|
ورش الميكانيكا قصص وتنبيهات
السلام عليكم
طبعا الموضوع واضح الكثير منا حصل له ماحصل من العماله من الغش في صيانة السيارات والكثير منا يثق بالعماله ونود المشاركه بذلك حتى نستفيد من بعضنا البعض حول الغش وطرقها الملتويه وماالحل في ذلك فمن حصل له قصه فل يطرحها هنا ليستفيد الجميع والشكر مقدم لمن يشارك. |
لا تروح للشارع التجاري وتسلم من الغش
روح للورش اللي يشتغلوا فيها سعوديين مثل اللي بطريق خضيرا |
الغش عن الاجانب زي السلام عليكم
|
(من غشنا فليس منا)
|
اقتباس:
لا والله |
السلام عليكم
اقرب مالك الوكاله ينطلونك وانت ما تدري اعرف واحد سمع ان الوكاله يسرقون بعض القطع ويركبون تجاري قبل ما يدخل موتره الوكاله شرا قلم وحط على كل قطعه نقطه عشان يدري اذا سرقو يوم طلع موتره لقى بعض القطع مسروقه:eek5 |
يالله حسن الخاتمه
|
لكي تتجنب الغش أعرض سيارتك على أكثر من ميكانيكي ..
لكي تسلم منه |
اقتباس:
|
لاتتعدى ورش السعوديين
|
اقتباس:
وشتبي انت:d |
اقتباس:
اولا: انهم غشاشين بطرق معروفه او غير معروفه ثانيا:انهم دائما يغيرون القطعه كامله يعني القطعه ممكن خرابها 20%ولكن يغير 100% على حساب الغلبان. ثالثا:انه بما انهم وكاله فيقولون الشعب ماراح يفكر اننا غشاشين لانها وكاله رسميه وديكورات الواحد يضيع يقول خلاص ماعندهم لعب كل شي رسمي وانا ملاحض ان السعودي يدربي راسه واللي يقوله العامل هو الصح. رابعا: اسعارهم خياليه وشرط اتحدى الوكاله اني القى ميكانيكي افضل منهم ولامقارنه لكن القوي دائما في الواجهه. وانا كنت دائما اطبق كلام اخوي انس جزاه الله خير على التنبيه والشكرموصول للجميع خوي هشام وابوولع وعزوتي ابوي ومايحب القافه وباقي الاخوان المشاركين ولي قصة حصلت لصديقي سااسردها في وقت لاحق لاني مستعجل. |
سوري تركي لا يمرونك .. خاصه إذا كانت سيارتك مرسيدس أو bmw وزي ماقال الاخوان رح لورش السعوديين . أما أنا اقترح على الشباب دورة ميكانيكا أثناء الإجازة المدرسية في مركز التدريب المهني .. وهي على ما أطن تتوفر لمدة شهر واحد . وصلح سيارتك انت . لأن الموضوع بسيط لا يتعدى فحمات + قماشات أو طرمبت ماء أو وزن هواء . وإذا غير ذولي اسأل لـسـ المواطن ـان يجيبك .. بكل شي توضيب قير توضيب مكينه .. توقيت ديلكو . اللي تبي يابعدي . |
طيب يا لـسـ المواطن ـان هل تعرف مواقع عربيه تشرح الميكانيكا وشكرا لك
|
|
أولاً : اشكرك على الموضوع الهادف ولمفيد ..
ثانياً : أنا انصح كل واحد تعطلت سيارته بعطل لا سمح الله .. يشخصها عند أقل شيء ثلاثة مختصين بالمكنيكاء وإذا توافقوا بالتشخيص . توكل على الله وأصلح العطل . أما اذا كل واحد منهم يقول من عنده كلام معناته ما زال فيه تخبط بالتشخيص ويستمر بالدوران على الورش حتى يتوقع التشخيص السليم طبعاً ما يروح الا لورش معروفه بالشغل الزين والسمعة الزينة .. أنا حصل لي قصة قديمة منذ 11 سنة تقريباً وإليكم القصة بالتفصيل : معي جيب باترول اذا اركبه الواحد يقول ما فيه اي شي . بس اذا اخذت مطب وانا مسرع تصرقع الدنياء صرقعة يبدن الكفرات الأمامية يرجن وتنتفظ والقير والدركسون كل شي يستلج .. والحقيقة شيء يضيق الصدر .. طبعاً رحت للمورش كالمتبع عاد كل واحد يجيب من عنده سالفة الي يقول يلزمك تغير دفرنس أمامي مع تغيير القطع الأمامية ويكلف عليك من 400 الاف ريال الى 4500 الاف ريال ، والثاني يقول يلزمك تغير الدودة الي هي دودة الدركسون وتكلف 1500 ريال والآخر يقول يلزمك ركب واذرعة وما ادري ايش ويالله .. والصارحة ما اقتنعت بهم كلهم .. جلست لي مدة وأنا على ذا الحال وللعلم كل الورش الي مريتها على مستوى عالي من الجودة من ضمنهم سعوديين يعني ما اروح لأي واحد .. بالنهاية عرضت الموتر على واحد مكنيكي سعودي جيد اذكر لي انه جيد بس يوم شافه قال السراحة ما ادري وشي العلة لكن ما فيه الا (.......) ذكر لي ناس ما افتحو ورشة للصيانة بس عندهم خبره ويرهمون ومعروفين في بريدة طبعاً رحت لمهم ما صدقت خبر يوم جيتهم العصر قلطون وصبولي من الشاهي وأخذناها سواليف بعدين شرحت لهم سالفتي مع السيارة تصدقون والله العضيم ما بعد شافوه على طول قالو ركب مساعد دركسون وينضبط قلت لهم شفوه وتأكدو فعلاً طلعوا وجزمو أن المشكلة راح تنتعالج بالمساعد اذا ركبته .. وركبت المساعد ما كلف علي 45 ريال مع التركيب.. ويصير الموتر معي زي الساعة .. الحقيقة صارت لي درس بعدها اني ما استعجل ولا اخذ براي مكانيكي واحد ,, المعذرة على الإطالة بس حبيت اذكر القصة للفائدة .. ولله يوفقك الجميع ؛؛؛ |
شكرا لك اخي لسان المواطن
عربي اصيل :هذا من واجبنا انه كل واحد منا يستفيد بدل مايلعبون علينا العماله ويضحكون علينا. اشكرك وهذه اول قصه وبانتضار الشباب ومايقصرون |
هذا صديقي حصل له قصه لكن الخلل اللي حاصل له مادري وش هوبالضبط نسيته المهم راح الشارع التجاري
وقام يلف عليهم ودار كم لفه و شاف هذا التركي قال خل اشوف عنه وش يقول ،وقف عنده سلام عليكم عليكم السلام كيف حالك الحمدلله وقال ابغا تشوف لي السيارة مادري وش فيها قال التركي وقفها في الحفره وقفها رفيقنا بالحفره قام يطالع فيها يمين يسار وطلع من الحفره وقاله خوينا هاه وش صار قال التركي اممم هذي لازم تبغاله يوم خليها وتعال بكره قاله صديقي حاول لعلك تخلصها الحين قال التركي مانقدر تبغالها شغل وبعدين تلفك 300 ريال قلت طيب لازم يعني، قال لازم قلت خلاص .....نكمل |
| الساعة الآن +4: 08:05 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.