معاناتي مع ( السبحـه ) .. يا ناس راحت قروشي وأنا كل يوم شاري سبحه !! وش الحل ؟
 

السلام عليكم ورحمة الله وبركاته
هلا بالزقرت :cool: كل واحد إذا معه سبحه يطلعها من مخباته :d لأن موضوعنا عن ( السبحه ) يا شباب كل واحد طبعا يحب إنه يكشخ قدام الناس بالسبحه :115: موب هذا موضوعنا :021: قصدي مشكلتنا .. المشكله راحن من سبحات إلى الدفن :i121 والسبب غلى مني جلست أسولف :018: مع أي واحد من الشباب ياخذ السبحه من يدي وأنا أسولف .. وأنا أسكت :eek5 على إنه يبي يرجعها لكن إذا بغى يمشي بصراحه أستحي :080: أقوله عطن السبحه وتروح علي وهلم جراء مع باقي السبحات :eek5 ويالله من بكرى شاري سبحه جديده ونفس الطريقه يجي واحد وياخذ السبحه .. وبصراحه بعضهم إذا جاء يمشي مايعطيك السبحه إلا إذا قلت له :029: وإذا أسكت ياخذه إقاله هو بعد ناسي يعطيك إياه .. أعرف واحد من العيال سيارته مليانه سباح قلت : من وين لك هذولي :confused: قال : كل ماسولفت مع واحد آخذ سبحته :i121 .. المشكله بعض السبحات غاليات شوي وهذا اللي يقهرك :i121 ويخليك تحسف على السبحه !!!! .. المشكله لا قلت عطن السبحه يجدعه من غير نفس :046: ويقول راس مالها سبحه مانن به علينا .. وسيع وجه :i121
طيب وش الحل ؟
هل أسكت وتروح علي السبحه ؟
وإلا أطقه بوجهه وأقول له عطن السبحه ؟
كل واحد يعصر مخه ويعطين حل :d

لاتعطيه اياه من الاصل

ولا اذا اخذه خذ منه شئ ثاني مثلا قلم:41


سلام

أربطة بمخباتك ...

مثل ما صار بجيح خلك أبجح منه;)


ذكرتن بواحد من الشباب كل ماشرى ماطور هواء لــ السيارة جحده أحد قعد يفكر قال ما لنا إلا نحط
قاعده له بالمكينه والحين إذا قاله أحد أبي ماطورك قال والله إنه مثبت بالمكينه لاكن إذا تبي نروح أنا
وإياك نعبي كفراتك ماعندي مشكله:d

الجارح الذابح (f)
مخفي (f)
فتـك (f)
مشكورين على الشطفه السريعه لموضوعي

الجارح الذابح > صعبه أقوله لا تاخذه :025: أخاف يضحك علي ويقول لا تخاف أبرجعه :d

مخفي > والله إنه مهيب شينه ربطته بالمخباة :d خلاص مره ثانيه اذا رحت أفصل ثوب أبقول له يحط لي خيط بالمخباة :d

فتك > والله إنك صادز :41 يقولون :022: اللي مايستحي منك :p لا تستحي منه ..

تسانه غالي علي بحل خله ياخذ السبحه كل يوم<<<والله من الدجه


وتسانه شخص عادي آخذه بالطيب ولا بالغصب<<<مسوي هوشات على شان 5تريل

الدعساوي > شكرا على الشطفه الخطافيه للموضوع .. (f)
بعدين تعال حتى لو هو غالي ما ياخذه كل يوم فوضى هي :i121

اشتر درزن من امهات ريالين
تطلع بنص اذا اخذت كميه

واذا انسرت خذ غيره الى يخلصن
ورح اشتر درزن جديد وهكذا

السبحه ما اارتاح له احس ان اللي معه سبحه نفسية

يكثر مارحن من سباح
اخر شي امس جالس اسولف انا واخوي اخذ السبحه من وقال شوي
بعد شوي لقيت سبحتي مع واحد ماعرفه زين:i121 :i121:i121
حتى سعره رخيصه لكن قيمته غاليه لانه هديه من واحد عزيز علي اهـ يالقهر راحت سبحك ياعزوز

نصيحه لتقرب لـ العضو (طقطوق) س د ر 999 سابقا:)
لنه بتله يضف سبحات من :d

مشكوووووووووور

المغترب .. (f)
شأس بن دثار .. (f)
مشكورين على الشطفه السريعه لموضوعي ..

المغترب >> أجل خلاص إذا رحت لمكه جب لي درازن أمهات ريالين :d

شأس بن دثار >> أخاف يروح المفتاح والسبحه ,,, أبلش :eek5

أجل وشوله شاريه يا خلفهم لا صرت بحطه بالمخباة :d

اييي والله :(
ياخي لا تاخذلك سبحة وريح نفسك ويحنا :015:

اوووو!!!!!!


إشتكيه للشرطة.,.,.,.,.,.,.,.,.

قلم وحبر ..
فراوله بالحليب ..
شكرا على الشطفه للموضوع (f)

قلم وحبر >> الله يهديك وراك مطفي النور :confused:.. وراه نفسيه اللي معه سبحه ؟ أول مره أسمع به :eek:

فراوله بالحليب >> والله شينه أطقه بوجهه أخاف يقول راسه ماله سبحه لا تخاف برجعه همن عاد دور وجهك :d

(مشكور دبدوبي على الشطفه اللي يحبها قلبك (h)
أشوى يادبدوبي أثر به أحد مثلي يوخذ منه سباح :d
والله عاد شف :cool: إذا صارت السبحه غالية علي بالحيل والله ما أخليه تروح حتى لو أخذه واحد ما أعرفه أقول لخويي اللي أخذه مثل ما أخذته رجعه لأنه بصراحه غاليه علي :i121
أجل طقطوق ( س د ر 999 ) طاق له جنوط من السباح ياخذ ويبيع :d

رئيس الشباب 999 >> مشكور على الشطفه للموضوع (f)

الله يرحم والديكم لا توسوسون بي ترى أصدق إني نفسيه :d ياخوي خل عنك الخرابيط أصلا السبحه من الزينه مثل الخاتم وغيره :cool:

بعدين ترى فيه سباح على ألف وألفين يكون بعلمك .. لو سبحتي بهالقيمه والله إن تاصل الشرطه :112: الدعوى مب خمس تريل أقول بكيفه أشري بداله ألف وألفين صعبه تروح من إيدي :d

وحبيلك

ياشخ لمح مهب عطن السبحة على طول


ابد الا مشى قل والله يالسبحه حقتي تخيل اني شارية ب5 ريالات

لاكن انتحداك تلقى مثلة عاد هو تلقائيا

يعطيك السبحة

يعني لمح له انك تبية او لمح له انك تذره يعطيكياه

هلا محور >> ياحبيلك أنت وشطفك على الموضوع (h)

طيب وش رايك بالتلميحه هذي >> إذا بغى يمشي أقوله : والله يالسبحه ماركبت عليك :d

شرقاوي ذوق >> شكرا على المرور (f)

والله إنك صادز .. دام إن الواحد يحب السبحه ليه ما يشتري له وحده بدون مايسوي الحركه هذي ياخذه ثم يسوي نفسه إنه نسى يرجعه همن تروح عليك :i121.. وبصراحه إحراج تقوله رجعه خصوصا إذا كان فيه ناس عندكم :mad:
بعدين صعبه تحط مفتاح بالسبحه :oo .. أصلا السبحه للزينه وإذا صار به مفتاح تحس إنك شايب راعي دكاكين :d

إذا اخذت معك سبحة خله في يدك

واذا جا احد يبي ياخذه منك امسك السبحة بقوةوطقه عين حمراء

اذا قال وش بلاك قل له كلش و لا سبحتي ماقدر افارقه ولا دقيقة


طبعا تلقائيا بيقول لك عطنياه شوي قله بعد شوي بس بخلص منه

اذا صار بوجهه ماء يبي يضف وجهه مارح يطلب منك السبحة مرة ثانية

لكن اذا صار بجيح قل له عطيته عبد اللطيف اذا قال منهو عبد اللطيف قل له راح خلاص ما تعرفه ههههههههههههه صارت سالفة عشان سبحة

مشكلتك عانيت منها سنون طوال وأخيرا لقيت له حل بسيط أذ كانت سبحتك من الغاليات
خل معك سبحتين ثلاث من امهات ريالين ولاجاء يمعط السبحه منك مد له ام ريالين
اما اذا قضن سبحات ابو ريالين منك وش تسوي ؟؟؟ أذا جاء يمعطه قله والله انك غالي ومتغلى عليك
بس انه هديه من واحد غالي شرواك وتسذاتا تفتك من هالعالم

ودمتم بود

.

















والله انك صادز

الحل اتوقع
لا تعطيه السبحه من الاساس مثل ماقالو بعض الاعضاء

هلا بك هيرو (f)
بس بعض الناس يبتل بجيح ماينتهي حتى ياخذ السبحه تقل محلوف عليه :i121

وعليكم السلام (h)
علينا وعليك .. وأنت بخير وصحه وسلامه(f)
صادز أنت ؟ :confused: تبين أملى مخابي الثوب سباح :oo يارجال سبحه وحده وتسوي زحمه بالمخباة وشلون لو أحط ثلاث معه :d

هلا بك جرجس (f)
طيب لو جاك واحد بعزيمه أو زواج وأبلشك وقالك جرجس بالله السبحه شوي ..:confused:
وإذا صرفته قال لك : دقيقه بس مانيب آكله :eek5 بصراحه يحرجك لما تعطيه السبحه :i121

خلك زي واحد من العيال

شارين له درزن سبحات ابو ريالين وانواع الوناسة ..

شلقه >> مشكور على الشطفه للموضوع اللي تمشي 220 كلم بالساعه :d

ياشلقه يا حبيبي :p ماعندي مشكله أشري أمهات ريالين .. بس مشكلتهن هذولي ينقطعن على طول :eek5 ..
يعني لو طلعته من كيسته جديده السبحه أمهات ريالين وحطيته بيدك :42 .. يمين يسار.. يمين يسار يمين يسار.. ما تدري إلاهي منقطعه وكل حبه بجهه .. يالله عاد إقعد لقطهن :d

أجل أدور لك سبحة ماتنططع ... Ok

أقول مايحتاج سبحة

نواف الغلا >> مشكور على الشطفه للموضوع بس إنتبه بغيت تضفن وتطلعن من المجلس :d

لا يابعدي تبين أطلع من المجلس عشانه :i121
وطريقك الثانيه لو ما مر من عندي أحد وش أزين ؟ :d

888

جابلك الحل ياسلمان

شلقه
إي والله تكفى دور لي شي ماينقطع ولك دعوه بتالي الليل :d
مع إني متأكد إنه ماراح تكمل أسبوع معي بس مايخالف :bad

رشيق
أبو منصـور


وش دعوى مايلزم سبحه :eek5 ؟
تدرون إني ما أعرف أسولف بمجلس إلا بسبحه :d
إذا صار ذاك اليوم مامعي سبحه أعجز أسولف ينعقد لساني :confused:

عامل البجيح بنفس بجاحته

أبو سليمان >> مشكور على الشطفه (f)

الظاهر ماله حل إلا تسذا :41

ههههههههه والله انكم نكتة انتم وسبحاتكم

من الاصل لا تطلعة والى اذا جا احد يسحبة قل لالا بروح


او دورلك صرفة اهم شي السبحة لا تروح ههههههههه


با حبيلكم ههههههههههههههه<<مستانس الشيخ

حنيت >> ياحبيلك أنت وشطفتك (h)
لا خلاص ماعليك عقب الموضوع هذا بكرش حرامية السباح :i121

مجود الغلا >> مشكور على الشطفه للموضع (f)

بعدين يحق لك تستانس .. بلاك والله ماتسد نطلت منك سباح :i121 لو تنطل منك سبحه تسان تدخل علينا بالموضوع تصايح :eek5

قله ياخي هالسبحه من واحد عزيز علي هاته لو سمحت

تسانه غالي علي بحل خله ياخذ السبحه كل يوم<<<والله من الدجه


وتسانه شخص عادي آخذه بالطيب ولا بالغصب<<<مسوي هوشات على شان 5تريل

يكثر مارحن من سباح

N 73 >> مشكور على الشطفه للموضوع (f)

أخاف يقول وش دعوى وأنا منب عزيز عليك :i121

اقتباس:

المشاركة الأساسية كتبها اندنوسيا ستي (المشاركة 1914765) تسانه غالي علي بحل خله ياخذ السبحه كل يوم<<<والله من الدجه

معشي الذيب >> شطفتك أعجبتن من جد (h)

تدري ليش >>؟؟
لأنه يعجبني الناس اللي مثلك يخفف من معاناتي :eek5

ياخي قله جب السبحه لابوك لابو سلبك تفووو عليك خلك عصبي

والله يااخووووي انا مثلك بس وش السواااااااات ماقووول الله يعيييينك






تكفووون ياااانااااس ياعالم لا تااخذوو سباااح النااااس

هههههههههههههههههههههههههههههههه .. :d:d


زاد أقول وراه الحوض مليااااااااان سبحات .. :d:d

تصدق لي اسبوع ماحد اخذها واليوم
مادري مين اخذها اهي اهي


يناس لاحد ياخذ سبحه ماهي حقته

دبدوبي >> يا رجال لا تصيح الحال من بعضه :eek5
وما من سبحة إلا وتأخذ .... من كل شخص خفت يداه :d
وش رايكم أصلح شاعر؟:d:d

888888
احسن شاعر

خلك زي ماقالو الاخوان بجيح مثلة

البتار ..
Da7oom ..
مشكورين على الشطفه الجميله للموضوع (h)
يا شباب أنا مدمن سباح ولا أقدر أسولف بدون سبحه :cool:
يقول الشاعر:
إذا سولفت بدون سبحتن ... فكل تبنا فأنت حمار !! :d:d

اكيد انك شاعر يقولون مايمسك السبحه الا الشاعر;)

اكيد انك شاعر يقولون ما يمسك السبحه الا الشاعر

الهلالي 20 >> شكرا على الشطفه المهايطيه (h)
أبدل السبحه بسلسله :eek:
عيال طالعوا حقين المضاربات :d

تروكي محمد >> شكرا على الشطفه للموضوع (f)

أفا عليك بس أنت حطن بمجلس وعطن سبحه وشف وش يصير على قريحتي :d..
الظاهر إنك ماسمعت بمعلقتي الشهيره !! يقول الشاعر :
ياشينها لا صرت مفلس وطفران ... وأعزب وساكن فوق مطعم بخاري :S

أحسن شيء حط به قفل