|
انا من بريدة بس عنيزة احسن ؟؟؟؟
بسم الله الرحمن الرحيم
(((في البداية انا ما ابي احد يزعل من كلامي ووالله ما كتبت هذا الا لحبي لمدينتي الغالية بريدة ))) اي مدينة في العالم الانطباع الاول يأخذ من مدخل المدينة وكثيرا من الناس حكموا على مدن من خلال مرورهم بالطريق الذي يمر بالمدينة حتى نهايته دون ان يلتفتوا الى تفاصيل المدينة ، وربما ان البعض يقول هذا ليس منطقيا ان تحكم على مدينة بكاملها من خلال مدخل المدينة فارجع واقول ان الزائرين او المارين لأي مدينة وبسبب الوقت او اي سبب آخر سوف يأخذون هذه الفكرة سواء رضيا ام لا . وما دعاني لكتابة هذا الموضوع هو زيارتي لمدينة عنيزة امس الاربعاء وبقدر ما فرحت بالتطور الكبير في مدخل مدينة عنيزة بعتبارها احد مدن القصيم التي نفرح لتطور اي مدينة فيها بقدر ما حزنت عندما عدت لبريدة وشاهدت ضيق الطريق والورش والمطبات وسوء الانارة وزحمة العمال وسوء التنظيم وذلك بداية من الطريق امام جامعة الامام ومرور بالطريق امام الورش وشارع الخبيب وحتى نهاية الطريق المؤدي لحائل . فهل الامر هو تخاذل المسؤلين في بريدة ام ضعف الهمم ام عدم تعاون ابناء بريدة ورجال الاعمال في المساهمة ((على الاقل)) في تحسين المدخل ام ان رجال عنيزة تهمهم مدينتهم ورجال بريدة لاتهمهم سوى منازلهم ولاتتعدى اسوار بيوتهم والله اتعبني التفكير ولااقول الا=== مسكينة بريدة الا هذي هي نوعية ابنائها ===. |
معك حق من ناحية تطور فهي تطور ... :)
اماا .... |
زين يا اخوي
|
جزاااااااااااااك الله خير قل الحق ولو على نفسك بريده و عنيزه عينين في راس واحد |
تبون الصدق عاد بس لحد يزعل كلهم No I don t like it
|
انا اشوف المسؤلين مقصرين ببريدة والدليل المشاريع ببريدة متعطله بكل مكان
|
وربي كلامك صادق اخوي قهر مدينه بريده اكبر مدينه واهم مدينه بالقصيم ومدخلها صاير مثل ماقلت ردئ وين البلديه؟؟ الي كل ماراجعنا مكان اخذو منا غرامات اخرتها رسوم للشوارع عند الرخصه ,, مافي اهتمام من البلديه لمدينتنا من مدخل المدينه وبعدين بقول لك شي ثاني انا من سكان شمال بريده ياخي طريق النهضه هذا اخطر شي اخواني يرجعون من المدرسه لازم يقطعون الشارع هذا المفروض يكون فيه جسر للمشاااه وربي مهم كثير من المرات صار فيه حوادث دهس اطفال الله يحفظ ابناءنا وابناء المسلمين ,,, ادري ياخوي طلعت من صلب الموضوع بشكل كبير بس من زود قهري على البلديه شغلتهم بس يسجلون المخالفات وبس ورسوم عند كل شي ,, نبي نطور مدينتا ليه فيه ناس معقدينها ,, نبي مدخل المدينه يكون راقي نبي جسوور مشاه ,,,, اخيرا اشكرك اخوي على حرصك وحبك لمدينتا الغاليه ,,عسى صوتك يوصل للمسؤلين
|
معك حق والله
كل مدن المملكه لها مداخل حلوه وتفتح النفس الا بريده مدخلها كما ذكرتي ززززززززفت |
ؤووما عــآآآد اجل عنيزه مدينه من مدن بــريده
فرحاانين بالدوار واشارتين ويقولون مدينه ...؟؟؟ |
والله إن كلامك صحيح ,, خاصة مدخل جامعة الإمام وأنا واحد من طلابها أعاني من الطريق من حوادث و ورش وزحمه وكثرة الحفريات ومشاكل كثيره .. الله يعين بس ,, الله يجيب الفرج .. |
الشكر للجميع على الرد وصدقوني اذا انا وانت ما تكلمنا من رايح يتكلم عن مدينتنا ، والمشكلة وهذا الي يقهر ان ميزانية بلدية بريدة تعادل ميزانية جميع بلديات مدن القصيم وانا اقول الكلام هذا وانا مسؤول عنه .
انا اشوف ان مشكلة بريدة ماهي مادية ولكن مشكلة كفاءات وهمم وحب للعمل ولا رايح اقول المفروض الاعتماد على الاجانب لتطوير مدننا ولكن عندما يكون الامر مجرد وظيفة حكومية ونهاية الشهر راتب تكون النتيجة هي مدخل بدائي للمدينة الاكبر بعد الرياض في المنطقة الوسطى شوارع لاتخدم سوى اصحاب ورش السيارات حدائق غائبة رصف مفقود حفريات تبدأ ولكنها لاتنتهي ابداً مشاريع معطلة جسور مهملة . واحب ان اقول ان القصيم غنية برجالها وابنائها ولكنهم لم يأخذوا فرصتهم بعد فمن المستفيد ؟؟؟؟ واكبر دليل على كلامي هو رئيس بلدية الأحساء فقد غير المدينة بالكامل وصار (( حسانا فلة )) ابرز برامج السياحة في المنطقة والرصف والشواع والحدائق اكبر دليل على ذلك واسألو اهل الاحساء عن ذلك الرجل وهذا الشخص هوالمهندس فهد الجبير من رجال القصيم ولكنه لم يجد الفرصة هنا فأبدع هناك |
والله انك صادق
الا متى تبقى بريدة على هذا الحال:i121 نبي حل |
اقتباس:
فعلا كلامك صحيح فرق بين بريده .., وعنيزه |
والله لو تصير عنيزه بعينك حلوة انا بريده يعيني احلى من الحلى ~ ياحول ياللي ماله بريدهـ ~ |
كلامك صحيح ,,, فطريق الملك عبدالعزيز على وضعه الراهن لا يليق بمدينه بدأت تنمو وتتطور في
السنوت الاخيره كمدينة بريده .. |
كل مدينة أو محافظة فيها حقه
هي واقفه على بريدة بس ؟؟؟ |
الاخلاص والعمل بروح الفريق الواحد ثم الحب للناس وللجميع والتكاتف ، وعدم الحسد والبخل ، وعدم الانانية
كل هذه الصفات وغيرها هي الفرق بين بريدة القابعة الباردة ، وبين عنيزة المتطورة |
اقتباس:
|
نعم صدقت مثل سوق الغنم الجديد صح انهم ابعدوه عن السكان لاكن مايصلح انه يكون على الدايري
ومدخل بريدة الشرقي / الي يدخل بريدة مع الدايري الشرقي وش يقول واجهت بريده الشرقيه سوق غنم |
الله المستعان يابريده
|
أسعد الله صباحكم ومسائكم بالود والمسرة بريدة موقعها حاليا مهم جدا فالقادم من الرياض ذاهبا للمدينة المنورة والعكس وكذالك من سيذهب إلى مدينة حائل أو من سيغادر البلاد للشمال لابد من مرورهم بمدينة بريدة والأهم من ذالك كلهم سوق التمور والذي سيشاهد بإذن الله تعالى (( زوارا من داخل البلاد ومن خارجها )) هل من المعقول بأن تكون مداخل المدينة هكذا من الجنوب !!!!! وأين الدعايات الحلوة والترحيب بالمسافرين قبل وصولهم للمدينة فمن المفترض أن تبدأ الدعايات بالترحيب والتهليل على على الأقل قبل الوصول للمدينة بخمسين كيلومترا وتوضيح لوحات ارشادية للفنادق والشقق الفندقية والمنتزهات والمطاعم ليحضى المارة إلى التعمق للدخول بالمدينة . ونكرر للمسؤلين النظر بالموضوع بجدية تامة بالإهتمام بمداخل المدينة من الجنوب متمنين للجميع التوفيق . |
معقول هالكلام اضن فيه مبالغه شوي
|
انا معاك بكلامك بس لا تنسى الفرق الشاسع بين المدينتين من حيث المسافه الكبيره لبريده. وهذا مو عذر لبلديتنا وتجارنا بس لازم يكون موضوع المساحه بالحسبان..
تقبل مروري (f) |
. . مقارنه بغير محلها بجميع الاحتمالات وإلا كيف يتم تجريد كل عمل يقومون به رجال بريده فقط بسبب مدخل قد اعجبك ؟ فقط بسبب مدخل واحد ركنة جهود رجال بريده جميعها ؟ لايمكن للعقل أن يقبل ذلك اخي وعزيزي . نحن بمدينة بريده نسعد بتقدم جميع المحافظات التابعه للعاصمه بريدة فأنا سعيد عندما أجد تقدم بمحافظة عنيزه وسعيد كذلك عندما أجد تقدم بمحافظة الشماسيه وسعيد عندما أجد تقدم بجميع المحافظات والقرى والهجر التابعه للعاصمه القصيميه مدينة بريدة فكل ماسوف تجده فهو توجيه وتنفيذ لاوامر الامانه التي يتربع بعرشها أبن بريدة . فمقارنتك بالمداخل أجد فيها شي من عدم الانصاف اولا محافظة مجموع كيلوات شوارعها يساوي مجموع طريق واحد بالعاصمه بريدة وهو طريق الملك عبدالعزيز ببريدة يعادل جميع كيلوات تلك المحافظة فتجد العمل بالمحافظة يتضح ويكون له مشاهده بخلاف العمل بمدينة شاسعه ثانيا مدخل بريده الجنوبي الان العمل فيه قائم سواء من خلال تشجيراو ترصيف او زفلته حتى الورد يعمل فيه كذلك ولكن من المحال وعدم التعقل اجاد حل سريع ومشاهد لمدخل مدينة يعتبر طريق يعج بالحركه الاقتصاديه وهو تراكم اخظاء سابقين بأجاد ورش ومصانع وما الى ذلك من تشويه للمنظر العام بالرغم من هذا نجد انجازات وعمل ولله الحمد فمدخل يملك هالعراك الاقتصادي يصعب تحسينه بسرعه مقارنة بمدخل لايوجد فيه الا ( ولادات الجراوه وانتم بكرامه ) اكلف مايتم فعله طردهن لاكثر ولاقل . لكي يتم الزفلته وعرض الفرش الصناعي . ثالثا بخصوص مداخل بريده جميعا الاربعه يقف خلفها وبتصريح رسمي من جنابه وهو الرجل الثاني بالمنطقه صاحب السمو الملكي الامير الدكتور الامير فيصل بن مشعل ( فهل سوف تشك بقدرات هذا الامير المحبوب امير الشباب ) . رابعا انا معجب بمدخل محافظة الشماسيه ومعجب بمدخل محافظة عنيزه ومعجب بمدخل محافظة البدائع ومعجب بمدخل محافظة المذنب ولكن لايمكن أن أقارن مداخل هذه المحافظات بمدخل العاصمه بريدة حيث ان الفرق شاسع وكبير. . |
اقتباس:
كثر منه ياخلفهم |
ليش ندافع عن ناس ماهمهم الا يعبون بطونهم وينامون كلام اخوي صحيح 100 بـ الـ 100
صح ان بريده من تالي صار فيها اهتمام ملحوظ بس المدخل يضيق الصدر وش معنى كل المدن والمحافظات عندهم مداخل توسع الصدر وفكونا الله يرحم والدينكم من الكلام اللي ماله داعي .. |
صحيح بس وين الحل
|
اقتباس:
|
اقتباس:
|
اقتباس:
عنيزة بلد عزيز ، ومقصد العديد من زوار المنطقة كما هو الحال بالنسبة لبريدة بالنسبة لي لست من المدينتين الكبيرتين ، ولكن مصداقاً لكلام الكاتب إن زرنا المنطقة فالاستراحة عنيزة لأنها باختصار أجمل منظراً ( انظر لم أقل أكبر مساحة ) ، ولو كان الفخر بالمساحات لاخترنا مدينة الرس بمحافظاتها حيث تصلك بالمدينة المنورة . لك الود عزيزي وعليك بعصير الليمون فهو مهدئ رائع للأعصاب ، دم بود حبيبي . |
معك حق والله
|
اقتباس:
مشكور حبيبي على الموضوع(h) |
رح اسكن بعنيزة
امزح ـــ يعطيك العافية |
صادق والله المداخل كلها تسدالنفس
نبي اهتمام بالطرق فيه طرق تبي زفلته من جديد |
كلامك صحيح ياخوي
بس مدير البلديه .................. |
صحيح أن بريده مــدخـلـهـا شـــــــيــــــن لكن ليســت عنيزة أحـسـن من بـريـــده البدايع حي الصحيح مدخلها جـــــمــــيل ونتمنا من البلدية أن يجعلوا بــــريــــده مثل البدايع أو أجمل على الأقل |
ترى أهل عنيزة أكثر وطنية لديرتهم وهذا شي طبيعي لأن حظارتهم أقدم وتعلمهم سابق وانفتاحهم على العالم قديم
بينما أهل بريدة دخل عليهم من أطرافها من لا يحمل همها وغير من طباعها وأعاق انفتاحها على العالم وأضعف وطنية الأنتماء لها وأصبحت المصلحة الخاصة هي الأهم وفقط |
والله فعلا مدخل بريدة مهمل من جهة جامعة الأمام سابقا رغم التحسينات الجديدة فمن الأشارة الأولى من بعد الجامعة إلى إشارة النجر(سابقا) كلها ورشات سيارات وحداده ومصاتع البلك والأسمنت عن يمين الطريق ويساره فأرجو ترحيلها إلى موقع آخر لايكون على مدخل من مداخل مدينة بريدة ووضع مسطحات خضراء على جانبي الطريق ومناظر تسر من يزور بريدة مدينتنا الغالية.ودمتم بحفظ الله ورعايته
|
مادري عن شي
|
انا بعد اشووف ان المسؤلين هم الي مقصرين مالهم دخل ابناء بريده يكفيك جسر الملك فهد سنين يبنونه اخر شي طلع صغيرررر مرره والصباااح اذا جينا نرووح للدوام زحمه طيب ليه ماوسعو الي عند الاشااره ........واحد منقهر :i121ارجو ان تتقبل مروري اخووك روح البوح
|
ياحبيبي حنا لويفكنا الله من عنيزة كان تشوف بريدة وشلون تطلع لكن محجر عليهم لويريدون شيئا بسيطا وضعوا امامه العوائق عنيزة هي البلاء كلههههههههههههههه بعدين رح لمه االلي حلف عليك تقعد ببريدة من هو اروح الفعه رح الله يساعدك:i121
|
أين المجلس البلدي؟
ووين راح كلامهم قبل الأنتخابات؟ وشكرا |
أين الجلس البلدي؟
ووين راح كلامهم قبل الأنتخابات؟؟؟؟؟؟؟؟؟؟؟؟؟؟؟؟ |
الحقيقة الواضحة ان المسؤلين اللي اصلهم من بريدة يعملون بدون محاباة لمدينتهم بل بأمانة وصدق اما اخواننا من عنيزة فهم وللأسف يكيلون بمكيالين ومن الامثلة المواصلات والتعليم والصحة وووووغيرها وليس هذا خاصا لمدينة بريدة بل لغيرها من المحافضات كالبدائع والمذنب والاتي هي تحت نطاق عنيزة ولانقول الا حسبنا الله ونعم الوكيل وكل انسان سيلاقي عمله يوم القيامة |
هههههههههاااي رح للشمال وتعرف التطورات
كل السؤلين والتطورات والمشاريع شمال بأختصار الديناء كلها تمشي شمال بعدين عنيزه صغيره وتقدر تتحكم بنفسها من ناحيت كل شي تدري ان حي الضاحي اكبر من عنيزه كلها هههههههههههاااي هذا الدليل |
يأحي كل يغار على ديرته الآاهل ديرتنا في سبات عميق
|
ارجوا عدم الخروج عن صلب الموضوع وارجو من رجال بريدة ورجال عنيزة عدم التقليل من انجازات كل مدينة واذا خرج النقاش عن صلب الموضوع ارجو من المشرف اقفال الموضوع احتراما للجميع
وارجع واعيد واكرر بريدة فيها شواع واحياء سواء من العدد او الجمال افضل من مدن كثيرة وليس عنيزة فقط ولكن كما ان لموضوعي عنوان فعنوان اي مدينة هو مدخلها شئتم ام ابيتم ولكم في شارع زايد في الامارت اكبرمثال فكل ناطحات السحاب تقريبا متواجدة على هذا الشارع ايضا مدينة الرياض شارع الملك فهد و و و و و و و لذا آمل من الجميع التفاعل بما يحقق الهدف من طرح هذا الموضوع |
الصراحة انك ضربت على وتر حساس كلام صحيح 100% وياليت رئيس البلدية ومدير الامانة يصحون من نومهم شوي |
معك حق .. لكن لتعلم انها محافظة وليست مدينة وسكانها قليلون مقارنه ببريدة والمحافظة صغيرة جداً من الممكن التحكم فيها لكن المدن الكبيرة من الصعوبة السيطره عليها .. مثل الرياض ومكة وبريدة وغيرها ..! |
الحق حق عنيزه ام التطوير
|
وعععععععععععععععع
عنيزة |
اخوي معليش عندي تعديل بسيط ..
بصرآحة عنيزة ليست مدينة معليش !! إنما هي حي من احياء القصيم التابعة للعاصمة بريدة عنيزها كلها ما تجي ولا حي واحد من احياء بريدة .. فآتمنى ما تقول مدينة لأنك كذا تكبر عنيزة فوق حجمها !! انا مثلك لأ انكر عمل عنيزة ومؤيد لكلامك تدري ليش لأن عنيزة عندهم الغيرة بس اقولك ليش ما تطورت بريدة !!! لأن عنيزة حاشرينها مع بريدة بكل شي فكيف تبي بريدة تتطور !! ولعلمك انا معك ومؤيد لكلامك واجزم واقولك اغلبية المسؤلين بعنيزة يهتمون بديرتهم ويشتغل من اجل ديرته اما هنا الأكثر يشتغل لأجل مصالحه الشخصية اكثر إلا ما ندر ولا اريد بصرآحة اذكر اسماء حتى ما يكون زعل !!! وبالأخير اتمنى مدينتنا تطور للأحسن وليس للأسوء .. واشكرك اخوي ع موضوعك وضربك للوتر الحساس !! وانا مؤيد لكلامك 100 في 100 ولي عودة للتعليق ع بعض الردود شاكر ومقدر لك |
السلام عليكم ورحمه الله وبركاته
صراحتا بريده احسن ولاتقارن بعنيزه أولا/أنها العاصمة ثانيا/الشوارع الواسعه |
مااتوقع في شي احسن من بريدة
بس الله يهديهم البلدية حييل مقصرين |
ما سكرت عنيزه بيبانه روح اسكن فيها والله يستر عليك
|
اقتباس:
اتمنى من المسئولين في بريده التحرك بما ينفع بريده نفسها |
كلمك سليم لامداخل زي الناس
|
لا تعليق
|
والله ماوقفت عليك انت وغيرك بريده من كل النواحي ازين من عنيزه لان عنيزه تعتبر حي من بريده شاء من شاء وابى من ابى واذا انت ماتبي بريده رح لعنيزه......احس اني استاثم اكتب اسم الحي المشؤوووم |
اقول من كبر عنيزة تقارنه في بريده الي متستحي على نفسك
بريد ماتزال بريدة وهذاء المدخل قديم اليه ماتشوف المداخل من االشرق والشمال |
بريدة علتها في بعض اهلها وخاصة تجارهم واعيانهم
شف كيف يوقفون المشاريع والشوارع والطرق واخرهم امتداد طريق الملك عبدالله من الشمال ال>ي اقام صاحب الارض التي امامه سور في ايام الاربعاء والخميس والجمعة . في عنيزة يركضون لاجلها ركض وحنا الله يرحم الحال . ه>ا الفرق والا مدينة بريدة 700000سبعمائة الف لاتقارن بمحافظة175000مائة وخمسة وسبعون الف |
ابريدة متقارن في عنيزة ابد ونت وجهك
ولكن بعلمك ان مدخل ابريدة الجنوبي قديم والمدخل الرئيسي البريدة الشرقي والشمالي والك تحياتي |
مهما قلت عن بريدة تبقى هي الافضل
بعدين مب مهم الى هالدرجة المدخل اي مدينة تقدر تزين المدخل وما اقول الا يحول يالي ماله بريدة(h) |
الله الله الله واكبر
وين المشرفيين ممنوع ذكر المناقشة بين بريدة وعنييزة وبعد مثبت آخر زمن ,,, اخوي عنيزة صغيرة واكبر اهتمـآمه خـآرج امـآ احنـآ فـأكبر اهتمـآمنـآ دـآخل |
السلام عليكم أول شي حبيت اشكر صاحب الموضوع والحرص على مدينته . ثاني شي حنا اهل واخوان قبل كل شي وعيني براس وحده . ثالث شي صاحب الموضوع يتحدث عن التطور و العمل على الشوارع وغيرها ولكن للاسف الموضوع اخذ منحي اخر . رابع شي اشكر له كلامه الجميل عن مدينتي . ولو كانت المقارنة مع مدينة أخرى لما شاهدت الردود بهذا الكم . منها الايجابي والسلبي خامس شي حبيت اوضح بعض النقاط المهم للبعض - فيما يخص المساحة نعم مدينة بريدة اكبر ولكن هل ميزانية مدينة بريدة تساوي ميزانية مدينة عنيزة ؟ - فيما يتعلق بأن سبب عدم التطور في بريدة هو عنيزة ؟؟ (سئل أحد الأباء ابنه الراسب ما أسباب عدم نجاحك ؟ فقال : أن زميلي في الفصل الآخر كان يذاكر جيدا ) . هل هذا يعقل ؟؟ |
اقتباس:
حتى لو قلت ان عنيزة بيت مو حي تبقى بعيون الكثير الأجمل ولو أن المساحة تعيق التطور لرأينا دولة جيبوتي والبحرين والفاتيكان أكثر تطور من الصين واليابان |
اقتباس:
حياه الله عين فراش وعين غطاء ولكن قول الحق عقوبته الطرد من البلاد عندكم |
يغلق
السبب : خروج الموضوع عن مساره الصحيح والدخول في متاهة العنصرية البغيضة ... عذرا اباربى ... |
| الساعة الآن +4: 05:20 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.