|
= الهدية من محل عروق الشمال لـ(سعفة) =
بسم الله وعلى بركة الله ، ،
اللهم لا حسد قولوا يا جماعة الخير<<=== على بالي آخذ سيارة :D اليوم الخميس نآكل حميس ويوم رحت لمحل عروق الشمال ولاهم مزهبين لي جائزة عاشت أيامهم والله يا هي جائزة ،،، الصراحة إني دخت يوم جابه المراسل بتاعنا وقد تم كز مندوب شركة سعف لاستلام الجائزة اليوم بليل الخميس 20/11 من الدكان حق عروق الشمال <<<== الدكان ، والله يا هي إهانة .. وقد وافانا مراسلنا ألي استلم الجائزة وقال الصراحة رحبوا بي ترحيب والله العظيم ولا وزير عاشت أيامهم وخيرون من محلهم وش اختار .. .. عاد قال واحدن من الي قاطين بالمحل تبي تحيره خيره ....... >> هذا طال عمرك يبين أحسحس شنبه بالدافور <<<=== يعني اني جاين دافور وأقولكم / وأول ما استلمت الجائزة علطول صورتهن وقلت أبوريهن الشباب ========= هيك الصور ============= هذي صورة للشنطة الي بوسطة القشاقيش والعزبة بتاعتي _ والله ياهي شكل للمعلومية .. تراه سعرة 200 ريال .. يا بلاش .. بس جتن هدية ;) ولو يجي واحد يسومه ألفين ريال ما بعته .. صراحة ثمينه ، ما أبيع به ولا أشري به http://d1d.net/net/s3f/3roq__1.jpg هذولي العدة عقب ما طلعناهن من شنطتهن .. (( شف الدافور يامريض )) http://d1d.net/net/s3f/3roq__2.jpg شوفوا الدلة .. مشتاقين لعصير الرمان <<<== خكري ما يعرف الدلة وشيله http://d1d.net/net/s3f/3roq__3.jpg أضنه لا تعليق .. ياخي واحد يعبر عن شعورة تجاه محل عروق الشمال كتبته بكرتون من الوناسة .. http://d1d.net/net/s3f/3roq__4.jpg قال كشت .. قال ايه .. قال شريت من عروق الشمال .. قال لا .. قال أجل ما كشت وتقبلوا جغفاتي ومطخاتي يا محل عروق الشمال ولكم أجمل تحية من الي يموت بكم سعفة متولي \/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/ |
داعايه كبيره جدا .
أخوي سعفة لو أفتح محل تسوي لي مثلهم ؟ |
دعاية كبيرة جداً
إيه يا ألبي .. قسم بالله يعني مهب كله علشان الجائزة الي عطون لا عاد انه تستاهل وبـ 200 ريال لا والله العظيم علشان أخلاق راعين المحل والحفاوة للمندوب لشركة سعف .. __ ++ صراحة جاين لمي ينابط .. يقول ذولا العالم الحية ولا بلاش ... ... وأقول يا المستشار لو تفتح محل // قسم بالله لا أحط لآآبو آبوك دعاية ... وش دعوى أنت ما تدري انك تسوى ديرة مابه أحد ... بس عاد شف .. لا حطيت محل لازم تصير زي ذولا صاقعين لي هدية .. ما تصير قعيطي تقول بس شكراً .. أو الله يجزاك خير .. صح زينه الله يجزاك خير .. بس زيادة الخير خيرين ... ............. ســـــــــــــلام ............. |
مبروك الفوز
يا..سعفة وهاردلك يابشندي لاكن المطلوب ايه بس |
مبروك ياسعفه بيه والله تستاهل بس ياليتك مقترح عليهم لو معطين كل واحد من منتدى بريده هديه كان ياسلام عليك بس عاد ماكتب ربي
|
هلا بخوي سعفة
اقول كل هالدعاية علشان عطووك 200 ريال . وشلون لو يعطونك خيمة:eek5 :eek5 :D |
الصراحة .. انه هدية .. موت ..
تقطعة بالعافية !! |
حقلك بدل دعايه تكلف 20000 الف لصقوه بالمنتدى
ولا باسم ابج.... واحد المهم انا ابيك تنشر سيارتي وابد لك الباب اختر الي تبي منهن |
دله وبريق وفنجالين سون بك تسذا؟؟!!!!!!!
ولو .. اثر راعين عروق الشمال يعرفون من اين تؤكل الكتف ;) تراي يمكن افتح محل تأجير خيام وابيك تسوي لي دعايه ياسعفه وابشر من يدسم شاربك :) <====== ناوي يعطيه اطناب خيمه وقلص :D ادهن السير يسير ياخلفهم وعلى قولة القايل اللي تكسب به العب به ;) ويستاهلون راعين عروق الشمال يكفيهم تشريف محلهم طلتك البهيه انت وطاقم التصوير وخصوصا الاخ مصيول :) .. والله يا انا اقدر هالادمي واحبه مووووت :D |
ألف ألف مبروك .
أســــــــــأل الله أن يعطيك من خيرها ويكفيك شرها.
|
هلا سعفه
والله انك تستاهل أكثر من سيارة
وسعفة في عين الحسود ( ههههههههههههههههههههههه ) واللي جاك من عروق الشمال شوي في حقك ولك منا الدعا والله العظيم ما توقعت منهم هالشي وأنا بصراحة توقعت يعطونك كرت خصومات خاصه لك وللي بالمنتدى من رفقاء الكشتات ... قل آآآآآآ مين تقطع العدة بالكشتات وعمر طويل أنت والفرقة العازفة لهذه الدعاية تقبل تحيات أخوك ( عروق الشمال ) يا عمري أنتم والبشكه اللي معكم وعلى قول الشاعر : والدلة اللي ما تبهر من الهيل...........تجري الرياح بما لا تشتهي السفن باب يجيك منه ريح صكه............ مثل العجوز اللي خبيث نسمها باي |
من أدك سعفة بيــــــــــــــــــــك .
بصراحة إني فرررررررررررررررررررحت مرة لما شفت صور هديتك
وقسم بالله إنك تستاهل أكثر من ذلك ويعلم الله لو أني صاحب المحل لأعطيك كل ماتبي من المحل والله ينت رهيببببببببببببببببببببببببببببب مسويلهم دعــــــــــــــــــــــاية ........... كن المحل لك وإلا لأبوك . يليت إذا فتحت أنا محل تسويلي مثل اللي سويتلهم ...... عقبال الهدايا الأخرى وتستاهل أكثرررررررررررررررررررررررر ولاننسى فريقك . |
ألف ألف مبروك
وعتبي على عروق الشمال الهدية سعفة يستاهل أكثر |
................
بسم الله والصلاة والسلام على رسول الله ، ألف مبروك ياسعفه وتقطعهن بالعافيه ....
أبي الله لا يهينك تسلفن الدافور وأن حصل العزبه كله فجزاك الله خير كله شهر أو أثنين ورجعه لك ...... |
تستاهل يالحبيب
والله انك شمعة هالنتدى تقبل تحياتي |
ألف مبروك
والله يانت شكلك مستانس كل شوي فاتحة ومطلع العزبه ومرجعهن . بس تستاهل . المفروض تصير طماع تقول بكل صورة وحده عزبة . تدري ليش >>>>> علشان توزعهن علينا . المهم تستاهل أكثر وأكثر . أنا لو أفتح محل وتسوي لي دعاية تسان أنقل المحل بإسمك >>>> والله من الصز ايه هين . وشكراً للجميع تقبلوا تحياتي . من المصيول . متابعه >>>> وشلون تجي ذي وشكراً للجميع |
تستاهل والله يا ألبي ...
بس حنا بعد يعني يعني لو لو (( إفهمها )).! والسلام |
تستاهل ياسعفة
بس متى تبي تكشتبنا |
شف عاد يا عروق الشمال
عاد تراي عطيتك وجه أكثر من اللازم .. لا والله هالحين أشلق وجهك <<========= عطوه وجه يحسبه بدا يمون :D:D أقول يا ألبي الصراحة مافات شيء يا ألبي الي يجيكم ويقول جاين عن طريق منتدى بريدة رخصوا له ايوالله يا ألبي هذولا مشاركين بالردود ولا تراي ابخرب سمعتكم <<<==== وش دعوى يا MBC :D:D:D:D:D:D أقول يا عروق الشمال أنا صراحة أبي منكم طلب وان شا الله انكم ما نتب رادينن يبي يمركم واحد من العيال اليوم عطوه تكفون قلص بس اهم شيء كفرات برجستون <<==== :) طرار يتشرط .. الا اقول يا بحتري زمانه ،، عفوا يا عروق الشمال على بالك شاعر .. أقول لو ( جرير ) حي والله ان يطب عليك سنوكا <<=== والله ياهو قديم / سنوكا أووووووووووه سنوكا .. أيام سنوكا وجمارو وهايدي وبيتر <<== طلع حاصله ==================================== == بشندي == الله يبارك بيكا يا ألبي يا يوسف فندي ؟؟؟ بنجبي راح للديرة جاب منيرة المطلوب الله يسلمك انك تلفقه لا أمحطك بطراق <== ماش شينه تعطي بزر وجه :D:D المطلوب يا ألبي تنزل راسك خل ابمطخ هالجبهة .. سلام يا خلفهم == حنايا الابداع == الله يبارك بايامك يا قلبي __ والله انه هي الحروة خلاص تعاقدت شركة سعف مع محل عروق الشمال بالتعاون مع منتدى بريدة ستي ان اي عضو يجيهم يسوون له تخفيضات أقول .. تعرف محمد الحنايا <<<< هجت به :D:D == ابومنصور == تسلم والله يا ابومنصور .. ايه والـ 200 ريال ما تستاهل ياخي هالحين انت خربت علي الخطة انا ناوين اروح لمهم اليوم ولا باسر ابآخذ قلص / وان ما حصل خيمة ولا ابخرب عليهم .. ابقول ان القلصات الي عندهم بهن سم .. علشان ما احد يشري منهم // == الذهبي == الله يقطع ابليسك تسلم والله يا ألبي وعقبال القلص لي ان شاء الله <<=== ولو عروق الشمال ما يفهمون :D تسلم والله يا الذهبي ... ... انت على اسمك ذهبي يا فضي يا كحلي يا فوشي يا اقحواني :) <<======= أشوفه جاب كل الالوان <<< ياقدمك يا استوديوا الوان :D جء جء جء .. أيام التحميض <<=== وش طورك على بالك راعي رقميات ;):):D == #ابومالك# == ههههـ أعوذ بالله يوم قريت اسمك أمر اضحك .. قل وراه ؟؟؟ تذكرت جدتي لا بغت تضغط (صفر) بالتلفون تضغط الي يمين اسمك ويساره ههههههههه هع هع هع هع هع هع ... اقول ابومالك يا قلبي .. هرجك لك عليه مهب واضح بس الي فهمت منك اني ابجح واحد يارجال اصير بجيح وابجح واحد بس هماه تجينا هدايا .. عاشت ايامك يا ابومالك ياقلبي .. المهم موترك ابشوف له زبون لا تخاف ________ وراه قالو لك حراج سعفة :D == برجس == ياخي خلاص الهدية ابعطيك اياه .. والله يانت مانب قايل حفته بالكشتة أجل من أين تؤكل الكتف .. أقول تعرف الكتف وشي :D والله العلي العظيم ما رحنا نصور علشان نآخذ هدايا منهم ولا شيء ولا عندي طاري .. الا والله يوم لزم علي عروق الشمال بالرسايل الخاصة وحلف علي اني لا أجي وآخذه .. رحنا .. ... ________ أقول يا برجس أبشر بالخير لا فتحت محل .. والله العظيم الدعاية لا أكتبه بصدري << تعرف صدر ليلى :D والله يسلمك .. اجل تبي تدسم شواربي .. الله لا يهينك أجل ما أقصقص شنبي .. على بال ما تفتح دكانك حق الخيام .. .. .. ويا حبيلك يا برجس أول ما قريت حسيك .. قلت الرجال يبينا نفتح حلبة مصارعة هالليلة بالمنتدى بس اشوا يا حبيلك اثرك رجل <<<== قل وراه بزران تلعب علينا بكلمة رجل .. ههههــأأأ يا حبيل ميدك يا برجس .. والله اني احبك من بد الفواكه .. == مجدالإسلام == الله يسلمك يا ألبي ... تشرفنا أوي أوي على الرد بالموضوع الله يسلمك ياخوي والله يا ألبي منور الموضوع بوجود ميدكم الكريم على كريمة حمد بن شلاح <<قلبه عرس :D تسلم والله يا مجد الإسلام ____ أحبك في الله == حمقون == تسلم والله يا قلبي على هيك رد يا بعد سلاي وش دعوى يا حمقون .. انت الاول والتالي يا خلفهم انت بس هولم وافتح لك دكان .. والله لا أفتح لك ألبوم صور هدية يا خلفهم والله اني ما ادري وشلون اقول لك شكرا عفوا جزيلا على هيك رد حلو زيك أقول وبما ان الشيء بالشيء يذكر .. ما معك سلف عشرة <<<< شحاده ولد الحراش :D:D يا حبيلك ميدك يا بعد مصراني .. ولا تخاف الشبيبة ماحنب ناسينهم ... هذانا هوش على الهدية .. شكلنا نبي نسوي قرعة أقول .. أنت تعرف الدقريات الي بمكة لا حلت ريالين وهجيت .. تعرف وش يسون .. ههههههـ حنا زيهن .. أنواع الهوشة .. == الإمبراطور == الإمبراطور .. منووور يا ألبي الموضوع والله انك صاز يا الإمبراطور يا بعد سبدي _ أستاهل أكثر خير ان شاء الله .. لو أنا استاهل أكثر ما نقلت الموضوع للاستقبال والتهاني يا خلفهم ;) == الشهيد == بسم الله والصلاة والسلام على رسول الله .. أمووووووع لا شفت هالمقدمة يا الشهيد ياخي أنت رهيب بالردود ... الله يبارك بايامك يا الشهيد يا قلبي ... والعزبة فداك قسم بالله .. الدافور وكل الدنيا أجل تبيه شهر أو شهرين .. هع هع هع هع شكلك الله والعالم انك ما تفرق بين الشهر والشهرين .. مير مابه فايدة كله لك ولا ابيه ابد .. شيء يطلبه من الشهيد .. والله ما أرده .. == عزام == يا حبيلك يا عزام .. ياخي تذكرن بخوي العمر عبدالله عزام << ما بغت شيء السذبه أقول ياألبي اجل (( تستاهل يا الحبيب )) <<+=== الحبيب ولا العضيب يا حبيلك يا عزام .. واللهي متشكرين أوي أوي أوي أوي == سراب القايلة == ههههههههههههههههههههههههههههههههههههــأأأ أحسن رد بالموضوع كله يا خلفهم والله يانا تمزعت من الضحك يوم قريت كل شوي فاتحة ومطلعن العزبة ومرجعهن // لا وازيدك بعد .. يصير وجهي سذا :D:D:D:D الله يقلع ابليسك والله يهالراس به تنسيم مالله به عليم وأقول وبالله التوفيق الله يبارك فيك يا خلف مصراني انت وعلى قولك يا بعد سبدي المفروض اصير طماع صرنا وقضينا مابه هرجه ذي بس يعني قصدك انت تبي عزبة مابه فايده يا ألبي قسم بالله ارسل لي صندوقك البريدي وازهل امورك <<=== تعرف يبي يكزه بالـ DHL يا حبيلك يا سراب القايلة ياخي انت انسان يرتاح له سعفة == الطير == مابه فايده يا ولد العم يا حبيل قلبك يا خلفهم أقول تعجبني على الحركة يا خلفهم وهي يا ألبي انك رجعت الموضوع للعام انا ابدري وش جابه للاستقبال بس ماش الامبراطور انا زعلن عليه من تالي يا ألبي <<== واقفتن عليك هههــأأأ == ابو عمرنت == هلا والله بألبي أقول يحق لك ومن قدك الي مزين لك التوقيع ولد السحيم الي تقرب له حصة السحيم الي دايم تجتمع مع رقية ومنيرة بالدكة ويآكلن كراث أقول يا ابوعمر نت يا ألبي ماله داعي المصالح واكشت بكم ياخي خذ العزبة واطلع انت وخوياك انا صغير وابوي يقول لا تطلع مع كبارين ولا لجنتك <<<=== صغير هههـ والله ياهي تبي بعد .. ... ... -------------------------------------------------------- وتقبلوا تحيات محدثكم / محمد البكر . . عفواً ( شنبر فوده ) ومن الكتابة : سعفة ومن الشرافة : خالد الكربة ومن المتابعة : البوديقار حق سعفة :S |
هب هب هب على كربة ذا وبس لهط من هالجوايز ولاتقلــّطــنا عندك ياالبزعة تبزع قدامنا بجوايزك<< حبصت به( على وزن هجّت به على قولك). ماشاء الله اللهم اجعل هالجوايز آخر مايملكه سعفة من الدنيا<< زاهد ماشاء الله عليه ههههههههه استغفرالله. اقول: النوبة التالية يجينا الحقاق والشرط ياوليدي تفهم:D |
سعفه ....
ويل كم حبيب قلب ميدي ... الف مليون مبروك ياسي سعفه .. وانت تستاهل كل خير .. بس انا عاوز اقولك شغلانه كذا يعني .. ايش رايك تأخذ العده وتعطيني الشنطه .. انتا عارف لزوم السفر .. وانت جحلطي ماتتعدى بريده .. قلت ايه .. |
عااااااااااااااااااااااشت أيامه .. كره عليك
أقول سعفه أنا عندي (( أنا يدا )) تدري وشي ..؟؟ أنت عطن العدة تراه مهب زيهنه أبدا .. و أنا أبا أعطيك دورة بسيكلي الجديد .. هاها و ش قلت .؟ حكمة النهار دا :- اذا ما جازلك شيء قل (( وع )) |
ثؤغريؤبلاضخك
|
== شيخ بريدة ==
هلا والله بالشيخ عندي سؤال باللهي ما حكم صيد الذباب وهو نيم <<=== :D انت ياشيك بريدة .. الحسود بعينه عود والله لا أعلم والله لا أقول ان الشيخ نطل الموز <<== يقاله جاب وزن اسمع الله يقلع ابليسك وش دعوى هذي تصير آخر ما أملكه زين والله لا أعلم امك تمردك :D == مدحت شوقي بريده == أهـ أهـ أهـ والله يانا مليت وانا اكتب اسمك .. والله ياهو طويل .. لحالة قصة حزينة أقول الله يبارك بايامك يا سلاي يامدحت المصري حق بريده أقول .. والله ما تغلا عليك الشنطة بس ياخي الشهيد يبيه ولا تدري .. الشهيد خابره فلوس زي الرز مهب مثلنا دجيج لكن مابه فايده ان تنازل عنه عطيتك اياه والعزبة أخذتهن على ان الي مغلين العزبة هي الشنطة .. __ يا حبيلك يا مدحت المصري حق بريده == O بطل العالم O == ياهلا ببطل ابوكفرات يمين اسمه وش كره يا وجهه <<== بدوي أقول ترا سيكلك بـ 80 ريال والعزبة بـ 200 لكن مابه فايده انا ابخليك تكشت بالشحنة الي عند باب بيتكم بنفس العزبة بتاعتي والسكيل ابآخذه لي <<=== والله ياهو ما يعرف يهرج ولداها جغفاتي يا المهابيل الثلاثة وااوك أنا ما رديت الا على أهبل ثلاثة بهالمنتدى ياشينه .. لا من شيخ بريده ولا من بطل العالم ولا من هالمصري المدحت حق بريده قايلن لكم الاسم طويل يدافع البلا .. وااااوك يالله ساااالااااام .. |
| الساعة الآن +4: 04:23 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.