|
== الخوف من العين ( النحاته ) ==
ما تلاحظون ان الناس هالايام ذي يخافون من العين ، يعني لو تقول لواحد وش اخبارك قالك قل ما شالله يخاف تنحته ، مادري هي وسوسه او خوف متعدي الحدود ، صح ان العين حق بس موهب لهدرجه ذي واحد من اقاربي يجحد كل شيء مره شفت معه سيارهـ جديدهـ قلت ما شالله مبروك السيارهـ قال يا ابن الحلال ذي اقساط وديون على ظهري ، وبعدين جتن اخبار انه شاريه نقد وكاش ، بس مادري وراهـ يقول لي تسذا ، الحمدالله الناس عندهـ خيـر وبنعمه يعني يبي ينحتون أي شيء ؟ !! مشكلة الصراحه الي يبي يخاف من العين ، يبي يبتل يوسوس وباخر شيء يبي ينعزل عن الناس ولا يخالطهم ، المفروض ان الواحد يتكل على الله ويحافظ على الاوراد وان شالله ما يجيه شيء ... ودمتم |
ضعف الايمان وسوء الضن بالله .
اقر وردك وثق بأن الله سوف يحميك وتوكل عليه ، واللي يقراء الورد ولايثق بالله تجده خائف يضن ان الناس كلهم ضده وانهم لايريدون الخير له وهذا كله من ضعف الايمان شكرا لك موضوع في محله تشكر عليه. |
فعلاً أعرف نآس إنقطعوا عن الإجتمآعآت لهالسبب يورآلهم إن كل شي جآهم عين .. حتىآ لآ أعرس لهم أحد جحدوا أو جآه الوأحد بزر جحد تسن مآيعرس ولآيجيه عيآل غيرهم |
اقتباس:
|
اخي درتي بريدة : اهـــب منيلك هلسلوب شلك با لع مسجل
|
الي يخاف من العين تصيبه لأنه ضعف عنده الأيمان والتوكل على الله وعدم التحصن بالأذكار والله كرهة الكلمه من كثر ماتقالي لاتكشخين لاتتزينين لاتشرين غالي مابقى يقولون لاتنامين تنحتين الحمد الله متوكيلين على الله نؤمن بأن العين حق بس لابد من التحصن بالأذكار |
بعض الناس الله يهديهم يعانون من مرض حمى العين ( طبعا لو تقوله انت تبي تروح >> ادري ماله دخل قال قل ما شاء الله )
طبعا هذا راجع لعدة عوامل: اهمها بنظري 1 : ضعف التوكل على رب العالمين 2 : تربية البيت يعني داخل البيت دايم تلقى كلامهم وتخويف ابنائهم من الصغر من هالشي 3: عدم تعليم ابنائهم اهميه الورد بقدر تعليم ابنائهم الخوف من العين |
من المعروف :-أن من يخاف من العين هو من يصيب بها!!
ولكن اللي غافل وعلى نيته لاتهمه هذه الامور |
صح العين حق بس مو لهذي الدرجة
في ناس عندهم وسواس مو طبيعي الله يهديهم ويشفيهم |
كل مدينةٍ فيها حسد , ولكنها ترتفع نسبياً من مدينةٍ لأخرى , ولدينا في مدينتنا نسبةٌ عالية , حتى لو أنكرهـ البعض , ولكن من شهد تلك الوقائع بأسباب العين , لصعق عقله , وأصبحت العين هاجساً مخيفاً له , فكم أجسادٌ تهالكت , وكم بيوتٌ هدمت , وكم أمراضٌ أستعصيت بسببها , وكل هذا يعود للفضول والتدخل في خصوصيات الآخرين وحب الإستطلاع ومعرفة الأمر أكثر من اللازم , والجواب العظيم والكبير وهو الشاهد .. قولك أنت ايها الكاتب : [ وبعدين جتن اخبار انه شاريه نقد وكاش ، ] . . فهذا الكلام ينهي كل تعجب ! ولا ننسى المحافظة على الأوراد اليومية .. وهذهـ مصافحة لأن نبتعد عن خصوصيات الناس أو النظر لبعض حالهم , فليس ممكنا حينما أشتري سيارة أن أقوم وأخبر الجميع بذلك , ولست ملزماً أيضاً بإخبارهم . ولا نغفل أن نقول دوماً لأي شيءٍ جميل ( ماشاء الله , تبارك الله ) . والله أعلم .
شكراً لتساؤلك . |
العين حق .. واغلب اهل ديرك عيونهم حااارة ..
والسرطان لم ينتشر بالعالم أكثر من دريتك ..!!! هذهِ الحقيقة .. فذكر الله .. وقراءة المعوذات واية الكرسي بكل شي .. كفيله بمنع العين إن شاء الله .. |
كثيرا من يخاف العين يصاب بها الواحد لاقرأ ورده ماعليه من أحد وبعدين ماله داعي أي شي تسويه تمشي وتعلن بالملأ أفعل ماتريد بإسكات |
اضافة لما سبق من تعقيب : ~
عن معاذ بن جبل قال قال رسول الله صلى الله عليه وسلم ( استعينوا على قضاء حوائجكم بالكتمان , فإن كل ذي نعمة محسود ) رواهـ الطبراني |
الواحد لا توكل على الله وقرا ورده ابد ان شاء الله ماعليه ..
|
فعلا المفروض ان الواحد يتكل على الله ويحافظ على الاوراد وان شالله ما يجيه شيء ...
|
صح العين حق بس مو لهذي الدرجة
في ناس عندهم وسواس مو طبيعي الله يهديهم ويشفيهم امين |
أي وآلله صادق النآس الحيـن أي شي عينـ ..
لأوجعتهم روسهم قالووا روحواالشيخ ذي عين<<المشكله مابه شي يلفت النظر وعياهم كل الوقت غازيات وشبسآت لاجاهم مررض من هالخرابيط قالواا ودوه لشيخ جاه عيـن انا أعترف ان العين حق بس عاد بحدوود واشيخ هو اللي يحدد أن ذي عين ولا لا الله يشفي كل موسوس |
في المثل العامي (من قرصه الثعبان خاف من الحبل) نعم كثير من الناس يخافون من العين لانها انتشرت بكثره فالمدارس تخبرك والمستشفيات والحالات المحزنه عند الرقاة وغيرها كثير جداً وربما انها حسد وهذا اشد وانكى ايضاً هناك من لايذكر الله بل يرفض ان يقول ماشاء الله لان عينه بارده كما قال.. ورسول الله عليه الصلاة والسلام يقول [ اكثر اهل امتي يموتون بالحسد] اذكر ان احدى النساء قالت [ احس ان العائله الفلانيه ماتيجيهم عين ابد لإن ابوهم مايخلي الاذكار ولا يوم نساهن وهذه العائله اتتها من المصائب ما الله به عليم حماهم الله] |
الله يعين الناس وياغالي انت خاف ربك واقرا وردك وانشالله ماهو صاير شي بس اهم شي خف ربك واتقيه ولا تظلم احد و توذي احد وانا لي عندك حق بس حسبي الله عليك وانت من غير ماتظلم احد مبلي فانصحك وانصح كل واحد يخاف ربه زين ولا يظلم الناس
|
| الساعة الآن +4: 09:39 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.