[poem="type=2 font="bold x-large 'traditional arabic', arial, helvetica, sans-serif""]من بعد ما أقفى صرت اتبع خطاويه = حزنٍ على فرقاه .. لانه ملكني
يوم ابتعد .. صيّحت باسمه أناديه = "يا فلااان ارجع" ما أظنه سمعني
والرّيح زاد .. وصار يمحي مواطيه = وحلّ الظلام .. وظلمة اللّيل تدني
ومع الطريق اللي أنا توّ ماشيه = رجعت والهوجاس لاجله أسرني
صحيح طيفه راح وماني ملاقيه! = وماني بسامع حسّه اللي سحرني!
ساعاته الحلوه من أيام ماضيه = راحت كما غمضه على رمش جفني
آخر لقانا .. طقّت إيدي بإياديه = وقدّام عينه .. دمع عيني هزمني
ضاق المكان بكبر مابه فيافيه = والظرف من شوفة رفيقي حرمني
من قال أنا بنساه ! .. ماني بناسيه = يا كيف أبنسى صاحبٍ ما قهرني ؟
ماقول : غير الله يذكر لياليه = من شوفته لين إنّ قلبه تركني[/poem]