البنات والحوااااااجب .. صراع وصرعات .. سي يو ..
 

i dhf

السلام عليكم ..


مرحى بأخوتي واخواتي شباب وشبابات .. بريدة ستي ..
القلب يتوق لكم وداً وشوقاً .. عداً ونقداً ..
( هذا أديب بس عقب العصر دلال بالحراج ) ..
ولمثل هذا يذوب القلب من كمدٍ .. وان مات رحمة ربي وسيعة ..





مازالت بعض البنات تصارع نفسه .. فيوم تصرعه وآخر يصرعها ..
ولعل اقوى الصراعات .. هو صراع البنت والحواجب ..
وهذا الصراع .. قائم على قدم وساق .. ويتجدد مع كل تجدد عام ..


الصرااااااحة ان البنات مايدرن وش يسون بهالحواجب ..




احس انه اذا دخلت السنة الجديده ..
الحاجب الأيمن يسأل الأيسر .. يقول .. وش تحري هالسنة وش نصير ..
والثاني يقوله يارجال احمد ربك اننا موجودين بس .. لايزلطننا زلط هاللحين ..
الا .. وراه مايمكعنهن ويريحنهن ..



وانا اتوقع .. وتوقع كبير .. وكبير جداً ..
انه يبي يجي يوم تشوفهن بدون حواجب ..



اللهم لاتجعل الحواجب أكبر همنا ..




فبعد حواجب ( 88 ) ..

وهذي اللي يشوفوه يحسبه طول الجلسة .. طايرتن بوهته مستعجبة من شي :i125..
وهي بسبب هالحواجب اللي شابكتهن بآخر الجبهة ..
ماتقول الا كأنه طاقتهن بمسمار مع الوسط .. واليمين واليسار متدودلات :d..




وايضا ..حواجب تشاينز ..

وهي الحواجب الصينيه .. خط طالع من تحت لفوق ..
اذا شفته تقول هذا حاجب طالعن غصب ..
وأظنه للمستعجلات .. خطين وهي ماشية على السريع ..




وحاجب الموج ..

وهذا خط نازل من فوق لتحت بعدين طالع فوق ..
ولاتدري عااااااد وين واقف هالخط ..
كود تلااااحقه تشوف وين نهايته ..






بعد هذولي .. طلع لنا موضة جديدة ..

وهي موضة حواجب 2010 الحواجب العريضة ..

الحاجب العريض .. تشوف الحواجب على بعد كيلو ..
اول ماتقبل عليك .. تقول وش هالخطين اللي يمشن ..
واذا وصلت تشوف ورى هالخطين ادمية متعلقة :d..


يعني بعد ماكانت البنت .. تشقر الحواجب او تنمصه .. علشان تطلع خطوط صغيرة ..


جاء اليوم اللي يدورن هالشعر .. علشان يعرضن الحاجب ..
يعني لو تفتش شنطة مكياج البنت ..
تلقى معه قلم خط .. لزوم الحاجب العريض ..
اذا خطت هالحاجب تقول شنب صعيدي ..





اعتقد .. او أجزم .. ان اكثر الناس فرحة بهالموضة هم المشايخ ..
لأنه كانت نص اسئلة الجواب الكافي عن تشقير الحواجب ..
يعني الشيخ يجيه عشرة اسئلة كل يوم .. ثمانية منهن عن التشقير ..والباقي متفرقات ..
والله ياهم يبي يستانسون .. ويمكن مانحتاج هالكثرة من المفتين ..





يابناتنا .. ليه كل هذا :oo..
اول كنا نحسب تتبعكن للموضة علشان الكشخة والتزين ..
ولكن بعد هالحواجب .. هاللي تقول شنب صعيدي .. تأكدنا أن الأمر تقليد وتبعية ..
ليه مايكون لكن شخصية وهوية مستقلة ..
ليه البنت السعودية ماتحاول انه تكون متبوعة .. تخلي العالم كله يتبعه ..
ويتبع العالم كله صرخات موضته .. وحسنه وجماله ..
بدال ماتدخل على غرفته تلقى 12 مجلة .. عشرة منهن ازياء غربية ..




نتمنى اننا نشوف يوم .. موضة سعودية في اوربا او مريكا ..
بل إننا سنفتخر ونرفع رؤسنا بكن ..
وسلام عليكم ..




مدحت شوقي بريدة ..
اخصائي حواجب ..





سي يو ..

الموضوع القادم .. ( شبابنا .. ؟؟؟؟؟؟؟؟؟؟ )

طرح حلو فكاهي نوعا ما باالنسبه لي!!!
اقول للبنات ان يتبعون الموضه الاباالحواجب فعلا امر مضحك مبكي لمااراه من شي غير جميل .
شكرالك.

َ

املح شي ..] هع .

كل وحده تبي تنزرق عند البنات ..ٍ

المشكلة يأتيك ( بعض ) البنات وترد عليك و تسب هالموضات و تنميص الحواجب وهي أول الفاعلين للنمص واول اللاحقين بالموضات !

عادي يامدحت ..~>يجي يووووووم بدون حواجب..
هههههههههه الصراحه اسلوووبك وطرحك اروع من رائع ...
شكرا لاعدمناك ولاعدمنا جديدك

وعليكم السلام
 

والله موضوع حلو مررره رحت لعزيمة واخذت امي معي شافت وحده مطيره حوجبها فوق قالت امي ياغزياه هالمراة لاصارت حمقه وشوله تجي كان جلست في بيتها هههههههههههههههههه

صدقت وموضوع اكثر من رائع ،،،
شكرآ لك.

والله مير بعض البنات شكله مقزز سبحان الله

ما اقول الا الله يهديهن ويفتح على قلوبهن

ومشكور على الموضوع الرائع جدآ

جزاكـ الله خير

ولكن لوابدلت كلمه المراهقه سي يو بـ والسلام عليكم لانها لاتليق برجل مثلكـ

تقبل مروري

ههههههههه أبوإبراهيم ولا تنسى حواجب الثعبان اللي تلقى الحاجب يلفلف بك كأنه ثعبان :d اللهم لا شماته.
تصدق عاد كرهت برامج الإفتاء من كثر تكرار سؤال الحريم عن حكم التشقير!
مدحت كم أنت رائع أيها الصديق << وقلب الموجه :d.

السلام عليكم يسرني الرد على موضوعك الرائع وأنا بصراحة معك لان والله أقرفنن البنات بلمدرسة لا وأزدك من الشعر بيت في بنات يحددن وهن ماشقرن عاااااااااد شوفو القرف هههههههههههه

أنا عضو جديد أتمن تقبلوني : 12: 12

ولا عاد حواجب الشيطان

ولا مدري ايش

التشقير كله بكبره مادخل مزاجي

.. والله إنك صادق .. يمكن يجي يوم بدون حواجب .:confused:.. الموضة ما تخلي شي :(..

شكرا لك موضوع جميل :d

وانا اتوقع .. وتوقع كبير .. وكبير جداً ..
انه يبي يجي يوم تشوفهن بدون حواجب ..




الله يستر من هاليوم

بس الصررراااحه

الحواااجب لهن دوووووووووور

نسال الله لهن الهداية والسلامه..

عقول فارغة , تتأرجح مع كل ريح .
بوركت و وفقت (f)

موضوع فكاهي ونصيحه حلوه بنفس الوقت.....
جزيت خيرآ.....
بدون حواجب ابرك اهم شيء لاتحط حواجب شيطان اللي يخوفنك على بعد 300 كيلو.....
آآآآآآآآآآآآآآآآآمين..........




موفق اخي....

[COLOR="Purple"][CENTER]

بارك الله فيك على الموضوع طرح جيد أسأل الله النا ولهن الهداية


ادخلي الرابط وشوفي الحكمة من تحريم النمص



http://www.buraydahcity.net/vb/showthread.php?t=193727[/CENTER

على العموم الحكمة هنا

[/COLOR

لمااذا حرم الله النمص ؟؟؟
السلآم عليكمـ و رحمة الله و بركآته


قــفــي أخــتـي ... لا تـنـمـصـي حـاجــبـك؟


إيـاكِ وفـعـل ذلـك ...! إقـرأي مـا كـتـبـتـه لـعـلـه يـلامـس قـلـبـك فـتـعـلــنـي الـتـوبـة الآن ...! يـقـول الـرسـول صـلــى الله عــلـيـه وسـلـم: 'لـعـن الله الــنـامــصــة والـمـتـنـمـصـة' ، حـديـث وقــفـت عــلـيـه كـثـيـرا وأنـا أتـأمـلـه وأتـسـائـل؟


مـا الـحـكـمـة مـن تـحـريـم نـمـص الـحـاجـب ...؟

'مـع أن شـكـل الـحـاجـب يـؤثـر بـشـكـل الـوجـه وجـمـالـه'. مـع أنـي مـتـيـقـن مـن أن هــنـاك حـكـمـة ... فـمـثـلـمـا حـرم ربـي الـخـمـر لأنـه يـذهــب الـعــقـل ... ومـثـلـمـا حـرم الـزنـا لـتـخـالـط الأنـسـاب وانـتـشـار الـفـاحــشـة ... ومـثـلـمـا حـرم لـحـم الـخــنـزيــر ... وغــيـره فـإن هــنـاك حـكـمـة مـن تـحـريـم نـمـص الـحـاجــب ,,, فـبـحـثـت لـعـلـي أجـد الـجـواب فـأقــنـع بـه الـمـقـربـات مــنـي مـن الأخـوات ... مـمـن تـنـمـص حـاجـبـهـا وهـي مـصـرة عــلـى ذلـك غــيـر مـبـالــيـة ... بـقـول الـنـبـي أنـهـا مـلـعــوووونـة ...

تـحـكـي إحـدى الأخـوات وتـقـول:

جـائـتـنـا الأخـت الـواعــظــة فـي مـسـتـشـفـى 'حـسـيـن مـكـي جـمـعـه' الـمـتـخـصـص بـأمـراض الـسـرطـان فـي الـكـويـت ... وذلـك فـي يـوم الــثـلاثـاء الـمـاضـي فـقـالـت لــنـا فـي مـحـاضـرة ألـقـتـهـا فـي مـسـتـشـفـى أخــر كـانـت والـدتـي تـرقــد فــيـه ... تـقـول: الـتـقــيـت مـع أحـد الأطــبـاء الـمـتـخـصـصـيـن فـي عـلاج سـرطـان الــثـدي فـي ذلـك الـمـسـتـشـفـى الـذي أعــمـل بـه كـواعــظـة ... فـدار بـيـنـي وبـيـنـه حــوار عـن عـلاقـة الـنـمـص بـالـسـرطـان

فـقـال: إن لـسـرطـان الـثـدي عـلاقـه وثـيـقـة جـدا بـنـمـص الـحـاجــب ... حـيـث أن نـمـص الـشـعـره الـواحـدة مـن الـحـاجـب يـؤدي إلـى تـجـمـد الـدم وتـأكـسـده فـي مـكـان الـشـعـرة ومـن ثـم نـزولـه بــعـد مــدة ، وعـن طـريـق خـلايـا تـؤدي مـع مــرور الـوقــت ومـع تـجـمـع الـعـديـد مـن نـقـاط الـدم الــنـاتـجـة عـن الـنـمـص تـؤدي لـتـحــول هــذه الـخـلايـا ... لـخـلايـا سـرطـانــيـة تـسـبـب مـرض 'سـرطــان الـــثــدي' ، أعـاذنـا الله مـن ذلـك ... ويـقـول هـذا الـطـبـيـب أن الـخـلايـا تـلـك لا تـتـحـول فـي وقـت الـنـمـص وإنـمـا تـتـحـول بـعـد مــرور الـسـنـوات عــلــيــهــا ...

هــذا مـا ســمــعــتـه مـن الـواعــظــة ...

وعـاهــدت نـفـسـي أن انــشــره 'والأقـربــون أولـى بـالـمـعـروف' ...

أنــتـم أخــواتـي أولـى الــنـاس بـالـنـصــيـحـة لأنـي أحـبـكـم فـي الله اقـرأوهـا ولـتـعـلـن مـن هـي نـامــصـة لـحـاجـبـهـا الــتـوبـة 'فــورا ً' اتـبـاعــا لأمـر الله الـذي نـزل عــلـى لـسـان مـحـمـد ... 'الـذي لا يـنـطـق عــن الـهـوى' ، ثم ابـتـعـادا 'وتـجـنـبـا' لـهـذا الـمـرض الـمـخــيـف نـسـأل الله الـسـلامـة والـعـافــيـة إنـهـا إشـارات تـحـذيـر وصـيـحـات نـذيــر يـطـلـقـهـا الأطــبـاء: 'أن أفـيـقـي أيـتـهـا الــنـامـصـة قــبـل فـوات الأوان' ... وصـدق الله: 'سـنـريـهـم آيـاتــنـا فـي الآفـاق وفـي أنـفـسـهـم حــتى يـتـبـيـن لـهـم أنـه الـحـق'. فـصـلـت ، الآيـة: 53 ؛ مـع الــعــلـم: أن شـرع الله لا يـقـتـضـي مــنـا مـعــرفـة الـحـكـمـة مـن الأمــر قــبـل الامـتـثـال لـه ... وبـذلـك أوصـيـكـم ونـفـسـي بـنـشـر هــذا الـمـوضــوع بـيـن الأهــل والأصـدقـاء وأن نـتـعـاهــد عــلـى الأمــر بـالـمـعـروف والـنـهــي عـن الـمـنـكــر ... لـقـولـه تـعـالـى: 'ولـتـكـن مـنـكـم أمـة يـدعــون إلـى الـخــيـر ويـأمــرون بـالـمـعـروف ويـنـهـون عـن الـمـنـكـر'.

سـؤال وأتـمـنـى مـن كـل أخـت أن تـطـرحـه عــلـى نـفـسـهـا وتـجـاوب عـلـيـه بـكـل صــدق ...


هـل تـرضـيـن عــلـى نـفـسـك الـطـرد مـن رحــمـة الله مـن أجـل هـذا؟

هـل تـريـديـن أن يـكـون مـصـيـرك ... نـارا وقـودهـا الــنـاس والـحـجـارة ...


تطردين من رحمة الله مـن أجـل شـعــيـرات ...!

مشكور ياخوي على الموضوع اررئع..

ننتظر المزيد من اخاصئ الحواجب...ياحليلكم..

ايي وانتي الصادقة ((صامته بزمن هزاز))

بس الحمدلله اني مانب اشقرهن اصلاً امي تعيي علي ..

وخالتي ادعووا لها بالهدايه ما يمر اسبوع الا ومسويه حواجبها 3 مرات ..

صاارت تتفنن بحواجبها..

بسس انوو بعدين نكون بلا حواجب ..

ههههههههههه ..

تحففه ..

لاعدمنا مواضيعك..

وشكراً

هزا <<< ما عندي الحر اللي يشبه (د) وكسل ادوره همن انسخه

هزا تشبه بالغرب مير ادا شفته تقول وش الهشكل اللي حووم التسبد

تشبه غريب انا اتوقع فئه قليله في الغرب تسوي مثل هالخرابيط

همن يجن بناتنا ويقلدن <<< انا مدري هالبنات يحسون انهن متطورات او وش يحسن به

ههههههههههههههههههـ

تخيلته انت

تقل ..........

مير ازين من موضة الراس على الموس صقعتن اخضراء

هي موضة عيت تنتشر هههههههـ

مهاوي ..

الشكر موصول لكي ..


اجل تقولين للبنات كلش الا الحواجب ..

الحواجب للبنات .. مثل الشنب عند الشباب ..
يوم محدده تحديد خفيف ..ويوم شابكه مع السكسوكة ..
ويوم لاحطه كله خير شر :d..


الله لايجعلنا شنب بوجه رجال ..
ولاحواجب بجبهة بنت ..



وشكراً ..


سي يو ..

نبض المشاعر ..

شكراً لكي على حضورك ..

وآمين .. وليحفظهن ويحفظك الرب ..



سي يو ..

ماشاءالله تبارك الله الصراحه موضوع....زوفعلا هو سالفه وموجود الحمدلله والشكر تقل ان الجمال بهاالخطين بس ومن وراهن معصيه ....الله يهدينا..

محب رؤية الرحمن ..


هلابيك يابعد معاليق حواجبي ..

( محب رؤية الرحمن ) ..
على هالاسم ناقصك عوامة وتصير سباك افغاني :d ..




صدقت ..
والله ياهي شينه نجي يوم نلقاهن بدون حواجب ..


وش تبي تطلع .. عاااااااااد من حينه لاشنب ولالحية ..
وتزلط الحواجب ..

قسم ان يغدي وجهه تقول بطاطسة :d..



سي يو ..

هههههههههههههههههههههههههههههههههههـ
حلوووهـ
الله يحفظ امك ويخليها...

..

والشباب ماقصروا في شنبهم
اللي كانه فحطه سيكل
واللي كانه ضارب سلام
واللي مخففة
واللي شايلة
اهاااااه

تدري ياخوي ذكرتني وانا اقراء الموضوع بصديق لي ..

معه جيب ولازم اذا جاء ينصب -يجيب قلم أبيض ويكتب كفرات السياره وتصير كتابه بيضاء عريضه عرفته طبعآ-

تخيلت بنت بشنطتها كحل اسود وتحدد بهالحواجب .. مابقى الا تلبس عدسات مغطسه نيكل !! :cool:

طرحك راقى ونافع

وبصراحة انا من اصحاب الحواجب

ضرورى تكون مرتبه ..ولعلمك يأخى الحين تشيله

كله وترسمه لمدة 6 اشهور وهذا يسمى حاجب {هيفا}:42



"""ملاحضه
الموضوع عاجبنى مره استسمحك بنقله الى منتدى العائلة:p

ياكرهي للرجال اللي يتليقفون بعلوم الحريم..

وياكرهي للحريم اللي يردن ومسويات عقل وثقل تقل مالهن علاقة بالسب والمهزلة:confused:

التجمل بالنسبة للنساء شي طبيعي اي امرأة مفطورة على حب التجمل! لكن لما يخرج الأمر من اطار المعقول للا معقول!! مثل مارأيت من ابداع في بزار الرصافة امس!! لكن اغلبهم من المراهقات من بنات الثانوية والمتوسطة فهذا السن تكون البنت او الولد مهووسة بحب التميز والأثارة ولفت النظر او بمعنى اصح شرود وذهول النظر:eek:

لكن اللا معقول كذلك ان الشباب اصبحوا اشد من النساء اهتمام بالمظهر العام واتبعوا صرعات وموضات تخجل حتى البنت تسويها:pمثل موضة طيحني وسامحني يابابا والكدش اوالقذلة اللي لنص الظهر ومسرح بطريقة مرتبة لدرجة تخليك تقف مذهول هل اللي امامك ولد او بنت:eek: وكذلك المكياج من روج و كحل عيون وحواجب ونمص حواجب:eek:

يعني ببساطة كلنا بالهوى سوى:) وماله داعي التركيز على البنات وكأن الشباب ملائكة:rolleyes:
صرنا نلاحظ ان الساحة المفتوحة تحولت لشن صراعات ضد البنات من كلا الجنسين وكل يدلي بدلوه اللي ينصح واللي ينتقد واللي يتمسخر واللي مقهور ويفجر فينا:i121 والأدهى والأمر تشجيع وتصفيق البنات وكأنها ياشيخة مو مع العالم وفوق النقد:(

ملينا كثر النقد والمسخرة نبي مواضيع مفيدة وذات قيمة تحترم عقولنا ارحموا عقولنا ارجوكم..

وأنتي الآن ما لقيتي علي ملاحظة ايقالك ألا (توقيعي) بس ولا شفتي البنات بالأسواق ووضعهن المزري وبعدين لا تحطين شي بذمتك (أنت ما شاء الله طاهر مطهر) ايه الحمد لله >>> توني متروش ومتعطر بعد

طرح مفيد وممتع بنفس الوقت ..

وصدقت ملينا من كثر مانسمع بالجواب الكافي مثل هالأسئله ..

ونفع الله بكم وبعلمكم ..

ورد

مشاء الله عليك يأبو إبراهيم جمعت بين الفائده والفكاهه
الله يرفع قدرك وجزاك كل خير

موضوع جميل الف شكر

فاست ..


يابعدي انت ..وش تنزرق .. بحواجب ..

وش رايك .. وش تحري يصير وزنه بدون الحواجب العريضة ..

اتوقع لو تخفف حواجبه كان تطيح على ورى ..

يادافع البلا وجهه صايرن حواجب وشوية وجه ..


مشكور يالبي ..




سي يو ..

× للعلم

حُـكـم تشقير الحواجب - فتوى اللجنة الدائمة -
فتوى رقم ( 21778 ) وتاريخ 29/12/1421 هـ


الحمد لله وحده والصلاة والسلام على من لا نبي بعده ، وبعد :
فقد اطلعت اللجنة الدائمة للبحوث العلمية والإفتاء على ما ورد إلى سماحة المفتي العام من المستفتي مبارك صالح ، والمُحال إلى اللجنة من الأمانة العامة لهيئة كبار العلماء برقم ( 7868 ) وتاريخ 19/12/1421 هـ وقد سأل المستفتي سؤالاً هذا نصه :
( فقد انتشر في الآونة الأخيرة بين أوساط النساء ظاهرة تشقير الحاجبين بحيث يكون هذا التشقير من فوق الحاجب ومِن تحته بشكل يُشابه بصورة مطابقة للنمص ، من ترقيق الحاجبين ، ولا يخفى أن هذه الظاهرة جاءت تقليداً للغرب . وأيضا خطورة هذه المادة المُشقّرة للشعر من الناحية الطبية ، والضرر الحاصل له ، فما حُـكم الشرع في مثل هذا الفعل ؟ أفتونا مأجورين ، علماً بأن الأغلبية من النساء عند مناصحتها تطلب ما كُتِب من اللجنة ، وتَردّ الفتوى الشفهية فنرغب – حفظكم الله – إصدار فتوى . سائلينه سبحانه عز وجل أن ينفع بها ، ويحفظ لهذه الأمة دينها . إنه ولي ذلك والقادر عليه ) .

وبعد دراسة اللجنة للاستفتاء أجابت بأن
تشقير أعلى الحاجبين وأسفلهما بالطريقة المذكورة لا يجوز لما في ذلك من تغيير خلق الله سبحانه ولمشابهته للنمص المحرّم شرعاً ، حيث إنه في معناه ويزداد الأمر حُرمة إذا كان ذلك الفعل تقليداً وتشبهاً بالكفار أو كان في استعماله ضرر على الجسم أو الشعر لقول الله تعالى : ( وَلاَ تُلْقُواْ بِأَيْدِيكُمْ إِلَى التَّهْلُكَةِ ) وقوله صلى الله عليه وسلم : [لا ضرر ولا ضرار . وبالله التوفيق .
وصلى الله على نبينا محمد وآله وصحبه وسلم .

اللجنة الدائمة للبحوث العلمية والإفتاء
الرئيس
عبد العزيز بن عبد الله بن محمد آل الشيخ
عضـو
عبد الله بن عبد الرحمن الغديان
عضـو
صالح بن فوزان الفوزان

اللهم هل بلغت اللهم فاشهد











/

خلفان ..


اعلمك بعد .. احس ان اسمك لو يشد حيله طلع .. خلقان ..


يابعدي انت .. مادري وراه كل ماقريت ( تنميص ) ..
احس انه واحد مزكوم يقول ( تقبيص ) ..



نرجع للموضوع يالبي ..

لاتنهين عن امر وتأتي بمثله .. عارٌ عليك مافعلت عظيمٌ ..



ومشكور يابعدي ..




سي يو ..

غالية الثمن ..



شكراً لكي على تعقيبك ..

وشكراً لكي على نصيحتك لأخواتك ..


والمشكلة ان بعضهن تقلد وهي ماهي مقتنعة ..

بس لأن فلااااااااااااانة .. مسوية كذا .. لازم اسوي مثله ..


يعني تقليد .. وفقدان هوية ..



وشكراً لكي ..





سي يو ..

هي بارا .. والا هي من داخل ..


الشكر موصول لكي على مرورك الكريم ..


هاللحين بعض البنات حواجبه تقول ظلال خيط ابرة .. من صغره ..
يعني مافرقت .. كأنه بدون حواجب ..


وشكراً لكي ..




سي يو ..

يعني انت مع او ضد سالفة حف الحواجب او التشقير ؟!
اشوفك انتقدت حتى اللي ما يشيلون حواجبهم !


بالنسبه للحف انا سمعت الشيخ المسند الله يرحمه يقول انه مو حرام ، اذا كانت الانسانه ما تشيله كله او توصل للنص .
ومقتنعه بكلامه . :)

فوشيا ..


صدقتي .. الانسان يحكم عقله ..


يعني مايقعد يدربية بس مع هالخلق والخليقة ..
شافت هالعالم تدرعم .. ودرعمت معهم ..
اهم شي واكلف ماعلية انه تقلد .. سواءً كان سيئ او حسن ..


جميل ان الانسان يختار الحسن لحسنه ..
ويبتعد عن القبيح لقبحه ..
وان يكون الاختيار بإرادته .. وان لايختار الناس له ..

الله يوفقك .. وشكراً لكي على مرورك الكريم ..




سي يو ...

رائع أبا إبراهيم هذا الطرح، والبنات هداهن الله لو تخلصن من التقليد الأعمى لحصلن على الخير الكثير،
المشكلة أن بعض البنات تأخذ ما تركه الغرب أو ما رفضه الغرب ووجد قبولاً في مجتمعنا، فالأصل أن يكون
الالتزام بتعاليم الدين نابع من عندنا،

ما ضايقني هو أنه في أحد المرات كنت أتابع برنامج ( مع سماحة المفتي ) واتصلت إحدى الفتيات تسأل عن حكم
تشقير الحواجب فقال سماحة المفتي: الأفضل للمسلمات ترك مثل هذه الأمور وتجنبها والله عزوجل قال في كتابه:
( لقد خلقنا الإنسان في أحسن تقويم )، فقالت المتصلة ياشيخ هل التشقير حلال، فقال المفتي: الأفضل تركه، وبدأت
تلح على المفتي تريد منه تحليل تشقير الحواجب.


بارك الله فيك أبا إبراهيم على هذا الطرح المميز.

القلب الضايع ..


عاشت ايام امك وامهات اول ..
ماعندهم لانمص ولاتشقير .. ولاظل ولاحقن ولاتقشير ..

والميك اب .. يربطنه بباغة .. لاشنطة ولاهم يحزنون ..
ديرم وكحل وروج لون واحد احمر ..
واذا بغت تخليه زهري ربصته بماء ..



وشكراً لكي على مرورك الكريم ..



سي يو ..

الحين أنت وش عرفك بموضه البنات وأنت ولد؟؟؟

يقولون التشقير حلال والنمص اللي حرام حرام ...
وزمآن الأمهات حتى فيه نمص وش دعوى يحطن المكياج بباغه
انمص من زمن الرسول لأن الرسول قال حديث عنه..

..............

موضوع رائــــــــــــــع

فعلآ أنشر بيننا التشقير والنمص والله المستعان ..

أذكر وحده من الزميلات نمصت حواجبها صدفه كنا جالسين مجموعه من البنات وكانت معنا

المهم قاموا الموجدين بقيت أنا وهي

جلست أنا ظر حواجبه هي فهمت أني بكلمها عن النمص

على طول قالت أنا ملعونــــــه أرتحتي وقامت ,,

وقسم لايمكن أوصف لكم شعوري يوم قالت لي هالكلمه

كبيره عن ربي يارب لاتغضب علينا بس ..



وأذكر مره جالسين بكراسي بالكليه والبنات يمرمرن قدامنا انا وصديقتي أنا الفضاوه قالت لي خل نعد البنات اللي مشقرات حواجبهن قلت عدي اللي ماشقرن أسهلك ..

والله قهـــر الكثير منآ تهاونت بهالمسئله ..

ماأقول ألا الله يهدينا ويهدي بنات المسلمين يارب ..



أسلوبكـ في الطرح جميل جدآ ..

جزآكـ الله كُل الخيّــر ..

وَنفع بِكـ ..