سيدي صـاحب السمو أمير المنطقة، هل تشعرون برداءة طرق بريدة في سياراتكم الفارهة ؟!
 

السلام عليكم ورحمة الله وبركاته . .

سيّدي صاحب السمو الملكي أمير المنطقة حفظه الله . .
سيّدي صاحب السمو الملكي نائب أمير المنطقة حفظه الله . .
سعادة أمين منطقة القصيم حفظه الله . .

أشكر لكم جهودكم الكبيرة في السعي الحثيث لإرضاء المواطن،
من حيث تقبّل النقد والاحتياجات التي يرغب بها أبناؤكم . .
فلكم من الشكر أجزله، ومن الدعاء أخلصه . .

وبعد . .

يعاني المواطنون من أبنائكم وبالأخص أصحاب السيارات الصغيرة
من خسائر فادحة من ما تتسبب به ردئ السفلته أو قدمها من حُفر ومطبات عشوائية
في أعطال متنوعة في السيارات الصغيرة التي غالبها قد اشتراها أهلها بالأقساط
وذلك لقلة ذات اليد في غالب المواطنين !
ثم ما يلبث أن يمر عام واحد على عمر السيارة إلى وقد احتاجت لصيانة المحركات
التحتية فيها من كراسي الماكينة والعكوس والمقصات وغيرها من ما يخفاكم . .

أسيادي . .
نتطلع إليكم بوقفة كريمة مع هذه المشاكل في الطرق والتي لا نراها إلا في منقطتنا فقط،
ناهيك عن تلك المطبات التي لا إنذار يسبقها والتي من وطئتها تُسقط الحامل جنينها !

شكراً لكم على كريم أعمالكم .
إبنكم المواطن : نـورس .

والله لو نمشي في ردميه يكون افضل

والله اللي قاهرني شارع اللي يروح من اشارة المحكمه الى شرق كبري الهديه

كله مطبات ولا فيه عيون القطط والمشكله صارله تقريبا 7 سنوات

وعندك حي الفيصليه وعندك شارع السالميه وعندك الرفيعه وعندك الفاخريه

كل هذه الاحياء يبغاله صيانه

ودمتم بوددددددددددددددددد

البلا بوزاره النقل قسم بالله ..


فيه طريق بالعوشزيه مابعد فتح .. وإسلفت 500 متر منقطع من كل الجهات وفوق كذا مخطط وعيون قطط وحركات

وحنا الدائري الداخلي الي هو حي مشعل ماحط به شي !!!!!

:41:41:41:41:41:41:41:41
صح كلامك كل ماجت ميزانية لتطوير تقاسموها
بس وقفو شوفو بريدة شوي يكفي الي اخذتوه
حسبي الله عليكم
جعلكم ماتتهنون بالفلوس الي تاخذونها عيني عينك:(

ولله انك صادق

لو تلاحظ كل مشواير الامير معروفه وكل الشوارع اللي بطريقة مزفلت زفلته ما عندك احسن منه ... واغلب الروحات بالدائري .. وشف الدائري انواع الزين بالشارع
ولكن حنا موطي وجهنا من قبل الرواف وطقته ووزراة النقل والرشاوي الرايحة الجايه .. والله اعلم بالخافي
وتذر يوم قرر الامير انه ياتي ليفتتح حديقة الرفيعه بيوم وليله جاء الرواف وزفلت طريق له سنه واكثر متروك .. وهذا اكبر دليل على ان الرواف ( اخلي التعبيير لكم )

^
كلآم سليم .. :)

والله انكم صادزين
الشوارع ولا بريال
ماغير مطبات وبلاوي الرادميه ازين
وخااااصه(((( خب القبر))))

والله سوال بسيط وبرئ اتمنى سعاده الامين يجاوب عليها
ليش شوارعنا كذا .. ابي اعرف الجواب
ناقصهم فلوس !!!!! وين الميزانيات اللي بمئات الملايين !!

اللي يبي طريقه يعدل
يعزم سموه بمنزله ويبشر بالسعد : )
بس المشكلة ماراح يرتاح الا من الامارة والى بيته
اقترح كل الشعب يعزم عشان كل الشوارع تتعدل

ياناس المشكله موب بس بالطرق انه ماصلحت ولا أحد نظر لها

المشكله حتى في الطرق الجديده
مثل طريق الملك خالد وانت رايح شمال يعني تخلي مشروع الراجحي وراك .... ياناس مصيبه والله مصيبه طريق جديد والطريق شين شين شين شين قوه خربت سياراتنا قسم بالله اللي يجي مع هالطريق يصير به هم وغم

المشكله اللي صايره بالطريق انه مازفلت صح تلاحظون ان الطريق رايح فوق تحت و غطاوي الصرف الصحي يكون الزفلت اللي حوله مرتفع , تمشي السياراه على مطانيج كانك تمشي على مطبات صناعيه

انا ان شاء الله أحاول أحط تقرير مصور عن هالطريق لأني بصراحه كل يوم اذا مرت أدعي علي وزارة النقل ان الله مايوفقهم لا دنيا ولا اخره كسروا سياراتنا وترا حتى حنا معنا سيارات فارهه بعد

ثم ما يلبث أن يمر عام واحد على عمر السيارة إلى وقد احتاجت لصيانة المحركات
التحتية فيها من كراسي الماكينة والعكوس والمقصات وغيرها من ما يخفاكم . .


قصدك من مالا يخفاكم او قصدك انهم مايعرفون للعكوس والمقصات


لكن اهنئك بداية رائعة من هذا الموضوع وقلم جريء

مته يحسون فينا المسئولين ..
قسم بالله كأننا بأفقر دوله على هالشوارع ..

ياناس الى متى هذه المهزله

اذا استلمت الطريق كانك في ردميه او مسابقة رالي والله مهزله

اصبح الناس تعرف مناطق الحفريات الجديدة فيتجنبوها لمعرفتهم بالشركات الخائنه التي تدمر البلد بهذه الافعال

ولا ندري فتتوقع انت حينما ترى هذه السفلته

وخروجها عن سطح الارض

فتعلم حينئذ انهم يزيدون من كمية الاسفلت حتى ياخذون علية اجرة

فاصبح المتضرر المواطن

والتاجر فاجر بفعلته الرديئه ولا يهان العمالة العربيه والاجنبية

وياليت شركات صينية تقوم بهذا العمل فوالله لاندري انحن نمشي على اسفلت ام على زجاج

واتمنى من المسؤولين عدم السكوت لهذه الفعلة الخائنة التي تشوه صورة البلد وصورة الشركات وردائتها

والله الموفق

صوتك وصل ...

شكراً لكم على التفاعل،
وننتظر لفتة كريمة من المسؤولين . .

عفواً . .
حيّاك الله .

لذلك هي سبب انتشار محلات وزن الادرعة وتغيير العكوس ومحلات التربيط

لاكن هل هذه الرسالة وصلت الامير

لا اعتقد

اذا ما الفائدة منها

يجب انت تصل الامير والا لا فائدة منها

كلنا نعلم بتلك الشوارع اللي تحوم التسبد

[ تميز ]

[ تثبيت ]
هكذا يكون النقد ..

أشكرك عزيزي ..

اللي داخل الدايري للبلدية واللي بدائري والطرق السريعة
للنقل اتقو الله قبل الكتابة

الي يقوول ان عندنا شوارع مين
اغلب شوارعنا قفز حواجز
المطبات بكل زاوية
ولمشكلة يحطوون مطبات صناعية تعلق فيها الوانيتات دايم
كل شوارعنا اقرب مسمى لها ان يطلق عليها مطينات اكثر من شوارع معبدة
لا ويقول بالخريطة الرئيسية لبريدة شوارع معبدة :)

ونسيت
الميزانية اللة اعلم وين تروح لكن الي يبي يعرف وين تروح ميزانية الدولة
يطلع ويشوف الاستراحات الي تكلف ملايين

اتمنى انهم يحلون المشكله وهم يدرون مو معقوله مافيه احد من المسؤولين الكبار يطلع ويدور ببريده وبشوارعها الزفت
وش تبيه يقول اذا مر من عند شارع زفت وهو توه امس مزين تذكر وقال ايه ابو فلان هو الي موؤسسته الي مزينت هذا الشارع امس متعشي عنده بالاستراحه ذابحلي ذبيحه
هههههههههههههههههههه

ماشاء الله عليك على حسن المنطق وجمال التعبير اخوي نورس
ان شاء الله يوصل صوتك وصوت كل مواطن للمسؤلين..

وليش تخلي التعليق لنا ؟ الاقول الرواف اكبر حرامي وماسرق بريده الاهو وامثاله

:oo:oo القهر طريق الوسيطاء مادري القاع البارد الي يوديك لهديه المهم كله مطبات
انا فكرت ببيع جيبي الشاص واشتري شيول واشيل اي مطب والي عنده مطبات يدق علي بس
وفيه لوحه علئ فكره سبيل وصدقه جاريه بدال البلديه خخخخخخخخخخخخخ

على حد علمي أن هناك إجتماع دورري يجمع أمير المنطقه مع جميع المسؤلين

وأعلم أن كبار المسؤلين يزورون هذا المنتدى أو أقل حاجة يسمعون بما يطرح
يعني :

لو بغو التغييير عرفوا بس ما حولك أحد ..

لعله ياصل الكلام لسموه....

والله كلام في مكانه مع ان الشركات التي تقوم بهذه الحفريات والزفلته ليست مجانية بل يأخذون أضعاف ماتأخذه الشركات والمؤسسات في الدول الأخرى وحتى المجاورة ومع أخذهم هذه الأضعاف فالزفلته عشوائية مع أن الدولة أدامها الله وأعزها لم تقصر في دفع المبالغ الطائلة لهذه الشركات بل وجعلت عليهم مراقبين في البلدية والمصلحة يدفع لهم رواتب ولاكن لافائدة ولا نرى بصمات هؤلاء المراقبين مع أن أكثر هذه الشركات بيد أجانب من الجنسية المصرية والهنديه وغيرها والمتضرر في الأول والأخير المواااااااااااااااااااااطن فأين المسؤلين نعلم انه لامجيب ولاكن نفضفظ وهين

كلامك سليم

كلامك صحيح وشكرا ع النتبية

صح السانك يالذيب والله صادق كل شوي داخلين الورشات
المشكله معي اكسنت كل شوي جايته تحك بالارض من المطبات

يبون حب خشوم
وآختلاسآت ففتي ففتي
بعدين يفكرون يضبطون آموركم

الصايغ هو اللي ماسك كل هالشوارع والبركة بالمؤسسات الصغيرة تخرب في هذه الديار الله يهديهم ولا يهلكهم مثل مااهلكونا بعيشتنا

والله انك صادق بعذر السيارات اذاا خربت وتعطلت بلاه من الشوارع الزينه




دمتم بود

إن كآن يدري فتلك مصيبة ، وإن كآن لا يدري يخلف الله ...

جزاك الله خير و بإذن لله تجد آذان صاغيه من لدن سمه الكريم

كلام الاخ اللي بدى بهذا المشوار أو بمعنى أخر الموضوع صحيح عن معاناتنا من الطرق والشريكات التي تقوم بحفر ودفن وعدم تصليح الشارع على وضعة السابق بل من أسوى إلى أسوى ولاحضواحفريات الصائغ كيف تدمر الطرق ولكن لاحس لمن تنادي. لكن لو جينا لطريق القصيعة لوجدنا ان رئيس المركز رفض أن يكون مزدوج الطريق من تقاطع حويلان إلى القصيعة لكن رئيس حويلان جعل الطريق مزدوج إلى تقاطع اللسيب وعند سؤال رئيس مركز القصيعة عن أسباب عدم موافقتك على إكمال الشركة الطريق مزدوج حتى نهاية القصيعة قال ان هذا يسبب ضرر بالمواطنين . ياخوان كيف يكون هذا من رئيس مركز يبحث عن تطور قريته وهذا يوقف الشي الصالح لها فلو جيت قبل ثلاثة ايام بتاريخ 20/4/1431لوجدت شركة تضع قار في التشققات الموجودة بالطريق بالقصيعة بعتقاد رئيس المركز ان هذا كافي وانه قد عمل شي يفيد القصيعة لا خفيكم ان هذاالعمل تكرار لأعوام سابقة لتقفيل التشققات في الطريق ولو جيت ومريت على هذا الطريق من الممكن ان تخرج وتمشي بسيارتك على الرادمية ارحم لك من ان تمشي على الزفلت انا لا اعلم لماذا وضع رئيس مركز وهو لا فائده من وجوده لخدمة القرية وعندي سؤال له اتمنى ان يقرئه يا رئيس مركز القصيعة هل ذهبت لترى القرى المجاورة لك ماودي اقول البصر لان البصر اصبحة مدينة في رجالها وكيفية رؤيتهم لمصلحة الحي وتطويرة ولكن اقول انغر من جارتك قصدي اللسيب وهي تعد اصغر قرية كيف هي طرقها وإنارتها فأقول شكراً لك يا رئيس مركز اللسيب لإهتمامك في قريتك وبحثك عن ان تنهض بها لتسابق القرى المجاورة في التطور العمراني وتعبيد الطرق فيها (مع تحياتي للجميع الخاطف1)

قهر تشتري سيارة جديدة ببريدة .. شوراعه كلها حفر ومطبات عشوائية ..
ولو نبتل ننادي ماحد دري عنا ..

ياناس بالله هذي شوارع .. والله عيب عيب , فكروا شوي هذي شوارع ..!!!

اشكرك على هذا التنبية ...

ومن جد الشوارع تالفة .

كونوا بخير

أشكر لكم تواجدكم وإثرائكم القيّم للموضوع . .
كما لا أنسى الإدارة ووقفتها الكريمة مع هذا المشروع، فشكر الله لكم إدارة المنتدى . .

بقي الآن دور المسؤولين . .
ياترى هل من مجيب ؟ !

كلام صحيح القرى لادخلتها تشوف شوارعها تفتح النفس ارصيفة واينارة ومواقف للسيارات وحنا بعاصمة القصيم اغلب شوارعنا من زفلتت ماعمل لها ارصفة ولا عمل لها صيانة وعلى سبيل المثال طريق الهدية وطريق الوسيطىلهااكثرمن ثلاثين سنة لم يعمل لها ارصفة ولا صيانة

للأسف هذا الواقع ,,
الوضع مزري في واحده من أعرق مدن المملكه ,,
مع الشكر لكاتب الموضوع ,,

.........صدقت ........

شي ممتاز جدا الصراحه الله يعطيك العافيه................

شكرررررررررررررررررررررررررررررررررررا

شكراً لكم، ومداخلات طيّبة ..

جزاك الله خير


والله يكثر من امثاك

شكراً جزيلاً لكل المارين من هنا ..
بارككم المولى .

اهنيك على الموضوع الرائع . للرفع

وعلى مرورك الجميل .. هنئني !
شكراً لك . .

والله انكم صاصين عندكم حي الافق حالياً المسمى سابقاً{النقع الشرقي}
قسم بالله انه لو يحطون نفود ازين بمليون مره من الشوارع ذي وياليته على سذا الحفريات بكل مكان إذا انتهوا من الشغل يبيلهم سنه عشان يزينون الزفلت وش ذا الحاله ياناس موتري ماسلم منه هذاي معدلن جنوطي كله بسببهم حسبي الله عليهم لكن لا نقول إلا حسبنا الله

طويل العمر الحين بيفتح حديقه بعد فتره قريبه الي عند سوق الابل السابق الي عند المقبره عااااد يالله روحو شفو
كيف البلديه تشتغل الحين عشان تصلح بسسسس الشوارع الي بيمر فيها طويل العمر

كلام جميل

بمناسبة هذا الطرح


صورة رسمة من طفل بأحد المدارس

مشاء الله على الصوت والناس اللي يصلون مشاء الله يحضهم بس يالله يالله يالله

مشكووووووور

للرفع..
رفع الله شأن المخلصين :)

الضربه اللي تطعن القلب
إذا ضربت مطب من دون ماتشوفه

احسن شيئ
حط من الراتب جزء لتصليح السياره
وايضا جزء لعلاج ظهرك
هذا الحل
لقد اسمعت إذ ناديت حيا** ولاكن لاحياة لمن تنادي...

يا خوي والله ان المجامله كذابه صحيح
ولا يخفيكم دوار الهديه المشكله هي مدخل الهديه
والوسيطى يكثر فيه الحوادث خاصه عند النقطه هذي
وناهيك وشوله المواقف هذي الي ماله فايده الي امام السنيدي
للكفرات احرمو الي جاي من طريق الهديه يبي داخل بريده
لا تقول لف منهنا وتعال من هنا انا اقول فيه مصلحه