|
يناس وشي الرومنسيه
كما في العنوان وشي الرمنسيه الي مانعرفها انا زوجتي تقول انت منت رومنسي وانتم ياالشباب معدومي الرومنسيه هل هذاصحيح طيب من وين نتعلمها المدارس ما تعلمنا واهلنا عودونا علي كل شي عيب طيب ليش تلوموننا وانتم ياالحريم طول وقتكم قدام التلفزيون وهاالمسلسلات تبوننا زيهم حنا كل وقتنا ايام المراهقه تفحيط وكوره ويوم كبرنا وتزوجنا صار وقتنا كشتات وبران يعني ظبان صحراويه :d بالله عليكم من وين نكتسب الرمنسيه اذكر اول ماتزوجت طلعت مع زوجتي طلعه رمنسيه رحنا نور باالشوارع يوم دارت روسنا مريت مطعم خذيت حبه بخاري مع اثنين سفن ورحنا الدائري الشرقي :oo علي بالي طالع مع اخوياي زعلت المدام وانا احسبها زعلانه ليش جبت سفن ماجبت فيمتو :eek5 ياالله علمونا ودي اصير تمساح ناعم وكول :41 تحياتي للي يفهم كلامي !!!
|
اسبح بديزل يمكن اكشخ ..والله مادري وش يبن هالحريم
|
مو مهم تكون رومانسي.. أهم شي لسانك ما ينطق إلا بالزين.. يعني إبعد عن الكلام الغير لائق.. وتكون افضل من هالرومانس وزوجتك خلها تعلمك الرومانسية إذا ودها..! |
الرومنسية سهله بالليل قل لزوجتك أركبي واذا جت بتركب صك على رجلها الباب :d وأذا ركبت وأنتم تسولفون بالسيارة اصرخ باذنها بقووووووه بس خلك مسكر القزاز علشان يصير لصرختك صدى :d واي مطب صناعي لاتوقف عنده امشى بسرعة علشان رأسها يضرب سقف السيارة :d وأذا جت لفه لف بسسسسسرعه ولايصير الباب مقفل علشان تطيح ام العيال وتضحكون هذي الرومنسية :d لا وقل لها خوذي المنديل ارميه برا واذا طلعت يدها بترمي المنديل سكر شباك السيارة خله يصيد اصبعها :d واذا جاء وقت العشاء رح لبوفية بالخبيب واشترى لها بيض مسلوق :d وكثر الشطة :d والملح :d وبيض مقلي وكثر الفلفل الأسود وعصير الربيع علشان يصر العشاء كله حموضه :d :d وهي تشرب عصير الربيع اضغطها بقوه خلها تغص ويرشق بوجهها وبتقول ياحظي بهالزوج رومنسي بقوووووه :d واذا فتحت الباب وجت بتنزل للبيت ونزلت رجلها امش فجاءه علشان تجي عل وجهها :d وبتمووووووووووت من الضحك :d واذا رحتوا للبيت خذ بف باف ورشها علشان تضحك وتصكك بالشنطة :d واذا تجهزت ولبست بتروح عزيمه تعال وراها وصب عليها مويه :d وبتكركر وبتقول وه بس يا حظي بهالرومنسي :d بس انتبيه لايصير حولها قاروره عطر لأنها بتكسرها على جبهتك من اعجابها بهالحركة :d <====== فيه صعرور من قارورة عطر قوتشي :d هذي الرومنسية ماتبي لها شي تراها سهلة لاتصعبها أنا كل ذوي مجربهن على أم غسان ودايم تقول الله لايحرمني منك يارومنسي لأني اسوي هالأكشن ثلاث مرات بالأسبوع :d نصيحة اخو جرب الطريقة وبتدعي لي وبتقولك زوجتك الله لايحرمني منك يارومنسي ياملف علاقي وصور 6X4 :d وحياة ملؤها الرومنسيه ياحبيبي |
يرددونها !! ولايعرفون معناه!!
|
اقتباس:
|
الرومنسيه طبع وليست تطبع
|
كن حليما يارجــل وارتقي نحو الامل كن حنونا لاتكل ورحيما لاتمل كن كما الزهر العطر في التسامح والعذر كن كما ريح المطر في حديث كالدرر (ولكم في رسول الله آسوة حسنة) |
الاخلاق صدقني اهي الطريق للرومنسيه
|
بتكلم معك بجديه من غير إستهبال الرومانسيه إنه يكون عندك إحساس وتحس فيها من غير ماتقولك إنك تعرف وشلون تحب
وتقولها كلمات حب وغزل وتحسسها إن ملكه فيك ومعك وتحتفل معها في يوم ذكرى زواجك وتجيب لها هديه وحبذا لوكل بعد فتره تجيب لها ورد وإنت جاي من دوامك وكل يوم ترسل لها على جوالها أو إيميلها رسائل غراميه بهذه الطريقه أبصم لك إن زوجتك لن تحب ولن ترى سواك من الرجال تمنياتي لك بحياة رومانسيه |
أسمع وانا أخيّك ..العلم اللي يجمد على المناخر ...;)
شمعتين .. وعصير قهاااا <<بس منتب لاقيه بالسوق أظنه منقرض .. ولخستين .. متبوعات بغمزتين ..;) .. وسم بالله وأطف اللمبه .. والحمدالله . |
يااخي كلنا عشنا مثل حياتك
والرومنسيه موجوده فينا اساسا لكن يمنعنا الخجل وعدم اختيار الوقت المناسب لها ولازم تفرق شوي بين زوجتك واخوياك والله عندي كلام كثييييييييييير حيل لكن عجاااااااااز اكتب يكفي ماقلت واذا تبي زياده علمن |
عطه طراااااااق وتعلم الادب ولاقم قله اكنسي هذي الرومنسيه ولالاعصبت قم عليه ومد ايدك ونتف شوشته عاد عساه هي حاشمك لوبحلف تردد الكلمة ولاتتدري وش معناه حسبي الله على مهند حاس حريمنا ولاكل عمرهن تنح مايدرن وش السالفه ...! |
اقتباس:
أنصحك تقرأ سيرة النبي صلى الله عليه وسلم مع زوجاته |
إخوي أبوغســان ....بس بسأل وين عايش أنت؟! إخوي عرفت اشلون...ياخي كم عمرك؟ خساة إذا أنت فوق العشرين وهذا تفكيرك!!! حتى العصر الجاهلي ماقسو كل هالقسوة على حاريمهم!! وش مهند والخرابيــط ياخي مو كل من شاف تأثر!! ندري إن اللي بالمسلسلات مجرد تمثيل وإشباع رغبات على بالك إننا مع الخيل ياشقرا ياخي أجمل طرق الرومانسية تلقاها في سيرة الرسول عليه السلام وش تبي الزوجه غير الكلام الطيب وفلة الحجاج والوجه السفر وسمحة النفس كله شي بسيط وتملك زوجتك وتفرح قلبه وهي تشوفك العالم كلــه بهالمعامله الطيبه وبس تحسب الدعوى تقليد مسلسلات وغثى؟ لا ياخوي ماعليش انتم اللي أجبرتون أقول هالكلام |
الكلام الحلو طريقكــ، للرومانسية ،،،
|
الرومانسية في نظري أنا : أن يكون الزوج دمث الخلق , حسن المعشر , كريم النفس , طيب القلب , بشوشاً , يمتدح طبخ زوجته , يمتدح ذوقها , لايسبها ولا يسب أهلها ومن يعز عليها , يكون لسانه طيباً عفيفاً لاينطق إلّا خيراً
عندها سيكون في أقصى رومانسيته .. ولو ذهب بها إلى (نقرة نفود) أو (مخطط) فالرومانسية ليس لها مكان محدد كـ " المطاعم والملاهي والأسوق" كما يظن البعض وليست الرومانسية لها وقت محدد أيضاً ولا أكلاً وشرباً محدداً هذه الرومانسية باختصار (بنظري أنا) شكرا لكم |
الرومنسيه وجبة عشاء تاخذها من مطعم الرومنسيه وشكلك زوجتك متوحمه بهالوجبه رح للمطعم لايطلع ولدك حول والا بوجهه شامه خخخخخخخخخخخخخخخخخخخخخخهههههه
|
اقتباس:
أتفق معك فيما قلتي بس أبنبهك على شيء غفلتي عنه يمكن وهو / اقتباس:
كما حدث باليوم الوطني أصلحهم الله .. (h)(h) فيجب أن نقيم حفلات عندما نشتاق لتجديد .. ولا نحدد يوماً هكذا أحلى وأبعد عن الحرام والبدع :) أحبك في الله (f) |
شف لاصار الساعه2 بلليل جب كاس وحط به عصير وجب شلقة بردقانه وادعسه بالكــاس وقدمه لجوزتك الرومانصيه:d بعدين وش يبي ذا اللي يقول مهند ومامهند:confused: طــز بمهند واشكاله:( بتــششششش ميــر/ يحسبوننا منخرشين عليه:oo والله العظيم مادريت انه يقصد مهند هذا ماغيره اللي يسمى الاقشــر:i121 قصدي الأشقر>> على غير سنع مانتبهت الا من النبــض الميــت(h) الله يوفقك اخوي في حيــاتــن رومانصيتــن تخــررررش:d.{ |
الشكوى لله أبو طبيع مايخلي طبعه هذولا هم شباب ديرتنا وش نسوي |
^^^
هههههههههههههههه |
؛ أحسهآ مآتجي بريدآوي ورومآنسي :cool: كم كنت أتمنى ـآ أن يجعلوآ دورآت تدريبية للشبآب المقبل على الزوآج .. ويخلونهآ لزآمآ .. شبآبنآ إذا تزوجوآ قآموآ يسألون عن بعض ألأشيآء اللي من المفترض يعرفونهآ قبل يقدمون على الزوآج .. وترى المكتبآت مآقصرت عآمرة بهذه الكتب .. يكفيكم كتآب المبآركفوري .. ؛ |
جبله كليجاء مغلف وهذي الرومنسية
|
مع اني داري إنك مزودها شوي والشباب اللي يردون ودهم يثيرون الحريم مسوين أنفسهم جفسين والكلام حول الرومانسية يطول وألف فيها كتب ولها مواصفات يعني فيه شيء يظهر للقريبين وفيه شيء للأقرب وفيه شيء عند عيالك وفيه شيء خاص بينك وبينها وهي مجموعة تحت ( كل ما يحقق المتعة ويزيد من الاشتياق ويرسم الابتسامة ) اجعل لك رؤية مرتسمة على حياتك وهي أن تكون أنت الزوج الأفضل وأن زوجتك هي الأسعد بك مو على مستوى أهلك بل على مستوى العالم هنا تجد نفسك متذوقا طعم الحياة وتكون لها معنى |
اقتباس:
كوني متفائلة وترى الزوجة لها دور كبير في تغيير منهج زوجها أهم شيء تكون ذكية |
الرومنسيه اهم شي الكلام الحلو
|
اقتباس:
:113: |
ماشاء الله عليك....حلو انك تسأل......الومنسيه هي الحنان وعدم الانانيه والعطف مع الزوجه.....وطبعا في الرومنسيه انك مثلا تفاجئه بااشياء هي تحبه وتعزمه بمكان هادي وفجئه تحط لها ورقه وتقول اليوم عازمك وتجيب لها مره عطر مغلف ومره ورده ومره خاتم ذهب حسب قدرك الماديه والرسايل الحلوه لهادور فعال...........والشباب الي ردو عليك الله يسلمهم نماذج سبحان الله مايعرفون يتطورون ولايبحثون عن وناستهم لان اذا انبسطت زوجك يرجع لك تنبسط انت........على العموم الله يعين على الشباب السعودي مانبي منهم رومنسيه نبي بسس احترام للانسانه الي قدامه.
|
الرومانسيه..* فطره رائعه يهبها الله للبعض والبعض الاخر يكتسبها,هي اندماج روحين بجسد. بلسم لمن ينشدها ، ورونق رائع للحياة ..‘ تجبر المحب ان يرى الوجود بمنظار وردي... تكتمل اذا كانت لغتها مفهومه لدى الطرفين فلاتحتاج الى تكلف .. * يستطيع الزوج ان يجعل من حياته رومانسيه بلاحدود اذا كان بينه وبين زوجته حب وعاطفه،وتنعدم وتكون مجرده اذا انعدم الحب وقلت العاطفه.. الرومانسيه "فن يحتاج لاتقان... |
اقتباس:
تكــفين اجل وشي اللي يجي:confused: .رياضي>> او عشانه خكــري بس ooo1 والله ماتلقين مثل البريــداوييــن بس روحي نامي الله يصلحس بس:d |
كذا الر ومنسيـــه بس اهم شي الاخلاق [IMG]http://www.gmrup.com/gmrlive/gmrup12709302572.jpg[/IMG] [IMG]http://www.gmrup.com/gmrlive/gmrup12709302573.jpg[/IMG] [IMG]http://www.gmrup.com/gmrlive/gmrup12709302574.jpg[/IMG] [IMG]http://www.gmrup.com/gmrlive/gmrup12709302575.jpg[/IMG] [IMG]http://www.gmrup.com/gmrlive/gmrup12709302576.jpg[/IMG] [IMG]http://www.gmrup.com/gmrlive/gmrup12709302577.jpg[/IMG] [IMG]http://www.gmrup.com/gmrlive/gmrup12709302578.jpg[/IMG] [IMG]http://www.gmrup.com/gmrlive/gmrup12709302579.jpg[/IMG] هذا اكتــاب فيه طــرق رومنسيـــه احس انه قــديم بس تلقى بالمكتاب [IMG]http://www.gmrup.com/gmrlive/gmrup127093025710.gif[/IMG] يالله عــاد مانبــي الا دعـــواتك وزوج الصــالح لبنات المسلمين ولي :) : 12 |
الرومانسية هي الرومانسيــة !
|
ياخي ترا الحريم يسمعن بالرومانسية
بما انهن يشوفن التلفزيون وااخذو فكره غبية او ير صحيحة من الرومانسية تقريبا كل واحد عنده رومانسية اللي تسمونه ذي لاكن مهب لازم يصير نفس اللي بالتلفزيون ولا نفس شخص ثاني تختلف الطريقة وتختلف الفكرة |
البس بجامة حسين فهمي الحرير مع نعال حوايفهن ريش وتصير رومنسي .. :oo
|
[ IMG]http://www.r6r6r.net/up/upfiles/ABE38721.jpg[/IMG] http://www.r6r6r.net/up/upfiles/fFf38721.jpg http://www.r6r6r.net/up/upfiles/eHX38721.jpg http://www.r6r6r.net/up/upfiles/00z38721.jpg http://www.r6r6r.net/up/upfiles/Xo638721.jpg http://www.r6r6r.net/up/upfiles/EFC38721.jpg http://www.r6r6r.net/up/upfiles/Tr938908.jpg وخيرا http://www.r6r6r.net/up/upfiles/ObT38908.gif عـــااااد يــارب استفـــاااااد واللي استفاد ادعــولي:p |
أنواع التطنز من بعض الأعضاء :09: |
هههههههههههههههههههههه
الرومنصيه موب بورود الرومنصيه بالقلب والحب |
^^^ الكلمه الطيبه وطيب المعشر ويجب ان تكون المعامله متبادله اما من طرف واحد مستحيل الله يسخرك ويسخرلك ويرزقك الذريه الصالحه .. |
ياااااااعالم حنا قنوعين ولانحب الخسااااااير
مانبي هدايا ولاعشيات مطاعم ولا حتى ورد بس نبي فلة حجاج وابتسامه تشق الوجه بس نبيهم مبسوطين ويسولفون وشوله مكتمين وساكتين لادخلوا بيوتهم والاهي وراثة وبس ...... |
اقتباس:
ياشين الرجال اللي سذا تكرف وتزين وبالاخير وشوله كل ذا ولاالحب بالقلب وغيره تراكم قسم بالله شبيتو سبدي ياعمري ياحريمكم ولاهين انتم:i121 >>ترجعت ماتحب تعصب على احد لااحد يزعل من:) |
اقتباس:
ههههههههههههههههههــــــــ << ماتت ضحك |
اقتباس:
|
اقتباس:
|
اقتباس:
|
هناك كتاب جميل اسمه " استمتع بحياتك " للدكتور "محمد العريفي " أنصحك بقراءته فهو نافع للتعامل مع الزوجة أو غيرها من البشر .. :) |
اقتباس:
|
هههههههههههههههه الله يخلف بسس
تااركن لك الرومنصيه اجدعلووه الرومنصي قصدي البخاري :113: |
أنا أتوقع ان المسفهل جالس يدور المفتاح علشان يقفل الباب :09: |
اقتباس:
كيــــــــــــــــــــف الحــال:rolleyes:؟ |
د هناء
قلبتيه معنى شات بمعنى اخر! اصلاا غصب عليتس تردين من بعض الردود ههه لاتابعين الموضوع تراه تبي تنقهرين سلام |
|
اقتباس:
لا عاد حبيله شاطره انتي:) لاتغلطين على البريداويين;) عشان واحد مايستاهل:( ويالله عاد روحي نامي(h) وانا بنام لان وراي دواااااااااااااااااااااااام:S وسلميلي على اختــس(h). |
قال تعالى (( ولا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَّعْرُوفاً )) إنه لمن المؤسف أن نرى بعض النساء هنا يضاحكن الرجال وكأنهم من المحارم !! |
السلام عليكم ورحمة الله وبركاته تم إغلاق الموضوع لخروج البعض عن الذوق العام ونأمل من الجميع التقيد بشروط الموقع حتى لانظطر آسفين لإيقاف المعرفات. كما أننا نرجوا من الأخوات الاعتدال بالردود والاتزان والالتزام بظوابط الرد بين الجنسين. والسلام عليكم ورحمة الله وبركاته. |
| الساعة الآن +4: 05:09 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.