|
قريب لي يتقمص شخصية باكستاني ويرصد انطباعات المجتمع السعودي عن المقيم الأجنبي ..
السلام عليكم .... أحببت طرح هذا الموضوع والحقيقة أنني فكرت كثيرا قبل كتابته لكيلا يـُـفهم منه أنه رد على موضوع " المصري وبريدة " وطريقة تعامل السعوديين مع الأجانب ... ومع أنه بالفعل يعتبر رد ... ورد قاطع أيضا ولكن مسألة تقمصه لشخصية الباكستاني جاءت بمحض الصدفة وقبل طرح موضوع " المصري وبريدة " بأشهر عدة ... قريبي هذا صاحب نكته وحباه الله خفة دم حببت فيه أسرتنا الكبيرة ... وكان معجباً بالزي الباكستاني وحدث أن اشترى قميصا باكستانيا... يلبسه وقت اجتماع الأسرة ... بالنسبة لما حدث لم يكن هناك تخطيط للموضوع - كان ذاهباً للبطحاء لغرض ورجع للبيت وكان قد نسي شيئاً مهما فذكره أخوه بالملابس بحكم ذهابه للبطحاء فقام بلبسها وخرج وحي البطحاء لمن لا يعرفه حي تكثر فيه العماله إن لم يكن جميع سكانه من العماله.. طبعاً كان معه احد اخوته وقام بتصويره صور فوتوغرافية وفيديو ... أترككم مع تعليق الأخ بما حدث معه ( حاولت اني اقلد الباكستاني في اللبس والحركات ابي اعرف كيف مجتمعنا السعودي يتعامل مع الاجنبي واستنتجت التالي : ينظر اليك المواطن السعودي على انك انسان ولا شي والاطفال يتلفظون علي ويقولون كلام بذيء على اساس اني ما افهم ايش يقولون وصدمت مصري بكتفه بالصدفة قالي ياحمآآآر ولو كنت لابس الثوب كان قال اسف ياباشا !!! العمالة الخارجية مثل البنغال الهنود وبني جلدتي الباكستانيين يالبى قلبهم كل شوي موقفني واحد ويقرق علي وانا اهز راسي واقول اها اها هههه واحد بنقالي اشغلني بكثرة القرق مايبي يفكني قلت يابن الحلال فارقني والله مدري وش تقول انهبل وقعد يطالعني هههه شكله يقول وش فيه قلب سعودي ذا ههه بس احسن شي ان مافيه احد يوقفك ويقول ريالين ريالين لا واذا رفعت يدك لليموزين يوقفون 3 الى 4 سيارات حتى لو معه ركاب !! هههه مواقف كثيرة حصلت اثناء الست ساعات مثل : سحب المرور سيارتي لاني كنت موقف غلط وملابسي فيها فأحترت كيف اروح لقسم المرور لابس بدلة باكستاني هههه والحمد لله كان اخوي معي اعطيته الاستماره وقلتله رح طلعها ودفعت 70 ريال ههههه اهم شي اليمانيين يهايطون علي ويتمهزون ويتكلمون يحسبوني ما افهم وانا اطالع وابتسم لا واللي زاد الطين بلة لما رحت للممشى حق الروضة .. البنات يطالعوني بعين قويه قلت الحمد لله اني سعودي *** واحسن شي الباكستانيين محترميييين معي خخخخ *** الهدف من هذا حبيت اوضح لبعض الناس اللي عقولهم متحجرة ان الاجنبي انسان له احاسيس ومشاعر له كرامة لولا الحاجة ماشفتهم يتحملون الاذى والصبر على الاهانات انا مريت من عند شباب يمكن 5 شباب وكبار يعني تتراوح اعمارهم مابين العشرين الى الـ25 واحد يقول الباكستاني ياخي ريحتك فاااااااقعه!!!!!!!!!!! ( هههههه نصاب انا قبل لا اطلع متسبح ههه اقسم بالله البدلة اللي لابسها انظف من ثوبه ) التفت وقلت له ( تبي اسويك خلطة ) ضحك اللي جنبه وقال لخويه ( الله ياخذك سعودي ) وجلسوا يضحكون ..., طيب واذا سعودي الباكستاني مو بشر ؟؟!!! أيضاً شباب صغار اعمارهم مابين 13 الى 16 انقضوا علي لولا لطف ربك وكل واحد بيحاول يأذيني باوسخ كلمة عنده وصارو دائرة علي واحد من الحماس فاتح فمه واشوف الحبال الصوتية يطلع منها شرر ههههههه من كثر المسبة اللي تطلع منه...... يوم سكتوا قلت ( تبون اوقع لكم ) صاروا كأنهم معجبين ههههه ...... نقص في التوجية... في التعليم.... مافي احترام... تربيه غلط شوارع شوارع شوراع حط له بلاي ستيشن خله يلعب بالبيت لعب لا يطلع يأذي العالم....) انتهت الاحداث والسؤال للإخوة والأخوات هل ترضى أو ترضين أن تكونوا في موقف هذا الباكستاني ...؟؟؟؟؟ وأرجو أن لا يغيب عن أذهانكم أن ما شاهده وعايشه من تمييز كان على أرض الحرمين ولمدة ست ساعات فقط فما بالكم بمن قضى سنوات من عمره يعمل على أرضنا ....؟؟ |
والله فكرته غريبه لكن رهيبه;) بس بجد للاسف ان كثيرر يحتقر العماله اقرب مثال الخادماات الي عندنا كثيرر تشوفين بعض العوائل تعتبره اهانه اني اسلم او اسولف مع الخدامه على قولتهم امرر مرفوض:i125 انسانه مثلك له كرامه تبغى منك احترام وتقدير بس من تقنعين,,:) الله يصلح الحال(f) |
مبــــــــــــــــــــــــــــــــــــــالــــــــ ـــــــــــــــغـــــــــــــــــــه
|
فعلاً مبالغة شديدة
هذا إذا كان الموضوع حصل فعلاً .. إلا على فكرة اقتباس:
اقتباس:
وشلون فهموني هالحين بدل ملابسة في البيت وخرج .. وشلون ملابسة صارت في السيارة .. لايكون أخذها معه علشان يبدل في الطريق :rolleyes: :42 |
اقتباس:
مع ان هناك عائلات نعرفها تتعامل باحترام مع الشغالات وترأف بحالهن وغربتهن شكرا لمرووووووورك الكريم |
اقتباس:
أحداث طبيعية وتحدث كل يوم واذا كنت تقصد بالمبالغة تصرف قريبي بلبسه الباكستاني فهذا فيض من غيض !!! كما ذكرت في البداية أنه ( صاحب ) مقالب ويحب ( الأكشن ) !!! * |
اقتباس:
واحد صاحب نكته ويحب الفرفشة وحب يعيش دور مقيم <<<<<< وين المبالغة ؟؟؟ وبالنسبة للملابس تو أسأل أخوي ( طبعا اللي روى لي القصة وجاب لي الصور ) شـ سالفتها... فقال لي شـ هالسؤال الذكي !!! معقولة قريبنا العزيز بيبتل لابس باكستاني أكيد أخذ ملابسه اللي نزله معه وحطه بالسيارة احتياطاً وبالفعل هذا اللي صار معه ؟؟؟ بصراحة أنا قلت لأخوي يستأذنه عشان أنزل الصور ( مع طمس الوجه ) لكنه رفض ع العموم شكرا لمرورك |
هههههههههههه
خطير والله صدق بعض الناس قليل أدب مع مجتمه كيف مع الاجانب ؟؟؟؟ اما الخادمات قصه ثانيه بعض الناس عادي يسبه وهي تمشي قدامه ؟؟؟ يقاله ماتفهم والله تفهم ويقولون يسحرن بلهن من شين معاملتكم لهن ؟؟؟؟ مشكوره مموضوع بالصميم ثاااااااانكس |
بسم الله الرحمن الرحيم
لا يكفي القراءة بل يجب الرد الموضوع رائع ، وفعلاً أين المبالغة من الذي يقول مبالغة .. يعتبر هذا الموقف كاستبيان مصغر من شخص واحد ، وأن أعرف شخص من عائلة تتميز بالصلاح حصل له بعض المواقف مشابهة لهذه المواقف ، حيث أن هذا الشخص يحب أن يعمل بيده كل شيء ولديه استراحة فيذهب بنفسه للعمل فيها ولإصلاح ما يتضرر منها ولتحديث بعض الأمور في الاستراحة والتغيير والتطوير والإضافة فيها وعندما يعمل كل هذه الأعمال يضطر لأن يلبس ملابس غير الثوب ولذلك كان يلبس ملابس باكستاني وحصل له بعض المواقف الطريفة ليس هذا موضع بسطها .. وهذه النظرة الدونية للأجنبي ثقافة متأصلة يتربى عليها الأولاد بدءاً من معاملة الخادمة ، إلى معاملة من يبيع في البقالة والفرن وغير ذلك من الأعمال وانتهاءً بمن يمر بهم في الشارع ، فتجد أنواع الألفاظ البذيئة .. الموضوع والرد عليه يطول ولعلي أكتفي بذلك .. ومرة أخرى الشكر كل الشكر على الطرح الجميل |
الي قاعد يقول مبالغه يرفض الحقيقه وهي ان غالب السعوديين متكبرين متغطرسين مع الاجانب ولاشك انها قمه التخلف وتشويه صوره الاسلام بالدرجه الاولى وإلا فالدين المعامله اين هم من ذالك شكرا لاتكفي لصاحب الموضوع |
المره الثانيه يتقمص شخصية اماراتي ويرصد الانطباعات !! |
اقتباس:
الصور موجودة عندي ومقطع فيديو موجود عندي وإذا ودك انزلها هنا نزلتها .. قد قلت أنها مبالغة وهناك من خالفني ومازلت أقول أنها مبالغة بل تأكدت بعد مشاهدتي لمقطع الفيديو .. لا أنكر أنه قد يوجد من يستحقر العمالة أو يسيء التعامل معهم .. لكن ليس كما جاء في الموضوع .. سبحان الله واحد جالس يستخف دمه في الشوارع وجاي يقول إن السعودي ينظر للباكستاني على انه انسان ولا شي ارحموا عقولنا رحم الله والديكم |
كلامك صحيح واشكرك ع الموضوع
|
والله ياالغالية اذا على التربية الصالحة فالحمدلله موجودة ولا سبق ولاحظت تطاول او خطاء بحق العمالة عندنا>>وانا اتكلم عن مجتمعي
الحمدلله انا واهلي نتعامل مع الخادمة والسائق بما يرضي الله ان ماكانوا اخذوا حقهم وزيادة بعد! وين الظلم اذا؟! يااختي الموقف حدث بحارة فقيرة على قولتك البطحاء يعني اكيد بتكون المعاملة شوارعية سوقية؟! بالتالي هي مو حكم اذا؟! اما من قال مبالغة فهم صدقوا لأن مو معقولة ان قريبك يكون ماشاف الا ردة فعل سلبية من كل الناس يعني معقولة ولا واحد محترم؟! بصراحة شي غير معقول!! |
ممكن شكرا لك |
اقتباس:
أشكرك حبيبتي ع التعليق وهذا فعلا الحاصل مع الشغالات ( عند بعض الناس ) يعاملونه وكأنه مو بشر شكرا لمرورك مرة أخرى |
اقتباس:
وأنا كذلك أشكرك كل الشكر على التعليق وإضافة ما لديك لإثراء الموضوع ردك أسعدني فبارك الله فيك |
اقتباس:
من المُنْـتَـظَـر أن يمثل الشعب السعودي أخلاق الاسلام في التعامل مع الاجانب لكننا كأي مجتمع فينا الصالح والطالح الإخوة والأخوات المقيمين بيننا يتوقعون مجتمع مثالي خالٍ مما يعيب المجتمعات الأخرى لكن ...؟ هدى الله الجميع |
اقتباس:
شـ تتوقعين يصير :d شكرا ع التعليق الـ نايس والمرور |
اقتباس:
وهو مقطع واحد فيديو ومجموعة صور وكنت باذكر اسم المنتدى هنا عشان اللي وده يشوف بس لاحظت بردك نبرة سخرية سبحان الله بعض الأعضاء ينصبون أنفسهم نقاد ويصدقون أنفسهم وهاتك يا تحقيق ونقد ما أعجبك الموضوع ولا رحم عقلك ..! ريح نفسك وارحم عقلك ولا تدخل وتناقش ... إذا انت مارحمت نفسك لا تنتظر الرحمة من الناس؟؟؟!!!!! أما انك تجي بهواش ويالله وليش ولماذا .. شـ حادك ؟؟؟ |
اقتباس:
شكرا لك ع المرور |
اقتباس:
وأنا ما عممت على كل السعوديين لكن مجموعة - خلينا نقول - متخلفة في أخلاقها وتتعامل بعنصرية مع إخواننا المسلمين ومنتشرين فـ كل منطقة ومدينة و فـ مجتمع متوقع منه - في أعين الناس من حولنا - الكمال والتدين .. أكيد بتخرب على الغالبية الإيجابية الحمدلله عندي وعندك وعند الكثير إن شاء الله حسن التعامل مع العمالة بالنسبة لتركيزه على السلبيات فشي طبيعي ما راح يذكر الا السلبيات لأن هذا هدفه وهذا اللي لفت انتباهه وبصراحة ما ذكر لي أخوي ولا هو ذكر في المنتدى شئ ايجابي ...>>> يمكن لأن ما أحد سأله... مرة أخرى أشكرك على إثراء الموضوع .... بوركتِ ... |
اقتباس:
|
كل إناءٍ بما فيه ينضح.
|
لله درّه هذا الرجل كثر الله من امثالة
|
مشكل نفرررررررررررررات
|
اقتباس:
من يطرح موضوع يجب أن يكون قادر على الرد ومتحمل لكل الردود وفي رد لكِ على أحد الأعضاء جاء فيه أنكِ لم تعممي .. فهل في موضوعك مايدل على أنكِ إستثنيتي أحد .. المعذرة إن كان ردي فـُهِم على أنه سخريه ( وهو ليس كذلك ) ورحم الله والديك |
يصير ..
وفي كل مكان.. وبما أني أعجمية الملامح أيضا .. أحيانا تنظر إليَّ إحداهن فتكلمني بالعربية المكسرة وأحيانا تستهزيئ على بالها ما أفهم عربي.. بالأول أنظر لها وأسوي نفسي ما فهمت .. لكن عندما تزيد .. أرد عليها بنفس لهجتها ..وبعربية صحيحة .. وأقول لها : تبين أعلمك عربي علمتك.. فتطير عيون الواحدة منهن ولا تدري وين تودي وجهها من الفشيلة .. ثم البعض يعتذر وفيه اللي تقووووووم تلقط وجهها .. وأحيانا تجي الأسئلة البايخة : أنتي وشلون تعلمتي العربي ؟ أنتم متى أسلمتوا؟ على العموم : عشنا وشفنا .. لاتقولين أرض الحرم ولا غيره .. صدق إن العرب قدوة .. بس أنا أقول .. البعض بل القلة منهم قدوة..، أما الآخرين فالله المستعان على ما يصفون.. الأعجمية.. |
الصراحه ماعندك أحد
|
اقتباس:
شكرا ع المرور |
اقتباس:
ــــــــــــــــــــــــــــــــــــــــــــــــــ ــ :) |
اقتباس:
مو معناته انه مو مسلمة أو شي مو زين ... شاكره اطلالتك يالغلا بس العتب كل العتب ع السطر الاخير في توقيعك ... مرررة عنصري :bad |
هداهم الله
والخير كثير ان شاء الله الأمل بالله موضوع مختلف ورائع بارك الله فيك ووفقك في الدارين |
بصراحة وبسراحة انا ودي افهم فائدة الموضوع ؟؟ مع احترامي الكامل لك ولموضوعك موضوعك لا يوجد شيء جديد فيه وما تم ذكره شيء طبيعي يحدث العنوان يقول ( ويرصد انطباعات المجتمع السعودي عن المقيم الاجنبي ) اغلب الموضوع يتحدث عن مواقف صاحبك كاباكستاني مع بني جنسه و مع العمالة الاخرى فأين الانطباع السعودي ؟؟ سوى موقف او موقفين وتحدث بشيء عادي وبين شخصين من جنسية واحدة |
بااايخه مادخلت مزاجي
|
اقتباس:
تواجدك هنا شرف لي فكيف بردك .... شكرا لك ولإطراءك |
وأنا سأذكر لكِ قصة حصلت لي شخصياً .. !!
طبعاً هذه القصة حصلت في شمال بريدة في إحدى القرى التي تبعد حوالي 180 كيلو عن بريدة .. !! كنت لابس لبس باكستاني ذات مرة في المزرعة .. وأجبرت لأن أذهب إلى البنشر لأستبدل كفر سيارة المزرعة وحين الوصول للبنشر سألت صاحب البنشر بهذه اللهجة ( فيه كفر هذا سيارة ) فأجاب ( أيوه فيه ) طبعاً الكفر مستعمل فقلت له ( كم فلوس ) فقال ( 20 ريال ) فاستغربت فكررت عليه السؤال ( بكم هذا يا صديق ) فقال ( 20 ريال بس ) ثم بدأت أنظر إليه نظرة استغراب عن سبب تدني سعره وبعدها بادرني وقال ( علشان أنت أجنبي أنا يعطيك سعر كذا لكن سعودي أن يأخذ زيادة ) أقسم بالله هذا ما حصل معي .. وأترك الحكم لكم ... |
اللـه المستعان لو كنا نستحـظـر الحديث المتفق عليه عن أبي موسى رضي الله عنه قال: قال رسول الله صلى اللـه عليه وسلم: {المؤمن للمؤمن كالبنيان يشد بعضه بعض}. لزالت عنا كثير من الشقوةً التي نعايشها في مجتمعنا.
|
ليكون في علمك ثلاثة ارباع الشعب السعودي كلهم بدو × بدو وش ترجي من البدوي غير مزاين الابل وزقانهم ههه
|
البطحاء من أوسخ الأحياء
الله يصلح الحال |
اقتباس:
وازود على كلام الاخ ماشاء الله عليه مر على كل فئه المجتمع بس مامرعلى حريم |
اقتباس:
الا مبالغه حنا مانكرنا التعامل بس القصه ماتدخل العقل |
اقتباس:
أولا... أشكر لك تعليقك ثانيا... شلون تقول ما تم ذكره شيء طبيعي يحدث ... وعلى اعتبار إنك موافق لآراء الشباب السعوديين فيما حصل... كيف يستهترون بالعمالة أو أي أحد أجنبي ... مين اللي حللهم هالنظرة للأجانب... يستهزؤون بلبسه وبشكله... شـ قلة التربية هذي ...ووش هالتخلف في مجتمعنا مو قادرين ننسجم ونتنازل ونتعامل مع اخواننا المسلمين ع أساس اسلامهم مو جنسهم أو لونهم ثالثا... صاحب الموقف هذا قريبي... مو صاحبي الله يجزاك خير .... ( ياليت تنتبه لألفاظك ) رابعا... ذكرت موقف لشباب سعوديين وبنات بالممشى ومراهقين ملسونيين فلا تقول أين الانطباع السعودي؟ اذا كانت هذي عينة لشبابنا وبناتنا وأطفالنا فالله المستعان... والله يكون فـ عون كل أجنبي عندنا |
اقتباس:
حياك الله شرفتني بتواجدك هنا وما ذكرته فيما حدث معك يتناسب مع ماذكرته أنا هنا اقتباس:
شاكرة لك مرورك وإثراءك لموضوعي |
اقتباس:
بارك الله فيك ... شكرا ع المرور |
اقتباس:
في فقرة (الممشى) شكله فاتت عليك من العجلة بالرد اقتباس:
تقدرين تقرين الموضوع وتطلعين يعني لازم اثبات الوجود ؟؟؟!!! ترى رايك مالو أي أهمية عندي ... يعني لا تتعبين نفسك وتردين... على كل حال المفروض تشكريني زودتك مشاركتين ^_^ |
اقتباس:
اسف الآن انتبهت ابو رُبى .. شيء طبيعي انه يبي يدبل الاسعار علينا عشر دبلات يعني انت تقارن حالتك الحياتية والمالية بحال واحد من بني جلدته وكلهم مغتربين ؟؟ بالله عليك مب لو تشوفن ببنجلاديش وكلنا سعوديين يبي يصير بيننا تعامل خاص |
طبيعي الواحد يفزع مع ولد ديرته، واسألوا الشباب المغتربين اللي يدرسون برى، تلقاه لا شاف سعودي فزع معه وساعده لأنه ولد ديرته.
يعني ماجبتوا شيء جديد :d. |
| الساعة الآن +4: 09:17 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.