|
هل تؤيد مكالمات ماقبل الزواج ؟ (طبعاً بعد الملكه)
السلام عليكم ورحمة الله وبركاااته..
نداء إلى شبااب بريده (ولامانع من تعليق البنات ;)) هل تؤيدون مكالمات قبل الزواج ؟؟؟ طبعاً الهدف منها التفاااهم والإندماااج مبدئياً ؟؟ لأني على وشك زوااااج وماعندي مانع إذا طلب خطيبي لكن فيني تردد قلت آخذ رايكم بالموضوع :p دعواتكــــم لي بالتوفيق والسعااااااادهـ (h) |
والله احسن لك تخلينه يكلمك
لان قبل الزواج وتتعرفين عليه وهو يتعرف عليك وان شاء الله تدووم المحبه اللي بينكم |
من رايي انا لاتكلمينه
|
اسمعي يا اوخيتي ترى كثير من الشباب الحين فاقدين الثقه بالبنات نهائيا لذلك انتبهي تكلمينه واذا كلمك هو جاوبيه على قد سؤاله و ردي عليه برد يبين انك متضايقه من الكلام معه لانك اذا تماديتي فهذا شي عادي عندك وما سويتي شي غلط لكن هو بيفهم انك متعوده على الكلام مع الشباب ومن هالامور هذي نصيحتي وانا والله ما اقولها إلا لاني ابي مصلحتك والله يوفقكم ويجمع بينكم على خير |
حلو انه يكلمك تعرفين شخصيته ويعرف شخصيتك ..
لكن احذرك لا تطووولين بالمكالمات , تراها بتنقلب لهواش وقلة حياء .. كثيييير اعرفهم انفصلوا بسبب كثرة المكالمات ... ! |
مشكوورين ع الردود
لكن مو معناتها إني رضيت أكلمه يعني أنا متعوده ع هذا الشي لكن ماكلمته إلا لأنه زوجي ومملك علي |
اكلم قبل الدخله بايام
|
مشكور أخوي بس مو قبل الدخله بأيام قليله
لوكان قبل الدخله بأسبوعين أو ثلاثه مو أفضل ولا وش رايكم؟؟؟؟؟؟؟؟ |
تبين نصحتي يااختي لالالالالا تكلمينوالأندمااج والتفاهم يجي بعد الزوج..مافي شي يجي قبل الزوج.. ..والله يوفقت بالسعااده في اللأخره والدنيا ويرزقت الذريه الصالحه..
|
لااااا يـاحبيلتــــــس لاتكلميــنه وحتى قبل ايام الزواج لاتكلميـــنه تـــــــرا يصير بيوم العــرس ماله شمـــــهـ طعــي اشـويري لاتكلميــــــــنهـ ولابعد يمكن تقلين كلمــه ينقــــد عليــه ولايستــحـقرتس ولاالعكـــس << وبكفيتس انا علمتس ولاتقلين قهر ايام عمــرحلوه ولااسـوي مثل البنات الحين اعيال تغيرو مثل ماقل اخوي ذاك مادري وش اسمه ^ ^ ^ اولااااه لاتسمعين الا كلامي >>تحمست الله يخوي عــدوتس لو انا عندتس تسان امعط شوشتس من الحماس!! موضوعتس المفروض بساحه مفتوحه بوب اخبار ابريده ياحبيلتس بعد والله يوفقتس ويسخرهولتس ولايعرسس عليتس ابد |
لاتسئلين احد احسن لك
وانتي شوفيه عنه اذا هو يشك بالواحد لاتكلمينه وترا هو ماراح يتزوج الا وهو فاهم وخلاص متملك عليك وانصحك تكلمينه وتكثرين بعد المكالمات لان هذي قبل الزواج وافهمي وش يبي منك وهو يفهم وش تبين منه واذا ماصلحتو لبعض كل واحد بطريق قبل مايدخل عليك |
المكالمات قبل الزوج تكون بضوابط .. يلزم الفتاة أن تتحلى بها ..لأنه يعكس نظرة الشاب لها .. تستطيع بهذه الفترة طلب أي شيء ..>> فهو بوقت حاضر وتامرين أمر .. وعدم الإندفاع من الفتاة أمر مستحسن .. وفقك الله لكل مايحب ويرضى |
اقتباس:
يا اخيتي انا قلت هالكلام بردي الاول انتي تشوفين مجتمع البنات واللي حاصل فيه كل ما اخافه انه يشك فيك وإلا احد ينبهه لهذا الشي من اصدقائه حتى ولو كانت نيتك سليمه وانك تكلمينه على اساس انه زوجك عموما هذا رأيي وانا اقول هالشي والله كله خوف عليك من اللي ممكن يصير |
اقتباس:
جزاك الله ألف خير أخوووووي والله نبهتني على شي كنت غافله عنه |
السلام عليكم ورحمة الله وبركاته ,,,
المكالمات قبل الزواج أمر أعتاد عليه البعض أنه أمراً عادياً , ولكن رأيي الشخصي أنه قد يترتب على هذه المكالمات أمور تنغص الحياة الزوجية بسبب عدم فهم نفسية وشخصية الشريك للآخر , فتحدث أمور لا تحمد عقابها من طلاق وغيره , و ترجع تلك الأسباب الى ظروف غير متوقعه وأحيانا اسباب تافهه . ــالمتألق |
اقتباس:
وأشوى إني مو عندك عشان ماتمعطين شوشتي:d ياقلبي إن شاء الله إنه مو حاقريني ولا مستحقرني لأني بالأول والأخير شخصيتي بتظهر عنده سواء كلمته أو ماكلمته:oo لكني مترده كثير أحد ينصح وأحد لا وأنا محتاااااره .؟؟ وياليتك عندي عشان أمطخك ع هالحمااس والله حسستيني بجد بخوفك علي وكأنك أختي الله يخليكي يارب(h) |
اقتباس:
أخوي هذا اللي مخليني مؤيده للأمر نفهم بعض مبدئياً قبل يوم الدخله حتى مايروح شهر العسل ع سؤء فهم أو مشاكل تافهه... مشكوور ع الرد أخوي |
اقتباس:
أنا بحط ضوابط للأمر والله يكتب اللي فيه الخيـــر.. جزاك الله خير |
مرحبا اختي
بالنسبة للشك اذا ماكان واثق من البداية بك راح يشك أما اذا كان واثق منك مافيه مجال للشك وانا اشوف انه عادي كلميه لكن التزمي بالحياء والله يوفقك ويسعدك |
وصلتني رساله خاصه من اخت لي في الله ولم أستطع الرد عليها لقلة مشكاركاتي تدعيلي بالتوفيق والسعااده جزاكي الله الف خير والله رسالتك ودعواتك فرحتني كثير ..
|
اقتباس:
وصدقت أخوي الحيااء ثم الحيااء والحمد لله هذا الشي من الفطره وليس مصطنع:p الله ييسر أمري وأمر المسلمين |
الف مبروووك لك يالغلااا
والله يبارك لكم ويسخره لك ويجعلك زوجه صالحه وقرة عين له انا من رايي انك ماتكلمينــــــه ابد لاقبل الدخله باايام ولا الحين لانه اول شي مهما تكلمتي معه ماراح تخف من رهبتك اول يوم وثاني شي يمكن يشك فيك وانتي ونعم التربيه الشيطان حريص اخاف يوسوس عليه وبعدين خليها بعدين التعارف يكون عندكم سواليف تسولفون فيها بعد الزواج لان ذا كلمتيه وكلمك يصير عارفك لكن مابعد مايتزوج وده يكتشفك يكتشف اطباعك سواليفك صوتك لو حدت الظروف يكون بينكم رسايل وقليل بعد والله يوفقني ويوفقك ويوفق جميع بنات المسلمين . |
يامراقبين أو مشرفين ياليت تنقلون الموضوع لمكانه المناااااسب لأني جديده بالمنتدى
|
اقتباس:
(f)(f) مشكـــور خيتــــوووو |
اقتباس:
وأمين يارب... صح هذا الشي فكرت فيه إنه يكون بيننا ملل لكن ع آمل تخف الرهبه :eek5 يعطيك العافيه يالغلآآ ع كلامك اللي يثلج الصدر (h) |
اقتباس:
>>وشدعوى يالغاليه لو انا قايله كلام ماينقال:eek5 وانا مااستخدمت الايقونات الا عشان تعرف اني رادهـ وانا مافي شي لازعل وخربيط! ولايهمك راح اطلب من المشرفين يحذفون ردي لجل ترتاحين يالغاليه : 12 |
وشو يشك بتس ويفقد الثقة ؟ وين حنا فيه ؟ خلاص العالم وصلوا القمر وأنتم يشك بتس .. كلمي بس وإستانسي كثيييير جربوا ويقوولوووون أحلى الأيام :d < والعمدة على الراوي :d ننتظر تفاصيل المكالمة الأولى :113: أنتِ في بريدة :d |
الله يصلحكن ويوفقكن اول كانو يملكون بس بالشوفه الشرعيه اما الحين حفلات وحركات حلوه وانا الاسبوع الي راح تكلمت مع ثنتين قالو انهم يكلمون ازواجهم وماشاء الله موفقات اما من ناحيتي لاحب هذا موفقات جميعا وهـ يارب كبر ابنيتي واشوفها عروس امين .. |
اقتباس:
أما وصلوا القمر ضحكت عليها والله مشكوره ياعسسسسل ع الرد الحلووو وأيوه أنا من بريده ;) |
اقتباس:
نورتي يالغاليــه(h) |
اقتباس:
|
اقتباس:
|
نصيحه لوجه الله وبكره تتذكرين كلامي وتدعيلي ان شاء الله لا تكلمينه لا تكلمينه لاتكلمينه واذا انتي مصره على انك تكلمينه تحميل العواقب بعد الزواج والميدان يحميدان ووثاني شي تره اكثر اللي صوتو انك تكلمينه ترهم بزران تدرين ليش لانه لو واحد عاقل ورجال مقل كلميه لانه بعد الزواج يبدا الرجال يوسوس وهذي طبيعة اكثر الشباب
|
اقتباس:
وثاني شي انتي وش عليه مستعجله عندي احساس انه بعد المكالمات تطيحين من عينه او انك تجلسين شهرين بلكثير ويمسك الباب وقولي مقالي |
اقتباس:
وليه حطيت اللي موافقين بزران يااخوي انا ماراح اشك اذا كلمت زوجتي قبل الزواج وانت على طول تحط الناس على كيفك وبعدين انت راايك لا وراي الثاني ايه كل واحد يمشي على كيفه ولا بعد تبي تجي وتمشيهم على كيفهم |
اقتباس:
ولا بعد تبي تقول شي :confused: |
طيب ليش يشك وهو كلمني وأنا زوجته ومملك علي ماكلمني وانا خطيبته فقط
يعني إذا وافقت أكلمه معناها إني متعوده والله مايفكر بكذا إلا المتخلف .!! |
اقتباس:
هو مااخذك الا وهو واثق فيك وسائل عنك وعارف انك بنت رجال وماتكلمين انا انصحك تكلمينه وتعرفين وش يبي منك وهو يعرف وش تبينه منه وان شاء الله تبي تدوم المحبه اللي بينكم والله يوفقك يارب |
اقتباس:
لكن ليه مايترفع الشباب شوي قديمة هذي القاعده اللي كلمتني كلمت غيري :( كلمتك لأنك زوووووووووووووجهــــا بعد مابقى إلا يقولون مارضت تتزوجني إلا لأنه سبق وعرفت رجال فوافقت علي :d |
وبعدين انتي صرتي له خلاص
ومتملك عليك صار مثل زوجك بعد الملكه ايه كلميه اما قبل الملكه هو راح يشك فيك لان ماتملك عليك ويقدر يبتعد عنك |
الله يوفقك ويسعدك يارب انا اللي اشوفهم مكلمين بعد الملكه هم اللي مووفقين ماشاء الله واللي ماكلمو بعد الملكه وهم لهم شهر انواع المشاكل كلميه لكن بحدود احسن لك علشان تعرفين طبعه ويعرف طبعك والله يسر لك امرك
|
اقتباس:
طبعا الموضوع له ايجابيات وسلبيات من عدم احترام هذه العلاقه وعدم استغلالها بطريقه صحيحه يعني تنقضي في تفاهات فهنا تفقد قيمتها تفقد طعم الحياة الزوجيه بعد الزواج والله كثير من البنات تدهورن من العلاقات الهاتفيه راح تفكير البنت ان الزوج بيكون العصا السحري لانه من المكالمات قسم بالله خربة بيوت بنات بعد الزواج 4شهور سبحان الله يبدا الزوج يكره ويوسوس انه تكلم احد قبله واذا انتي موب مقتنعه لتخلينن اتعب اكتب على الفاضي |
اقتباس:
وبعض الشباب مو كلهم يشكون بزوجاتهم واهم ماتملك عليها الا وهو واثق فيها ويدري انها ماتكلم شكلك متزوج وكلمت زوجتك بعد الملكه وشكيت فيها وهي ماسوت شي :confused: |
اقتباس:
واذا انا مملك عاد خلاص اروح لم ابوها واقوله ابي المهر وبنت خله لك وانتهة السالفه واذا ميبي يعطين المهر يحترق هو بنته وش تحسب اذا ملك الواحد خلاص البنات نشبة بحلقه يكثرهم اللي يطلقون قبل الزواج بسبوع واحد |
اقتباس:
آمين يااارب جزاكي الله ألف خير ع الدعااء وهذا اللي أبيه لاأكثر:eek5 أما المكالماات مقتنعه فيها لكن لازم يكون فيه شوي تردد :bad الله يعطيك ألف عااااافيه |
اقتباس:
خلاص سكر الموضوع رايك لا وانا ايه وانتهينا الله يخليك :mad: |
أبو ولع المكالمااات المقصد منها التفاااهم والإندمااااج يعني أتعود عليه بالتدريج وبحدود يعني مانتطرق لأمور ....!!
يعني فيه حدود ومكالمااات مو طويله بس آخذ عليه هذا المقصد فقط نتكلم عن شخصيتنا وأطباعنا ووش نحب ووش نكره وتخطيطنا لحياتنا المستقبليه ووو أما من هذي يبي يشك ماأعتقد بس اعتقد إذا تجااوزت حدودي معاه وكنت جريئه أكيد بهالحاله يبي يشك..!! |
مايحب اللقافه
الموضوع للحوار والنقاااش وللأخذ والعطا ويشرفني تواجدك في متصفحي |
اقتباس:
ويقلبي لتسعى بهدم بيوت الناس بسبب كيبورد من خلف الاشاشه والله يوفقه ان شاء الله ويستر عليه ويسر امور زواجه ان شاء الله يكون بحسن حال |
اقتباس:
تعلم الكتابه اللحين وبعدين تعال وعلمنا |
يختي شوفي .. حتى بعد الزواج لاتكلمينه عشان مايشك بأخلاقك !
ولا تدرين .. لاتكلمينه حتى تزوجون بنتكم الجاية إن شاء الله بعد عمر طويل ! :confused: وش هالسؤال ياختي ؟ أختي بما أن الرجال متملك عليك فهذا هو الزواج بعينه . يعني لو يجي ويمعطك من شوشتك ويسافر بك شهر العسل مافيها شيء . كلميه وخذي راحتك وتكلموا عن حياتكم المستقبيلة وخلوا كلامكم عام وانتبهي أن تدخلي معه في جدال حول أي شيء يخص البيت أو الأهل أو غيره . وانتهبي أن تفرضي عليه أمورا قد تدخل الشك في نفسه فمثلا لاتقولي له : لو اركب مع السواق عادي ؟ لو اروح لسهرة مع صديقاتي عادي ؟ لو البس عباية نوعها كذا عادي ؟ اتركي جميع هذه الأمور بعد الزواج تجي على حسب الظروف . حتى ولو كان زوجك شاب زقرت يعني ( كول ) بلغة العصر .. ترى يبي يفكر مليون مرة بكلامك بينه وبين نفسه . الله مير يوفقك ويرزقنا . |
^^^
الدعوى به معط شوش هههههههههههههههههههههههه |
اقتباس:
|
اقتباس:
كل شي يبي يتظح بعد الزواج نصيحه انسخي الردود حقاتي وحفظيهن عندك وشوفي نتيجة المكالمات بعد الزواج وتذكري الردود حقاتي وكل شي بتشوفينه صحيح |
قااااانون السيطره سلمت ع الـــرد الرائـــع...
وياليت اللي ماعنده رد يقرآ ويطلع ومايكتب شي ويفرجنا ع أسلوبه الدال ع شخصيته..!!! |
اقتباس:
تشوفين أنتي :d والله أن شك بك هذا دليل أنه يكلم :113: كلن ينااظر الناس بعين طبعه والله يوفقك يارب :) |
اقتباس:
|
مالدعى الى المكلمات اذا كانت كلها مزيفة ومجاملات هويبى يعطيك احسن ماعنده وأنت بعد وتعالى قابلين بعد الزواج اذا خلصة الطفة فيك تطلع العلوم:( وأنا اوفق اخوى {ابو ولع} |
أختي نصيحه لاتكلمين
أنا ماجربت بسسسسسس كثييييييير تحسفوا قالوا ليتنا ماكلمنا لانه شي طبيعي انك بتكونين غير قبل الزواج والرجل كذالك وبعد شي طبيعي بتتغيرون كلكم مو انكم تبي تتغيرون انه شي شين وبتنقلب حياتكم جحيم بسم الله عليك لااااااا بسسسس لانكم صرتوا تمونون على بعض أكثر وهينا تبداء المشكله لانه راح يقولك وين قبل الزواج كنتي وكنتي وأنت بعد يعني مانظلم الرجل |
شوفي يابنت الناس:d انا من اشدالمعارضين للمكالمات ماقبل الزواج والاخوان ماقصروووووا اذكروا الاسباب:eek::eek:
|
اقتباس:
ـههههههههههههههه ..:113: |
شفتي اني على حق وكلامي في الصميم
|
لالالالالالا انتبهي لاتكلمين والله اني ناصحة لك وعن تجربة اختي وخالتي تعالي شوفيهن والله في حاله يرثا لهن معا اني تعبت وانا انصحهن بس ماسمعن كلامي والله انهن اتعس حياتهن يعيشنها الحين والله مانشوفهن الاقليل وهذا بسبب الشك واختي ماتكلمني فشلها عند الناس صديقات عمرها تركنها لانه يشك في المكالمات حتى هي صرحت ومتحسفه بس وش الفايده والله اني اقولك من امر الواقع وليست نقل والله مارح تكبرين في عينه الا اذا رفضتي تكليمه وراح تشوفين وش يقول لك بعد الزواج حتى لولزم عليك ارسلي اخوانك وقولي انا استحي والحياة شعبة من الايمان والله اني لك ناصح الله يوفقك في زواجك |
كفايه جروح
اولاً .. اسأل الله أن يوفقكِ ويبارك لكِ ويبارك عليكِ ويجمع بينكما بخير .. ثانياً .. هناك أمور أهم من المكالمات قبل الزواج .. كمعرفة حقوق الزوج وماله وماعليه .. ويجب أن تضعي نصب عينيك أنه جنتك ونارك .. يجب معرفة كيفيه كسب الزوج وإرضاءة خاصة في هذا الوقت الذي كثر فيه حالات الطلاق .. يجب أن تبحثي عن كيفيه كسب إحترامه وتقديره لك قبل كسب قلبه وحبه لكِ .. يجب أن تعرفي أنكِ ستدخلين حياة جديدة ومختلفه كلياً عن حياتكِ السابقة .. لذلك يجب عليكِ أن تستعدي لهذه الحياة وتقبلها وكيفيه التعايش معها .. والحديث عن هذه الأمور يطول .. وأنا واثق أنه لديك خلفيه عنها ولكن هو من باب تذكير الأخ لاخته فقط .. ثالثاً .. بالنسبة للمكالمات .. فمن الخطأ أخذ رأي الغير فيها , فهو أمر يخصك لوحدكِ وثقي أنكِ ستفعلي ما أنتي مقتنعه به .. حتى لو كان مختلف عن كل الاراء .. لكن إن كان ولا بد فنصيحتي لك .. وكلامي هذا من تجاربي الخاصة وليس تجارب الغير .. لاتكون المكالمات بطلب منكِ أنتِ .. بل إجعليها بطلبه هو .. فإن طلب فإجعليها اولاً رسائل لأيام وبعدها مكالمات إذا هو طلب .. أما أنتِ فلا تطلبي مكالمته ابداً .. وعند المكالمات .. لاتستمعي لرأي فلانه وعلانه .. بل إستمعي لرأيه هو , ولا مانع من مناقشته إن لم يعجبك رأيه ولكن مناقشه بإحترام وتقدير تشعيريه برجولته وأنه هو صاحب الرأي الاول والأخير .. وبالنسبة لردود البعض هنا وان المكالمات قد تكون باب ومدخل للشك عند الزوج فهذا أمر خاطىء ولا يفكر به إلا من هو مصاب بمرض الشك .. والشك قد يأتي حتى بعد الزواج وإن لم يحصل مكالمات .. ولكن للتجنبي هذا المرض وأن لايصل إليه زوجك هو أن تبتعدي عن مواضع الريبة والشك .. ومواضع الشك عند بعضهم كثيره ومنها ماذكرته أحد الاخوات هنا .. ومنها عند مكالمتك له لاتضعي شروط ومتطلبات ,, فالشروط وقتها عند الملكة فقط .. والمتطلبات تأتي بعد الزواج بالتفاهم والهدوء وبعد معرفه وفهم الزوج جيداً ... بإختصار إذا هو طلب مكالمتكِ فكلميه وإن لم يطلب فلا تطلبي مكالمته ابداً .. ولا اقول ابداً من باب الشك ولكن لأن المرأة تتصف بالحياء أكثر من الرجل .. ولتكن هذه الصفة معك قبل الزواج وفي ليلة الزواج وبعد الزواج ايضاً .. اخيراً اعتذر على الإطالة ولكن لاتنسي أن تدعي لنفسك كثيراً بأن يوفقك الله وأن يسخره لك ويسخركِ له ولا تنسي أن تحمدي الله أن وهبك زوج .. اسأل الله لكِ التوفيق والسعادة ( ولا تنسون تعزموني ) ورحم الله والديكِ ووالدي زوجكِ |
اذا طلب منك فما فيه اي مانع هو زوجك وحلالك!!
عن نفسي ؤأيد وبشدة لأنها قصيرة ومن اجمل لحظات العمر اللتي لن تتكرر في نظري فلذلك عيشيها واستمتعي لحظة بلحظة:p وعلى فكرة ترى شباب هالزمن تغيروا مو مثل منول معقدين فلاتخافين بس احذري تبادرين او تتهورين خليك متوازنة لا متعصبة وعقل زايد يحسسه انه تزوج امه ولا مخفة وعلى الشيلة :dخخخخخخخخ وعموما يرجع لذكائك وحكمتك بس هذا رايي مع كل احترام:) |
لا والله كلميه واستانسي مدام هو رجلك وطالب منك تكلمينه كلمه واستمتعي بكل لحظه معه لأنه اجمل اللحظات ولاحقين على الشقى :d
والله انا اعرفلك بنات مشاء الله عليهم والله يتمم عليهم يكلمن رجالهن قبل يتزوجن والحين عايشين اسعد عيشه ومعهن بزارين مير وحده منهن اذكره قبل تزوج والله الجوال دايم بأذنه وما يسكره منه ابد و ندخل عليه ونهبل به وتحمق .. اما الشي السلبي بالمكالمات انه يبيك دايم معه وتكلمينه وانتي بالفتره هذي تكونين مشغوله بالتجهيز اذكر بنت خالتي تقول ليتي ما خليته يكلمن الا قبل الدخله بكم اسبوع لأنه اشغله وهي مختبه بالتجهيز وطلعات السوق:d واستخيري قبل كل شي .. والله يوفقك ويكتب لك الخير حيث كان .. ويجعله حياة سعيده بأذن الله عليك.. والفال لك العزابيه بالمنتدى من صبايا وشباب :d والله يسهل امري ياررررب .. : 12 |
انا من المؤيدين
|
شويري / شويري / شويري / شويري / شويري عليك لا تكلمينه هو زوجك الله وفقك لاكن المكالمات تذهب طعم الزواج وربما تتاول لشئ آخر لاسمح الله بعد حين
كمن واحد افترق بسبب هذه المكالمات ترى ما يضر اذا صبرتي |
حتى لوكنتي املكه وحلال عليتس يضل هو غريب ومحس بووه وحده تجرأ تسولف مع غريب الا منملده الا من رحم الله فامن رأيي تتركين سالفة التعرف عقب العرس وانتي أبخص بروحتس عاد .. الله يوفقك ويسخرلك
|
هههههههههه أتوقع إن نص اللي اقترحوا عليك ما أعرسوا :090:.
عموماً الله يوفقك. |
رأيي إنك ماتكلمينه ..ترسلين رسائل فقط.. أفضل .. لكن إذا كلمتيه أو كلمك .. وجاء يوم العرس .. ماله طعم مافيه سوالف جديدة .. ما كأنك عرووسه .. ...... وأهم شيء أكثري من الدعاء وقراءة الأذكار .. وأسأل الله أن يوفقكم ويكتب لكم السعادة .. |
..لا.. لأنه في الغالب يسعى كلا الطرفين لتجميل صورته أمام الآخر فينكشف ذلك بعد الزواج . . . . . . . وفقكِ الله وأسعدك وجعلك قرة عينه وسعادته |
اقتباس:
اصحاب العقول براحة.. |
كل على حسب بيئته وعاداته والوضع اللي متعود عليه
لحد يسوي شي الا مقتنع فيه ارى قبل الزواج باسبوعين جيد وتكون لحاجه واستشاره والمكالمه قصيره وليست يوميا . . |
بالنسبة لي أحس أنها صعبه ..... حتى يكون ليوم الدخله طعم
|
اقتباس:
الله يعطيك ألف عافيــه(f) |
اقتباس:
لكن الشي يعتمد ع شخصية الرجل والشك مرض الله يكفينا شره.. سلمت غاليتـي ع ردك ونصحك (f) |
اقتباس:
صمت النآر أقسم بالله كلامك يثلج الصدر وتمعنت فيه حرف حرف وعجبني رآيك وكأنك تقول مابي داخلي :) جُزيت خيراً أخوي.. وأبشر بالعزيمـه |
اقتباس:
مشكوووور آخوي ضايق الصدر والله يشرح صدرك ويسعدك(f) |
اقتباس:
سلمت ع الرد أخوي والله طيك ألف عافيــه وآمين يارب التوفيق |
اقتباس:
وجزاك الله خير ع الدعاااء (f) |
اعرستي وقضيتي وعيلتي؟؟
والا الا الحين بلموضوع؟؟:re علمين عشان اقول رايي:) |
اقتباس:
|
أخيتي بل وغاليتي كفايه جروح... كل إنســـــــان بهالدنيا يختلف عن غيـــــره... ولكن رأيي الشخصي وشفت ان الكثير على شاكلتي... لااااااااااااااااااااااااااااا وألف لاااااااااااااااااا إنتبهي يالغــــــــاليه.... وربي يشهد علي إني أبي لك الخيــــــــر ... وأسأل جبار السماوات والأرض أن يقر عينيـــــــكـ بسعادة الدنيــــــــا والآخرهـ.... اللهم آميــــــــــن |
اقتباس:
نفس الرأي أما رهبة الزواج فلابد منه |
اختي كفايه جروح
الافضل تكلمينه لان في الوقت هذا اهم شي لتعرفين عليه ويتعرف عليك _ هو زوجك الحين اذا كان الشاب ثقه ليش اكبر الموضوع _ انا سألت شخص عن موضوع المكالمات في هذه الفتره وهو شخص متخصص العلاقات الاسريه والزوجيه قال مافيها شي وهو الافضل انا ما نصحتك الا عن تجربه _ نصيحه منى استفيدي من هذه الفتره استفيدي من المكالمه في طرح المواضيع الزوجيه او قرأت الكتب المتخصصه في العلاقات الزوجيه وغيرها الكثير ولا تكون المكالمات كثيره خصصي بينك وبينه يوم او يومين في الاسبوع استفيدي من الوقت في قرأت الكتب او دخول مواقع متخصصه في العلاقات الزوجيه راح تستفيدين كثير عن تجربتي _ الشاب اقدم على الزواج لانه يريد ستر نفسه ويريد الزوجه الصالحه والسعاده في النهايه اتمنى لك حياة سعيده ودايم بحفظ الله ورعايته |
انا بصراحة مستغربة؟!
صرنا حتى الحلال اللي احلة الله ورسوله نطلع فيه مليون علة؟!! اللي يقول يشك فيك والله يقول ان استجبتيله فهذا دليل على انك معتاده على هالشي؟!! هذا ان دل على شي دل على ان العادات والتقاليد هي اللي تتحكم فينا وليس ديننا وشرعنا هو مايحكمنا؟! وفي المقابل فيه تناقض واضح يطرح امامنا عدة تساؤلات؟!! شي بغيت اذكر فيه الشباب اللي مايأيد ويعتبر استجابة البنت دليل على اعتيادها او تساهلها,, وهو كيف تشك بإنسانة طاهرة وعفيفة لمجرد استجابتها لمكالمتك,, وبنفس الوقت تناقض نفسك وماعندك اي مانع تتزوج امرأة من اي جنسية ثانية وترضاها ام لأبنائك رغم انه الله اعلم كيف كانت طريقة التعارف ثم الزواج بينكم؟!! وفي المقابل كثيييييييير على بنت بلدك الطاهرة العفيفة ان تستجيب لشيئ شرعه الله ورسوله فقط لمجرد انها قبلت ان تحادث شخص لاول مرة تكلمه؟!! وعلى فكرة البنت اللعوب بستطاعتها تصنع العفة والظهور بمظهر الطاهرة اللي على نياتها وماتعرف شي لانها يوم قدرت تصنع علاقة مع رجل غريب وتخدع اهلها وتخونهم بدون مايحسون عليها بشي في المقابل بستطاعتها خداعك ايضآ فالأمر بسيط بالنسبة لها وليست محتاجة لمكالمتك حتى لا تشك فيها وتعرض حياتها الزوجية للخطر فهي بكل بساطة (شبعانة) من غيرك وحريصة وحذره معاك!! مشكلتنا اننا نضع اللوم على العادات والتقاليد.. ولا يفهمك غلط ولايفهمك صح!! وبالنهاية لم نعلم اننا نحن من صنع هذه العادات والتقاليد اللتي اودت بالبعض للشكوك اللتي لا اساس لها والطلاق؟! الا متى سنسمح لهذه العادات بستعبادنا والسيطرة والتحكم بنا حتى فيما احل الله لنا؟! وفي المقابل الناس اللاعبين العطشانيين للعاطفة لاقينها فهم مستجيبين لهذا الكبت ارضاء للمجتمع والعادات (فيما احل الله!) من هنا,, ومستمتعين آخر استمتاع (بما لم يحل الله!) لهم من هناك؟!! وبالنهاية يقعد فيها الناس الطيبين فينحرمون مما احل الله ويستغلها المكارين الخبيثين بما لم يحله الله! شي يعور القلب حقيقة:eek5 واتمنى تكونوا فهمتوني واستوعبتوا قصدي صح اما نصيحتي للبنات فالموضوع راجع لذكائك انتي بستطاعتك تحديد مايناسبك ويناسب حياتك مستقبلآ فلا انا ولا غيري يقدر يتخذلك اي قرار,, فأصابع يدك ليست واحدة ورأي اي شخص بيكون متأثر بحالته او تجربته الخاصة فلذلك شوفي نفسك وايش يناسبك واتمنى من الشباب والشابات ان لايكونوا عبيد لعادات وتقاليد نحن من صنعها وليس لديننا فيها شأن او اصل فنحن لبنة المستقبل ونحن من بستطاعته صنع مستقبل جديد نظيف يتحلى بحسن الخلق وحسن الظن والتربية السليمة الخالية من اي قاذورات واوساخ وشكوك وسوء ظن وسوء خلق فكل يبدا بنفسه كي نرتقي ونصعد لأعلى مراتب النجاح والتفوق وهذا لن يتحقق سوى بحسن الظن بالله سبحانه وتعالى فمن احسن الظن بالله فقد احسن الظن بالناس.. |
التكليم لايقدم ولا ياخر
الله يوفقك |
اقتباس:
:41:41:41 طبعا ما نعمم ولكن خذي الحذر أفضلك |
سوي الي يريحك
بس افضل بالنسبه لي انه مايكلمه خلوا السواليف والتعرف بعد الزواج اطعم وشعور الخوف حلو الله يوفقك |
ههههههههههه لاحول لله مكالمات وفيها منه بعد لو يجي يطق باب بيتكم اخذك ترى العرس وقصر وعزايم وخساير هاذي العادات اجبرتنا نسوي كذا انتي الان زوجته وبأمكانه ياخذك من بيت اهلك الحين يعني لازم تعذبينه ليوم العرس كلميه واستانسي واذا مااثث شقته بأمكانه يسئلك ويشاورك بالالوان والاشياء اللي تبينها فكووووووووووووونا من العادات الواحد حتى شوفة شرعيه مايشوف ولايكلم يفاجي بمخلوق غريب واقف امامه في ليلة الدخله |
اعتقد ان المكالمه ضرورة ملحه ليس من صالح الفتاة ان تلتقي بزوجها وهو شخص مجهول بالكامل المكالمة تعمل على تقليل الحاجز النفسي بينهم وتمهد للقاء يوم الزواج اما من يقول ان الشباب يشكون وما ادري ايش فمع احترامي هذا كلام عجز |
اقتباس:
إذا شك بي عقب العرس .. أبرك الساعات , أحسن لي ما أكمل مع شخص موسوس بس يشكك بي على اتفه الأسباب وعلى أشياء قد أحلها الله لنا كـ مكالمات ماقبل الزواج .. وهذا ان دل دل على انه هو يغازل :d (h) |
يا عالم وش هالتفكير ؟!! البنت تقول (( بعد الملكة )) هل أكلمة أو لا ؟ يعني زوجته .. ثم نتفاجأ ببعض الإجابات المتخلفة (( يمكن يشك فيك )) !!!!!! يا ناس ذا تفكير ؟ الحين زوجته ويقول لا تكلمينه يمكن يشك فيك .. أجل على هالحال بعد الدخلة وشهر العسل كله لا تعطينه وجه أبد ؛ لأنه راح يشك أنك تطلعتي مع شاب قبل الزواج :d .. آسف أختي على التعبير ، بس والله مقهور من هالعقليات ، وما أقول إلا الله يعين (( بنيات الحلال )) على هالعقليات المتحجرة . ونصيحة لوجه الله لك ولكل بنات الحلال اللي مقبلات على الزواج .. لا تسمعن لإملاءات المتخلفين الذين ما زالوا يفكرون بسطحية للأمور ، فإن لم تسعد الزوجة مع زوجها وإن لم يسعد الزوج مع زوجته ، فمتى سيسعدان ؟ فافعلي كل ما تريدين مع زوجك وانعمي بحياتك معه وقت شبابكما - طبعا دون تعد لحدود الله - ، فتلك الأيام لن تعود إليك ، فاغتنمي كل ثانية فيها وعيشيها مع شريك حياتك بكل سعادة . وفقك الله أخية ،، |
اقتباس:
هههه لا ياأم الموذي للحين ماأعرست قولي رايك:d |
اقتباس:
سلمت عزيزتي ع إبداء وجهة نظرك .. شاكره لك (f) |
اقتباس:
جُزيـت خيراً(f) |
اقتباس:
صدقتي غاليتي البنت اللعوب تقدر تتخفى بمنظر البنت العفيفه الطاهره حتى في مجتمع النساء هذا الشي ظااهر والله كلاااامك درر وعلى العين ومعاكي حق في كل كلمه حتى الحلال صار فيه تشكيك:bad الله ييسر آمرك غاليتــي(h) |
اقتباس:
|
اقتباس:
صدقت الزواج من الشوفه الشرعيه ليوم الزواج وبالأخير ليه كثرت نسبة الطلاق:confused: شاكره تعليقك أخوي |
| الساعة الآن +4: 01:29 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.