|
انتشار ظاهرة .... غريبة على مجتمعنا
لفت انتباهي في الآونة الأخيرة ظاهرة منتشرة عند فئات مختلفة من المجتمع
منهم الكبير والصغير والملتزم وغير الملتزم ألا وهي ان الحرمة تنزل للخياط أو محل الحلويات أو غيرها من المحلات والرجال جالس بالسيارة ماسك البزارين أو من غير بزارين طبعا تنزل وتختار وتفاصل العمال ووو , والرجال ( أقصد الذكر ) جالس بالسيارة لا شغل ولا مشغلة وقبل تقريبا 12 عام كنت موظف بالدمام وأشاهد ارجال يسوون كذا ومستغرب عليهم وأقول عسى ما يجي هاليوم الي تنتقل هالظاهرة عندنا وهذاها انتقلت وأذكر من المواقف : في أحد محلات المكسرات بشارع الثمانين بحي مشعل والمحل ضييييق جدا والعمال ينزلون بضاعة وأنا بوسط المحل إلا وتدخل الحرمة تبي تشتري مكسرات والعمال من خلفها رايحين جايين والغريب انهم يروحون ويجون وما معهم شي ( ما أدري وش قاعدين يسوون ) أخذتني الغيرة وهاوشت عليهم وأبي المرة تفهم وما فيه فايدة الحرمة جالسة تختار المهم طلعت من المحل وفيه سيارة واقفة عند باب المحل وفيها رجال عليه علامات الإلتزام جالس بالسيارة توقعت ان الحرمة تبع هالرجال لأن مافيه غيره لكن بنفس الوقت متبيعد هالشي انتظرت لين اطلعت الحرمة ومباشرة تتجه لسيارة هالرجال الملتزم والمواقف كثير من هالنوع والموضوع ماوقف على ملتزم أو غير ملتزم ( كل الفئات ) أتمنى أن تزول هالظاهرة بأسرع وقت |
اقتباس:
أمزح عليك عاد |
معاليش اخوي خلصت المواضيع وحكرت على هالموضوع
الصراحه الموضوع مكرر خمسين الف مره مالكم الا سالفة الحريم والبنات ولبسهن وطلعاتهن ،، وشفيها اذا نزلت واخذت على ذوقه موحراام ولاعيب مادام معه رجال صراحه ذوقكم يالرجال غبي بعض المرات. " تقبل صراحتي" |
وش فيك تراقب الناس ..او تبي تاخذ فكره عن تصرفات العالم خلهم عايشين حياتهم اشكر لك غيرتك تسلم وتقبل مروري |
اقتباس:
مكرر خمسين الف مرة ما يهم اهم شي التذكير ولو بكلمة خل الجيل هذا يحس بالغيرة شوي على الاقل بعدين راجعي فتوى الشيخ المنجد http://www.islam-qa.com/ar/ref/82196 اقتباس:
ما يبي له مراقب هذا شي علني مب داخل البيوت يا ذكي (h) |
يربي على صهرجي الله يخالفه الراي يمممه منه
|
اشكر لك أخي طرحك هذا الموضوع.. وبالنسبة لمن يقول طرحتوا الموضوع خمسين ألف مرة.. أقول: نعم طرحناه لأننا لم نرَ تجاوباً,وسنستمر في طرحه حتى يتغير الوضع أو نهلك دونه.. تحياتي |
الله يالدنيا والله وتغيرتي وصرتي تخوفين اليوم يكتب موضوع والمراد فيه النصح والتنبيه واول من يرد حريم ويقولن ما لقيتوا غير هالمواضيع تتناقشون فيها .. مافيها شي سؤال لكن لو جاء احد هالعماله واغتصب ذويقة المكسرات وصارت قضية وكتبت بالمنتديات كان اول من يبي يلوم الزوج انتم يالحريم وتبي توصفونه بأنه عديم الرجولة فاقد للغيرة يعني لازم نسكت الين تجي مثل سالفة الباكستاني الي اغتصب اربع فتيات صغيرات سعوديات وبعدها نبدأ نتناقش لكن واقعكم يالحريم يقول اتركونا بحالنا واذا وقع الفاس بالراس فز يالرجال وافزعلنا |
واذا يااخي الكريم نزلت ودخلت المحل ........؟؟؟؟؟؟؟؟؟؟؟
عادي هي لها حق الاختيار هي كائن حي مثلها مثلك ,, مااقول الا عسى الله يكبر عـــــــــقولكم !! .. |
ما عمري سويته ولله الحمد
|
ياخوي مشكور على هالغيره بس مافيها شي اذا نزلت واختارت وشلوه تعقدون الواحد بامور مباحه امنيتي بريده تتطور فكريا بس حلم ابليس بالجنه |
يمكن معاق ...................:oo:oo |
عادي ياخوي خلها تنزل وتختار على كيفها لانك لو نزلت انت ماراح يجوزلها ذوقك همن حنه ورنه ........وبالنهايه طلاق ايه والله اعقلوا ياعالم اذا ماتبيها تنزل للمحل احسن لك اسجنها بالبيت لا تطلع لانها اذا طلعت بتشوف الحريم بهالمحلات وتنقهر قهر
|
اقتباس:
منذ أن شاهدت هذا التصويت وكيف أن 1020 يرضون لنساءهم أن يكشف عليهن الرجال علمت أن في المجتمع ديوثيين كثر وللعلم فالديوث لا يدخل الجنة كما في الحديث الشريف الذي عن رسول الله عليه الصلاة والسلام الله يرحم الحال |
اقتباس:
يآخـي ترضى اختـك انهـاا تنزل لـ محل حلوياات او غيره والعمال يمشون من خلفهاا ويسوون حركاات لا تلعم بهاا وبصراحه بعض الاخوات يحصل لهن مواقف ويخافن انهن يتكلمن مع ذالك يكون هالشي عادي عندهن او متعودات . من جد استغرب هالاشياء ...! |
هذه الحركات عند الناس الرخوم الدبش
|
اقتباس:
اقتباس:
اقتباس:
اقتباس:
اقتباس:
سبحان الله تفكيركم محدود جدا ياخي خله تنزل وتختار على كيفه لكن مع زوجه او محرم لها اما تنزل لحالها وين حنا به بامريكا ولا بتركيا واما يقول ان يترك زوجته داخل المحل( لوحدها ) بحـجّـة التطوّر الفكري هذا ما يسمى تطور فكري هذا يسمى تخنث ودياثة فكرية والله المستعان ! |
جزااااااااااااااااااااااك الله الف خير من احسن المواضيع في بريده ستي
نعم بعض الرجاااااااااااااال هداهم الله ماعندهم غيره حصل اماااااااااااااامي عند مكسرات التويجري الي في الافق والي قاهرن لابسه نقاب نص الخد واضح لا والعطر فوااااااااااااح لا والعبااااااااااااة مخصره اسئلكم با الله هل هذي ام تبي تربي اجيااااااااااااااااااااااااال الله يخلف |
تنـــزل ومعه محرم أيه أو تصير معه مره ثانيه عادي لكن لحاله لا... |
اقتباس:
اقتباس:
والغريب انها ولا همتكم وبعض النساء ما عندها غيرة حتى على نفسها ولا نريد إلا الإصلاح ما استطعنا والعاقبة للحريم أنفسهم إن خيراً فالعائد لهن وإن فعلن شراً فهو عليهن وبعدين أنا ما قلت انها ماتروح للمحل وتختار على ذوقها لكن أبي الحريم اللي تنزل للمحل لحالها |
كفـوٍ المنتـهي بعـدين النـأس يفكرٍوٍن إُنك تبي تمشيـهم على كيفك بعـدين الي فهمنا من اإُلرٍجـأل يقول ليش ماينزل الرجال معـه ماقال لاتختـأرٍ عشـأن مايتحرٍشون به لـكن صدق الي يقول حتىآ مافيه غيرٍهـ على نفسة واذا على الموضوع منزل خمسين مرٍهـ المقصوٍدهـ منه الاصلاُح لان مـأفيه تجاوب..! والي قال خمسين مرٍهـ صدقن موضوعـك بالصميمـ شكله منزٍل إُمه عند الخياط وهو بالموترٍ ينغـف بعـد ماشاف موضوعـك..! |
كون المرأة تدخل محل الحلويات و تشتري لوحدها فهذا مثل دخولها أي محل من المحلات فكثير ما نرى نساء يشترين لوحدهن في سوق الصناعة و المجمعات بدون محرم و الأمر طبيعي و ايضاً كونها تذهب للخياط و تنزل لوحدها فالأمر طبيعي جداً و إني لأتعجب عندما أرى رجلاً يرتاد الخياط لكي يدخل ملابس زوجته و هو يقوم بشرح الموديل للخياط أما ما قلته عن دخول المرأة الى المحل و هو مزحوم بالرجال و يمشون من خلفها فإن من يستحق اللوم هي المرأة لماذا تدخل و هو مزحوم فمن الواجب أن تذهب لزوجها و تقول له انزل معي لأن المحل مزحوم " بين الغيرة و الشك شعرة فلنحافظ على غيرتنا و نجعلها متوازنة " |
المنتهي أشكرك على غيرتك هذاالذي جالس في السيارة قد يكون والله أعلم أنه الرجل مغلوب على آمره من قبل مرآته أو أنه لايغار على محارمة اسال الله العافية والمعافاه الدائمة |
لانها هي من تدفع
امزح بس مااتوقع ان فيها شي تختار اللي يعجبها وسلامتكم |
اقتباس:
|
ولله :09: سالفت انزله هذاي شي عادي الا اذا كان المحل زحمه تنزل لحاله هذا غلط تنزل مع ابو شوارب :cool: وغيرتك لعنت ببا هنود الله يجزك خير :d والله يكثر من امثالك :rolleyes: >>>تقبل مروري :41
|
اقتباس:
فيه فرق بين السوق والمحلات خارج السوق فالمحلات اللي بالسوق فيها الحريم بكثرة ولا يتجرأ العامل يسوي شي بسهولة لكن المحلات برا تكون الحرمة لحاله ومسألة ان المرأة تروح للسوق لحالها عندي تحفظ عليها مع كثرة المخالفين ومسألة الغيرة أو الشك : فهذا ليس بغيرة أو شك لكن خوفا عليها من الذئاب البشرية ومثل ما ذكرت بأول الحديث اننا نشاهد التحرشات في السوق والنساء ساكتات إما خوف من الفضيحة أو تخاف إن زوجها أو ابوها أو اخوها يمنعها من السوق مرة ثانية أو......... وبالنسبة لزوجتي ولله الحمد متفهمة للموضوع وتعلم أنني خائف عليها وليس منها وأنا قايلها أي ساعة تريدين السوق أنا مستعد وبالخدمة وأنا مستشارها الخاص بالنسبة للإختيار والحمد لله الأمور ماشية تمام التمام وكل علث الرجال أنني ماني فاضي أو ماعندي استعداد أدور بالسوق كلها علث واهية تقبل تحياتي |
.
. [ من الحالات التي يجب فيها تقديم الخبر ، أن يكون المبتدأ نكرة ] لا تعليق !!! . |
اخي اشكر لك غيرتك فهذا يدل على رجولتك ودينك ولكن لايمنع ان تختار المرأة ملابسها وكل ماتحتاج وتتسوق ولكن بحشمتها ووجود محرم معها فموضوعك مهم وواقعي لايختلف عليه أثنين
|
لاحــــــــــــــــــــــــــــــــــــــياة لمن تنادي
|
انتم فاهمين غلط المساله مو ذوق الرجل حلو اوشين
المساله ان الحرمه تنزل عند رجاال مو محرم له لها وانتم تعرفون الدنيا اللحين وشلون الشر بكل محل الله يستر واغلب الناس يحسبنها لو تنزل عند الاجانب عاادي ولو تنزل عند سعودي قال لا انا انزل معاك او مايطيعها تنزل !! ولله قههههههههههههههههههههر |
| الساعة الآن +4: 08:55 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.