|
ياساتر يارب ارتفاع اسعار الحلاقين في بريدة
السلام قبل الكلام ايه الأخوة الكرام وبعد تفاجأت الاسبوع الماضي بارتفاع سعر حلاق كنت متعود انا وأولادي ان احلق عنده فكان يحلق اولادي بالمكينة بخمسة ريال اي الأثنين بعشرة ريالات وقبل يومين رحت له وبعد ماحلقهم مكينة قال الحساب علشانك بخمسة عشر ريالا علشانك عميل والا المفروض اخذ عليك عشرين قلت وش السالفة قال البلدية تشترط علينا اكياس بلاستيك لكل زبون بدل القماش ويستخدم مرة واحدة ويرمى وايضا موس جديد لكل زبون ويرمى بعد لاستخدام ولازم نزود علشان نستفيد ولا نخسر فهل الزيادة من رأسه ولا من البلدية وشتراطاتها ياليت تفيدونا والله يستر من زيادة الاسعار بدون مقدمات
|
كلامه صحيح بس ما تصل لرفع السعر يعني درزن أكياس بريالين وكرتون أمواس بريالين وكيس الزبون سفرة بخمسة
يعني كلها عشرة ريالات وإلا وش رأيك |
هذا القرار على السعوديه ولايسة بريده فقط
بس الاسعار غاليه |
[بلغ 940 الامانه تعطيهم الاغراض
هي وقفت 10 ريال في حلاق بالضاحي يحلق الراس 20 ريال |
والله ما دري لاكن ابي اسعر واشوف الحلاقين الثانين يمكن هو طماع نروح ونتركه
|
انا محلق الاثنين اللي راح والسعر على ماهو عليه بس زاد ريال حق الموس الجديد ..
واذا كنت تحلق عيالك مكينه .. انصحك انك تشري وحده ازين لك |
الله يستر كل شي ارتفع ؟ |
يا رجال دامك في هالبلد بع واشر على كيف كيفك بدون رقيب ولا حسيب |
اللي ارتفع الببسي موب غريبه يرتفع الحلاق
بعدين حتى القهوه ارتفع سعره اصبروا بعد شوي كل شئ يبي يرتفع باتسر يقولون المشي بالشارع بقروش والله العضيم عالم والله ياهم العبوا بنا لعب مير الشكوى لله |
الله يستر من غلا الأسعار
|
حتى المسواك يبي يرتفع
|
لاتحلق عند الأتراك وروح عند أبوهنود ..
|
وبعدين ترا فية شنطة تنباع عند الحلاقين به كلا عدة الحلاقة
|
ماشفت شي بعد أبوشكيم يحلق بـ 30ريال
|
يارجال العشرين اخت الخمس طعش عطهم يستاهلون ..
|
اقتباس:
الضاحي جهمورية مستقلة وليس للأمانة دخل فيه لا شوارع و لا نظافه و لا محلات خاصة الأحياء الجديدة فيه ( مثل روابي وغيره ) |
عادي ... اهم شي مايكون سوري أو تركي
|
تـــســـذا نـــنــجــبر انــنـا مانـــتـــزوج ونــنـجـبـر انــنـأ مـانــجـيــب بـزاريــن عــلــى شـــان مــانــحــلــقــهــم:mad:
<<< ياساتر كل هذا على شان عشرين:d |
اهم شي النظافة والاسعار بك بك لا محالة لان >> الأمـــر من البلدية يعني غصب ع الحلاقين كل ألأدوات
يعني يد العامل والطاولات وملابسة << هذا نقطة ناسينها !! |
انا حلقت عند واحد وقالي بعد التحليق قالي الاغرااااااااااض عليك
|
صح النوم ياdoom4444 كم لك ماحلقت |
صحيح .. و ما علاقة الموس و هو حالق لعيالك بالمكينة .. و الكيس البلاستيك بـ 4 هللات .. من القهر ..
|
سعر الكيس ريالين
|
الله يستر على كذا يمكن بعد عشر سنوات تلقى تحلق يمكن بــ 200 ريال الله يستر
|
أنا محلق ب8 عند أبوهنود
|
| الساعة الآن +4: 08:05 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.