اخذت من الموقف درس |
شوفو يابنات وابي رايكم صراحه الحموله على اختلافهم الا ان مره الولد الرسميه او با الاصح رازه عمره يحترمونه احراااااااااارام مو صاااااااااااااااااحي حتى لو داخلهم ودهم يطحنونه بس يهبونه صح الشكوى لله صار الي مايعطي الناس وجه هو الي يحترم ويفز له0000000000000وجه نظرحتى لو انا مايده00000000000
|
الاسبوع الي فات حظرت مناسبه كانت وحده من البنات عازمه حمولتها كانت رسميه جدا وبعد ان ودعتهم على الباب ويعلو وجهها ابتسامه عاليه استغربت من ذلك اما عن هايين فانا وحده بكل مكان ابين فرحتي وحزني والمي حموله اهل اصدقاء مع اي كان فانا لااستطيع التمثيل اما عن احترام الاخرين مطلوب وترك التوافه افضل شكرالك .. |
انا رسميه معاهم وهم شي مايدرن عن اهلي ابشي ولي تقول مايصلح الرسميه ماجربت الحموله
|
على حسب الحمولة فيه ناس ماتحب الرسمية لأن بعض الخالات تعامل حريم العيال باحترام أشد من بناته لأنهن "بنات الناس" فما تبي بينهم حواجز لانهن زي بناته وموب لازم تعلمه_مرة الولد_ بتفاصيل حياته لكن لا بأس بعض السواليف العادية اللي تحسس الخاله انه موب غريبه عن مرة ولده .. وبعض الخالات العكس تماما ماتبي "بنت الناس "تعرف عنهم شيء.. فهذي يتعامل معه رسمية وسلام وسواليف عامه مع قلة زياره ايضا . وماله داعي يعرفون الحموله كل شيء عني وعن أهلي حتى لو كنت موب رسميه معهم . تحياتي .. |
.......أما كوني رسمية وحذره وقناعات ماأنزل الله بها من سلطان ......
أقول العقل نعمة .............. |
وراكن معطيات الحمولة أكبر من حجمه ؟ تراهم مثل باقي الناس , لحم ودم وعظم , إذا كويسين صيري كويسة وإذا مو كويسين برضوه صيري كويسة . لاتعلقين أخلاقك بأخلاقهم إذا إرتفعت رفعتيها وإذا نزلت نزلتيها . الشاعر وش يقول // كلاً عطه تفصيل ثوبه بقده . مايصلح تعطين أي أحد أكبر من حجمه , مثل بعض البنات تقول خالتي مثل أمي , وش هالكذب ؟ مافيه إمرأة فوق الأرض مثل أمي . وإللي تقول حمولتي مثل أهلي . كمان وش هالكذب ؟ أهلي يبقون أهلي ولافيه أحد يوصل لهم . وحمولتي يبقون حمولتي ولهم قدرهم مثل باقي الناس . وش اللي يميزهم على غيرهم بحيث أخليهم مثل أهلي ؟ طيب عمومتي وخوالي وخالاتي وعماتي كلهم كويسين معي يعني أخليهم بمكانة أهلي ؟ لاعفواً ياشيخات ترى حبي للبعض الناس مايعني إني أخليهم فوق البقية . أي شخص يعاملني بالخير بعاملة بالخير ولافرق بين البشر عندي . , |
اقتباس:
انا نفس كلامك اعجبني بالحيل مع اني ماعندي حموله بس هذا المفروض |
يالبي لقلوبكم..
تراكم معطين كلمه "حموله " اكبر من حجمه ياناقصات العقل<لاحد يزعل من هالكلمه بلييييز الحموله اهلك وعمان عيالك استغرب من تقول اتعامل معهم بسطحية!!! كيف سطحية وعيالك عيالهم اجل عيالك بيتعاملون بسطحية وراح تعلمينهم قطع صله الرحم... الخاله مثل أمك انتي اكسبيها حتى خواته صدقيني بيحشمونك ومايرضون الشوكه تلمسك يرحمك ياجدتي تقول بنات هالوقت مايعرفون كلمه حمووله وهي ان الوحده اذا دخلت على ناس تتحمل اي شي منهم ولا تزعل |
انا معهم رسمية بقوووة
وسوالفي معهم محدوده بس ماقصر يعني بالسنع عندهم اقطع عمري بس الحمدلله على كل حال بس انا ماحب الي يسالني وحمولتي راعين اسئله عشان تسذا مهب يرغبونن:) بس الحمدلله انا ماقصرت معهم.. |
اقتباس:
صح كلامتس بس بعض الخالات تجبرتس تصيرين رسميه لانه لوطيحتي الميانه معه خلتك ولاشي عنده والرسميه بالتعامل مع الحشيمه مهب رسميه بلاحشيمه انا مرت اخوي تتعامل معنا خوات وتتعامل مع امي برسميه وحشيمه وتبارك الله مانبي نفقده ثانيه ومحطينه بعيونا بس هو على الخاله الي تجبرك رسميه ولا تمونين وثاني شي خواته احيانا معك عسل واحيانا يبن تعاملينهن مثل امهن يتامرن ويبن حشيمه مايخسن الاهن :) |
حبيبتي ليه تكون رسميه مع الحموله اذا كانت 24 ساعه بتكون عندهم ؟؟؟
والمفروض تعتبر الحموله اهل له وتنسى الرسميات معاهم لانها لو كانت رسميه بيكونون اشد منهااا وماتعرف كيف تتعامل معاهم ..... الله يذكرك بالخير ياجدتي لما كانت تقول ((الحموله حماله ...)))) |
أجل خالاتكن مثل أمهاتكن ;) إيـه كملن وش بعد ؟ يمدحون الهرج لإنه يخفف من ضغط الإنسان . , |
خخخخخخخـ
ولامن التسذب أمي أمي محد يجي ظفر من ظفورهـ الله يخليه لي وكل أمهات المسلمين والله يعين الحمايل عليكن ,,, |
انا مع حمولتي عسل لانهم عسل اذكروا الله
بس ماأشتغل عندهم ابداابدااااااااااا لان عندهم بنتين وحده ب3كليه وحده ب1ثانوي وامي تقول عيب اشتغلي وانا معانده واقولها ما نفعك ينفعن وبالاخير ياميمتي طردوك حمولتك وش رايكم بطريقتي وبصراحه بس انها واقفه على الشغل ؟؟؟؟؟؟؟؟؟؟ وتقريبن كل مارحت معي حلى او صينيه عشاء او اخذا العشاء واقولهم لا تسون شيء ؟؟؟؟؟؟؟؟ |
اناماتزوجت وبأول كليه يعني توني ولالي اخوان متزوجين
بس صراحه في بعض الحمايل تنحط على الجرح يبرا ويصيرن حريم عيالهم مثل السوسه مافي حل وسط ........ ياحمايل مشيه حريم عيالهم صح ولاحمايل حليلين ومشيتهم حريم عيالهم |
انكسار انا معك ان الاهل مهما كان لن يصلو لدرجه الحموله والام مالها عوض ولكن الحموله الحين تغيرو كثير عن اول صارن الحموات مثلك والاهم الغيره تروح عن القلب تماما تماما ... |
88 والله ياعزيزتي أنا إنسانة أنبذ الخلفات بين الزوجة وحمولته وأطمح إلى حياة راقية بعيدة عن الخزعبلات البشرية . لكن إذا جت بالقوة فالشكوى لله أحاول قدر الإمكان أبتعد بكرامتي أزين من الإهانات اللي مالها داعي . وهذا الكلام للأخت دانة إذا حمولتك كذا يتعاملون مع ولدهم متناسينك أنتِ فطريقتهم ذي تسمى ( مجاكر ) يعني شفنا ترانا نتصل على زوجتك ولو يقدر الله ولاتتصلين قالوا له شف هي ماتتصل وتقوم مشاكل لاموجب لها . أنتِ قدمتي إللي عليك لذا خليك بعيدة سعيدة وإذا صار لهم ماصار قولي إني سألت فلان عنكم وقال بخير . نفس الحركة أزين من إنك تنقهرين كل ماتصرفوا معك كذا . الله يوفقك ويوفق الجميع . , |
* *
|
....أنا من رأيي حبيباتي أهم شئ زوجك وطاعته والحمولة لايكونون أكبر همك ومثلهم مثل تعامل أي شخص ثاني تتعاملين معه ومهما جاك شئ من الحموله طنشي وحاولي تنسين الموضوع ولاتجعلينه سبب انقطاعك عنهم لانهم أهل لاأولادك فهذا ينعكس نفسيا على أولادك ....
|
|
[center]
اقتباس:
[color="gray"أانت ماتعتقدين أن من أجزاء السعادة بالحياة الزوجية"أهله" الزواج موب مرة ورجل وانتهينا .. عائلتين ترتبط ببعض وماأعطي الحموله إهتمام ؟! أنا من الواقع اللي أعيشه البنات اللي علاقتهم بحمولتهم خفيفة ولا معدومة يتمنون أنهم أزين من هالحال .. لان إعيالك عيالهم وسالفة زوجك سالفة أهله بالغالب.. وهالحمولة اللي تحتاج من لإهتمام فيها"أم" الزوج اللي تقدر تحوس الدنيا أو تصلحه !!!بعد إذن الله وهذا واقع وليس مثالية أو وهم .. لان المثالية يكذبها الواقع بالغالب.. تحياتي |
8
8 8 حبيبتي قلبي أنتي مو معنى كلامي يعنى احذفي كلمه حموله بس فيه اشياء بحياتنا اهم من الحموله ,, وكلامي احس انا الحموله عااادي جدآ بس البعض مدري ليش تحط اهتمامها الاول والاخير الحموله وش اسوى لهم وش سوو هم!! نفسيآ بتتعب |
كنت مجرد متصفحه ولكن الموضوع قد اثاراعجابي
ليش معطين الحموله اكبر من حجمه بناتنا الي مابعد ادخلودنيا اصبحن يتخوفون من الحموله وكيفية التعامل معهم الحموله مهما صار بينك وبينهم خدش او انكسار لاسمح الله لاتنسين انهم عمام عيالك ومهما قابلوك باساءه قابليهم باحسان ولاتنسين ان الدين معامله ولازم نعلم اطفالنا على صله الرحم والمحبه والالفه والتسامح والتعاون ولاتحاسبين احد من حمولتك واملئي مجلسهم بالسوالف والضحك بالعربي وسعي صدرك موالرسميه الي تكلمون عنهاليش ؟وين حنا فيه ابعزى؟ لاسمح الله لاتضعين خط احمر يعني عن اهلي ماعطيهم اخبارهم ليش؟ حرب هي ؟عامليهم على طبيعتك لكي يعاملوكي بالمثل حتى لواخذ سنوات الا ويصير لك مكان بقلوبهم ويفقدونك اذا غبتي والله يابنات اعرف لكم وحده انه تفضل حمولته على اهله وانه تحرص على اجتماعهم اكثر من اجتماع اهله ادري تبن تقلن تسذبين وشلون تفضلهم على اهله؟من حسن معاملتهم له عادينه وحده من بناتهم فبالتالي غصب تدخل معهم من دون ماتحس انا معكم ان الناس يختلفون فيه الصالح وفيه الطالح ولكن نرجع ونقول الله الله بحسن المعامله . الانسانه اذا صارت طيوبه تدخل في قلوبهم غصب من دون مايحسون اسفه جدا على الاطاله بس حبيت اني اعطيكم رايي لعل وعسى اني افيدكم بشي تقبلومروري |
اقتباس:
ياعيني عليك كلامك عييييييييين العقل وش رايك اخطبك لاخوي |
تسلمين ياعمري:p
|
:eek5:eek5الله يعين بس هذا الى عندى
|
t
فرحت بردودكم وسعت صدري حتي صديقتي اختبن للموضوع ويم شفت حماسكم معي فرحت والله استفدت من نصائحكم وتجاربكم وارجو من كل وحده دخلت الموضوع تستفيد وتاخذ الشياء الايجابيه وتستفيد منها جزاكم الله خير دخولكم صفحتي عطرتها دمتم بخير |
بالنسبة لحمولتي وجودك كعدمك صح مايغلطون علي وكل شي باحترام
بس لو اروح لهم كل يوووم مع اني اذا رحت من النوع اللي اشتغل وازين العشاء او لو اقعد عنهم شهرررر نفس الحكاية بالسنة مرة تقول خالتي وينك ولا وش هالقطاعة وبس وشي ثاني ماعندهم شي اسمة قدر بيعلمونك بزواج وخطبة وعزيمة صح لو اسال عادي وتجاوب وكل شي بس لو اسكت تسكت اقالة يعني زوجك قايلن لك وشولة كثرة القرق ولا عاد يوم جبت ولدي صار هو السالفة يعني لو لي شهر عنهم عادي تدق وتقول خلي ابوة يجيبة ولهين علية طيب من الذوق والمجاملة قولي تعالي واذا تعذرت قولي ارسلية الصراحة بديت اكون سطحية معهم السواليف سلام عليكم السلام والشغال ياما كرفت ماعمرة قالت ولا كثر خيرك صرت اجي رسمية واروح مثل ماجيت والوضع عاااااادي |
]حموله عن حموله تختلف
فيه ناس تستاهل السنع والحشيمه والتقدير والاحترام ويمكن يكونون احسن من الاهل اذا وفق الله وفيه ناس لا لالالالا .............افضل مهم انك تسكرين خشك وتبحلقين عيونك واذا سالوك عن شي قولي مادري لان الاسئله وراه بلاوي انصح اي وحده مقبله على الزواج ان تضع اول ايامه معهم حدود قووووووويه وتصير رسميه معهم وبعدين تشوف عنهم اذا طيبين خلاص مو لازم اتكلف معهم وماراح تعرفين نواياهم الا اذا حصل موقف يبين معدنهم كما قال الشاعر.......................جزالله الشــــــــدائد كل خيرا علمتني صديقي من عدوي |
وفيه حريم عيال يبون كل خميس مسنترات عند الحموله ويبون البنات والخاله يكرفون لهن
ويبون يدرون عن الحموله بكل صغيره وكبيره يتدخلون به واذا سمعو من بعيد انهبلن ورانا مادرينا الناس يختلفون في تعاملهم <<<<<<<< حطــــــي عنده عشرين خطـــــــــ |
أعتقد إن الحمولة الي تتكلمون عنها هم أهل عيالك وأنت يوم دخلت عالمهم صرتي منهم ما أعرف وش قصدكم بالرسميات .؟؟؟؟؟؟؟ احترميم مثل ما تحترمين أي شخص عامليهم مثل ما تحبين أن ـعاملك أخته أو أمه يناس الحمولة أشخاص نعيش معهم مثل أمي وأختي ليه حنا نضع حواجز عاملي الناس مثل ما تحبين أن يعاملوك أهم شيء صفاء القلب من الحقد وبس (f)(h)(f)(h)(f)(h) |
نصيحه من
اي شي يصير بينك وبين حمولتك علمي زوجك لايصير لك اللي صارلي كانت اخته تجدع علي كلمات بصراحه توذي وماكنت اعلم زوجي عنه ايقلي صابره وما ابي المشاكل ومره كنا نسولف انا وزوجي وخواته وكانت توذين بكللامه المهم صارت مشكله كبيره وزوجي صار مع اخته وزعل علي وصل الى حد الطلاق بس الحمدلله كانت وحده من خواته عسل معي المهم ومسكته وعلمته ان اخته تحب المشاكل والي اثار المشكله هي تعني اخته تدرون وش قالي رجلي انتي المخطيه ليش ماعلمتين انه تسويبس سذا انا وش دران عنكم والحمد لله من هالموقف صار رجلي معي لاني بديت اعلمه عن كل شي السبب انه غيور ولا تبينا نلبس ونكشخ وهالحين اذا شافت عيالي عند اهله طردتهم وبديت امغط بالروحات لمهم ولاهب من صلة الرحم عيالي وابوهم يروحون وان مهب لازم وشوله وجع الراس |
مشاء الله عليكم
والله ان تجاربكم وسوليفكم تهبل وفيه اشياء كثيره نستفيد منها دمتم بخير |
فضل الأيام العشر من ذى الحجة
قد أقسم الله تعالى بالعشرة أيام من ذى الحجة فقال تعالى:"و الفجر وليالى عشر" فلا تضيعوا فضل و ثواب تلك الأيام المستحب فيها قيام الليل و التصدق و صيام التسعة أيام . فضل و ثواب صيام ذى الحجة : *قال بن عباس رضى الله عنهما عن النبى صلى الله عليه و سلم قال: في اليوم الاول: أن أول يوم من ذى الحجة غفر الله فيه لأدم و من صام هذا اليوم غفر الله له كل ذنب . و فى اليوم الثانى : استجاب الله لسيدنا يوسف و من صام هذا اليوم كمن عبد الله سنة و لم يعصى الله طرفة عين . و فى اليوم الثالث : استجاب الله دعاء .زكريا و من صام هذا اليوم استجاب الله دعائه. و فى اليوم الرابع : ولد سيدنا عيسى عليه السلام و من صام هذا اليوم نفى الله عنه البأس و الفقر و فى يوم القيامة يحشر مع السفرة الكرام ... و فى اليوم الخامس : ولد سيدنا موسى عليه السلام و من صام هذا اليوم برئ من النفاق و عذاب القبر . و فى اليوم السادس : فتح الله لسيدنا محمد بالخير و من صامه ينظر الله له بالرحمة ولا يعذبه أبدا .. و فى اليوم السابع : تغلق فيه أبواب جهنم و من صامه اغلق الله له ثلاثون بابا من العسر و فتح الله له ثلاثون بابا من الخير . و فى اليوم الثامن : المسمى بيوم التروية من صامه أعطى الله له من الأجر ما لا يعلمه إلا الله . و فى اليوم التاسع : و هو يوم عرفة من صامه يغفر الله له سنة من قبل و سنة من بعد . و فى اليوم العاشر : يكون عيد الأضحى و فيه من ذبح ذبيحة فى أول قطرة من دماء الذبيحة يغفر الله ذنوبه و ذنوب أولاده ، و من أطعم فيه مؤمنا و تصدق بصدقة بعثه الله يوم القيامة آمنا و يكون ميزانه اثقل من جبل أحد . فلا تضيعوا هذه الأيام المباركة بدون التقرب إلى الله تعالى بالعمل الصالح كالصوم و الصلاة على وقتها و الزكاة و صلة الرحم و الكلمة الطيبة . لا تنسونا بالدعاء و للمسلمين أجمعين __________________ صلي الله علي محمد صلي الله عليه و سلم |
بالعكس الرسميه مو زينه الا اذا كانوا خوااته كبيراات قوه اكبر مني
بس اذا صارن كبري بكون مثل اختهن الرسميه مع عمااته وخالاته بس خوااته وامه لا بعدهن مثل امي وخوااتي ترااي عزوبيه مابعد جربت الحموله بس هذا راايي |
اقتباس:
وخصوصا الي بالأحمر |
اقتباس:
|
اقتباس:
|
[جازلي ونقلته الكم للفايده
ويش جايبك انتي وياها ..هاه ... ياحبكم للشر بس ..>>>>شوفوا مين يهرج بس ههههه اكيد تبون النــــــــــــاس يحبونكم ..غصب ..>>>والله انكم دلوخ ..خخخخخ والافيه احد يحب غصب ..>>>تحاكي روحها .. المهم مالكم بطوالها .. هذا الله يسلمكم يومني اعرست ..وانا مزمله كيف يحبوني اهل المحروس ..>>> ضايق صدري ..أقوم واطيح ..هذا حلا وهذا مالح ..ومواجيب وعزايم ..وابي اخطب ودهم >>>كنها قالت شيء غلط ..زحلقووووه .. والله لامني قريت مشكلة وحده مع حمولتها ..اتذكر هذيك الايــــــــــــــام ..يومني اركض بيديني ورجليني .. ولا ان مالقيت هاك البشاشه عندهم وهالفرح بعيونهم ازعل ..وابرطم ..>>> وليه مايحبوني ..!!وليه مافرحوا بجيتي ..!!وليه يمدحون فلانه >>>هذي سلفتي ماني معلمتكم بأسمها .. وليه وليه ..>>>تحاكي نفسها لاتشرهون .. وكل مره اروح لمهم أسوى نفس الشيء ..وارجع ضايق خلقي .. وراها ام زوجي قالت لي كذا ..وراها ماكلت من حلاي ..>>>يمكن طبخي ماعجبهم ..مالت عليهم الشرهه علي اللي مسويتهلم حلى ..مرة ثانيه لااحروح لهم ولااخذ شيء .. كبرت اسرتي الصغيرونه وجوني عريس وعروسه >>>كللللللللويش .. وانا على نفس الموال ..>>>>مااستوعبت الدرس للهالحين اللين صرت أتجرأ اكلم ابو العيــــــــــــــــــــــــــ ــال ..>>>اخص يالقويه .. وكل يوم وانا ناشبه بحلقه ..وراهم اهلك يعاملوني كذا ..وراهم مايحبوني ..وراها أمك يوم تقول هذا جابته فلانه ..يعني تعايرني ..وراهم ووراهم .. >>>>وشبيت عليه النــــــــــــــــــــــار بكثر الزن والحن ..>>اللين كره روحتى للهم .. تميت على الحال سنين ..ومابغيت اتعلم .>>>ماتستوعب الافالوقت الضايع ... >>>تعبت اعصابي ..,اتعبت ابو عيالي ..وكرهت اهل زوجي .>>>وهم ماحسوا فيني ولادروعني ..اهيء اهيء اهيء . الليــــــــــــــــــــــــــ ـــــــــن هداني الله ..وأكتشفت سرخطييييير ... تبونــــــــــــــــي اعلمكم ...>>>>>معصي .. ماهو بلاش .خلوني اصير تاجره ..كودني احصل على في اي بي ..وانافس اللي بالمنتدى ..نياهاهاهاها. والا اقولكم خلوه على الخاص ..>>>منذ مبطي مااحد ارسل لي رساله ..خخخخخ والااقولكم خلوه بعد العيد ..ابي اصير نذذذذذذذله ..من زمان ماصرت ..نياهاهاهاها .. >>>>>يامصلها تميليح بموضوعها ..>>>>>وتهاوشين بعد ..موضوعي وانا حرررره ..ولو أسمعك تكلمين مره ثانيه ..كفختك ..سامعه ..>>>موشاربه شيء ابدآآآآ .. المهم بأقولكم على الســــــــــــــر اللي اكتشفته .. بس انتظروا .. |
أرجو الايفهم من كلامي انه تحريض على أهل الزوج ..
كل مااردت توضيحه ان الحب شيء من الله ..لانستطيع فرضه على قلوب الاخرين ..مهما فعلـــــــــنا من اجلهم .. مشاعرهم لليست ملكنــــــــــــا وحدنا .. واحترامك للهم واجب عليــــــــــك ..لهم سواء كرهتيتهم أو حبيتيهم .. هذا الله يسلمكم حنا يالحريم عندنـــــــــــــا للبس في المفاهيم .. للقيت ان اللي قاعده اطلبه من أهل زوجي ..هو انهم يحبــــــــــــــــــــــوني ..!!! وهذا اكبــــــــــــــر غلللللط ..سويته بحيـــــــــــــــــاتي ..!! المفروض اني اطلب الاحترام فقط .>>>بتقولون حتى حنــــــــا بعد مانبي منهم الايحترموننا .. بس تعالي شوفي انتي ويش تطلبين ..؟؟؟؟. صعب اني اخلي الناس تحبني غصب .. صعب اني اجبرهم يهشون ويبشون اذا شافوني ..!! صعب اني اجبرهم يشتاقون لي وللعيــــــــــــالي ..!! تبنهم اذا صارت عندهم عزيمه يشرفونك ..؟؟؟ صعب اني اجبرهم يشرفوني على أمروهم ..((خطاب بناتهم ..او اي شيء ..من اللي تتمنيني اهل زوجك يخبرونك فيه ..)) كل الاشياء اللي نطلبـــــــــــــــــ من اهل رجالنا انهم يعامولوننا فيها هي من دواعي الحب ..ماهي من دواعي الاحترام .. الاحترام شيء نقدر نعطيه لأي انسان ..>>>حتى لو مانحبه ..او مانعرفه أصــــــــــــــلآ .. لكن الحب ماتعطينه الا للي تحبينه .. واحنــــــــــــــــا قاعدين نفرض انفسنا غصب على النــــــــــــاس .. يقول المصطفى عليه افضل الصلاة والسلام ((الارواح جنود مجنده ماتعارف منها أئتلف ..وماتناكر منها اختلف )) ماهو بيديهم ان ماحبوني .. لكن اللي انا ابيه منهم الان ..>>>>يحترمونــــــــــــى .. طيب كيف .. كل وحده منكم اللحين لو بنقول هل انتي شخص محترم ..بتقول>>>>>هذا سؤال الله يصلحك أيــــــــــــــه .. لكــــــــــــــــــن كيف انا اجبر النـــــــــــــــــاس على احترامي ...>>>>هنا مربط الفرس .. بعطيـــــــــــك نقاط انا مجربتها فحياتي ..ولله الحمد جبرت من حولي يحترموني ..>>>>ماهو يحبوني .. 1###احاطة حياتك الماديه ..مصروفاتك .بهاله من الغموض .>>>> والله اني داريه انكم بتقولون كلنا محتفظين ..بس تعالي لاحظيي سواليفك مع أهل زوجك ... الأسبوع اللي طاف الماركات مسوين تخفيض..المطعم الفلاني فيه كذا وكذا ..السوق الفلاني فيه كذا وكذا .. ..فلان اهداني كذا وكذا .... ابشتري للبيتي كذا وكذا ..بسافر الصيف الجاي .. هذا يشعرهم بمقدار ماتصرفيـــــــــــــــــــن وعليه يقيسون .. بتقولون ويش دخل هذا بالاحترام ..!! بأقولك كل وحده فيـــــــــنا تتمنى انها تكون زوجه مثاليه في نظر اهل زوجها ..وانهم عرفوا يختارون للولدهم صح ..بس استمريتي بهذا النوع من الكلام ..هذا اللي راح تجنيـــــــــــــــنه .. وأقرأي اللي تحت ... >>>هذي همها السوق بس .. >>>والله مابتخلص ديون وللدنا وهذا صرف حرمته .. >>>هذا راتبه مايصفي له شيء ..كله على الاسواق والمطاعم .. >>>عزالله ماراح يشترون بيت وهذي مصاريفهم .. غير انهم ممكن يلمحون للزوجك ..أو ممكن تبدأ انواع الغيره الظاهره .. خصوصـــــــآ في حال كانت ام زوجك مسنه عاشت في زمن اللقمه فيه بالحسره ..راح تعتبر ان هالاشياء تبذيـــــــــر واسراف ..حتى ولو كانت عاديه .. لأنها تربت في زمن غير ..فحطي هذا في حسابك .. 2####ايـــــــــــــــــــاك تكذبين على اهل زوجـــــــــــك .. >>>>انا ليش خصيت اهل زوجك من بين كل الناس ..لأننا دايم نطيح بمطبات مع حمولتنا ونصير ندور على تصريفه منا والامنــــــــا .. وآخراتها نلجأ للكذب ..علشان نتحاشى نقمتهم عليـــــــــــــنا .. ونصير مثل اللي نجا من حفره للدحديـــــــره ..>>>مصلح يعني منحدر خخخخ ((ان الرجل لليكذب حتى يكتب عند الله كذابـــــــــآ ..)) حتى لو كانت كذبه صغيرونه .. حكت لى وحده اعزها ..تقول عمري ماكذبت على اهل زوجي بشيء .. اي شيء حتى لو كان يجيب لي مشكله ..يسألونها بكم شريتي هذا تقول ..وين كنتم البارح تعلم ..كلللل شيء تعلم فيه بصدق ... وسبحان الله شاء الله عزوجل انه يصير موقف وسألوه عن شغله ..وقالت لهم بكذاوهي صادقه ..قالت وحده من اللي جالسين كلمه كانها تكذبها ...>>>>شوفوا سبحان الله مين رد عليــــــــــــــــــــــها ..ام زوجها قالت فلانه ماتكذب ..!!!!!!>>>>تقصد مرة ولدها .. 3####الكلام عن بيت اهلك ..>>>>تاج راسك ..كلامك عنهم في بيت اهل زوجك يقلل من احترامهم لك .. اهلي يحبون كذا ..احنا متعوديـــــــــــن في بيت اهلي على كذا ..امي تقول كذا ..في بيت اهل نسوى كذا ..ابوي معودنــــــــــا ..أخواني ..خواتي ..>>>>لافرق الله شملكم .. انتي معترفه بجميــــــــــــل اهلك عليك ..لكن انك تمدحينهم قدام اهل زوجك ..تثيرين غيرتهم ..>>>>يقول المثل الرجل مايحب كل شجيع ..والمره ماتحب كل حسنا .. انتي بكذا تعرضيـــــــــن اهلك للأنتقاد .. ترى أول مره بتحترمك ام زوجك ..ثاني مره بتمشيها لك ..ثالث مره بتكتمها بصرها ..رابع مره بتسمعك اللي مايعجبــــــــــــك ..>>>>>هذا اذا هي من النوع اللي بالها طويل .. >>>>وبتجين تشكين أم زوجي قالت لي ... لاتمدحيـــــــــــــــن اهلك قدام اهل زوجك ..>>>>بيعتبرونها أيــــــــــاك اعني واسمعي ياجاره ..وكأنك تعايرينهم بأهلك ..خصوصآ اذا كان فيه فارق بينكم .. 3####عاملي اهلك زوجــــــــــــــك باللي يحبون ..ماهو باللي تربيتي عليه . .>>>>ودكم تصفقوني اللحيـــــــــــن بس اصبروا علي شوي .. هماهم يقولون النــــــــــــاس عادات وطبايع ..ليش تفرضيــــــــــن على اهل زوجك طبايعك .. >>>حتى لو هي زينه ..اذا هم ماتعودوا وعليها وماحبوها ..لاتفرضينها عليهم .. كذا بتفقديــــــــــــن احترامهم ..وتصير المسأله بالنسبه للهم فرض شخصيــــــــــات فقط لااكثر ..!!! اذكر وحده تقول احنا من طبايع اهلي ان الوحده اذا جات من السفر تنام عند اهل زوجها أول يوم ..وثاني يوم تروح تسلم على أهلها ..>>>>هي اللحين زعلانه ..ليه أم زوجها ماتفرح فيهم اذا جوا ينامون عندها ...!!!!! فهمتوا قصدي .. تقبل النــــــــــــاس للعادات يختلف من مجتمع لأخر حتى لو هي زينه وماعليها كلام .. ####الطفــــــــــــــــاقه والطفه ..=تدلق نفسها حيل على اهل زوجها .. مثلكم خابر أول أيـــــــــــام العرس ..ماغير نطامر لأهل الرجال ..كل يوم ..وكل وقت ..اللين دملنا كبودهم .. في حريم ينتهي عندها كل شيء بعد شهر العسل ..>>>تبدأ تمارس حياتها العاديه .. وفيه حريم تظل على ماهي عليه ..>>>كل يوم وهي ناقزه لهم ..على حسن نيه ..تشوف منهم اقبال واحترام .. لكن مع الايـــــــــــــام تشوف شيء مايسرها ..>>>شيء طبيعي .. اهل رجلك بالبدايه يجاملونك ..ويحترمونك ..>>>مايبون يزعلونك ..ويمكن هم يغصبون عليك تعالي عندنا .. بس يقول المثل من كثر الجيــــــــات لابد يارى ..>>>>يعني يشوف مايكره ..أمي الله يخليه لنا دايم تقوله .. اكيد في البدايه تحبون بعض تجاملون بعض ..بس مع الايـــــــام تنكشف الاقنعه ويبدأ مسألة فرض الارآء ..زايد على هذا انهم يتمللون منك .. ####كثرة التشره .. تراه يكره أهل رجلك فيك ..ورا ماعزمتوني ..وليه ماعلمتوني ..ويوم جتكم فلانه ماارسلتولي .. >>>>تراه يمصل العلاقه ..>>>>يخرب ابوها .. ويفقدك احترامك ..>>>>الله عازك عن الناس ..ويش تبين بهم ..!!! ماتزوجنا وحطينا لنـــــــــــا بيوت علشان يعزمونا ,, كنت ازعل مثلكم بالبدايه ..واشيل واحط ..ليه ماقالو لي بدري ..ليش ماعموني .. لقيت اني غلطــــــــــــانه .. مالقيت التشره جاب لي فايده ..!! بالعكس يمكن تلقين لك رد يخليك تكرهين نفسك .. ان قالو لك اهلآ وسهلآ ..وان ماقالو لك ..كمان أهلآ وسهلآ . >>>>حياتك ماهي قايمه على عزيمتهم ... 4####ماقبل الاخيره وهي مراعاة الذوق العام ..والاتكيت .. مثلآ اذكر وحده تقول أم زوجي لمحت لي انها ماتبيني اجي ببنطلون عندها ولاقصير ..وآخر شيء قالت لها بالوجه يافلانه لاعاد تجيني بهاللبس ..>>>>اللحين مرة الولد زعلانه تقول ليش ..!!!؟؟؟ يعني أم زوجها حرمه كبيره تربت على الحيـــــــــــــاء والحشمه ..وصارت تستحى من للبس مرة ولدها ..أذا جوها جاراتها ..طيب هي لليش تعرض نفسها للهذا الموقف ..!! ليش تفقدين نفسك أحترامها ..احترمتك ام زوجك اول مره وللمحت ..وانتي لسه مصره على رأيـــــــــك ..!!! راعي رغبتها ..انتي ضيفه في بيتها .. طبعآ دايم نسمع ان اهتمام المرأه بأنوثتها مداعاه لأحترامها .. >>>>مهوب تجيك وحده كأنها رجال ..ضحكتها ومشيتها ..وللبسها ..ومزحها .. >>>هذي أصلآ بتفقد التقديـــــــــــر والاحترام من المجتمع كله ..موبس أهل زوجها .. 5####آخر شيء ..اقضبي للســــــــــــــانك =امسكي للسانك ..= صكي فمك عن الكلام في اعراض المسلمين ..مهوب كل ماجت سيره للحرمه افلتي للســـــــــانك .. قصة فلانه اللي بالجريده ..وبنت جيرانكم اللي مدري ويش صار عليها ..واللي بآخر الحاره ويقولون سمعتها ماهي زينه ..وبنت عمة خالكم اللي تطلقت ..وقصة زواج مدري طلاق مدري وفاة قريبتكم .. هذي أكبر سقطه لك ..مداعاه انك تخسرين احترامك ..((من تتبع عورة اخيه تتبع الله عورته .. بعض الحريم ممكن تحصل على جزء من الاحترام اللي هي تبيه .. بس للأسف ماهو حب ابدآ ..>>>>لأنه احترام هي فرضته بسلاطة اللســـــــــــــــان ..وفرض السيطره . .واعتقد ان المجتمع اللي حولها متى مالقوا فرصه يتحررون من احترامهم لها ..ماراح يتأخرون .. ملاحظـــــــــــــــــه .. ####سلامة النيه جزء مهم للتحصلي على علاقه سليمــــــــــــه مع اهل زوجك .. >>>>مهوب والله علشان اغيظ سلفتي ..والااضمــــــــــن مكرهم بي ..والالأني محتاجتهم اللحين ..واهلي مهوب عندي .. خلي نيتك صافيه يعطيك الله على ماتبيــــــــــن ..>>>وعلى قدر نياتكم ترزقون .. يعني لو كنتي تمثلين بس ..او تجاملين ..راح يجي يوم وتنكشف فيه الاقنعه ..وساعتها راح تخسرين كل اللي سويتيه .. جزالله كاتبة الموضوع الخير |
لاوالله الحموله مايجي معهم الا الرسميات اذا كانو حبوبين واذا كانو قشران ماعرفهم والرسول صلى الله عليه وسلم الحمو الموت
|
اقتباس:
ان شاء الله اصير مثلك يتزوجة>>>عجله على العرس:d طالبة....ثاني ثنوي |
اقتباس:
ان شاء الله ان جرب الحموله انا وانتي:d |
[GLINT]:oo:oo:oo:ooالحموله تراها اهلي واهلك عيب عليكن اللي يسمعكن يقول مب مسلمين اللي تسوينه بحمولتك تسويه مرة اخوك بكم الدنيا اسلاف صدق العقل نعمه[/GLINT]
|
أنا من رآيي تآخذين طبعهم .. يك كنك بنتهم لا تختلفين عنهم بشئ ... و الله يسعدك . |
تعاملي مع حمولتي رسمي مررره
|
|
السلام عليكم ورحمته الله وبركاته .... يابنت قلبي افطني لي واوصيك احشمي عن الرجل قبل عانيس هذا بيت من ام قالته لبنتها عند زوجها الحموله بيتهم ولا هم بحاجتك وان حشمتيهم حشمومك وان قدرتيهم قدروك واذا كنتي طيبه معهم صاروا اطيب منك وعلى فكره الحموله تأثر على ولدهم مهما يكون بالكلام ...حتى معامله زوجك معاك تختلف لا كنتي طيبوبه مع اهله ولا اذا كنتي ورهـــــ بالعربي.... _____________ وهذي قصه حقيقه من وحده من قريباتي والله ولدها الان متزوج له 8 سنوات وزجه ولده ما تخبر منه شيء شين يعني بصراحه يخافون من الله وطيبين معها بالحيـــل وانا ولدهم يقول لاهله انها لا جيتكم تنفعل ما تبيكم وان ام الولد بدأت تتدعي بين الاذان والاقامه يارب انا كافه عنها ولا انا ادخل ولا بيتها ان تجيب لها ما ياخذ نصه بالتمام والله ما تم ثمانيه شهوووور الا متزوج عليهاااااااااااا ... ____________ والوحده تتعض وتخاف من ربها ... ومشكوره على هالموضوع الراااااااائع اللي نستفيد منهاااااا ونفيد |
كـــــــــل شـي لـه حـــــــــدود
|
ســــــــولـــــــفي واستانسي وما عــليتس من اللي يقولون
|
.
. الحين الحمدلله الحياة صار فيها استقلالية ، يعني دام الوحده ساكنه ببيت مستقل وبالاسبوع او الاسبوعين تزور حمولتها مره ... يعني الوضع مريح جدا حتى لو الحموله صاروا ناس صعبين ، انا مالي شغل فيهم ، يعني اسوي اللي براسي واللي يرضي ضميري واطنش :d وصدقوني مادامت نيتك طيبه ، ماراح تشوفين مكروه باذن الله ... بالتوفيق للجميع :) :rolleyes: عفوا للفائدة في هذا الرابط معنى الحديث (الحمو الموت) لمنع الالتباس http://www.islamweb.net/ver2/Fatwa/S...Option=FatwaId تحياتي |
اقول يازين من شاتكن لوراء 50 سنة
عشان تعرفون كلمة حمولة زين وش معناها الاصلي هالوقت الوحده فبيت لحاله وتتشكي من حمولته!! على أيش طيب!! واللي تقول اهم شي لا يعرفون شي عن أهلك لييييه!! سيرتهم تقطع الوجه!!:eek: بالعكس اجيب ذكرهم وابعد شي اسمه رسمي واذا تتعاملي بالرسمي الله يخلف على عيالك بس:oo < جالسة تكتب الرد مع زوجة أخوها ^_^ :p |
بصراحه اعاملهم بالطريقه اللي احب زوجة اخوي تعامل امي
وتعاملنا فيها وفيما بعد وش اللي اتمناه ان زوجات عيالي رسميات معي! او ميانه ! كل وحده رح يرجع لها تعاملها وقربها وبعدها |
اتعامل معهم برسميه لأحظى منهم الاحترام..والمثل يقول لاإفراط ولاتفريط..
|
مع اني لسى آنسه ماتزوجت ولا لي حمولة..<< برآآآ بس احس احسن شي مع الحولة تصيرين تمونين عليهم بحدود المعقول.. يعني تحظرين اجتماعاتهم وتسولفين مع بناتهم وتضحكين عادي وتصيرين طيوبه وحبوبه.. واذا قاموا يقدمون العشاء تروحين تساعدينهم.. بس بحدود.....يعني ماتقولين لهم شي يخصك انتي.. يعني مايصلح يعرفون شي عن اهلك وحياتك الخاصه وهم مالهم دخل فيه.. عشان تحبينهم ويحبونك ويحترمونك الوسطية بكل شي زين.. |
بالنسبة لي عاملت الحمولة وكاْنهم اهلي وصارت الميانة زيادة بيني وبينهم وهذا اللي خلاهم يتدخلون في كل شي ويغارون مني جدا
وعندما طفح الكيل غيرت المعاملة وصارت رسمية وفعلا ارتحت وقلت مشاكلي مع زوجي (نصيحة لكل متضايقة من حمولتها غيري المعاملة الى رسمية وشوفي وشلون يحترمونك ) |
الرسميه افضل شييييييييييييييييي
|
من تجررربتي اعتقد ان الرسميه ضررررروريه
بس عاااد موب مرررره يعني لا تنفلين ولا تتكررربين خليك وسط ولا تقطعين قلبك بزياااده لان الحموله مع ولدهم سوا كانو طيبين واشياطين لانهم عند اخر عمل يصدر منك يقلبون عليك ولا كنهم عرفوك |
السلام عليكم !!
حلووو الموضوع بس مااعندي وقت اناقش بنات ابي رايكم هنا ضرووري مااحد يجي للموضوع ويعطينا رايه بليييييييييييييييز بنات مااعندي وقت الله يوفقكم ويفرج همكم ان شاااااء الله http://www.buraydahcity.net/vb/showt...170403&page=11 http://www.buraydahcity.net/vb/showt...=1#post1936593 الله يجزاكم خير لااتحذفون الرد بس وش اسووي وشلون اجيب اهل الخبره هههههههههههههههههههههههههههههههههههههه |
شوفوياخواتي ترا الرسميات ماتصلح لانه عشرة عمرررر وتبي تتعبن والميانه بالحيل ماتصلح الوسط زين بكل شي:017:
|
| الساعة الآن +4: 10:38 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.